مايختص ب سوط ود البوش

العنف اللفظى يقود للعنف الجسدى

عارف يا معاويه

هي درس لكل منا

ساعود.

سلام يا معاوية عبيد
الاشكالية في الدغمسة ودموع التماسيح التي انسكبت هنا دون ان تقف
على دوافع واسباب هذه الحاثة
فارسلت الخطب الحماسية العاطفية ورجم ود البوش كأنما هو شيطان رجيم
وبقى الاخر في سمؤ وجلال الملائكة
من ناحيتي قلتها من اول يوم
ولا زلت اقولها
كامل التضامن مع ود البوش وامنياتي له بعودة سريعة للمنبر
والمعالجة لا تتم بتبادل الاعتذارات وعض بنان الندم بقدر
ما استئصال لجذور المشكلة
غير كده حيظهر عشرات ود البوش
وسوط العنج والقطران
ولك التحيييييييييييييييييييييييية

ود البوش ده يا معاوية وفرح ما كان يركز ويشوف نهاية السوط.. والرجالة القدام النساء والأطفال دي جديدة، إذا كان الزول البشاكل قدام الرجال بقولو عليهو: هراش وداير الحجازين، أها ود البوش ده أكان ينادي أبوحسين براحة ويزحو من جمب الناس..

Quote: ود البوش ده يا معاوية وفرح ما كان يركز ويشوف نهاية السوط.. والرجالة القدام النساء والأطفال دي جديدة، إذا كان الزول البشاكل قدام الرجال بقولو عليهو: هراش وداير الحجازين، أها ود البوش ده أكان ينادي أبوحسين براحة ويزحو من جمب الناس..

ياسر طيفور انحنا ما عايزين ندخل في التفاصيل
وانا قرأت لود البوش مداخلات ورواية وقرأت للاخرين رويات
ووسط هذا الكم الهايل من الرويات من حق اي عضو هنا يضع تصور لما حدث
انا في شوفي
الزول البشيل السوط واهز ضراعاتو واتقدم بكون عارف نتيجة ما اقدم عليه
وبرضه ما عايزين نتحدث عن المتواجدين وتاثيرهم على المشهد وانحنا عارفين تداعيات الاحداث في مثل هكذا حالات
ممكن لاي زول يتصور ما حدث من تدافع وهرج
المهم في الموضوع يا صاحبي
اذا افترضنا الراجل خاف جرى
ليه جارية القبيلة وراهو او كما قال العبادي على لسان شيخ قبيلة دار جعل ؟؟
ما خلاص كفاية صفحة جديدة مليئة بالدروس والعبر وممكن الناس تستخلص منها المفيد
بدون طبطبة وبدون محاولات تضميد الجرح بدون تطهير
عل كل حال لك التحييييييية

Quote: العنف اللفظى يقود للعنف الجسدى

هسع عليك الله يا معاوية عبيد انتا جادي بتقول في الكلام دا ؟؟

يعني ود البشري لو كان شال سكينو وجاك في السعودية حيكون معاهو حق !!! ..
في كم واحد هنا تأذى من بوستاتك وكلامك ..
مالكم كلف تحكمون ..




وقالو لينا زماااان ..
لو كل واحد اخد حقو بيدو كان الدنيا بقت غابة ..

.
.
.

يعني ود البشري لو كان شال سكينو وجاك في السعودية حيكون معاهو حق !!! ..
في كم واحد هنا تأذى من بوستاتك وكلامك ..
مالكم كيف تحكمون ..
ـــــــــــــــــــــــــــــــــــــــــــــــــ

شكرا يا أخ / هشام لقد عبرت عما بداخلي تجاه هذا الكذاب تماما
.
.
.
.
.

يستمر النضال

وبئس النضال لو كان بقبح ما كتبت هنا ..

..

Quote: يستمر النضال

كان عندي أمل في ان ينصلح حالك ...
لكن انتا كل يوم بتزيد ضآلة في نظري ..
انت وشلة المنافحين عن الباطل

Quote: يعني ود البشري لو كان شال سكينو وجاك في السعودية حيكون معاهو حق !!! .. في كم واحد هنا تأذى من بوستاتك وكلامك .. مالكم كيف تحكمون .. ـــــــــــــــــــــــــــــــــــــــــــــــــ شكرا يا أخ / هشام لقد عبرت عما بداخلي تجاه هذا الكذاب تماما

