ارشيف: أول بوست لى فى منبر ســودانى مارس 1997 - توجد صورة

حينها لم تكن اللغة العربيـة جزء من الويندوز.. لذلك كنا نكتب بالإنجليـزى.. وكنت عضوا في منبرين (قائمتين).. الأول كان في جامعـة أيمـورى وكان (وما زال) يديره الدكتور عبد المنعم يونس الله يطراه بالخيـر أينما وجد.
وكان من ضمن الزملاء الأستاذة سعــاد تاج السـر (زميلتنا هنا).. وعبد الله الفاضل. والمهندس أبوبكر سيـد احمد... لا تسعف الذاكرة.
هـذه صــورة أول بوست لى على الإنترنت، وبعدها كانت نقاشات كثيرة حول أوضاع السودان.. وكنت احمل لواء محاربـة الطائفيـة (وما زلت)..

.
.
.
التحيه والقومه ليك يا ابو الريش

.
.
.
.
.

سلام يا Abureesh ....

Quote: حينها لم تكن اللغة العربيـة جزء من الويندوز..

كلامك ده فيهو شئ ما مفهوم، لأنو اللغة العربية كانت موجودة في الويندوز قبل ويندوز 95، وأظن إسمه ويندوز 3.4 إذا ما خانتني الذاكرة.

الصورة الرافعها دي صورة ورقة مطبوعة بآلة كاتبة، فهل تقصد بوست منشور على منبر غير إفتراضي (مش على الإنترنيت)؟

Quote: حينها لم تكن اللغة العربيـة جزء من الويندوز.. [

Quote: كلامك ده فيهو شئ ما مفهوم، لأنو اللغة العربية كانت موجودة في الويندوز قبل ويندوز 95، وأظن إسمه ويندوز 3.4 إذا ما خانتني الذاكرة. الصورة الرافعها دي صورة ورقة مطبوعة بآلة كاتبة، فهل تقصد بوست منشور على منبر غير إفتراضي (مش على الإنترنيت)؟ [

الأخ ابوالريش
سلام
اللغـة العربيـة لم تكن جزءا من الوندوس، لاحظ العبارة وانا أختار عباراتى بدقـة، ولقـد كانت هناك Arabic Extension، وهو برنامج تشتريه من شركة كان اسمها العالم، مقرها الكويت، وكان البرنامج يدمج مع الوندوس
وتستطيع بعد ذلك إستعمال العربية من داخل وندوس، وكان البرنامج غالى حوالى 250 دولار، إشتريته لتحرير جريـدة الرأي الاخر في تكساس التي أسسها الأستاذ محمود أمين ثم سرق الإسـم بوساطة جريـدة تصدر في السودان.
وبعـد حرب الخليج ولجوء المبرمجين الى أمريكا، او السعودية (لا أدرى بالضبط) تعاقدت معهما (كانا إثنين)، تعاقدت معهما شركـة مايكروسوفت وأخذتهم الى مقرها، وجعلت اللغة العربيـة مدمجــة مع الوندوز.. وبعـد تحرير
الكويت رفعت شركـة العالم قضيـة ضـد مايكروسوفت وطالبت بإعادة المبرمجين، ولكن تم التوافق خارج المحكمة..


أرجو ان يكون في هـــذا شيء مفهـوم..

ثم:

كيف تجزم أن ما نشرته مطبوع على الورقـة؟ الم يكن من الأنسب ان تســأل أولا، الا تعلم ان خطوط الكمبيوتر فيها خط الالة الكاتبة؟ خصوصا كان المنبر في ذلك الوقت في Bulletin Board?1 وهل تتذكر
خطوط البوليتين بورد؟

المهم يا سيــدى الورقـة المطبوعـة هـذه من الكمبيوتر، ولم تطبع على الكمبيوتر أيضا، وإنما من موقع جامعـة أيمورى، ولا زال الإرشيف هناك موجوداً.. ولست بحاجـة لتزييف وثائق وليس من طبعى ذلك.
ولعلمك فإن الأخت سعــاد تاج الســر، وهى عضـوة معنا هنــا، هي التي كانت أول من رحب بى، وسأورد ردها على هـذا البوست مطبوع بذات الخط، وطبعته انا في حينه.

المهم العفو والعافيـة يا زول، وعندك أجر الإجتهـاد.

الأخ الكريم بشيـر حسن بشيــر،

شكرا يا ملك وأنت الأفضل

Quote: المهم يا سيــدى الورقـة المطبوعـة هـذه من الكمبيوتر، ولم تطبع على الكمبيوتر أيضا، وإنما من موقع جامعـة أيمورى، ولا زال الإرشيف هناك موجوداً.. ولست بحاجـة لتزييف وثائق وليس من طبعى ذلك.

