نتيجــة الإستفتــاء- كيف يكون إنطباعك .......

ود الباوقة
حتى لو لم تنتمي له
فانت محل احترامنا وتقديرنا
===================
نعمات عماد
يا أخوانا صحوا أخوكم من الكابوس ده !
===========================

طيب يا شباب
قرأت مداخلات قيمـة جدا، واخرى دون ذلك، ولكن كان لا بد من ان اخرج بنموذجين
وطبعا اسبعدت السفهـاء وتعليقاتهم
نتيجــة الإستفتاء، وبعد دراسـة كل التعليقات، هى تميـــز الأخت نعمات عمــاد، والاخ ود الباوقـة
وبعض الخوة الاخرين
نعمات وود الباوقـة هم السياسيين فى هـذا المنبر.. وهناك أخوة يجب إستثناؤهم أيضا كعقلاء وسياسيون ايضا، ،
منهم الاخ نور الدين منان والاخ عمر عبد الله عمر

السياسـة اساسا هى إدارة الناس.. راسمالك الناس، كل الناس.. يعنى مواطن عنده صوت إنتخابى، فإن السياسى
الحقيقى يسعى له.. يرحب به إذا قدم، وينزعج إذا خسـره، (وهذا ما فعله ود الباوقة ونعمات) والسياسى الفاشل، دع عنك مدعى السياسـة، هو من يقول هه خلوه يمشى هو اساسا منهم؟ من الجانبين من يقول مثل هـذا
عبارة هو اساسا منهم تعنى ان المعارضـة فى نظر هـذا الشخص هى عمل أبدى.. وان السودانيين إختلفوا الى الابد
وإن المعارضـة ستكون الى الابد والكيزان سيحكمون الى الابد
وأمر اخر، وأهم.. فإن نعمات وود الباوقة لهما إستراتيجية وخطـة وهدف..
الهدف هو ان يتوحـد السودانيون حسب ما يطرحه أو يحلم به كل طرف منهما
لذلك كل منهما يريد ان يبقى افراده داخل البوتقـة، ويحاول إستقطاب اخرين.. هذه هى السياســة - امسك ناسك ثم زيدهم
ما يحدث فى البورد لا علاقـة له بالسياسـة.. حتى من ممثلى الاحزاب وغيرها.. كلها سخائم نفوس وخمج وتزجيـة فراغ

ادينا نبذة صغيرة عن ابو الريش عشان نقدر نحدد الانطباع؟

Quote: ادينا نبذة صغيرة عن ابو الريش عشان نقدر نحدد الانطباع؟

النبـذة جاهـزة لكن أديها لمنو قلت لى؟

نتشرف يا ابوالريش

Quote: إنطباعى أنا سأكتبه في النهايــة.

ننتظر لنهاية الخيط
عشان نشوف ابو الريش مؤيد المؤتمر الوطني في أية جزئية
ومن ثم ...............................
في إطار إحترام الرأي والرأي الآخر

ممكن تقرا تحول احد الاخوان الجمهورين الي الاخوان المسلمون (:

حتى لو لم تنتمي له

فانت محل احترامنا وتقديرنا

شكــرا لكل الأخوة المتداخلين..

رجاء بالله عليكم المساعـدة بعبارة مختصــرة ومباشـــرة.

إعدام الاستاذ حق.


السنجك

بصاحبو طوالي عشان يطلع لي عربية استثمارية بس

انت كيف يا أمحمد اخوى؟

اردم يا ابو الريش

اردم

ههههههههه

Quote: كيف يكون إنطباعك لو قرأت ان ابو الريش أعلن تأييده للمؤتمر الوطنى؟

منظرك بكون زي الزول اليومداك قال ماشي امدرمان البوستة من امبده و ما عندو حق المواصلات
قلت ليهو برفعك معي في الكارو بتاعي، انا ماشي السوق الشعبي، لمن وصلنا ود البشير لقى دفار واقف في الركن،
قام نزل من الكارو و قال ماشي يحنك مع الكمساري بتاع الدفار، قلت ليهو الدفار ده بشبه بتاع الالزامية، ركب
راسو و مشى عليهو، قام لقى واحد لابس ملكي في باب الدفار و قال ليهو: يا عمك اخوك مكنب و ما شغال و ما عندي
تشديرة حق الركابات، قال ليهو اتفضل طوالي و ما عندك اي مشكلة يا فرده، انقر الدفار ما طلع الزامية جد جد!!!!!

