اليوم امتحانات الشهادة السودانية، دعواتكم لي مصعب

وبالتوفيق لجميع الممتحنين

خالص الامنيات بالتوفيق لجميع الابناء ولمصعب

اللهم وفقه ووفق كافة ابنائنا الممتحنين

تحياتي يا هندسة

أسأل الله له و لكل الممتحنين النجاح و الفلاح في الدنيا و الآخرة
و ربنا يقر به عينك و يفرحك بنجاحه و فلاحه
و يا جامعة الخرطوم في الطريق اليك إنشاءالله وراق آخر فاحتفي به منذ الآن.

نسأل الله التوفيق والسداد لمصعب وزملاءه

يااارب وفق مصعب وكل الجالسين لامتحانات الشهادة..

لمصعب الشفيع ورفاقه من الابناء في كل الولايات السودانية ومراكز خارج السودان النجاح والتوفيق .

الف شكر شيخنا ابوسن


حبابك ود الباوقة


يديك العافية ود الشيخ يا دفعة



الف شكر اخونا عوض جاه الرسول
اسم جاه الرسول ده اسم سمح بالحيل ياخي


حبابك اخونا امير ود السماني

والف شكر يا ولياب


وربنا يديكم العافية وتسمعوا خب نجاح وتفوق ابناكم وكل من تحبون



ولله الحمد
اليوم مادة التربية الاسلامية عدت على خير
معظم الاسئلة مباشرة

نسأل الله أن ييسر له جميع الإمتحانات وأن يوفقه للإجابات الصحيحة.
أيام الشهادة السودانية لها وقع خاص وذكريات في جميع نفوس الأسر السودانية،
غير إنو كل السودان خلال تلك الفترة بكون "واقف على رجل واحدة".
الله ييسر الإمتحانات للجميع ويوفق الجميع للإجابات الصحيحة.

اللهم لا سهل إلا ما جعلته سهلاً!
وأنت تجعل الحَزن إذا شئت سهلا!

اللهم وفق مصعب الشفيع وراق،
واكتب له التوفيق والنجاح في هذا الاختبار،
وفي كلّ اختبار من اختبارات الدنيا،

حتى يكون من أولئك الفائزين!

بالتوفيق لجميع أبناءنا الممتحنون في امتحانات الشهادة الثانوية ..
تمنياتنا بالتوفيق للإبن مصعب ..

مودتي ..

اللهم اشرح صدره و يسّر أمره..
بالتوفيق مصعب ..ونسمع بيك من المتفوّقين بإذن الله.
:
:
ما شاء الله يا الشفيع..إن شاءالله ما ح يطلع كوز.

لكم الشكر والتقدير والتحية اخواني
قصي
صلاح فقير
وهشام عبادي

خلاس
انصار سنة عشان خاطرك يا محمد محمود :)
الشكر والتحيات


اليوم عطلة للعلميين
بكرة علوم هندسية

Quote: لمصعب الشفيع ورفاقه من الابناء في كل الولايات السودانية ومراكز خارج السودان النجاح والتوفيق .

ربنا يوفقه يالشفيع و يوفق كل ابناءنا و بناتنا المجتهدين.

يديكم العافية اخواني كمال وتراجي
وتسمعوا ما يسركم عن من تحبون

نسال الله ان يوفقه ويحفظه وييسر له سبل العلم والنجاح

شكرا اخونا المسلمي
يديك العافية

Quote: والله يا الشفيع العيال كبرت .

نحنا ذاااتنا كبرنا يا احمد محمد
نقول يا الله حسن الخاتمة
الف شكر وتحية

الهندسية فيهو قرصة شوية
بس بحمد الله عدى على خير

جلسة الفيزياء اليوم كانت معقولة
وعلى غير المتوقع جات متوسطة الصعوبة
اغلب الاسئلة مباشرة الا قليلا
بالتوفيق للجميع
بقيت الكيمياء ثم الانجليزي فالرياضيات يوم السبت

الكيمياء مولعة نار
اسئلة غير مباشرة ومعقدة
امتحان طويل
وسؤال خارج المقرر

ربنا يوفق جميع الممتحنين

الشفيع
الناس بتبكي بكا عديل من الكيمياء
حاجة شينة خلاص وكمان معاها سخانة لا تطاق
الله يستر ساكت ويوفق ولدك وبنتي ممتحنة أحياء

هلا ببو
غايتو هنا في السفارة الناس جقلبت عدييل
البنات مرقن كلهن يكوركن
طالما الشكوى عامة، برضو بتطمئن

ربنا يوفق البنية

الانجليزي اليوم كان سااهل
العلم كلها طلعت مبسوطة
ربنا يديم البسطة

باقي الرياضيات
فراق الحبايب
يوم السبت
ربنا يوفق الجميع

سلام يا الشفيع

كل المنى بالنجاح الباهر لإبننا مصعب
وكافة الأحباب

آمين يا رب

تشكراتنا حبيبنا حمد

ختامه مسك
بحمد الله انتهينا
رياضيات موزونة

ونحمد الله على السلامة
وربنا يعوض التعب ويوفق الجميع

وشكرا لدعواتكم، اكيد وصلت

الحمدلله رب العالمين وبفضله تتم الصالحات

نتمنى للذين جلسوا لامتحانات الشهادة السودانية التوفيق

واليوم ختامه مسك
اي كما نسميه فراق الحبايب

نسأل الله ان يتقبل سهرهم ومذاكرتهم وصبرهم على العلم

ومن الله التوفيق

يارب نجح كل من اجتهد

امين .. امين.. امين

نتمنى التوفيق والسداد لإبننا مصعب

وكذلك لجميع الطلاب والطالبات الممتحنين

سائلين المولى ان يعينهم ويكلل مجهودهم بالتفوق

الف شكر حبايبنا ذو اليد وحاتم

وربنا يوفق الجميع