في موروثنا السوداني اخد الحق بالضراع موجود بغض النظر عن مشروعية ذلك وانحنا لا نستيطع ان نخرج من ثوبنا بين يوم ليلة
يظل الانسان السوداني مسيطر علينا بكل سلبياته واجابياته
والاخ ود اختار ان ياخذ حقه بوستات وتشهير وموازرة
وسط زحام التضافر والتكالب ضاعت اهم قضية حق اسرة معاوية
ولم ارى من بين المعالجات التي ظهرت حينها من يقول بان اقحام اسرة معاوية عبيد ايضاً خطأ يجب على ود البشرى االاعتذار منه

Quote: في موروثنا السوداني اخد الحق بالضراع موجود بغض النظر عن مشروعية ذلك وانحنا لا نستيطع ان نخرج من ثوبنا بين يوم ليلة يظل الانسان السوداني مسيطر علينا بكل سلبياته واجابياته والاخ ود اختار ان ياخذ حقه بوستات وتشهير وموازرة

يعني انت موافق انو ود البشرى وكل الناس الغلط فيهم معاوية ليهم الحق في اخذ حقهم باي وسيلة كانت ..
وحسب الموروث السوداني الأنتا شايف انو "حق" و"شرعي" نقول مبروك ود البوش انك اخدتا حقك بضراعك ..
"بغض النظر عن نظرنا عن كونه اخده غدر ."
دا مفهومك يعني !!!

Quote: ولم ارى من بين المعالجات التي ظهرت حينها من يقول بان اقحام اسرة معاوية عبيد ايضاً خطأ يجب على ود البشرى االاعتذار منه

اسرة معاوية دي ود البشرى قال عنها شنو
انتا يا زول كنتا وين لما معاوية قال في حق ود البشرى وأصحابه ما لا يقوله "شخص محترم" ..
وعشان ما ندفن رأسنا في الرمال ، الجاب شتيمة اسرة معاوية منو ؟؟ مش معاوية نفسو ، شال الكابشر ولصقو ..
هسع انا لو زول شتمني اقوم اشيل الشتيمة واجيبا في المنبر هنا قدام الناس ..
كلام غريب ..

وعشان ما نحرف البوست عن مسارو خلينا في موضوع ود البوش وسوط الغدر ..

_____
التعديل: اضافة حرف ب في اسم ود البشرى

Quote: اسرة معاوية دي ود الشرى قال عنها شنو انتا يا زول كنتا وين لما معاوية قال في حق ود البشرى وأصحابه ما لا يقوله "شخص محترم" .. وعشان ما ندفن رأسنا في الرمال ، الجاب شتيمة اسرة معاوية منو ؟؟ مش معاوية نفسو ، شال الكابشر ولصقو .. هسع انا لو زول شتمني اقوم اشيل الشتيمة واجيبا في المنبر هنا قدام الناس .. كلام غريب .. وعشان ما نحرف البوست عن مسارو خلينا في موضوع ود البوش وسوط الغدر ..

شوف يا هشام كمال عبادي
دوماً خلط الورق في مثل هكذا قضايا يستخدم تطفيش الكورة
تابع شوف الدخل موضوع معاوية عبيد وود البشرى هنا شنو ؟؟؟
وهل هناك ضرورة لذلك اصلاً
وعمروا دفن الراس في الرمال ما بفيد
ولا نقيز برا ساحات الدلوكة
انا لم اشير لحادثة كابشر ولا لاحداث ادعاء البعض اساءة معاوية عبيد لوالدته من قريب ولا بعيد
بل اشرت لما يخص احداث اختلاف معاوية عبيد مع الاخ ود البشرى لا غير
وهذا للتوضيح
فخلونا نركز في الموضوع وبشي من رحابة الحروف وسعة البال

سلام ابوالروض

Quote: الاشكالية في الدغمسة ودموع التماسيح التي انسكبت هنا دون ان تقف على دوافع واسباب هذه الحاثة

هل تعتقد ان الوقوف مع الحق يعتبر دغمسه ودموع تماسيح؟؟

رجال من امثال "ابوجهينه" و"اسماعيل عباس" وكوكبة "بورداب الرياض" الاكارم ومدادهم الذي سكبوه عبر "توضيح من بورداب الرياض" وبعد ذلك مداخلاتهم عبر بوست "ابوحسين" الذي شكر فيه الكل ...كل هذه الحروف التي أدانت هذا التصرف .فهل تعتقد ان ذلك دغمسه ودموع تماسيح.

كان الأجدى أن تكتب حروفآ تصب في مصلحة التقريب بين وجهات النظر .