لا حولااااااا .... ياخ ده كلام شنو؟
أصلاً حكاية تزييف دي ما خطرت على بالي ...... ليه كده؟

كل الحكاية وأنا بقرا في عبارة إنو (اللغة العربية لم تكن جزءاً من ويندوز) إتذكرت في الإصدرات الأولى منه (تذكرت الآن الإصدار كان 3.1) الأيقونة الإسمها (رايت) وكان فيها إمكانية الكتابة بالعربية.

لذلك سؤالي كان إستفساري وإذا فهمت إني أتهمك بالتزييف، أعتذر وأنا نادم على مداخلتي غير المفهومة بالنسبة لك.

ولا يهمك يا أبا الريش،

لم أقل ذلك، ولكن غيرك يفهـم وإنت عارف حال المنبر براك... واردت التبيين إستباقــاً.. وما كان عليك ان تعتذر.. ولو انا نشرت مقال مروس بعنوان إيميل
فهـذا أكيد ليس بريـد عادى والناس ستفهم وربما معهم الحق إن لم يعرفوا الشخص الناشر..

بالنسبـة للوندوز 3.1 كان اخر إصدار قبل 95، وكان بالإنجليزى، ثم عينوا المبرمجين الكويتيين وأضافوا العربيـة.. وقبل ذلك كانت شركـة في بوستن وكيلة شركـة العالم كانت توزع البرنامج
المذكور وحين تثبته فعلا تظهر الأيقونـة على أي برنامج طباعى مثل نوتباد أو وورد.. أعتقـد الشركـة الكويتية في مقرها في بوستن أيضا كانت توزع نسخة كاملة لوندوز داعمة للعربيـة، وكانت شركات
عربيـة وافراد يشترون تلك النسخـة من وندوز 3.1

أقدم من الكسرة في المنابـر يا ابو الريش ولم تستفد مثقال بعــرة ،،،

هسع ردك على ابو العزائم دا رد زول قاعد في بنابر الحوار من قبال يلدو جاستن بيبر ؟!









ابو الريش جاااااااتك

Quote: هسع ردك على ابو العزائم دا رد زول قاعد في بنابر الحوار من قبال يلدو جاستن بيبر ؟!

حيدر،
سلام..

ممكن تشرح الكلام دا قاصـد بيه شنو، وردى المفروض يكون كيف.. عشان ما اظلمك أو أظلم نفس,

وشكراً

وعليكم السلام ابو الريش

Quote: ممكن تشرح الكلام دا قاصـد بيه شنو

قصدي انه ردك من البداية ما كان موفق .. ورد بيض جداً لا يتوافق مع كونك انك اقدم من الكسرة في النت ..

Quote: وردى المفروض يكون كيف..

انه انت كزول راستا في المنابر السودانيـة مفروض تكون استفدت من الخبرة الطويلة دي وما تكون دايما في موقف دفاعي وموقف ان الاخرون لا يفهمون وانك المنقطة والمسطرها الخ الخ الخ..
يعني المداخلة طبيعية يكون الرد طبيعي ووفق ادب حوار ونقاش طبيعي ولا يدفعك للتشكيك في الاهداف والسبب من مداخلة الاخر والا ما كان في داعي الواحد يقرا المداخلتين الاخيرات ديل.. أن شاء الله فاهمني ؟
فاهمني يا ابو الريش ؟

Quote: عشان ما اظلمك أو أظلم نفس,

الواحد ما بيظلم نفسو الا بالتكبر والتأنف والتصعيّر..لكن عليك الله في منبر كتابة تاني شن بيظلمو ؟؟؟


ان شاء الله اجبتك؟

قوائم بريدية و ليست منبر أو منتدى بالمعنى المعروف اليوم .

Quote: فاهمني يا ابو الريش ؟

لا وحياتك، ولأنك ما دغرى، وتتكلم بألغاز.. وانت إنتبهت لدى عشان كدا داير تعرف انا فهمت واللا لا.

قول العايز تقوله بصـورة واضحـة.. ردى على ابوالريش كيف كان ما مناسب، والمناسب بنظرك يكون كيف؟ ومن متين إنت تورى الناس يتكلموا كيف؟ وهل تعرف ان الاخ الفاضل ابوالعزائم اعرفه
من الدوحـة، والتقينا وجهـا لوجـه، وتحادثنا، والبيناتا عامرة؟ ولا اشك في مقصـده؟ محمد أبو العزائم لو كتب هنا ما تعتبره انت إتهامات وشتائم فلا يكون عندى اى شك في أنه لا يقصـده.. رأيك شنو؟
مديدتك الحارة دى حوم بيها بعيــد.. ما بتنفع هنا.. و انا كتبت عبارة التزوير عشان أقطع امثالك المتربصين.

