فيديوهات سودانيه علي يوتيوب يندي لها الجبين خجلا (توجد نماذج)...

قمة التبرج والتعري والسفور
ماذا حل بنا حتي هانت علينا كل القيم والاعراف الجميله
خصوصيات الاسر اصبحت تتناقل بين الناس علي الواتس اب
كل شي صغر او كبر يشاهده الاف الناس علي يوتيوب......

قبل فتره ذهبت الي مناسبة زواج احد الاصدقاء في صالة فخيمه وكان التنويه الابرز (فضلا يمنع التصوير )
ولكن الغريب في الامر ان كاميرات جوالات اغلب المدعوين لم تتوقف عن التصوير لحظة واحده...

موجود ومن زمان... بس كان سمع... هسة بقي متلفز صوت وصورة .....

Mohd Ibrahim
تحياتي
ابدا ما كنا كدا
كنا ستارين عروض بقيمنا وعاداتنا الجميله السمحه

الاخ صاحب البوست تحياتي وسلامي الامر يرجع للاستخدام السئ للتكنلوجيا اصبحنا نصور كل شئ بحسن نية ونرسله بحسن نية للبعض ويقوم البعض بتوثيقة ورفعة لليوتيوب بكل سوء نية
وحينها يصبح ملجأ لكل مقزز من تعليق يسئ للسودانيين ولبناتنا ولسودانيتنا ووصفنا باقزغ الالفاظ
اتمنى ان لا تقوم بادراج بوست من اليوتيوب للنماذج التي ذكرت حتى لا تساهم في انتشار ماهو قبيح اكثر مما هو منتشر

Quote: الاخ صاحب البوست تحياتي وسلامي الامر يرجع للاستخدام السئ للتكنلوجيا اصبحنا نصور كل شئ بحسن نية ونرسله بحسن نية للبعض ويقوم البعض بتوثيقة ورفعة لليوتيوب بكل سوء نية وحينها يصبح ملجأ لكل مقزز من تعليق يسئ للسودانيين ولبناتنا ولسودانيتنا ووصفنا باقزغ الالفاظ اتمنى ان لا تقوم بادراج بوست من اليوتيوب للنماذج التي ذكرت حتى لا تساهم في انتشار ماهو قبيح اكثر مما هو منتشر

عبد الله شم
تحياتي
اظن ان الامر قد تخطي حواجز التصوير بحسن نيه الان
الي تصوير معد له مسبقا

كثير من هذه الفيديوهات التي صورت في غفله سببت احراجا كببرا لكثير من الاسر والبيوت
الامنه جعلتهم في موقفا حرجا بعد ان تناقل الالاف صورهم وفيديوهاتم الخاصة ذات الاطار الاسري....

كثير من هذه الفيديوهات صورت ونشرت عن قصد ورغبه واضحه في النشر لقتل قيمه الفضيله والاخلاق واشاعة الفاحشه...

غايتو مرة قريبى فى عرس بت خالتو من بداية الحفلة قال على الطلاق البشوفو يصور لو بقت امى الا اخبت بيها الواطة.
العروس جات وناس ماعارفين الموضوع: رقد بى الاول وكفت ليهو واحدة
يا فلان كدى اقيف!

قال بلاش سعلقة وقلت ادب وحرم بعد دا الا اشرط
.....
بالجد لمن تشوف صور ناس تقول جات من وين؟

حاجة تانية:
فى ناس بصورو حاجات اسرية خاصة والموبايل يروح. واللييييييييييييييييييييييييييييييلة
كل زول يبقى واعى
أرقد عافية

Abu Baker Ahmed Abdel Rahman
تحياتي

Quote: غايتو مرة قريبى فى عرس بت خالتو من بداية الحفلة قال على الطلاق البشوفو يصور لو بقت امى الا اخبت بيها الواطة. العروس جات وناس ماعارفين الموضوع: رقد بى الاول وكفت ليهو واحدة

يصعب جدا الكنترول والسيطره علي المناسبات الخاصة عندنا في السودان
ربنا يستر بس

Quote: حاجة تانية: فى ناس بصورو حاجات اسرية خاصة والموبايل يروح. واللييييييييييييييييييييييييييييييلة كل زول يبقى واعى

ودي طبعا طامه اخري كلنا يحتفظ بصور وفيديوهات خاصة علي ذاكرة الموبايل وخاصة ان الهواتف الذكيه الجديده مشجعه جدا لهذا الامر
وكثيرا ما نتركها بالساعات في محلات الصيانه والبرمجه
وهي ايضا عرضه للسرقه والفقدان بما فيها

استفحل الامر واصبح مهددا واضحا ولن يفيد دفن الرؤس في الرمال شيئا....
يجب ان تكون هنالك اطروحات من المختصين لوضع محاذير واضحه لهذه المشكله وملاحقة كل من اسهم في تصوير او تنزيل مواد فاضحه