حينما علمت زوجة الوزير أنها أصبحت ضرة !!

كنت في إحدى الفصول أدرس الحصة الرابعة ـ بعد فسحة الفطور ـ
وحيث كان الفصل الذي أدرس به قريباً من مكتب المعلمات ، بدأ صوت زميلتنا (.....) يعلو بصورة غير مآلوفة ،
وأنساب صراخها عبر النافذة ، وهى تتلفظ باعلى صوتها وتشتم ، فحسبت أن مشاجرة قد وقعت بين الزميلات ،

واصل صديقي ح. ب. وهو يستحضر واقعة ظلت عالقة بذهنه حينما كان معلماً بالمرحلة المتوسطة ، بمدرسة حكومية في حي راق في وسط الخرطوم ،
وأستمر في سرد الواقعة المثيرة :

حرصاً منى على منع وصول الصوت للتلميذات لدوافع تربوية ، أضطررت لقطع الحصة
و لمعرفة ما جرى لزمليتنا (.....) وقد عرفت برزانة ووقار ـ

دلفت للمكتب لأجدها في حال أقرب للهيستريا ،
وقد تدلى ثوبها حتى كشف أكثر أجزاء جسمها وهى لا تشعر بذلك ،
وباقي الزميلات يحاولن بقدر المستطاع أن يهدأن من روعها ـ
وهى تصيح باعلى صوتها ، وتشتم أحدهم دون أن تذكر أسم ، وتكيل في الإتهامات له ـ
قليل الحياة ـ هو حياتي كلها أنا لو ما وقفت معاه كان بقى بني أدم
ما عرسني مقطع ومشلتت ،

أستبد بي الفضول لمعرفة ما حدث لزمليتنا (....) فنحيت أحدى الزميلات على زاوية المكتب ، وسألتها ـ الحاصل شنو يا (....)
فأجابت : الزولة دي تلقت قبل شوية خبر من قريبتها أنو زوجها تزوج عليها في الأيام الفاتت ـ هى أساساً كان عندها شكوك من فترة ، لكن خلاص الأن جاها الخبر اليقين

معقول ؟
دكتور (......) الوزير ؟
أيوا
هم ديل غير العرس عندهم شنو !!!
لعندى ما جاها هنا قبل شهر كدا ـ كان معاها سمن على عسل

المهم مديرة المدرسة صرفت الطالبات حرصاً على خصوصية زميتلنا زوجة الوزير المعروف

أحدى الزميلات رسلت فراشة المدرسة البقالة القريبة ، جابت ليها عصير لعله يعدل مزاجها العكر
وجلسنا جميعاً نبذل قصارى جهدنا أن نخفف عنها وطأة الخبر الصاعق ،
ونصور لها الأمر وكأنه امر عادي ، فالشرع حلل للرجل 4
ولكن أستمرت الزوجة المجروحة في شتم زوجها
وتوجيه السباب له بأقذع الألفاظ
تصدت لها إحداهن / الكلام دا ما صحيح منك ـ هو برضو أبو أولادك ومهما عمل
وقالت أخرى ـ راعي إنو هو مازال زوجك ومكانتو ما ساهلا و وزير ودكتور ما بصح تقولي فيه الكلام دا

فأنبرت لها الزوجة المكلومة ـ
دكتور ؟؟؟؟؟؟؟
قالت دكتور !!!!!!!!!!!!!!!!!!!!!!!!!!!!!!

أسألوني أنا زوجتو ـ والله دا ماعندو دكتوراة ـ دا كضاب ساي

توالى سيل الشتائم وكشف المستور
الذي كان أقله ـ
أن سعادة الوزير طلع مزور شهادة الدكتوراة
من شهد ضده !!!
السيدة الفضلى زوجته .

علماً بأنه وزير ولائي ، وأحد صقور الحركة الإسلامية

ودقي يا مزيقا

عبر الفيس بوك كتب الأخ يوسف محمد

Quote: وانكشف المستور .... ودقى يا مزيكا.............الله الله على الجد .... وبعدين.

وبعدين !!!!

وبعدين إنو الوزير طلع مزور شهادة

لا يا أستاذة ، ما يصحش كده ،،، ده مهما كان وزير وليهو مكانتو وعندهم ترخيص بمثنى وثلاث ورباع .

Quote: لا يا أستاذة ، ما يصحش كده ،،، ده مهما كان وزير وليهو مكانتو وعندهم ترخيص بمثنى وثلاث ورباع .

والله يا ولياب أسع بقى ليهم شئ عادي ، وشئ عرفي ، وشئ مسيار ، وشئ متعة وشئ كمان رفقة سفر

Quote: [Qأن سعادة الوزير طلع مزور شهادة الدكتوراة

ياااااااااا ود البصير أمانه ماااااا اتلومت معاي ياخ !!!!
يعني لو كلمتني ما كان الحاجة دي جِبتها زرزرت سعادة
الوزير في ( عمارة وضح النهار ) عديييييل كِده!

بعد دا بلحِّقه ليك ... وكان مغالطني أعمل ليك زياره عصريه
كِده للعمارة المذكورة ؟!؟!

كُل المودة

Quote: ياااااااااا ود البصير أمانه ماااااا اتلومت معاي ياخ !!!! يعني لو كلمتني ما كان الحاجة دي جِبتها زرزرت سعادة الوزير في ( عمارة وضح النهار ) عديييييل كِده! بعد دا بلحِّقه ليك ... وكان مغالطني أعمل ليك زياره عصريه كِده للعمارة المذكورة ؟!؟! كُل المودة

ود المكي ربنا يديك العافية أأأأخوي

أووووووك ديل العمارة خليها ساي

ديك كلاما براهو
قالوا عرفي فقط ، وكمان طالبات جامعات وبس
وشهر العسل ماليزيا ـ عشان كدا قريبا من المطار

ولا موهيييك