هسى في ناس كانوا بس فاتحين خشومهم ومتمنيين تكون تزوير، فلما يئسوا جو يكتبوا كلام مخجل وظاهرة فيه علامات الهزيمـة والإنكســار... موش إنت براك..
.. وطبعا مثلك لا يفهـم معنى إنو يكون عندك مبدأ لا تحيـد عنه.. عشان كدا تقول انا ما إتغيرت من الزمن القديم. سيب المقال دا غيرك يقيموه.. وقيموه فعلاً..

بعدين راستــا هذه كلمة من كلمتين إثيوبيات.. راس تفارى.. فكيف تقول إنى راستــا؟ برضو وضح دى وخليك بسيط ومباشـر. وأهو زى ما شايف انا لا ارد من اول خاطر أو فهم، لذلك قبل الرد استفسـر من المتحدث،
لأن أول رأى يكون عرضـة للخطأ في اغلب الأحيان.

Quote: بعدين راستــا هذه كلمة من كلمتين إثيوبيات.. راس تفارى.. فكيف تقول إنى راستــا؟برضو وضح دى وخليك بسيط ومباشـر.

وريتنا الهجص لكن ... ههههههههههههههههههههههههههههههههه

اسمعني كيف ما فهمت وزانا اختصرت ليك فوق.. انه 1- ردك كان بيض جداً .
2- كان رد دفاعي مبني على فهم موسس وكان يجب ان يخلو ردك من الدفاع عن اتهامات فطيرة لا مكان لها الا في راسك الهووس ..

يقي الجمل البسيطة دي ما فاهمها وتاني عاوز تشبكني رد ووريني وما ادراك... غلطان انا الجيت داخل بوستك دا انبهك وارفع من مستوى تعاطيك وحوارك مع التانيين.

غلطان والله شوف تاني اليوريك...

Quote: غلطان والله شوف تاني اليوريك...

ياخ دى مشكلـة كبيـرة.. الحيورينى ويدرسنى منو تانى...

Quote: الحيورينى ويدرسنى منو تانى.

يعني بإختصار فهمتني ..!!!



أخيــــراً ..


ما مشكلة لي قدام بتجي باقي الدروس :)

Quote: يعني بإختصار فهمتني ..!!!

انا فهمت جملتك المحددة التي نصصتها ثم رددت عليها.. ياخ ما تقرأ... الفهم دا عرفناه قســــم.

أما حديثك فما زال يحتاج لشجاعـة منك وتوضيحـه..

Quote: كيف تجزم أن ما نشرته مطبوع على الورقـة؟

ابو الريش

سلام

إنت طوالي اخدت موقف دفاعي ما مبرر بالنسبة لي كقارئ (ولم أفهم إنو ابو الريش التاني اتهمك بالتزوير)، الصورة الفوق دي أنا أجزم إنها ورقة مطبوعة (كصورة مش كبوست حسب نظري الضعيف)، بعدين إنت كاتبها قبل 17 سنة بالتمام والكمال، والتقنيات دي ما معروفة بالنسبة للكتيرين.

الراجل ندمتو على سؤاله؟

غايتو يا ناس التسعينات طلعتوا صعبين خلاس

Quote: غايتو يا ناس التسعينات طلعتوا صعبين خلاس

يصدق يا الصادق
انا برضو كنت في البورض هذا عام 97 و كانت عبر الايميل علي ما اعتقد.

لكن يا ابو الريش و كأنك لست انت في ردودك اليوم او بقيت في موقف دفاعي خالص و لا تحتاج الي ذلك.
المهم شكرا انك كنت تحتفظ بهذه الاشياء كل هذه السنين.

تتذكر يا ابو الريش في زول كان عمل بوست بتمني فيهو انو الشغلانة تتطور و يمكننا ان نكتب جميعا بالعربي في المنتدي؟
و هل تذكر ردود افعال الاعضاء حول مقترحه ذلك؟
انا غايتو بتذكر ردي ليهو كان شنو!

و بتذكر برضو كان في موضوع مسخن حول سؤال "نحن السودانيين سود او لا" و قد احتدم النقاش الي مقامات عليا فكانت ان ردت واحدة من الاعضاء في ما معناه حتي لو تم تصنيفها سوداء برضو بتكون في
Category of Special Blacks

Quote: الراجل ندمتو على سؤاله؟

الصادق،
سلام وشكرا على المداخلة..