ف شنو، انا بتذكر بيك عمك داك، ليهو سنين صامد و في النهاية مشى ليهم بكرعينو، كان الله في عونو ما يكون اتلحس في الجنوب.




،،،،،،،،

Quote: رجاء بالله عليكم المساعـدة بعبارة مختصــرة ومباشـــرة.

اردم

انتهز هذه الفرصة للتعبير عن امتناني للأخ أبو الريش لاتاحته لنا هذه الفرصة للتعبير عن اطباعتنا في حال لو أنه أعلن تأييده للمؤتمر الوطني
- أعلم أخ ابو الريش أن انضمامك للمؤتمر الوطني أو انضمام المؤتمر الوطني اليك على الأرجح لن يستثير أي غدة من الغدد المفرزة للانطباعات عندنا.

بالمختصر معناه نفسك بقت فطيسة وقبضت شى من مال الشعب الغلبان اللى اسمه السودان .

لن أصدق مثل هذا القول وسيكون عندي من باب المهاترات المنبرية ورمي الناس بمسميات وصفات محاولة في إقصائهم واسكاتهم

من ناحية أخرى أعلم مما يكتبه أبو ريش في هذا الموقع أنه عضو "وطني" وغيور على وطنه وتراب بلده"

وبعض الناس لديها حوص مفاهيمي وخلل ادراكي يختلط الأمر لديهم بين الوطنية الصادقة والإنتماء الحزبي لحزب حاكم في الوطن

حتى صارت محاربة الوطن والتأليب عليه والفرح لما يصيبه من جراح عندهم من أهم أدوات النضال

فلا تهتم ولا تبتئس من أمثال هؤلاء


أبو ريش معروف عنه أنّه حر في أرائه حتى في وسط الإنتماء لطائفة الجمهوريين

بصراحه كدا و من غير زعل

ما بفتكر إنو المؤتمر الوطني حا يستفيد حاجة من أنضمامك ليهو

و لا أظن أنو الجهة المتخارج منها حتخسر حاجة

دا غايتو إنطباعي

الا كل شيء ماخلا الله باطل. وكل نعيم لا محالة زائل
وكل أناس سوف تدخل بينهم دويهية تصفر منها الانامل

Quote: كيف يكون إنطباعك لو قرأت ان ابو الريش أعلن تأييده للمؤتمر الوطنى؟

وانت يعني ما مؤتمر وطني ؟؟؟؟؟؟؟؟

Quote: وانت يعني ما مؤتمر وطني ؟؟؟؟؟؟؟؟

والله يا ابو الدفاع خطفتها من كيبوردي.

بصراحة ما بستغرب و لا بندهش

نسمع زيادة

زي دخلة الحمام بتريح البطن وتعفن الدورة
جر السايفون معاك

يا أخوانا صحوا أخوكم من الكابوس ده !

وما العيب في ذلك؟
وليه أصلا تعمل استفتا؟
نتمنى لك إقامة طيبة بينهم ،
وأنت تقدم الخير لمن حولك،

موقف متوقع الانتهازية مرض عام وسريع العدوة

نسمــع زيادة كمان

سبحان مقلب القلوب! ألهم ثبت قلبي على الإيمان!

انطباع شنو؟

انت مش قلت بترد على المداخلات الموضوعية فقط؟

بقيت بتاع انطباعات؟ ... امشي يا زول اتكوزن كوزنتك سااااي ...

عليك يسهّل وعلينا يمهّل ...

(وود الشريف يرد على المداخلات الإنصرافية فقط!)






... المهم ....

صراحة يا أبا الريش أنا مستغرب من جمهوريتك إبتداءً
___
لكن المؤتمر الوطني ما كتير عليك ;)

مشكورين جميعا للاستجابة والتعليق،

وبرضـو نسمـع زيادة.. وسيكون تعليقى في نهايـة البوست..

فوق للمزيد من الإطلاع.