ترى كيف كان سيكون تصرفك ان تعرضت لما تعرض له "ابوحسين" ؟؟ ان قدر ابوحسين ومعدنه ظهر حين إمتثل لرجاءات الكثير من الرجال الحاضرين في ان يحكم صوت العقل ...ومن يعرف قدر الرجال ويمنحهم مكانتهم يأتي على نفسه ويمضغ العلقم في سبيل ألا يرد رجاءات هؤلاء الرجال وأياديهم خائبه...هؤلاء هم الرجال الذين نعرف ونفاخر بهم.

على الرجل أن يكون رجلآ ليدرك هذه القيمه...قيمة ألا تدير وجهك نحو جهة اخرى حين يقصدك الرجال ...وقد كان ابوحسين ذلك الرجل.

سلمت يمناك يا ابو أحمد

Quote: هل تعتقد ان الوقوف مع الحق يعتبر دغمسه ودموع تماسيح؟؟ رجال من امثال "ابوجهينه" و"اسماعيل عباس" وكوكبة "بورداب الرياض" الاكارم ومدادهم الذي سكبوه عبر "توضيح من بورداب الرياض" وبعد ذلك مداخلاتهم عبر بوست "ابوحسين" الذي شكر فيه الكل ...كل هذه الجروف التي أدانت هذا التصرف .فهل تعتقد ان ذك دغمسه ودموع تماسيح. كان الأجدى أن تكتب حروفآ تصب في مصلحة التقريب في وجهات النظر . ترى كيف كان سيكون تصرفك ان تعرضت لما تعرض له "ابوحسين" ؟؟ ان قدر ابوحسين ومعدنه ظهر حين إمتثل لرجاءات الكثير من الرجال الحاضرين في ان يحكم صوت العقل ...ومن يعرف قدر الرجال ويمنحهم مكانتهم يأتي على نفسه ويمضغ العلقم في سبيل ألا يرد رجاءات هؤلاء الرجال وأياديهم خائبه...هؤلاء هم الرجال الذين نعرف ونفاخر بهم. على الرجل أن يكون رجلآ ليدرك هذه القيمه...قينة ألا تدير وجهك نحو جهة اخرى حين يقصدك الرجال ...وقد كان ابوحسين ذلك الرجل.

________
العفو يا أبو أحمد ما اتصلنا عليك نطمئن على حالكم ..
نسأل الله وافر الصحة لإبننا احمد ..
سلامي وتحياتي ومودتي يا حبيب ..

ابو حسين عتدي فيهو راي زولن مسيخ وبتاع مطاردات وملافيظو شينة بالحيل
لاكين العوج البقولو ما يمنعني منو رايي في اب حسين
ود البوش غلطان والرجالة ما قدام الحريم والاطفال
واي زول واقف مع التصرف الفبيح ال######## من ود البوش عليه ان يتحسس رجولته

السلام عليكم
يا خوانا الرجاء لا تجعلوا الموضوع ود البوش Vs أبوحسين والإصطفاف المعتاد حكومة ومعارضة وما إلى ذلك
الإثنين أخوين كريمين و بالنظر للنصف الملآن من الكوب فنجدهما قد ضربا مثلا يُحتذى الأول في الإعتذار الصادق و مغالبة النفس وكسرها وكسر كبريائها وإجبارها على التراجع عن الخطأ وهذا امر لو تعلمون عظيم لا يقدر عليه إلاّ الصادقين
و أبوحسين في عفوه و قبول الإعتذار و لجم غضبه و شهوة الإنتقام وإكرامه لخاطر الكرام و عشمهم و هذه أيضا لا يقدر عليها إلاّ كريم النفس وكبيرها نسأل الله أن يجعلها في ميزان حسناته و يعظّم اجره عليها
ونسال الله أن نستفيد جميعا ممّا حدث و يرزقنا القدرة على التراجع و إحقاق الحق و القدرة على العفو و لجم شهوة الإنتقام

يجب ان تتوقف محاولات السعي بالفتنة ونفخ الكير وتصفية الحسابات باستغلال ما جرى, من يريد تصفية حسابه مع أبوحسين فعلى الأقل يحترم ود البوش و إعتذاره الكريم الذي بذله على الملأ
ومن يحمل على ود البوش فليقدّر و يحترم موقف وتقدير صاحب الشان أبوحسين وخياره
فلسنا بأقدر منه على تحديد الأفضل و الأكرم له ومهما قلنا لن نبلغ أحساسه بما جرى وما بنقدر نورّيه يسوّي وما يسوّي شنو


______________________________

يا هشام يا صديق لا تهرق مدادك في مغالطة ابوروضة و أشباهه فمثلهم من قاصري الفهم و الرؤية التي لا تخرج عن شلتي وشلتك ومنظوره الملتوي للحق و الباطل لا يستحق التكرار و الإعادة

