Post: #1
Title: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 02:41 AM
Parent: #0
داير أتعلم أبدا كل بوستاتي ... بـِ نُقطَــــه
و تاني رد .. أتعلم انو لازم يبقي ... نُقطَــــه
و أكون ( سغيل) ... وتالت رد برضو اسويهو ... نُقطَــــه
أمكن النظام .. تلخص الكلام .. . كله في شكلِ ... نُقطَــــه
او امكن ما بتبقي فقري لو ما بديت كل الكلام بـ ... نُقطَــــه !
او الود مشفراتي ... و داسي جوه النُقطة ... نُقطَــــه
او عريس غندولي جداً ... لا هماهو شيله ولا مستني ... نُقطَــــه
و الموز ما بِتاكلوا .. لو ما كان موز ... بـ نُقطَــــه
الغريبه في المدارس قالو الكلام ما يبدأ ... بـ نُقطَــــه
بس في المنابر لقينا بين كل نُقطه و نُقطه ... نُقطَــــه
فوالله العظيم ورِمنا ... مش بس ورِمنا ... و كمان حتجينا ... نُقطَــــه
فياخ ده ليك تحذير مباشر ... لو لقينا كل القصة .. نُقطَــــه
يا تدخل في موضوعك مباشر ... يا بنفتح فيك بلاغ في أي شنو ؟...
نُقطَــــه
|
Post: #2
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 02:45 AM
Parent: #1
نُقطَــــه
|
Post: #3
Title: Re: داير أتعلّم أبدا كل بوستاتي ... بـِ نُقطَــــه
Author: Nader Abu Kadouk
Date: 04-10-2014, 03:28 AM
Parent: #2
|
Post: #4
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 03:31 AM
Parent: #3
انت معانا و لا مع الخيانا يا ابكدوك ؟
|
Post: #5
Title: Re: داير أتعلّم أبدا كل بوستاتي ... بـِ نُقطَــــه
Author: Nader Abu Kadouk
Date: 04-10-2014, 03:34 AM
Parent: #4
ههههههههههههه...
على حسب الوضع........زمان في الجامعة درسونا حاجة اسمها law of situation.........اها من الوقت داك بنطبق فيهو...........
|
Post: #6
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 03:51 AM
Parent: #5
Quote:
ههههههههههههه...
على حسب الوضع........زمان في الجامعة درسونا حاجة اسمها law of situation.........اها من الوقت داك بنطبق فيهو........... |
ده حاجه زي ( فقه الضرورة ) كده يا ابكدوك ؟
|
Post: #7
Title: Re: داير أتعلّم أبدا كل بوستاتي ... بـِ نُقطَــــه
Author: محمد فضل الله المكى
Date: 04-10-2014, 04:04 AM
Parent: #4
.
واللهِ يا ود قباني حكاية النقطه حِكايه ، تضحِّك الغنماية!
فبعد انتهاء فاصِل ( البُطان ) .. وناس السيد ود عوج الدَّرِب يدوا الرتاين نفخه ،
يعتلي حسن اب جاعوره إحدى الطرابيز ، ويرفع عقيرتِهِ بالصياح :
ــ شوووووووووووبش .. الحسيب النسيب .. السَّمح العديل .... الدايماً رايق
وجيبو تقيل .. يحـيى ود قبـاني .. المِجنِّن بنات الفريق الوراني .. خممممممممسه
جنيه .... الريشه يا بناااااات .
ــ يو يويويويويويويووووووووووويوي
ــ شووووووووووووبش .. أمحُمـَّد ود فضل الله .. الدِّيمـه مِعلم الله ..الراكب الكارو
ولابِس على الله .. الفطورو بوش وعشاهو حَلَّه .. خممممممممممممسه وعشرين قِرِش
.. مالكَن ساكتات ؟
ــ يو يوي
وهكذا تستمر الشوبشة ، والعريس يحلم بارتفاع وتيرة النُقطه ، فتزداد مساحة إبتسامته
كلما سمع اسم أحد الوجهاء.
أما سؤالك عن أبو الماسورة ، بقولك الماسورة بِت مِنو ؟
فقد أُ جيب سلفاً بأن السباك صلحها .
يقصِّر الملح
|
Post: #8
Title: Re: داير أتعلّم أبدا كل بوستاتي ... بـِ نُقطَــــه
Author: معاوية الزبير
Date: 04-10-2014, 06:56 AM
Parent: #7
ههههه أسعد الله صباحك يا ود المكي
وانت كمان يا ود قباني، افتح بلاغ ياخ ياها ديك النقطة.
أعتقد أن النقطة الغرض منها تهيئة الناس للأمر العظيم الجاي.
نقطة سطر جديد
|
Post: #12
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 10:35 PM
Parent: #8
Quote: وانت كمان يا ود قباني، افتح بلاغ ياخ ياها ديك النقطة.
أعتقد أن النقطة الغرض منها تهيئة الناس للأمر العظيم الجاي.
نقطة سطر جديد |
و الله فتحنا بلاغات يا معاويه ...
لكن ما عم تظبط ...
و خلاااااس القصه بقت بايخه شديد ...
بالله الوقفه لامن ترجي النقطه تبقي قصه ...
زي الواقف في صف بي ارادتك ...
و انت و حظك ... شختك بختك يطلع ليك شنو في الكرتله ما معروف ...
|
Post: #11
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 10:31 PM
Parent: #7
Quote: أما سؤالك عن أبو الماسورة ، بقولك الماسورة بِت مِنو ؟
فقد أُ جيب سلفاً بأن السباك صلحها .
