حرف ( الواو ) انا شايفه بيفرق !

حرف الواو انا شايفه بيفرق !
لما تشيل الواو من زول وتبقي حياتو كلها ذل ,,
تفرق !!
مش الواو في الزول تفرق ؟ لما يعيش في وطنه ب ذل ؟
تفرق !!
لما يهان الزول في وطنه ,, يضوق الشعب الذل في بلده
بتفرق !! بتفرق لما الزول يضوق الذل في بلده ,, بتفرق !!
(الزول .. الذل ) زيادة الواو في الزول ,, مش برضو بتفرق ؟!!
,,,
لما الوعد ينتهي بالجوع ,, ويقعد شعبك يبتدي بالعد ,,
عشان نظامك يفوت بالجد ,,
مش برضو سحب الواو في الوعد هنا تفرق ؟
يصبح ( وعد .. عد ) عدم الواو في ( عد ) هنا تفرق !!
,,,,
لما تجع جع كل يوم للشعب ,, وتجوع شعبك جوع في جوع ,,
وتشرد شعبك من الجوع !!
مش برضو وجود الواو هنا يفرق ؟
( تجع جع ,, تجوع جوع ) بفرق وجود الواو في ( الجوع ) بيفرق !!
مش قلته حرف الواو .. هنا بيفرق ؟
بت علي

قصيدة حلوة وكمان لو شلنا الواو من عواطف بتبقى عاطف يعني من بت لولد .. شفتي الواو بتاع اسمك مهم كيف؟
تحياتي

كبـّاشي الصـّـافي
(العوج راي والعديل راي) .

والله فعلا .. لما تشيل الواو من عواطف وتصبح عواطف عاطف تفرق !!!

يا مدموزيل عواطف سلام
هل سمعت قصيدة النقطة بتفرق .. بس نفس قصيدتك لكن بتتكلم عن حذف أو إضافة النقطة في حروف كتيرة. الباء، الحاء – الخاء – الجيم- النون- الياء- الطاء – الظاء – الثاء – التاء – الزين – الراء – الذال – الدال – الصاد – الضاد – العين – الغين-
تحياتي

كبـّاشي الصـّـافي
(العوج راي والعديل راي) .

عواطف،
سلام..

تفرق... لما الشيوعى يبقى شيعى !! والحوار مع الإنقاذ يبقالو حــار... بتفرق

بتفرق لما بورســودان تكون بر الســودان، ولما زولا من سكوت لازم يسكت.. برضو بتفرق

وحين تكون دار فور دار فـر، والحكومـة فاقدة الحكمــة.. برضو بتفرق

تشــوف السمحــة، وقبال تفتح خشمك تتذكر الحلــة وتسكت.. برضو بتفرق

عيب المنبر دا مافيهو ايقونة لايك

علي العموم أعجبني وبشدة
يا عواطف


خالص الود

تسلم ياسر ’’ مشكوووووور بي حرارة ’’
لك تحياتي واحترامي

سمعتة بي نقطة بتفرق ,, بل حيل ,,
واعجبته بالقصيدة بشكل لا يتصوره العقل ,,
ولذا كان ردي بقصيدة حرف الواو ,,
مثل تلك المجارة في الشعر محببه عند الشعراء ’’
وايضا قصيدة نضال الحاج عند ما قالت قصيدتها الرائعة ( انا بكرهك ) ردت عليها شاعرة اخري بقصيدة علي نفس الفكرة ( ما بكرهك ) تنفي صفة الكراهية واستبدلتها بعدم الكراهية ( ما بكرهك )
وايضا رد عليها شاعر اخر من اليمن بقصيدة علي نفس الفكرة ’’ هكذا الشعراء يتبادلون الافكار فيما بينهم ,,
وكل يظهر براعته في الكتابة بالرغم من الفكرة المشتركة ’’
لك تحياتي واحترامي

لك تحياتي واحترامي

اخي CANTONA

زعلان ليه ؟؟ هههههههههههه
الشعراء معروفين يتبادلون الافكار فيما بينهم ,, عااادي جدا ,,
اظنك ما سمعته بي شاعرة لا اتذكر اسمها ,, لان ذاكرتي تخونني احيانا ,, كتبت قصيدة ( ما بكرهك ) التي كانت اصل الفكرة للشاعرة نضال الحاج ,,
( انا بكرهك )
وكانت الكلمات في منتهي الروعة للشاعرة التي اخذت الفكرة من الشاعرة ( نضال الحاج )
كانت نفس الفكرة فقط استبدلتها بي ( ما بكرهك ) بدلا من ,,
( انا بكرهك )
وكانت كلمات في غاية الروعة ,, وايضا نفس الفكرة اعجب بها شاعر يمني ,, ورد علي نضال بنفس الفكرة وكانت كلماته في غاية الجمال ,,
تبادل الافكار شيء محبب جدا عند الشعراء ,,
معظم الشعراء هكذا ,, يتبادلون الافكار ويتبارزون في اختيار الكلمات كل علي حسب مهارته ,, _ في اختيار المفردات _
( انظر الي النصف المليء من الكأس )
لك التحايا والاحترام ,,

الأستاذة عواطف سلام
ما زعلان ولا حاجة معجب بالشعر ولكن زعلان من نفسي .. عشان الشعر دا الحاجة الوحيدة الغلبتني التقول سواقة قطر.
تحياتي

كبـّاشي الصـّـافي
(العوج راي والعديل راي) .

هههههههههههههههههه زعلان من نفسك ؟
كتابة الشعر ليس سواقة قطر ,, وانما سواقة مفردات ,,
تعلم كيف تسوق الكلمة وتوظفة لكي تخدم قضية معينة في صحن أدبي جميل ,,

( تعال مرة تانية ,, ما تبقي دي زيارتك الاولي والاخيرة )

تحياتي واحترامي ’’