رسالة قصيرة الى صحيفة الأهرام المصرية ومن يقف خلفها !!

رسالة قصيرة الى صحيفة الأهرام المصرية ومن يقف خلفها !!


04-12-2014, 09:14 PM


  » http://sudaneseonline.com/cgi-bin/sdb/2bb.cgi?seq=msg&board=460&msg=1397333660&rn=0

Post: #1
Title: رسالة قصيرة الى صحيفة الأهرام المصرية ومن يقف خلفها !!
Author: Hisham Amin
Date: 04-12-2014, 09:14 PM

السياسة فى العالم ان كُنْتُمْ لا تعلمون
تحتكم الى مصلحة الدولة العليا ومصلحة السودان ان
كُنْتُمْ لا تعلمون مع سد النهضة الإثيوبي الجديد بعيدا عنكم
وعن غدركم (يا ولاد بمبة) ونصيحتى لكم ان لا تصدقوا ما يقال
اننا شعب واحد وان العلاقات تاريخية بينتا ، فلا نحن بشعب واحد
ولا في يوم تنمينا ان تكون علاقاتنا معكم تاريخية وازليه.
Post: #2
Title: Re: رسالة قصيرة الى صحيفة الأهرام المصرية ومن يقف خلفها !!
Author: Hisham Amin
Date: 04-12-2014, 09:39 PM
Parent: #1

بالمناسبة فى زول رسل لى القصة


and#58386;and#58386;and#58386;and#58386;and#58386; and#58377; :

الشايقي والمصريين

قصة واقعية على لسان صاحبها

الشايقي يقول :-

مشيت القاهرة عايز أعرس لي مصرية سميحة ..فتشت علي بنت
حتى دلوني على واحدة يحبها قلبك ، مشيت لبيتهم
وزرتها وانا شايل كيس يوسف أفندي
( خطفوه أولادهم ) من يدي

جلست مع ابوها وقلت ليهو شروطك شنو يا حاج!
قال: ابدا بس عوزينك تبني شقة غرفتين بسطح العمارة
بتاعتنا دي (عمارة مهلهلة وقديمة ومنتهية ) تكون لك انت و هيام

و اذا سافرت أنت وهيه عالسودان ممكن نأجرها
طبعآ انا متفق معاهم وبجيهم في البيت كتير

قلت الموضوع بسيط واتفقنا وكلمت مقاول وبدآ بالشغل والبناء
رجعت للسودان وكنت متعود اسافر في العطلة
وصادف في اليوم داك إني أسافر ليهم أيام الشغل !

ركبت من مطار الخرطوم ووصلت مطار القاهرة وركبت تكسي..ولما وصلت جنب بيتهم ونزلت لقيت عجوز. شحادة في الشارع وكانت تعرفني من كثر التردد عليهم

قالت لي : انت رجعت يا فالح !
قلت ليها: وصلت هسه
قالت لي: خطيبتك فوق مع قوزها لسا واصل من الجيش
....قلت في نفسي دقسوك المصريين مرتك.. طلعت متزوجة
أديت العجوز 200 جنيه وقلت ليها ماتقولي انك شفتيني

ومشيت للفندق واتصلت عليهم على اني بكلمهم من السودان وقلت ليهم الليلة بكون عندكم
وفعلآ جيت عندهم وكنت طبيعي
وهيام تتكشم و تتبسم فرحانه وتقدم لي في العصير

قلت لأبوها: والله يا ابو النسب انا عندي ليك فكرة حتأكلك العسل
قال: اوول بسرعة وحياتك يأبو النسب
قلت ليهو: رايك شنو بدل ما ابني ليكم شقة
نهد العمارة ونبني عمارة ثلاثة. أدوار.. ست شقق
وتكون شقة لي ووحده ليكم ونأجر الباقي
قال لي: يا ابني حتكلفك كتير واحنا نروح فين

قلت ليهم: انا بتححمل التكاليف وانتو ح استأجر ليكم
شقة مفروشة لحد ما يخلصوا
قال: اتكل على الله

واتفقت مع مقاول ويوم شفت الحفاره
بدأت تهد الاساس ركبت تكسي ومشيت للمطار
لأنو طيارتي بعد ساعة

ويوم وصلت السودان اتصلت على ابوها بعد
ما إتأكدت أنو العمارة أنهدت كلها
وقلت ليهو... خلي راجل هيام الشغال يكمل ليكم العمارة !

إذا أنتوا مصريين أنا شايقي) !

and#128569;and#128569;and#128569;and#128569;and#128569;and#128569;and#128569;and#128569;

أول مرة بحياتي .. تعجبني النذالة
هههههههههههه.
Post: #3
Title: Re: رسالة قصيرة الى صحيفة الأهرام المصرية ومن يقف خلفها !!
Author: cantona_1
Date: 04-12-2014, 09:47 PM
Parent: #2


ينصر دين الشايقي دا ويديهو العافية مطرح ما يقبِّل.
بالله الشايقي دا مش خِلِص لكل السودانيين حقهم من المصريين؟
عافي منك وعفارم عليك يا السنجك. وآهي النذالة كدا ولا بلاش.
تحياتي

كبـّاشي الصـّـافي
(العوج راي والعديل راي) .
Post: #4
Title: Re: رسالة قصيرة الى صحيفة الأهرام المصرية ومن يقف خلفها !!
Author: cantona_1
Date: 04-12-2014, 09:54 PM
Parent: #1


يا هشام أمين سلام
دول حبايبنا أبناء النيل (لاحظ أنا غرباوي) .. دول نحن وهم أخوات!!!
يعني إيه ياخدوا حلفا وحلايب وشلاتين وأبو رماد.. ممكن نديهم كردفان والجزيرة كمان..
المهم يكونوا مبسوطين مننا 24 قيراط ..
شعب طموحه 24 قيراط ونحن نديهم حلفا كلها .. ولسع طمعانين في شلاتين وحلايب.. إنتو عارفين ال24 قيراط بتساوي فدان واحد. القيراط طبعاً 175 متر مربع.
تحياتي

كبـّاشي الصـّـافي
(العوج راي والعديل راي) .
Post: #5
Title: Re: رسالة قصيرة الى صحيفة الأهرام المصرية ومن يقف خلفها !!
Author: ياسر منصور عثمان
Date: 04-13-2014, 06:36 AM
Parent: #1

على المصريين ان يعلموا ان عهد الاستعباط والاستكراد ولى ..

حتى لو قبلت الانظمة ...