الدراما السودانيه تفتقد الجديد ..بتاعين سرقة من النت.. فيديو نموذج

فوائد الزوجة النكديه



من يعتقد ان الزوجة النكدية ليس لها فوائد فهو مخطئ
للزوجة النكدية فوائد كثيرة ومن أهمها:



تجعل لسان الزوج رطب بذكر الله





طول اليوم قاعد يدعي حسبي الله ونعم الوكيل






تساعد الزوج على غض البصر لأنه سوف يكره صنف الحريم



تساعد الزوج على صلة الرحم
لأنه على طول هربان عند أمه




تساعد الزوج على أن يحافظ على وزنه ورشاقة جسمه
لأنه دائما ً نفسه مسدودة عن الأكل



واخيرا تجعل من زوجها رجلاً عظيماً
فبسبب قرفه وزهجه منها ، سوف يقضي وقتا ً أطول في العمل
مما يجعله إنسانا ً ناجحاً في عمله ويحقق المثل القائل:
"وراء كل رجل عظيم إمرأة"

المصدر: منتديات مدني نت

الكلام ده اتكتب فب منتديات وادمدني نت منذ 2010/9/9 شايفو اليومين مدور في الواتساب عند الخليجيين

لست بناقد فني بل ملاحظاتي للدراما السودانيه في الفترة الاخيره لاتوجد انحصرت الاعمال الترفيهيه في النكات والاسكتشات الصغيره اما مكرره أو يستعين ناس تاكل عيشك بالنت وكتابات الاخرين علي الاسافير في قبض العداد
لا توجد مجهودات شخصية في العمل حتي برنامج الشروق مرت من هنا محمد موسي افلس وبقي متابع النت.
الواتساب افرغ تلك المجموعات الفكاهيه من اعمالها باغراق الناس بالنكات وهم شغالين ((كوبي ... لصق))

لا حرج في ذلك

اخد الفكرة و قدمها بطريقته الخاصة وهذا نوع من الابداع .
اضاف الكتير للنص بالاداء المميز


ازيك

Quote: لا حرج في ذلك اخد الفكرة و قدمها بطريقته الخاصة وهذا نوع من الابداع . اضاف الكتير للنص بالاداء المميز ازيك

حبيبنا فيصل سلام وتحية
الابداع لغويا هو الاختراع علي غير مثال سبق.
والمبدع هو المنشيء أو المخترع أو المحدث لحدث لم يسبقه عليه انسان ... و ل أنا غلطان.
كمان قوقلت ليك : في القرآن الكريم، وردت الكلمة كما في "بديع السماوات والأرض"، أي خالقها على غير مثال سبق.
الشغل البنشوف فيهو في الاجهزة الاعلاميه شغل استكرات واستهبال ويا حليل ناس الفاضل سعيد والرعيل الاول من المسرحيين
هنا لا يوجد ابداع ولا تطوير للفكرة ناس بتشيل الحاجات بي ضبانتها وتمشي تسترزق بيها
الحركه المسرحيه والعمل الترفيهي فقدت المبدعيين والموهوبيين بالسودان ولا جديد يذكر
حتي فرقة الاصدقاء اتفرتقت وبعض الاعضاء يعملون مع النظام الشمولي وفق مخططهم مثل ود الفادني وغيره ببرنامج مسرح علي الهواء الذي ايضا تم سرقة فكرته من المبدع ابن مدني المسرحي عزالدين كوجاك والدراما السودانية شغالة استنساخ ممل للمشاهد وتكرار.
تحياتي وتقديري

يا ود الدسيس كيفنك

فعلاً ناس الكوميديا السودانية لازم يجيبوا ليهم حاجة جديدة كان دايرين يأكلوا عيش، ده لو في عيش زاتو ياكلو..

فديو المرأة النكدية ده غايتو أنا بالنسبة لي إلا يجيبوا لي ضحاكة عشان أضحك فيهو

اخونا ناذر الخليفة عندو بوست سابق عن نكات الواتساب وانها صعبت الموضوع علي ناس الكوميديا..

Quote: يا ود الدسيس كيفنك فعلاً ناس الكوميديا السودانية لازم يجيبوا ليهم حاجة جديدة كان دايرين يأكلوا عيش، ده لو في عيش زاتو ياكلو.. فديو المرأة النكدية ده غايتو أنا بالنسبة لي إلا يجيبوا لي ضحاكة عشان أضحك فيهو اخونا ناذر الخليفة عندو بوست سابق عن نكات الواتساب وانها صعبت الموضوع علي ناس الكوميديا..

سيف اليزل سلام يا حبيبنا
ممكن احنا السودانيين ما تضحكنا وخاصة معشر الرجال
بس الخليجيين بتاعين فارغه وطرفة المرأة تهمهم شديد عشان كده حايمين بيها بالجوالات
ومن الاشياء العاجباهم ايضا شغل الفيديو بتاع ((كل زول بي زوجة بتاعو الا أنا ما عندي مرأة ليه كده ليه كده))
وبيني وبينك هي مسالة بتاعت ابتسامه او ونسه وليس ضحك تقول شنو ناس اكل عيش بقو اقابضو في النت والحلقه في التلفزيونات البقت كثيره بي شيء من القروش معايش
تحياتي وتقديري يا وجيه