فى زملاء مهمين بعضهم جاء والبعض الاخــر لســـه

لذلك نرفع البوست

سلام يا ابوالريش و سلامات لضيوفك

حقيقة ترددت كثيراً في ابداء رأيي، لكن في النهاية قلت لنفسي قلها و توكل طالما انت بنفسك طلبت ذلك، فأرجو ان يتسع صدرك لكل الآراء
انا لن اندهش اطلاقاً لو قرأت ان ابو الريش أعلن تأييده للمؤتمر الوطنى، بل اتوقع ذلك
خاصة و انني لاحظت في الفترة الاخيرة حربك الشرسة ضد المعارضة و سعيك المتواصل لتصيد اخطائها وفي الجانب الآخر
جانب الحكومة لا نسمع لك طحيناً، و كأن الانقاذيون هم الملائكة المنزلون، في وقت نحن - كمعارضة - اشد حوجة للتماسك
و الوحدة في وجه عدو واحد انت تعرف جيداً ماذا فعل بأهلنا ووطننا و كرامتنا، يعني بصراحة ميلان ميزانك واضح و لا تخطئه
عين نظرها نص نص

رأيك الذي ستكتبه في النهاية لا يهمني كثيراً لأنه زي مابقولو اهلنا كل شاةً معلقة من عصبتها و في النهاية انت حر لتختار من تكن

الصاوى،
سلام.

ياخ ولا يهمك ورأيك على العين والرأس، وسوف اعلق على كل الآراء..

سلام أخى ابوالريش
إذا بقيت وفيا لروح شهيد الفكر الاستاذ محمود محمد طه نستمر فى تقديرنا لك...
وإذا انقلبت على مبدئك فلا نقول غير: أن النضال لن يتوقف وسيستمر بدونك ضد أعداء الفكر الإنسانى... فللناس فيما يذهبون مذاهب...ونتمنى ان تكون فى الجانب الذى يرضى ضميرك ولا يعذبك وشكرا...

الأخوة الكرام..

الرجاء ملاحظـة ان صاحب البوست يسأل عن إنطباع الناس بعـد سماع انه اعلن تاييده للوطنى.. (وليس نصائح هل يؤيـد أم لا)

المهم أن تكون دخلت عن قناعة وتماشي مع فكرك وفهمك..
وأن تتاكد ان المؤتمر الوطني هدفه خدمة السودان الوطن الحبيب..
فإن لم تجد ذلك فاخرج بمحل ما دخلت...

المهم أن تكون دخلت عن قناعة وتماشي مع فكرك وفهمك..
ما تبقي زي ناس كدي .. دخلوا
واتراسوا واتمكنوا ولففوا العمم والبدل ..
وهم (سجم رمادهم ما عارفنوا في المؤتمر الوطني)..
وأن تتاكد ان المؤتمر الوطني هدفه خدمة السودان الوطن الحبيب..
فإن لم تجد ذلك فاخرج بمحل ما دخلت...

انا حا قول ابو الريش لقي عضة كويسة من ناس المؤتمر الوطني

ومين هو ابو الريش حتي يثير انطباعات بدخوله او خروجه من حزب او كيان ؟؟؟

الزول دا لو لقي ليهو زول جراهو الضل بيكون احسن ليهو..

قمت تاني لبوستات جنون العظمة ؟

ومالو نحترم خيارك والمؤتمر الوطني يفرق شنو من جوطة الاحزاب السودانية الاخرى كله على شاكلة بعض

مودتي

الرحــــال

الأخوة الكتبوا أخيـرا..

شكـرا على الاستجابة وإبداء الراى..

ونسمـع زيادة.

يا زول المؤتمر الوطني والمعارضة وجهين لعملة واحده .....

نفس الطباع والسلوك والممارسات دون برامج ومنهج -- والهدف لعبة الكراسي .....

شكـرا يا احمدونـا،

ونسمـع زيادة.. وفى نهايـة اليوم إن شاء الله سيكون تعليقى.

طالما نؤمن بالديمقراطية وحرية الراي ومع مع معرفتنا ان المؤتمر الوطني لا يؤمن بالديمقراطية ولا يقبل بالاخر الا اننا لا نملك الا ان نحترم خيارك الذي الممكن ان تكون وصلت اليه نتيجة تفكير ... لذلك انطباعي هو ان لك كامل الحرية في ان تختار وفق ما تشاء ... واذا كانت المسؤلية جماعية نتيجة لما اغترفه الحزب في حق السودانيين من انتهاك لحقوقهم فسينطبق ما عليهم عليك وعندئذ ايضا لا نملك الا نصفق للعدالة عندما تقتص منك.