Quote: يا هشام يا صديق لا تهرق مدادك في مغالطة ابوروضة و أشباهه فمثلهم من قاصري الفهم و الرؤية التي لا تخرج عن شلتي وشلتك ومنظوره الملتوي للحق و الباطل لا يستحق التكرار و الإعادة

ود البشرى
ما اتيت في الصدر المداخلة جيد
اما الرسالة الموجهة للاخ هشام
انت تدرك بان الجراب مليان ولا احد يحرجه او ينقصه الكيبورد للرد على مثل هكذا مداخلات
انحنا اخلتلفنا هنا كثيراً ولا اعتقد بان ابو روضة قصر يوم في الرد عليك او انت قصرت في الرد على ابو روضة او معاوية عبيد
ما يمنعني من الرد وعلى منوال ما اتيت به
الجزء الممتلي من الكوب من الكوب الذي اتى على حروف كيبوردك اولاً
واستفادة حقيقية من تداعيات مثل هكذا اسلوب
ولا اعتقد بان روح التضامن مع ود البوش تزعج احد خاصة وانت تقول في حقه ما لم يقل الاخرين حتى الان
نقطة سطر جديد

يا أبوروضة من زمن أنا رميت طوبة النقاش المنطقي العقلاني معاك لمّا لقيتك ماشي إتجّاه واحد وتغلق عقلك على ما تتوهّمه الحقيقة الكاملة التي لا يملكها أحد سواك
قصة إسائتي لأسرة الكذّاب كرّرتها مليون مرة ولا زلت رغم إني حاولت ما في وسعي أفهّمك وقلت ليك قدّامك البوستات موجودة في المكتبة - المن 2008 بالمناسبة :) - أمشي جيب الإساءة البتتكلّم عنها دي
لكن لا فائدة ترتجى فكسبت زمني في هذا الخصوص والآن أنصح الصديق هشام بذلك, طالما ما في الجراب هو الهراء نفسه لم يطرأ عليه تحديث أو تصحيح

ونعم روح التضامن مع ود البوش أو ابو حسين لا يجب أن تزعج أحد طالما الفكرة ليست نفخ كير أو إذكاء فتنة أو تصفية حسابات مع أحدهما باستغلال الآخر

Quote: في موروثنا السوداني اخد الحق بالضراع موجود

لا إعتراض لدى أن يتبنى التقدميون موروثات جاهليـة منها اخذ القانون فى اليــد.. ولكن موروثات الجاهلبية، وموروثنا السودانى الهمباتى ليس فيه الغدر..
ما كان عندى مشكلة لو الاخ المذكور تعرض لإستفزاز (قوى ومفاجئ) فهنا يبرؤه القانون قبل نقاشاتنا هنا.. ولكن عطن السوط فى القطران مسبقا ينفى اى إحتمال لحالة الإستفزاز القوى والمفاجئ التى يستثنيها القانون، وإنما كان عملا مدبرا ومخخطا له.. وياريت بعد دا سلك الاخ مسلك الجاهليين والهمباتة و (موروثاتنا) التى تتحدثون عنها، واتى بسيارته وسوطه المعطون، ونادى ابوحسين: يا أبا حسين انا لك اليوم، فاخرج من بين النساء والأطفال، ثم انتظره.. هـذه خصال وموروثات السودانيين التى تريدون حمايتها والتعلل بها.. لا يمكن المقارنة.

المهم الموضوع دا انتهى، فارحموا الرجل ولا تثيروا ما قفل، فلن تنجحوا فى الدفاع عنه، ولن تنجحوا فى تبرير ما فعله، فقط لأنه ربما كان من رهطكم.

Quote: لا إعتراض لدى أن يتبنى التقدميون موروثات جاهليـة منها اخذ القانون فى اليــد.. ولكن موروثات الجاهلبية، وموروثنا السودانى الهمباتى ليس فيه الغدر.. ما كان عندى مشكلة لو الاخ المذكور تعرض لإستفزاز (قوى ومفاجئ) فهنا يبرؤه القانون قبل نقاشاتنا هنا.. ولكن عطن السوط فى القطران مسبقا ينفى اى إحتمال لحالة الإستفزاز القوى والمفاجئ التى يستثنيها القانون، وإنما كان عملا مدبرا ومخخطا له.. وياريت بعد دا سلك الاخ مسلك الجاهليين والهمباتة و (موروثاتنا) التى تتحدثون عنها، واتى بسيارته وسوطه المعطون، ونادى ابوحسين: يا أبا حسين انا لك اليوم، فارج من بين النساء والأطفال، ثم انتظره.. هـذه خصال وموروثات السودانيين التى تريدون حمايتها والتعلل بها.. لا يمكن المقارنة. المهم الموضوع دا انتهى، فارحموا الرجل ولا تثيروا ما قفل، فلن تنجحوا فى الدفاع عنه، ولن تنجحوا فى تبرير ما فعله، فقط لأنه ربما كان من رهطكم.

