Post: #1
Title: جوال ابني محمد سرق منذ شهرين ووجده رجال المباحث الأوفياء بالامس ...
Author: ود الباوقة
Date: 04-10-2014, 05:02 AM
سبحان الله
مر شهران كاملان على سرقة جوال ابني محمد حيث وضع الجوال على منضدة كاونتر المطعم
لدفع طعام العشاء فكان له ان دفع معه ثمن جواله حيث انه في رمشة ( عين ) لطشه
احد خفيفي اليد
بالامس اتصل بي الابن محمد بانه قد استلم جواله المحبب الى نفسه دون ان يعبث به
وبمحتوياته السارق اللئيم
تحية مقدرة مني واسرتي لرجال شعبة المباحث الاوفياء وهم يردون
العديد من المسروقات الى ذويها وان طال الزمن ...
|
Post: #2
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: باسط المكي
Date: 04-10-2014, 05:33 AM
Parent: #1
حمدلله علي السلامة
الدنيا بخير
|
Post: #3
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ود الباوقة
Date: 04-10-2014, 05:46 AM
Parent: #2
Quote: حمدلله علي السلامة
الدنيا بخير |
فعلا الدنيا بي خيرها اخي باسط
بارك الله فيك
|
Post: #4
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: اسامه العريفي
Date: 04-10-2014, 05:52 AM
Parent: #3
الف حمد الله علي السلامة شيخ عمر
نسال الله ان تسترجع حقوقنا لديكم
ود العريفي
|
Post: #5
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: صديق الموج
Date: 04-10-2014, 06:03 AM
Parent: #4
ابو عدى كيف حال
طبعا لايعرف الكثيرون هنا انه عدى ده اسم ابن ود الباوقة البكر وسماهو لما كان
بعثى قبل يصبأ..
غايتو الحرامى ده عوير خلاص يا ربى ما يكون عارف انه دى بعض قروشه
وقروش الشعب المنهوبه منو والخلتو يحتاج لما يسرق؟
ود الباوقه قالوا الجنا خال والولد ده خاله الرجل الشريف وليد شريف بكون خلاهو
مخصوص داير يتبرأ من مال الكفحى واللفحى ده، بالمناسبه معاوية عبيد بقول
ليك هو مشغول اخبار المزرعه شنو؟
|
Post: #6
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ود الباوقة
Date: 04-10-2014, 09:45 AM
Parent: #4
ود العريفي اركز
|
Post: #7
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ismeil abbas
Date: 04-10-2014, 09:57 AM
Parent: #6
ودالباوقة ده مال حلال..الحمدالله على السلامة....
الكلام ده حصل وين يا ودالباوقة... ...
|
Post: #8
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: محمد علي البصير
Date: 04-10-2014, 10:17 AM
Parent: #7
من الطرائف قبل عدة سنوات ذهبت لصديق لحي المسالمة بأمدرمان
ما لقيت موقف قريب من البيت ، نسبة لوجود حفريات كانت تقوم بيها واحدة من شركات الإتصالات ـ
في ظرف دقائق فقط لما رجعتا أتفقد سيارتي ، وجدت أن زجاجها الأمامي فتح بالقوة ، وتم سرقة مسجل السيارة وهو نوع قييم جداً والمرايا الأمامية وسعرها في السودان برضو مرتفع
زعلت بالحيل على المسجل بالذات ، لانو كان عندي كمية من الشرائط الجميلة
المهم ، بعد فتحت بلاغ في شرطة أم درمان شمال (تقريباً )
بعرف واحد شغال معاهم دالاني على شرطي بتاع مباحث ، قال لي الزول دا شفت خالص وبطلع ليك المسروقات دي من عين الحرامية
أها فرغت نفسي للزول دا وشلتو
بقيت من الصباح مركبهم في العربية لافي بيهم مرة سوق الحرامية ومرة الشهداْ ومرة سوق ليبيا
، وشئ سندوتشات ، وشئ بارد
وكمان معاها حق المواصلات
كم يوم ونحن في الحالة دي ـ يوم إتصلت على قريبي ضابط شرطة وحكيت ليه السالفة وكان حلينها خارج العاصمة
قعد يضحك على لما شرطو الضحك ، قال لي يبقن عليك ميتة وخراب ديار ، والله ديل الفي خشمك يبلعوها
قال مباحث قال
التعديل لتصحيح أخطاء إملاء
|
Post: #9
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ابوحراز
Date: 04-10-2014, 10:32 AM
Parent: #8
ابن أختي ضاع موبايله
وانا كنت أكثر الناس سعادة بهذه السرقة
لأن وقته كله مع الموبايل
المهم 00 نحن اهل الضهاري لابنعرف مباحث ولا شرطة فيدرالية
عندنا فكي كارب 00 شيخ قريبنا ماتخر منو الموية
كلمناهو بالسرقة
الطريف سالنا من نوع الموبايل وقال اها الموبايل نوكيا وللا جالاكسي
الظاهر الجالاكسي بيقرأ ليهو جزء تبارك
بينما النوكيا طلع البدرو علينا 00
الراجل قال عاوز يرقد لينا بالخيرة
وانتظرنا الخيرة دي شهر و20 يوم
وكل يوم يقول لينا الراجل السرق الموبايل قاعد ينكرش هسي في جسمه كلو
لكن كلما يجي يجيب ليكم الموبايل يلقى واحد من ناس البيت قاعد
المهم يوم عندنا سماية بتاعت أخوي وهجرنا المنزل عن بكرة ابيه
وقلنا ندي صاحبنا الحرامي فرصة عشان يرجع الموبايل
جينا البيت لقينا المروحة بتاعت الديوان اتسرقت !!!