ود الباوقة
حتى لو لم تنتمي له
فانت محل احترامنا وتقديرنا
===================
نعمات عماد
يا أخوانا صحوا أخوكم من الكابوس ده !
===========================

طيب يا شباب
قرأت مداخلات قيمـة جدا، واخرى دون ذلك، ولكن كان لا بد من ان اخرج بنموذجين
وطبعا اسبعدت السفهـاء وتعليقاتهم
نتيجــة الإستفتاء، وبعد دراسـة كل التعليقات، هى تميـــز الأخت نعمات عمــاد، والاخ ود الباوقـة
وبعض الخوة الاخرين
نعمات وود الباوقـة هم السياسيين فى هـذا المنبر.. وهناك أخوة يجب إستثناؤهم أيضا كعقلاء وسياسيون ايضا، ،
منهم الاخ نور الدين منان والاخ عمر عبد الله عمر

السياسـة اساسا هى إدارة الناس.. راسمالك الناس، كل الناس.. يعنى مواطن عنده صوت إنتخابى، فإن السياسى
الحقيقى يسعى له.. يرحب به إذا قدم، وينزعج إذا خسـره، (وهذا ما فعله ود الباوقة ونعمات) والسياسى الفاشل، دع عنك مدعى السياسـة، هو من يقول هه خلوه يمشى هو اساسا منهم؟ من الجانبين من يقول مثل هـذا
عبارة هو اساسا منهم تعنى ان المعارضـة فى نظر هـذا الشخص هى عمل أبدى.. وان السودانيين إختلفوا الى الابد
وإن المعارضـة ستكون الى الابد والكيزان سيحكمون الى الابد
وأمر اخر، وأهم.. فإن نعمات وود الباوقة لهما إستراتيجية وخطـة وهدف..
الهدف هو ان يتوحـد السودانيون حسب ما يطرحه أو يحلم به كل طرف منهما
لذلك كل منهما يريد ان يبقى افراده داخل البوتقـة، ويحاول إستقطاب اخرين.. هذه هى السياســة - امسك ناسك ثم زيدهم
ما يحدث فى البورد لا علاقـة له بالسياسـة.. حتى من ممثلى الاحزاب وغيرها.. كلها سخائم نفوس وخمج وتزجيـة فراغ

Quote: كلها سخائم نفوس وخمج وتزجيـة فراغ

المنبر جميل ورائع وهادف،
واصبحت تحل محل مجالس الناس والإستماع أو قراءة أفكارهم من خلال آرائهم وما ينقلونه،
الناس مقصود بها كل الأمة بكل طوائفها وبكل تشعباتها الفكرية................
المنبر رائع وجميل لو جعلت هدفك أخروي.
فرصة ومكانة لتبيق جزء من آية " وذكر فإن الذكرى تنفع المؤمنون"
من كان هدفه هو التطبيل لحزبه فسيمل من المنبر بمجرد وصول حزبه لما يصبو إليه،
أو بمجرد زوال حسبه.
تقول الحكمة:
ابدأ وعينك على النهاية.
فحيث ما وصل المرء نهاية هدفه مل وتوقف عن المزيد،
وسنظل نتنقل بإذن الله بين الأسافير حتى النهاية أو حتى توقف الآلة والتكنلوجيا، أيما أول.
لذلك أنصح الأعضاء بجعل هدفهم الأسمى هو الآخرة،
فمتى ما حلت الآخرة فبلا شك سيقف عن المزيد.
أذكر: المنبر جميل ورائع وهادف، لمن بعد هدفه و سما مطلبه.
تحياتي وتقديري.

ستكون أوانئذٍ جديراً بإحتقارٍ
أكبر مما هـم فيه من إحتقار.

Quote: المنبر جميل ورائع وهادف، لمن بعد هدفه و سما مطلبه.

لا بد من الهدف وسمـو المطلب..

ونحن نتحدث عن الجانب السياسى في المنبر، وليس كل جوانب الحياة التي نتاقش في المنبر وهى اكثر من رائعـة:

الحين قل لى في النقاشات (السياسيــة)، هنا، كم هي نسبـة الذين لهم أهداف ومطالب سامية، بصرف النظر عن المبدأ الذى تنطلق منه؟

Quote: ونحن نتحدث عن الجانب السياسى في المنبر، وليس كل جوانب الحياة التي نتاقش في المنبر

المنبر - بحسب راييي :
هو كل مكان أستطيع أن أقول من خلاله رأيي، وأشاركه الآخرين وأشاركهم آرائي حول مواضيعهم وىرائهم،
السياسة: هي فقط طريقة التعامل مع الأحداث.
يعني هي مخرجات التعامل مع الساحة الإجتماعية والإقتصادية والثقافية.
وجميعها - بلا شك - فاشل إن انفصلت عن ميزان الدين الإسلامي.
تقديري واحترامي

سلام وتحية

إنطباعي انو الحرامية و المنافقين و الفشلة زادوا واحــد

Quote: إنطباعي انو الحرامية و المنافقين و الفشلة زادوا واحــد

محمد درار،
سلام

عارف يا محمد زمان، زمن الإنجليـز، السياسيين يخطبوا ويؤلبوا الجماهير ضــد الإستعمار.. وكان في فقهـاء قاعدين في نهايـة الندوة.. وتعليقاتهم كلها على لغـة المتحدث:

هـه عاين جـر الفاعل!! ........... هاى رفع المضاف اليه....