انا قلت كلام واضح يا عزيزي
اخد الحق بالضراع موجود في موروثنا السوداني ومن الجهل ان نعتقد بان الموروث ده يمكن ان نستاصله بين يوم وليلة
يظل مسيطر ويبرذ من الحين للاخر
واستبدال هذا الانسان السوداني بموروثه الثقيل لا يتم بمجرد ان امتلكنا لغة الحوار
او امتلكنا كلمة مرور لاحد المنابر بل هي عملية احلال وابدال طويلة المدى
وقلنا من قبل مثل هذه اللغة غير جديرة بحل اي خلاف غير انها تسهم في مزيد من لغة المشاحانات والاصرار على المواقف الخطأ
الموضوع انتهى
ونتمنى يكون انتهى بما يرضى الجميع
وهنا دعوة للاخ ود البوش للاسهام في المنبر والاطلالة من جديد
فهل هنا كفر يجب ان يستتاب منه
عل العموم
لك التحيييييييييييييية

Quote: هل تعتقد ان الوقوف مع الحق يعتبر دغمسه ودموع تماسيح؟؟ رجال من امثال "ابوجهينه" و"اسماعيل عباس" وكوكبة "بورداب الرياض" الاكارم ومدادهم الذي سكبوه عبر "توضيح من بورداب الرياض" وبعد ذلك مداخلاتهم عبر بوست "ابوحسين" الذي شكر فيه الكل ...كل هذه الجروف التي أدانت هذا التصرف .فهل تعتقد ان ذك دغمسه ودموع تماسيح. كان الأجدى أن تكتب حروفآ تصب في مصلحة التقريب في وجهات النظر . ترى كيف كان سيكون تصرفك ان تعرضت لما تعرض له "ابوحسين" ؟؟ ان قدر ابوحسين ومعدنه ظهر حين إمتثل لرجاءات الكثير من الرجال الحاضرين في ان يحكم صوت العقل ...ومن يعرف قدر الرجال ويمنحهم مكانتهم يأتي على نفسه ويمضغ العلقم في سبيل ألا يرد رجاءات هؤلاء الرجال وأياديهم خائبه...هؤلاء هم الرجال الذين نعرف ونفاخر بهم. على الرجل أن يكون رجلآ ليدرك هذه القيمه...قينة ألا تدير وجهك نحو جهة اخرى حين يقصدك الرجال ...وقد كان ابوحسين ذلك الرجل.

هؤلاء جميعاً لهم خلاص التقدير والاحترام
ولك ايضاً يا عزيزي
ولم نقل بان معالجتهم ومحاولاتهم خلت من قيم سامية او لم تنصر الحق
ولكن يا عزيزي
علوق الشدة عمره ما رم عضم
في تقديري لو اهتم كل الاعضاء بضرورة معالجة العنف اللفظي واستئصال اسبابه
في تقديري ود البوش ايضاً ضحية في هذه القضية
على فكر ة من ناحيتي ليس مهتماً باظهار بطولة احد الفرقاء او نبل اخر حساب طرف بعينه
ولا اقامة محرقة لشخص بوصفه شيطان جريم
ولكن هي دعوة صادقة لود البوش ليكن بيننا وجيد انه اعترف باخطأ وقع واظهر روح طيبة تجاه ما حدث
وهذه ايضاً شجاعة تحسب لود البوش
مع التحييييييييييييية

حبيبنا "هشام"

سلام

Quote: العفو يا أبو أحمد ما اتصلنا عليك نطمئن على حالكم .. نسأل الله وافر الصحة لإبننا احمد .. سلامي وتحياتي ومودتي يا حبيب ..

بحمد الله تعالى ومنته وفضله بدأ إبننا "أحمد" في التماثل للشفاء.

مشكور حبيبنا ..تحياتي لأم عبادي واخونا "حمدي"

كن بخير.

