Post: #1
Title: أبيعك كيف ؟ ...
Author: إدريس محمد إبراهيم
Date: 04-06-2014, 04:31 PM
ابيعك كيف ؟ ...
منو البقدر يبع روحو..
يببع لي عمرو وافراحو ...
يبادر يشتري الاحزان ...
وآهات ترسم اتراحو ...
لقيت فيكي الامل كلو ...
نسيت وبلات سنين راحو ...
ويا دوبك مراكبي التايهه ...
لاقت فبكي اروع قيف ...
ابيعك كيف ..أبيعك كيف ؟ ...
****
زي زولا زمن ضهبان
فارق تيه خطاهو سبيل
وحاكيت زول غرق ودر
في اعماق خبايا النيل
مشرد في الدروب تايه
يداري الدمعه يكتم ويل
لقيتك طيف امل منداح
رسم لي بكره فجر جميل
بدورك لي منارة عز
تموسق في الحنايا هديل
تدندن للفرح غنوات
عليها حروفي رقصن حيل
تواسي الخاطر المكسور
تآزرني وتشد الحيل
تهدهد في الحنايا زمن
وتوقف في فؤادي نزيف
ابيعك بس دحين كيفن
ابيعك كيف ..ابيعك كيف
6 ابريل 2014
|
Post: #2
Title: Re: أبيعك كيف ؟ ...
Author: ombadda
Date: 04-06-2014, 06:18 PM
Parent: #1
شكرا شاعرنا المرهف ادريس.
بس الزمن دة البيع اصبح بالجملة والقطاعى ومن الطرفين. والاكتر من بنات حواء.
:-(
|
Post: #3
Title: Re: أبيعك كيف ؟ ...
Author: إدريس محمد إبراهيم
Date: 04-08-2014, 10:51 AM
Parent: #2
شكرا شاعرنا المرهف ادريس.
بس الزمن دة البيع اصبح بالجملة والقطاعى ومن الطرفين. والاكتر من بنات حواء.
:-(
URLProfile
بل كل الشكر لك امبده الجميل ان شرفتني بطلتك البهية ...
وصدقت حقيقة في ان الببع اليوم اصبح على قفا من يشيل ... في حين ان الحب عاطفة سامية نبيلة يجب ان تنأى عن المصالح الزائله والا اصبحت شيئا آحرا ... وفي اعتقادي اخي الكريم ان الحب ولد ليبقى ويرتقي بالمشاعر الانسانية ... والبيع يمثل هنا منتهى الجحود ...
ان شاء الله تسلم يا حبيب
مع كل ودي وتقديري ؛؛؛؛
|
|