كسياسى عليك ان تعمل على عدم زيادة المنافقين، بدل تحتفل بها....... هـذه هي رسالـة هـذا البوست.. عليك بمداخلـة الأخت أعلاه..

أستاذ ابوريش

تحية و أحترام

بعد أن أفقت أنا من الوهمة الفرحانة التى اصابتنى اثر قراءتى لرأى استاذ كبير

مثل ابوريش فى كلماتى المتواضعة .و كمان بعد ود الباوقة الخلوق الانسان...!

و الله تشرفت برأيك لدرجة ح يتعلق فى برواز حقيفى .

اشيد بروحك الرياضية و كرمك مع زوار البوست

لست سياسية ولكنك صدقت فى مسألة حلم السودانيين كلهم بأن يعيشوا فى سلام

الاستفتاء كان استراحة مرحة , فشكرا لكم .

تقديرى

sorry

فيصل

ولماذا التأسف يا سيـدى..

الرأي إما ان يكون خطأ أو صواب.. وفى كلا الحالتين فهو ليس مدعاة للأسف أبدا.

شكـرا يا نعمات، وابقى عشـــرة على أخوانك دائما.. والوصيـة زاتها لود الباوقـة..

عبارتك كانت دليل إخلاص وحب الخير للناس.. الزول لو فقـد حيوان يكون حزين، خلى لو فقـد زول.

إنتو الإتنين، القاسـم المشترك بيناتكم كان التجرد والبراءة من الحقـد والضغينـة.

الأخ ابو الريش

تحياتي

و ازج التهاني القلبية بمناسبة إنتهاء الإستفتاء

و بعد

أرجو أن لا تبخل علينا بتعريف موضوعي للموضوعية و ماهي المقاييس التي يمكن أن نحدد بها المداخلة الموضوعية من غير الموضوعية

و هل يمكن تعريف المداخلة الموضوعية بأنها المداخلة التي يرد عليها ابو الريش؟

و لك شكري

الأخ الفاضل حافظ،

سؤالك هـذا مهم وهو (موضوعى) جدا.. ولكنه لأنه (موضوع جديد) فسوف افرد له بوستا مستقلا، وسأدلو بدلوى ولا أدعى الإحاطة، ونناقشه ونفيد ونستفيـد.

أبوالريش
أنت كجمهوري، والجمهوريون معرفون بالحجة والمنطق، ماذا قدمت للفكرة حتى تكسبها أفرا د جدد؟
ولماذا تننتظر الناس يكسبوك، وليه انت ما تكسب لناس، ولما تصف الناس بالسفهاء هل بذلك تكسبهم، ولّ إنت ما سياسي؟
ما إحترامي لشخصك يا أبا الريش، لكن أنت لم تستفد من الجمهوريين أي شيء ظاهر. الجمهوريون يقودون الرأي.
إنتمائك للجمهوريين إن لم يمنعك من الإنضمام للمؤتمر الوطني،ما أظن في سياسي آخر مناهض لهم يستطيع أن يكسبك، عشان كده انت ما شايف مداخلة إيجابية غير مداخلة ود الباوقة، صاحب المنفعة في الإنضمام ;)
___
يا أبا الريش حقيقة تدهشني جمهوريتك وسيكون أمر إنضمامك للمؤتمر الوطني أمر عادي زي ما إنضم الشفيع ورجاغ..

Quote: أنت كجمهوري، والجمهوريون معرفون بالحجة والمنطق، ماذا قدمت للفكرة حتى تكسبها أفرا د جدد؟

تكتب بثقــة في نفسك يحســدك عليها العارفــون.

Quote: تكتب بثقــة في نفسك يحســدك عليها العارفــون.

الحديث ليس عني، وإنما عنك مقارنة بالجمهوريين الذين يكتبون في هذا المنبر..
___
ما تتضايّق ساكت يا أبا الريش، براك فتحت بوست وسألت الناس رأيهم، فها نحن نلبي طلبك ;)