هل يمكن تقسيم الاذى درجات

وأذا كان ود البوش اعتدى على الاخ أبو حسين في مناسبة وحضورها موجود.... قد سبب أذيه له
فلماذا لايكون هنالك حديث " كتبه ابو حسين " هنا على الملاء اعتبرناه نحن مجرد حديث ولكنه شكل أذى لود البوش
وكثيرا مايحدث ان كلمة نمر بها ولانحفل بها ولكن احدهم تكون هذه الكلمة تؤثر فيه وتسبب له الاذى
وود البوش الذي أعرفه لايحركه الا الشديد القوي للقيام بفعلته تلك ...!!!!
في اعتقادي ان العنف اللفظي وخصوصا ان كان على الاسافير المفتوحة للجميع اشد وطأة من العنف الجسدي في مناسبة حضورها مفتوح ...
وأشهد ايضا ان ود البوش لم يشطط في ردوده مع أحد
ربما هنالك الكثيرين يثيرون العنف اللفظي ولكن نجد ان الردود تاتي لهم بنفسهم نهجهم ،، ولكن ود البوش لم أراه يرد على احد ما بنفس " طوبته " وهذا سبب ربما يجب حسابه في هذا الموضوع


عموما كلاهما أخ عزيز واتمنى ان تنفض المشكلة ويعود الجميع ... ولكن أحذر من غضب الحليم
وانا شخصيا اذا وجدت من يرد علّي بنفس كتاباتي سوف اسير معه للاخر ولكن من يتحصن بالادب مقابل كتاباتي السيئة تجاهه مثل " ود البوش" سوف اعمل له الف حساب ..!!

ود البوش ما زول كـعـب ....

و لكن لو قرأتو هذا البوست و البوست اللي إتحذف و كان بي عنوان أركــــز ....

حا تفهمو كـــل شـــئ ....

Quote: السلام عليكم يا خوانا الرجاء لا تجعلوا الموضوع ود البوش Vs أبوحسين والإصطفاف المعتاد حكومة ومعارضة وما إلى ذلك الإثنين أخوين كريمين و بالنظر للنصف الملآن من الكوب فنجدهما قد ضربا مثلا يُحتذى الأول في الإعتذار الصادق و مغالبة النفس وكسرها وكسر كبريائها وإجبارها على التراجع عن الخطأ وهذا امر لو تعلمون عظيم لا يقدر عليه إلاّ الصادقين و أبوحسين في عفوه و قبول الإعتذار و لجم غضبه و شهوة الإنتقام وإكرامه لخاطر الكرام و عشمهم و هذه أيضا لا يقدر عليها إلاّ كريم النفس وكبيرها نسأل الله أن يجعلها في ميزان حسناته و يعظّم اجره عليها ونسال الله أن نستفيد جميعا ممّا حدث و يرزقنا القدرة على التراجع و إحقاق الحق و القدرة على العفو و لجم شهوة الإنتقام يجب ان تتوقف محاولات السعي بالفتنة ونفخ الكير وتصفية الحسابات باستغلال ما جرى, من يريد تصفية حسابه مع أبوحسين فعلى الأقل يحترم ود البوش و إعتذاره الكريم الذي بذله على الملأ ومن يحمل على ود البوش فليقدّر و يحترم موقف وتقدير صاحب الشان أبوحسين وخياره فلسنا بأقدر منه على تحديد الأفضل و الأكرم له ومهما قلنا لن نبلغ أحساسه بما جرى وما بنقدر نورّيه يسوّي وما يسوّي شنو

يسلم فهمك يا ود البشرى

Quote: ود البوش ما زول كـعـب .... ....

الله يخليك يا ابوحسين .......

أنا شخصيا ضد العنف اللفظي والجسدي بصورة عامة إلا في حالات الدفاع عن النفس أو الشرف أو المال وليست لدي معرفة بود البوش و أبوحسين حتى من خلال هذا المنبر ومعرفتي بهم سطحية جدا. لكن من خلال متابعتي للحادثة في هذا المنبر, عرفت بأن أبوحسين كتب كلام لم يتقبله ود البوش, وفي رأي كان يجب على أبو حسين أن يعتذر كتابيا لأنه وجه كلام ولم يقبله الطرف الثاني, وليس لدي علم هل فعلا أبوحسين إعتذر كتابيا أم لا؟ لكن ملاحظتي بأننا في السودان بصورة عامة نفتقد إلي ثقافة الإعتذار. وفي النهاية أنا ضد إستخدام العنف لحل مثل هذه المشاكل ولا أؤيد ما قام به ود البوش على حسب ما ورد في هذا الموقع بغض النظر عن الدوافع وخاصة أمام نساء وأطفال وأشخاص ليس لديهم دخل في الموضوع.

Quote: العنف اللفظى يقود للعنف الجسدى

الحرب اولها كلام
يجب ادانة كافة اشكال العنف اللفظى والجسدى كوسائل لتصفية الخلافات وكبديل للحوار الموضوعى الهادف الذى لا يفسد قضية الود .

