بـــكـــــــرة الـــــنـــــــقــــــــــــة

اجتماع الرئيس مع رؤساء الاحزاب

58 حزب

زي البنقالة في البطحا

او زي سوق النسوان

في حوار يا ناسنا اعور من كده؟

بخت الباجرو الكراسي

الكرسي بي مليون
58 اجزاب
و50 المؤتمر الوطني

لانو الرئيس ما عنده زمن
كل واحد عنده دقيقة
انتهى

الليلة النقة
وحسب كلام الناطق الرسمي
العدد كم وتسعين حزب
يعني انا كنت زول جاهل
يعني كل حزب عنده دقيقة
الحوار عندك يا حكومة

النقة الساعة كم ؟؟

تعرف اجتماع الرئيس ده ذكرني اجتماعات بورداب الرياض نقة تقيلة
بس اجتماعتنا مقرراتها بتتنفذ
غايتو نقة بعدين
حسب فضوة الرئيس لكن شكلها بعد صلاة العشا

90 حزب سبحان الله

بالغوا

وكلهم ذكروني بي قصة صاحبنا الشيخ محمد حامد
الشيخ ده في ولى جامعة قرا علوم
وكان راجل بتاع بهجة
عازف اورغ
وفلوت
بحب الشعر
يعني راجل موهوب ما موهوم
ولا دخل محاضرة ولا دخل عملي
يوم الامتحان العملي دخل المعمل لقى راصين ليه كمية من الحجارة
عشان يتعرف عليها
بد يكتب
ده كوارتز ، وده اعتقد كوارتز ، وده يتخيل لي كوارتز ، وعندي احساس انو ده كوارتز وهكذا
وفلسفته انو واحد من الاحجار دي قطع شك كوارتز
فامس انا بعاين
وبقول
الحزب ده مؤتمر وطني ، والحزب ده اعتقد مؤتمر وطني ، والحزب ده اظن مؤتمر وطني ، والحزب ده قطع شك مؤتمر وطني
يا ريس
بامانة النقة عندكم

ملاحظات ونقرشة
الصوت سئ
بدأ الرئيس عمر ولم يكون الصوت واضح
الفرصة الاولي كانت للسيد الامام الصادق ودهمني شعور بالخوف ان يطيل الحديث الا انه كان ذكيآ واختصر = والله المؤتمر ده مفروض يسمو كيف نلم ناس حزب الامه والانصار شئ مسار وشئ نهار وشئ السيسي والحركات طلعت من اليد وكلو واحد شايل ليهو كلاشنكوف ما كلهم انصار اولاد انصار = تحدث عن محاسبة الفساد ومحاكمة من قتل شهداء هبة سبتمبر ( الثورة المستمرة ) وحي ذكري ثورة ابريل
واحد ضحكني شديد قال يقسمو قسم مغلظ = ي اخ ديل ناس حكمتيار و عبدالرسول سياف وبرهان الدين رباني اقسمو في بطن الكعبة وطلعو دمرو افغانستان والرئيس عمر حالف مرتين واحدة للترابي , غايتو الزول ده شوفو له وزارة .
بناني شجاع قال وقفو الحرب
الترابي غرق في التفاصيل = قال نتحاشي التزوير واتذكرت السكوت الايجابي ي اخ الترابي ده ملك التزوير وقال ندي ناس الحركات الامان واتذكرت د / خليل ابراهيم وناس الدوحة دي زرت خليل في ليبيا وشريط باسبورتو في تشاد وزنقتو لي يوم الليلة لما الواحد يتذكرها يحن عليه , غايتو ناس الحركات لو صدقو يكونو غلطو علي روحهم وقال بقي ما في ولاء والله الناس ال كان عفدهم ولاء كلهم ماتو اما في محرقة الجنوب ولا مغص من السويتو = الامام الصادق لما الترابي كان بتكلم = استغشي , وشو كلو كلو ما وراهو مما يدل علي انو زعلان شديد من الترابي
الاتحادي الاصل كان معقول قال وقف الحرب فترة انتقالية حكومة قومية
حسين خوجلي وقناة ام درمان عرفوها ي اخ الزول ده ذكي شديد = حوار شنو ال بتحاورو 90 حزب
العاوزين يتحاورو نشترط عليهم يجيبو توقيعات ل 30000 ثلاثين الف عضو 1% من سكان السودان وبالله يا ناس المؤتمر الوطني الاحزاب في السودان عددها7 بس

اخلاص
يا نقة

انت عارف يامحمد عندما عاينت للقاعة كاملة
تاكد ان مشكلة السودان بالناس الجوه ديل لن تحل ابدا
صدقني لقد داهمني شعور شديد بالحزن على بلدي
لا حول ولاقوة الا بالله

Quote: انت عارف يامحمد عندما عاينت للقاعة كاملة تاكد ان مشكلة السودان بالناس الجوه ديل لن تحل ابدا صدقني لقد داهمني شعور شديد بالحزن على بلدي لا حول ولاقوة الا بالله

لا حول ولاقوةالا بالله