يقصِّر الملح |
برضوا ما لقيت عندك اجابه ...
نحلها كيفن يا فنان ؟
|
Post: #9
Title: Re: داير أتعلّم أبدا كل بوستاتي ... بـِ نُقطَــــه
Author: محمد مجيدو
Date: 04-10-2014, 07:16 AM
Parent: #1
العزيز .. قباني ... سلام ومحبه
نقطه والله وحكاية تشغل ازهان العباد ....
ناس بتتعزب وحيده .. وناس بتنعم بالوداد ...
الدكتور عائض القرني كتب في موضوع النقطه :
الفرق بيننا وبينهم نقطة.
هم الغرب ونحن العرب .. والفرق بيننا نقطة
هم يتفاهمون بالحوار ونحن بالخوار .. والفرق بيننا نقطة .
هم يعيشون مع بعضهم البعض في حالة تحالف ونحن في تخالف .... والفرق بيننا نقطة .
هم يتواصلون بالمحابرات ونحن بالمخابرات .. والفرق بيننا نقطة .
عندهم المواطن100% مزبوط وعندنا100% مربوط ... والفرق بيننا نقطة .
عندهم المواطن وصل الحصانة وعندنا لا زال في الحضانة .. والفرق بيننا نقطة .
عندهم إذا أخطأ المسئول يصاب بالإحراج وعندنا يبدأ بالإخراج .... والفرق بيننا نقطة .
عندهم يهتم الحكام باستقلال شعوبهم وعندنا باستغلال شعوبهم .. والفرق بيننا نقطة .
المستقبل لأبنائهم غناء ولأبنائنا عناء ... والفرق بيننا نقطة .
هم يصنعون الدبابة ونحن نخاف من ذبابه .... والفرق بيننا نقطة ..
هم يتفاخرون بالمعرفة ونحن نتفاخر بالمغرفة ...... والفرق بيننا نقطة .
هم صاروا شعب الله المختار ونحن لا زلنا شعب الله المحتار .. والفرق بيننا نقطة
شي يحزن والله.
تحياتي ..
|
Post: #10
Title: Re: داير أتعلّم أبدا كل بوستاتي ... بـِ نُقطَــــه
Author: ياسر منصور عثمان
Date: 04-10-2014, 07:24 AM
Parent: #1
ولو بديت ب (واو الحلبية) تكون ما قصرت ..
زي ما بعمل (الكذاب) اسحق فضل الله...
واو الحلبية دي سمعتها من استاذ اللغة العربية في المرحلة المتوسطة..لما واحد من الشباب بدأ الكلام بالواو..
قال لينا : دي بسموها واو الحلبية ...لأن المرأة الحلبية التي تبيع البضائع تصيح وتقول (و عندنا) ولا تقول (عندنا)..
واو حلبية....
نقطة..
في الاول..
مع ودي
|
Post: #13
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 10:37 PM
Parent: #10
Quote: العزيز .. قباني ... سلام ومحبه
نقطه والله وحكاية تشغل ازهان العباد ....
ناس بتتعزب وحيده .. وناس بتنعم بالوداد ...
الدكتور عائض القرني كتب في موضوع النقطه : |
حسي عائض القرني ده لزومو شنو يا مجيدو ...
ما كنا كويسين !
سلامات يا زول يا جميل ...
|
Post: #14
Title: Re: داير أتعلّم أبدا كل بوستاتي ... بـِ نُقطَــــه
Author: يحي قباني
Date: 04-10-2014, 10:39 PM
Parent: #13
Quote: ولو بديت ب (واو الحلبية) تكون ما قصرت ..
زي ما بعمل (الكذاب) اسحق فضل الله...
واو الحلبية دي سمعتها من استاذ اللغة العربية في المرحلة المتوسطة..لما واحد من الشباب بدأ الكلام بالواو..
قال لينا : دي بسموها واو الحلبية ...لأن المرأة الحلبية التي تبيع البضائع تصيح وتقول (و عندنا) ولا تقول (عندنا)..
واو حلبية....
نقطة..
في الاول..
مع ودي |
حتي الحروف جابت ليها عنصريه ...
و الله استاذك بالغ لكن يا ياسر ...
و الحلبيه كانت بتبيع شنو ووين ؟
بالله الكلام ده في المدرسه عديل كده ؟
|
Post: #15
Title: Re: داير أتعلّم أبدا كل بوستاتي ... بـِ نُقطَــــه
Author: ياسر بيناوي
Date: 04-11-2014, 09:36 AM
Parent: #14
انا كرهت النقطة دي
من زمن بيتنا كان فاتح
في نقطة النظام العام
خالص الود
|
Post: #16
Title: Re: داير أتعلّم أبدا كل بوستاتي ... بـِ نُقطَــــه
Author: معاوية المدير
Date: 04-11-2014, 11:17 AM
Parent: #15
مسطول في مسابقة رسم، نقط نقطة في الورقة وسلما.
سألوهو، دا شنو ؟؟؟.
قال، فيل جاي من بعييييييييييييييييييييييييييييييييييد .
لمان يكون عندك رقشة أو امجاد في الخط،
برضو بيسموها نقاطة .
بداية الغيث نقطة. والله صحي ...
|
Post: #17
Title: Re: داير أتعلّم أبدا كل بوستاتي ... بـِ نُقطَــــه
Author: cantona_1
Date: 04-11-2014, 04:01 PM
Parent: #16
| Quote: بداية الغيث نقطة. والله صحي ... |
الأخ معاوية المدير بعد السلام
أول الغيث قطرة.
تحياتي
كبـّاشي الصـّـافي
.
|
|