Quote: هل يمكن تقسيم الاذى درجات وأذا كان ود البوش اعتدى على الاخ أبو حسين في مناسبة وحضورها موجود.... قد سبب أذيه له فلماذا لايكون هنالك حديث " كتبه ابو حسين " هنا على الملاء اعتبرناه نحن مجرد حديث ولكنه شكل أذى لود البوش وكثيرا مايحدث ان كلمة نمر بها ولانحفل بها ولكن احدهم تكون هذه الكلمة تؤثر فيه وتسبب له الاذى وود البوش الذي أعرفه لايحركه الا الشديد القوي للقيام بفعلته تلك ...!!!! في اعتقادي ان العنف اللفظي وخصوصا ان كان على الاسافير المفتوحة للجميع اشد وطأة من العنف الجسدي في مناسبة حضورها مفتوح ... وأشهد ايضا ان ود البوش لم يشطط في ردوده مع أحد ربما هنالك الكثيرين يثيرون العنف اللفظي ولكن نجد ان الردود تاتي لهم بنفسهم نهجهم ،، ولكن ود البوش لم أراه يرد على احد ما بنفس " طوبته " وهذا سبب ربما يجب حسابه في هذا الموضوع عموما كلاهما أخ عزيز واتمنى ان تنفض المشكلة ويعود الجميع ... ولكن أحذر من غضب الحليم وانا شخصيا اذا وجدت من يرد علّي بنفس كتاباتي سوف اسير معه للاخر ولكن من يتحصن بالادب مقابل كتاباتي السيئة تجاهه مثل " ود البوش" سوف اعمل له الف حساب ..!!

Quote: ود البوش ما زول كـعـب .... تسلم ابوحسين

Quote: يستمر النضال

حبيبنا معاوية
كيفنك يا ملك

ممكن يا حبيب تشرح لي وللناس البيقروا ديل
النضال بيتجلى وين في الموضوع دة
لأنو الواحد عيونو طششن من البقرأ هنا دة
ولو ما كثافتنا جات ما كان دخلنا معاكم


وتسلم يا حبيب

الموضوع وما فيه شماتة في ابو الحسين
ومعاوية وفرح الروضة ما هاميهم البوش بقدر ما دايرين ليهم فرقة في ابو الحسين باعتبار انه كوز

الكلام الكتبوا ابو الحسين ممكن يترد عليه بكلام، لكن. كل شخص بيختار اسلوبه

ابو الحسين موقفه كويس انه ما مشى في الانتقام، البوش اعتذر وعرف غلطه

طيب معاوية وفرح دايرين تصلوا لشنو يعني، انتقام من ابو الحسين

والله لقد نهضت لمعارض الدكتاتورية وعمري حد أشر سنة وقضيت كل عمري منذ ذلك الحين وحتى اليوم ابذل وقتي ومالي وجهدي في معارضة هذا النظام، ولكني أفكر بجدية ان معارضة تجمعين مع معاوية عبيد خير منها ان يصبح الانسان مؤتمر وطني عديل كده

معاوية عبيد
والله ان ما تفعله هنا يجب ان يدفع لك جهاز الأمن مرتب مقابله، يا خيانا قربت اضرب لي صلاح جادات يجئ يشو فك غواصة ولا ما غواصة


الموضوع الزي دي الناس بتخيل تتكلم فيهو
داير قيم السودان على الإيمان زول سوداني وأمه سودانية ما بيضرب ليهو راجل قدام أسرته، ولو حصل تاني الا يشوف ليهو بلد، الناس الحمقاء زمان بيتطالعوا في الخلاء،.

كلمة اخيرة

البوش دا سالت منو وقال زول كويس، واهو غلط واعتذر، الزول دا لو بيهمكم أمره يا معاوية ويا فرح موضوعي بتاع ود الحسين دا ما تجيبو سيرته لانه حتخلوا الناس ينسوا انه اعتذر والناس اتصالحت

ويمينا بالله الموضوع دا تاني يتفتح يا معاوية واعرف بيه اقدم ليكم عروض هنا وبالوثائق اخلي البورد دا سنة ما يقدر زول فيكم يكتب ليه كلمة (نضال) حتي لو كانت اسم قريبته.


هسه موت محجوب دا ما هز فيكم اي شعرة، يا خي احتراما ليه ساكت مفروض ما تجئ تكتب كلامك دا يا معاوية

لو في راجل أهو زي محجوب ولو في مرة أهو زي أميرة الجزولي، هسه محجوب شريف دا شيوعي وأنتم شيوعيين، ما بتخجلوا عليكم الله، ساكين العيبة، والله ربنا يرحم نقد ويرحم عم تجاني

مرة قاعد معاهو في اسمرا وانا ما شيوعي وزول بيحكي عن كوز (كوز عديل) وقال لاقاه في مطار هيثرو وعاه مرته (مرة الكوز) فقال لي عم تجاني (شتمته وقلت ليه انت زول حرامي)، عم تجاني رد ليه ببرود (لكن ما احترمت المرأة. كيف تقول ليه الكلام)، والله الزول دا غلبته القعدة بعد داك.


