Post: #1
Title: موضوع تجديد الجواز السوداني
Author: نادر
Date: 04-15-2014, 09:27 AM
قمت بتجديد جوازات أسرتي ولازال المتبقي لانتهاء صلاحيتها 4 أشهر، فلم تتم إضافة هذه المدة لفترة التجديد الجديدة!
والواحد ما عايز يغلط ويطلق أحكام بدون ما يعرف
هل هناك مانع (قانوني أو إجرائي أو فني أوغيره) يحول دون إضافة الفترة المتبقية (4 أشهر) في الجواز
إلى فترة التجديد الجديدة لتصبح سنتين و4 أشهر في حالة جوازات أسرتي؟
أم أن الأمر محض هبتة من وزارة الداخلية ممثلة في إدارة الجوازات؟
علماً أن هذه المدة ــ الأربعة أشهر ـــ دفع المواطن رسومها غير منقوصةً، بالتالي إما إضافتها أو استعادة قيمتها أو خصمها من الرسوم الجديدة.
هل من إفادة من زملاء المنبر الضباط أو الموظفين في الجوازات
مع خالص تحياتي
|
Post: #2
Title: Re: موضوع تجديد الجواز السوداني
Author: مجدي امدرمان
Date: 04-15-2014, 11:02 AM
Parent: #1
والله يااخ نادر برضوا لحسوني في شهرين قبل كده !! سألت البيعمل القصة ليه اتماسخ ليك معاي وسمعته فارغة ومشيت ولي هسه ماعارف السبب .
|
Post: #3
Title: Re: موضوع تجديد الجواز السوداني
Author: ناصر حسين محمد
Date: 04-15-2014, 11:17 AM
Parent: #2
وانا ادوني من عندهم حوالي اربعة اشهر او تزيد
جددت بعد الانتهاء باربعة اشهر وتم بتاريخ التجديد وليس بتاريخ انتهاء الجواز
|
Post: #4
Title: Re: موضوع تجديد الجواز السوداني
Author: محمد عبد الماجد الصايم
Date: 04-15-2014, 11:25 AM
Parent: #3
الخرخرة فوق كم يا عمكـ ^_^
التجديد بتم دائما بتاريخ التجديد .. يعني لو جبت الجواز منتهي
سنة كاملة ح يتجدد تلاتة سنين بقيمة (سنتين) .. وكــدا!!
|
Post: #5
Title: Re: موضوع تجديد الجواز السوداني
Author: dardiri satti
Date: 04-15-2014, 11:33 AM
Parent: #4
Quote: علماً أن هذه المدة ــ الأربعة أشهر ـــ دفع المواطن رسومها غير منقوصةً، بالتالي إما إضافتها أو استعادة قيمتها أو خصمها من الرسوم الجديدة.
|
ياخوي كلامك منطقي
ودا حق ما بيحتاج لأي نقاش منك .
مفروض ناس الجوازات هم اللي يبادروا .
طبعاً دا لو كنت في دولة قانون ودولة حقوق.
يعني ناس الجوازات مادقسوا.
الدولة السودانية السنية ،
طوال ناريخها ،
شاطرة بس في ظلم المواطنين.
تحياتي
|
Post: #6
Title: Re: موضوع تجديد الجواز السوداني
Author: Ahmed Ageeb
Date: 04-15-2014, 11:55 AM
Parent: #5
سلام ... بتحصل حصلت معاي عكس كلامك في الخدمة الوطنية الباطقة منتهية ليها سنتين لما جددتها لم تحسب السنتين .
عندي سؤال عن الجواز الالكتروني هل يتم تجديده في السفارة.
تقبلوا تحياتي ........................
|
Post: #8
Title: Re: موضوع تجديد الجواز السوداني
Author: aosman
Date: 04-15-2014, 12:08 PM
Parent: #1
الأخ نادر
في السعودية تجديد الإقامة يتم من تاريخ إنتهاء الإقامة وليس من تاريخ التجديد, يتعني لو طلبت تجديد الإقامة لمدة عام والإقامة سارية المفعول لمدة شهرين تضاف السنة إلي الشهرين فتصير أربعة عشر شهرا وهذا هو المنطق. زمان عندما كنت أدرس في تركيا كان يوجد قنصل طبق نفس النظام, يعني التجديد كان يضاف إلي نهاية تاريخ إنتهاء الجواز وليس إلي تاريخ التجديد
|
Post: #9
Title: Re: موضوع تجديد الجواز السوداني
Author: نور الدين عثمان
Date: 04-15-2014, 12:58 PM
Parent: #8
الادهى والامر بيطلبوا كتابة تاريخ الانتهاء عند تعبئة الفورم والواضح انهم لاينظروا فيه ..
وكل البيعملو الموظف كتابة تاريخ اليوم عند بداية عمل كل يوم ويواصل طباعة على كل الجوازات ..
بنفس التاريخ دون تعديل وده اسمه كسل بس للاسف ..
واكيد اى نقد يسيسوه وتوضع فى جانب معارضة الحكومة ...
انا عن نفسى ونصيحة ليكم سيبوا الجواز يطوف وما تجدد الا للشديد القوى ..
تحياتى
|
|