يا اخوانا باللاى المدايد الحارة دى ختوها واطـاة.. وإنت بنفسك وصفت الأخ ابوالريش انه رجل.. طيب خليه ياخ.. ونحن رجل قصاد رجل، خلينا نتفاهم نتشاكل نتضارب نتصالح..

وهو بالمناسبـة لم يندم على سؤاله الذى هو ليس مدعاة للندم اساســاً، وإنما شعر انى فهمته خطأ فأراد بكرمه ان يتنازل عن حقه في الســؤال والتعبير.. أقرأ المداخلات كويس.. وشوف تعبيره كان كيف.

أتارى الماشكل في البورد تبدأ بحاجات زى دى.

Quote: الصورة الفوق دي أنا أجزم إنها ورقة مطبوعة (كصورة مش كبوست حسب نظري الضعيف)،

لو نظرك ضعيف تجزم مالك؟ ما تقول اظن أو أعتقد او حاجـة زى دى.. بعدين عايز تقول شنو؟ وضح مقصـدك

سلامات
هل فعلا" الصورة المرفقة دى ما صورة ورقة؟!
لأنو فى كرفسة وفى زى الحبر تقيل فى حتة وضعيف فى حتة!!

يعنى الموضوع ده سكرين شوتلااو صورة مباشرة من شاشة كمبيوتر ولا مطبوع فى ورقة

واللاى يا محجوب أضحكتنى بالذكريات.. بس النقاشات كانت في جو صحى أكتر كتير من هنا.. والناس كانت تحترم بعضهــا..

وكيف لا أذكر الباشمهندس أبو بكر سيـد أحمد (معنا هنا الان)، والاخت سعـاد تاج السر، برضها معنا.. وعبد الله الفاضل المهدى، الذى (مشكور) ارسل لى بالبريد بعض كتيبات السيد الصادق وراتب الإمام المهدى عليه السلام..
ورتشــارد لوبان...

لمتنى انى أتخذت موقع دفاعى، خصخصوا مع الناس البيجزموا ديل وبراهم يقولوا ليك نظرهم ضعيف.. وواحد هناك بدون سلام ولا كلام قال هـذه لم تكن منابر وإنما كانت قوائم إيميلات!! ونسى ان المنابر هي أساسا للنقاش
بما فيها منابر قهوة النشاط وغيرها.. المنابر تقال للنقاشات الفكرية والسياسيـة.. وعشـان ما إتلوم معاك أقول للجميـع:

حتى المنابر التي تقصدون معناها أنها ليست بالإيميل،فقد صممت وادرت ثانى منبر ســـودانى على الإنترنت بعـد ســــودان دوت نت.. وفى مارس 1997 اشتريت الدومين sudan.org (وما زلت املكه) وصممت عليه منبر نقاش حـر كان
من ضمن أعضائه زملاء لنا هنا مثل الأخ صديق (المنصورى) واخرين.. وحين تعرض منبر الأخ بكرى هـذا للهكر، قمت بتفعيله من جديد وكان مثل الراكوبة التي يتجمع حولها الناس ريثما يبنوا بيتهم.. وفعلا سجل بعض الزملاء هنا مؤقتا، شفت كيف؟
ولا أظننى أحتاج القول انه كان لى كمبيوتر اى بى أم في الســودان عام 1986 ولقـد برمجت فيه موسيقى عـزة في هواك (برمجة وليس تسجيل) لحساب شركـة كومبيوترمان التي شغلته في أحدى مناسبات تخريج او مناسبة
أخرى لا أدرى، وكان الأخ المهندس لويس عوض هو الذى قدمنى لدكتور أبوبكر، (صاحب كمبيوترمان) وكانت كمبيوترمان حينها مركز تدريب فقط ..

عثمان،
سلام..

Quote: هل فعلا" الصورة المرفقة دى ما صورة ورقة؟!

لعن الله العجلة..

الصــورة صـــورة ورقـة، مافى زول قال غير كدا.. الكلام هل هي مطبوعة بطابعـة كمبيوتر من الإنترنت مباشرة، واللا بالألة الكاتبة..

يعني طلعت مستعجل ساي يا ابو الريش :)

Quote: الصــورة صـــورة ورقـة، مافى زول قال غير كدا.. الكلام هل هي مطبوعة بطابعـة كمبيوتر من الإنترنت مباشرة، واللا بالألة الكاتبة..

طيب عاين لي جاي وركز .. انت دا القلت .. المهم دا ياهو السؤال الانسألتو انت اول شئ وجيت معطتنا ومعطت ريشنا ..!

المهم .. أها راجين نشوف الأفتار دا جاء من وين؟


ــــــــــــــــ