لماذا لايستعمل السودانيين " الشمسية " في فصل الصيف

لتقيهم من الحر وأمراضه وأيضا في فصل الخريف .

سهلة الحمل .....وممكن تطبق كمان.
.
.
في معظم دول العالم الناس بيستعملوا الشمسية في مواسم الحر والأمطار .

السودانيين
بيعنبرو شيل الشمسية مياعة
وفى كلمة تانية اكثر دقة لكن ما بتنكتب
يقول ليك شايل شمسية زى .....

وزى ما قال الصديق عثمان تراث

السودانيين عندهم راى حاد
فى شيل الشمسية
وحلاقة الشنب

الأخ محمد سيد أحمد

سلام ...

الشمسيات في نوع رجالي ونوع نسائي .............
وليه السودانيين لمن يسافروا خارج السودان بيستعملوها .

تحياتي

في الحج الناس بيستعملوا الشمسية .

وأيضا شمسية كمظلات للطبالي :

لخرطوم-دعاء محمد:

المظلة التي تبدو في الصورة هي الاولى من نوعها في شوارع الخرطوم متعددة الألوان الفرايحية يبلغ طولها مترين وقطرها مترين.

المظلة للشاب عمر الطاهر عبد الله من أبناء الحوش بولاية الجزيرة يعمل في الاسكراتشات وتحويل الرصيد والمناديل والحلويات
والصحف جوار حديقة القرشي بالخرطوم ثلاثة.

يقول عمر الطاهر إنه اشترى هذه المظلة بـ110 جنيه من سوق ليبيا بعد أن أعجبه منظرها الجميل الى جانب انها كبيرة، يستظل بها
من هجير الصيف و هي وقاية من أمطار الخريف

Quote: لتقيهم من الحر ......

وما تنسى مفروض برضو يأكلوا إسكريم عشان يرطب الجســم.. شعب عجيب لاكين..

أكتر حاجة أستغرب ليها تلقاهم ماشين كدارى بدل يركبوا عربات.. وهسى باللاى ناس الإنقسنا ديل لو ما عواليق يطلعوا الجبال ويرعوا غنم؟

بسـم الله الطلعنى من السـودان خلانى إتكلم عن الإنقسنـا شنو هسى..

الأخ أبوالريش
سلام

أمراض الصيف كثيرة ............!!!
.
.
كل زول في السودان شايل ليه موبايل ورقم مميز بي ملايين الجنيهات .
يعني الشمسية الصغيرة بي كم ....................
أتمنى أن تسود ثقافة استعمال الشمسية للطلاب وغيرهم بدون عقد واهية.

تحياتي

الوقاية خير من العلاج ...........

في معظم الدول الفقيرة في شرق وجنوب آسيا ضغير على كبير
عنده شمسية يستعملها صيف / خريف .....

Quote: كل زول في السودان شايل ليه موبايل ورقم مميز بي ملايين الجنيهات .

الاخ رضـا،

طيب لو فاتت عليك الإشـارة نجيك بالعبارة..

كلامك غير صحيح بأن كل زول فى الســــودان شايل ليه موبايل.. أمشى جبال النوبة الساكنين الكهوف (من زمان مو هسى)، امشى جبال الإنقسنا، أمشى الشمالية، سنكات جبيت طوكر، مرافيت
الضعين، ود عشـانة.. الجبلين ود الماحى...الخ، وشوف كم نفر شايل موبايل واللا سمع بموبايل زاتو..

إنت مثلك مثل ناس الحكومة والمعارضـة، الســودان عندكم هو الخرطوم. عشان كدا الاقاليم ليها حق تنتفض.

أبوالريش .....
.
.
نقطة ...سطر جديد

والله يا اخوي رضا انا القدامك دا كنت عايش في ماليزيا -حيث المطرة البتسكك زيادة علي انها يوماتي- لكين بالغلط ساكت ما حصل شفت لي سوداني بشتري في شمسية او جاري تحت شمسية
... تعرف المطرة ام حجار ديك تلقانا عاادي جاكين تحتها
زززز بس والله حاجة تحير ..................

Quote: تعرف المطرة ام حجار ديك تلقانا عاادي جاكين تحتها زززز بس والله حاجة تحير ..................

سلام ....

أنا برضو ماأستعملت شمسية .....طبعا ماخده رجالة ساكت ....!!
لكن دا فهم مغلوط مع العولمة لازم يتصحح ,,,,
لأنو أمراض الصيف والخريف كتيرة لازم الواحد يشوف حل .