والله الواحد ما يعرف يضحك وللا يبكي
قمنا مشينا للفكي عشان نحكي ليهو المأساة التانية دي
والمشكلة ذاتو نوع المروحة لو سالنا عنه ماعارفنها جالاكسي وللا نوكيا
دخلنا بيت الفكي
وجانا ولده الكبير وقال ابوه طلع
قلنا ليهو مشى وين ؟؟
قال والله موبايله اتسرق قبل شوية ومشى يسال عنه
شهرين وموبايلك يرجع 00 دي قوية على قول منتديات ناس الحصاحيصا
|
Post: #10
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: عوض جاه الرسول
Date: 04-10-2014, 06:11 PM
Parent: #9
وقلنا ندي صاحبنا الحرامي فرصة عشان يرجع الموبايل
جينا البيت لقينا المروحة بتاعت الديوان اتسرقت !!!
والله الواحد ما يعرف يضحك وللا يبكي
هههههههههه
ياخي ضحكتا لامن دمعتا يا ابوحراز
تعرف بت اختي مرة راكبه تاكس مع امها وشاقين السوق العربي
وهي بتتكلم جوه التاكس خطفو منها الجوال.
المهم بالليل اتصلو في الرقم صاحبنا الحرامي ردا
قالو ليه الجوال ده انتا سرقت وترجعو
قال ليهم مابرجعو
(هو مايمسكو قوي)...
-----------------------------
والشهر الفات زميلنا كان في اجازة اضطرارية لمرض والدو
ومن المطار لمستوصف(.........).
وحياتكم في الرسيبشن. بيدفع في الرسوم سرقو منو جوالين
اي فون و جلاكسي.
جرى يمين ويسار وضغطو علي ادارة المستشفى.سلموهم فيديو
مصور كامل لعملية السرقة.
وبي وضووووووح
تقول لي مباحث.
والتسجيل بحوزتي.
سلام صاحب البوست وضيوفه...
|
Post: #11
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: Deng
Date: 04-10-2014, 06:32 PM
Parent: #10
ود الباوقة.
أنت زول معروف بأنك بخيل وأكيد أنك أشتريت لأبنك موبيل من النوع الرخيص.
علشان كده الحرامي لم يجد من يشتري منه الموبيل وقام بأرجاعه.
|
Post: #12
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: Faisal Habiballa
Date: 04-10-2014, 07:08 PM
Parent: #11
الف حمد الله الاخ الفاضل ود الباوقة
Quote: وقلنا ندي صاحبنا الحرامي فرصة عشان يرجع الموبايل
جينا البيت لقينا المروحة بتاعت الديوان اتسرقت !!!
والله الواحد ما يعرف يضحك وللا يبكي
هههههههههه
ياخي ضحكتا لامن دمعتا يا ابوحراز
|
رائعة بجد
|
Post: #13
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: Mirghani Taitawi
Date: 04-10-2014, 08:13 PM
Parent: #12
كذبة أبريل فى الرطوبة دي!!!!!!!.
|
Post: #14
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: Siddig Elghali
Date: 04-10-2014, 11:08 PM
Parent: #13
مبروك عودة جوال ابنك
جوال ابنك أغلي من كل سكان دارفور وطلاب دارفور الذين قتلوا ورمي بجثثهم فى الترع والى الآن لم تعرف مباحث نظامك العنصري من قتل هؤلاء والبيان بالعمل كما في قضية محمد طه محمد أحمد ألف ضابط تحري فى حين عشرات الطلاب قتلوا وسجل الفاعل مجهول وسبحان الله عدالة بني غردون .
|
Post: #15
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: قصي محمد عبدالله
Date: 04-10-2014, 11:44 PM
Parent: #1
ود الباوقة سلام،
إن شاء الله كل المسروقات والمفقودات ترجع لأصحابها،
لكن بيني وبينك شقي المسكوا عندو الجوال،
يكون الموبايل ده الشهرين ديل تنقل بين العدين من الأيادي،
مابين ربحان وخسران!
ناهيك عن الأحياء أو المدن!
|
Post: #16
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ود الباوقة
Date: 04-11-2014, 00:22 AM
Parent: #15
الزغلباني دينق ....الجوال جلاكسي النوع الجديد
|
Post: #17
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: محمد المسلمي
Date: 04-11-2014, 07:15 AM
Parent: #16
حمدلله علي سلامته
مال حلال
|
Post: #18
Title: Re: جوال ابني محمد سرق منذ شهرين ووجده رجال المباحث الأوفياء بالامس ...
Author: ود الباوقة
Date: 04-11-2014, 11:17 AM
Parent: #17
شكرا شيخنا المسلمي.. فعلا مال حلال
|
|