معاوية وفرح
انا ما بقول ليكم كونوا زي محجوب شريف، ولا زي نقد ولا زي تجاني الطيب لكن ارجعوا واسمعوا عنهم وكبار كم بي حكوا ليكم، يا خي الحزب الشيوعي دا لو فيه حسنة واحدة انه حزب شيوعي سوداني ما رهن قيم شعبه بل راهن عليها وحارب عشانها يجئ في اخر الزمن منسوبيه وعضويته يكتبوا كلام زي دا

يا خي طمعوا بطنا وكرهتونا المنبر والنضال والمعارضة

البوش
يا زول علمتك دي شينة واعتذارك جميل وانت زول قالوا كويس جداً، يا خي اي زول قال ليك انت غلطان أمسك فيه قوي دا زول ما بتلقي في الزمن دا، وأي زول قال ليك تصرفك العملته دا صاح اختاه وأختا طريقه دا زول كعب وما بشرفك تكون بتعرفه.


ا

Quote: السلام عليكم يا خوانا الرجاء لا تجعلوا الموضوع ود البوش Vs أبوحسين والإصطفاف المعتاد حكومة ومعارضة وما إلى ذلك الإثنين أخوين كريمين و بالنظر للنصف الملآن من الكوب فنجدهما قد ضربا مثلا يُحتذى الأول في الإعتذار الصادق و مغالبة النفس وكسرها وكسر كبريائها وإجبارها على التراجع عن الخطأ وهذا امر لو تعلمون عظيم لا يقدر عليه إلاّ الصادقين و أبوحسين في عفوه و قبول الإعتذار و لجم غضبه و شهوة الإنتقام وإكرامه لخاطر الكرام و عشمهم و هذه أيضا لا يقدر عليها إلاّ كريم النفس وكبيرها نسأل الله أن يجعلها في ميزان حسناته و يعظّم اجره عليها ونسال الله أن نستفيد جميعا ممّا حدث و يرزقنا القدرة على التراجع و إحقاق الحق و القدرة على العفو و لجم شهوة الإنتقام يجب ان تتوقف محاولات السعي بالفتنة ونفخ الكير وتصفية الحسابات باستغلال ما جرى, من يريد تصفية حسابه مع أبوحسين فعلى الأقل يحترم ود البوش و إعتذاره الكريم الذي بذله على الملأ ومن يحمل على ود البوش فليقدّر و يحترم موقف وتقدير صاحب الشان أبوحسين وخياره فلسنا بأقدر منه على تحديد الأفضل و الأكرم له ومهما قلنا لن نبلغ أحساسه بما جرى وما بنقدر نورّيه يسوّي وما يسوّي شنو

سلم قلمك يا ود البشرى
الاخ ود البوش اخطأ وايضا اخونا ابوحسين
رغم ان الخطأئين هنا غير متساويين لكن يجب ان نقول للمخطىء انت اخطأت
فكم من اناس هنا فى المنبر اسيىء لهم لفظيا ولم يردوا بالمثل وفضلوا الانسحاب وبعضهم
كتبوا هنا يشكون مرالشكوى .وتكاد تحس بدموعهم تطل عبر حروفهم حتى انك تحس
احيانا ان هذاالمنبر غابة او حانة او مكان تنتشر به لغة الشوارع .
كثير منهم لم يراعى ان كثير من القراء هم من نساءناواطفالنا وبناتنا

لذا امل ان نأخذ العبر من هذا الحادث . ونرتقى ونسمو بالالفاظ وحتى يطمئن كل من هجر المنبر
ويعود ويساهم مساهمة فعالة

والله اسأل التوفيق

Quote: لو في راجل أهو زي محجوب ولو في مرة أهو زي أميرة الجزولي، هسه محجوب شريف دا شيوعي وأنتم شيوعيين، ما بتخجلوا عليكم الله، ساكين العيبة، والله ربنا يرحم نقد ويرحم عم تجاني

الصادق اسماعيل حبابك

والله احترنا زاتو في رقبتنا دي يا ربي نحن شيوعيين ولا رماديين
تشكر يا حبيب فقد عبرت عني
وسنمهلهم معك

ومحل الرهيفة التنقد