تحياتي

Quote: المظلة للشاب عمر الطاهر عبد الله من أبناء الحوش بولاية الجزيرة يعمل في الاسكراتشات وتحويل الرصيد والمناديل والحلويات والصحف جوار حديقة القرشي بالخرطوم ثلاثة.

أهو دا زول كسر حاجز " عقد عدم استعمال المظلات الشمسية "
بعد شوية الناس حاتتشجع وتكسر هذا الحاجز والسودان كله
يتملئ مظلات فبذلك تقل أمراض الصيف والخريف .

الشمسية فعالة ,
والاهم حمل مياة عبوة معدنية او حتى زمزمية ,

لا يتوفر المياه في حراكنا اليومي العادي
ونصف مشاكل الزهج في السوق الشعبي والعربي وخلافه بسبب الجفاف ونقص السوائل الذي من اول اعراضة التوتر

ثانيا مع العطش يلجا البعض لشرب زجاجة بارد تعويض , البارد بها حوالي 250 مل فقط من المياه الملونة وبعض السكر لاتغني كثيرا مع عرق الصيف
الافضل الشرب المنتظم للمياه ..

عادة السبيل وتوفر المزيرة النظيفة عادة راقية ياخي .. كيف
تحياتي ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

السودانيين بيستخدموا الشمسيات حصرياً خلال موسم الحج خاصة عندما يصادف فصل الصيف
وبمجرد من إنتهاء شعيرة الحج بيرموها في مقار بعثاتهم
ليتهم يحضروها معهم ليستخدموها هنا في السودان حيث أن درجة الحرارة هنا لا تقل عن درجة الحرارة في مكة المكرمة
وبمرور الوقت تصبح ثقافة عامة ويستخدمها الجميع سواء في الصيف أو في الخريف
لكن أذكر أن بعض الأقباط في الخرطوم وبحري وخاصة كبار السن من النساء كانوا بيستخدموها خلال فترات سابقة

سلام يا رضا
والله موضوعك تمام وسؤالك موضوعي جدا، ولا شئ يمنع من شيل الشمسية،
إن شاء الله تتعمل من الدمورية، مثلما هو الحال في استخدامنا لي شنط المدرسة زمان
صحيح أن البعض ينظر لاستخدام الشمسية باستهجان، على أساس إنو من الرجالة (ذكور وإناث)
أن تتحمل حر الشمس، ولا مانع أن تسب الدين في أول مواجهة مع الآخر
يعني تسب الدين مافي مشكلة لكن تحمل شمسية إنت ما راجل عديييل، والمره زاتا ما كويسه لو شالت شمسية.
مرة أخرى أحييك على هذا الموضوع المفيد
أحسن من بوستات (حكومة-معارضة)

لمن نشيل الشمسية نشيل العيش والفول وين ؟؟!!!
لانه شايليين العيش والفول ,, دائما شايليين العيش والفول ,,

المجريين ما بيستعملوا الشمسية في الحر
بيستعملوها فقط ضد المطر . دا عن الشمسيات الصغيرة اليدوية.
ام الشمسيات الكبيرة بتستعمل امام المحلات للوقاية من اشعة الشمس.
مرة الدنيا حر شديد قمت فتحت الشمسية اليدوية وماشي في الشارع
لموا فيني غجر وبدوا يقرقوا علي من بعيد , طبعاً ما بيعرفوني ولا شفتهم
قبل كدا . بدوا يقول لبعضهم المطرة نازلة شديد و قرقرقر يضحكوا
_______
يا رضا انت جبت ليك كمية من الشمسيات و عاوز تبيعها ولا شنو ؟

Quote: أبوالريش ..... . . نقطة ...سطر جديد

دا القدرت عليه يا مواطن؟
سطر جديد سطر قديم.. بس ارحموا الســـــودانيين من فضلكم

لا تتحدثوا باسم الســــودانيين


لا تتحدثوا باسـم الســــودانيين


لا تتحدثوا باسـم الســــودانيين


السـودانيون هم في المناطق التي ذكرتها لك أعلاه.. تحدث عن سكان الخرطوم وما جاورها فقط. وحتى في الخرطوم تحدثوا عن مناطق معينة، وليس عن غالبيـة سكان العاصمة المثلثة الذى لا يجدون
لقمـة العيش، ولو وجدوا مبلغ ثمن المظلة يا أستاذ فعندهم أولويات كثيرة.. ويتحملون الحر..
بوستيك هـذا مثل حديث مارى انطوانيت التي طالبت الشعب بأن يأكل الكيك ما دام لا يوجد خبز.. عدم إحساس كامل بمعاناة الشعب... وأنا موظف قلمى لمواجهـة كل من يختزل السودان في مدينة الخرطوم.