المكاشفي محمد بخيت يبكي محجوب شريف.. يا له من رثاء

*تعامد الظلال

قبل التعامد، ويبقى ضل كل شىء متله
ما في ضل غير الغرس زرعو وسقا

الشمس ركت فوق عواميد "التقى"
عض النهار جلبابو ..
هرول فى دموع..
زحمة شوارع ولمة الشهدا
وشرود الضل على ركن الزمن..
خطوات تزاحم فى رصيف.. وسؤال يدافر يسبقا...
وينو التعامد ؟ والرحيل حلّق شمس
والظلال الرامية بكرة ومن أمس
دسّت خيال جر المساحات طبّقا

محجوب .. ضمير الفرحة والحزن النبيل
فارس مجرتق بالصهيل..
شال راية الريد والتراب فوق المجرات علقا..

محجوب شريف
محجوب عفيف
محجوب شفيف
محجوب نضيف
محجوب أليف
محجوب حفيف

جاوب سؤالات الوطن ما ختّ لي أمواجا قيف..ما زفّ فكرة وطلّقا..
ميدان عصافيرك فرش تغريدو ممشى واندياح... أرضا سلاح ..
وتميمة العشق المباح..

عين الشمس شافت عرس
نوّر عيونّا وشلّقا..
وقدرت تشوف وطن الحبيبة المستباح
والظلم والهم والجراح
غلط المدينة البقّو صاح
سرقة كحل من عين شمس
سرقة نهار من يوم أمس

محجوب سؤال
محجوب جواب
محجوب مجال
محجوب كتاب

محجوب حضور جوّه الغياب
كل الحقيقة بيمرقا
وردة ضفافك شالعة ضو فى الضفة
والموج والبعيد
إلفة كفوفك صابة شاي يسقي المواعيد والنشيد

أبواب شراد ما بطرقا
قول ماشي وين كداري حي السوق
تشق العدني والملجه
وتحيي السايق الكارو، تبين فى ضحكتو الفلجه
تمازح فارش الخدره وسايق الرقشة والشيال
وقلب يرسل المرسال
يدق أبواب بيوت يسأل طيور الجنة عن الحال..
سامح وقتنا البطّال
سامح لو ليالي الظلم فوقنا تقال
سامح لو سكت جوانا صوت ما قال لي وطنو تعال
سامح لو علانا ضجيج طواحين الهوا الكتّال

بكرة الفوله تملا حماس .. ويرجعو للبلاد الناس ..
ونقلع من مداخل عيد عيون الكاميرا والترباس..
سطورك يا حبيب الشعب تملا وطنا والكراس

(محل الطلقة عصفورة)
(محل السجن مستشفى)
محلك إنت ما في محله.. ما فى البملا بيه وطن
موجود إنت فى الإنسان
جوه قلوبنا والوجدان
دليل الشارع الفاتح علي قلبك غنا وعنوان

*المكاشفى محمد بخيت

Quote: *تعامد الظلال قبل التعامد، ويبقى ضل كل شىء متله ما في ضل غير الغرس زرعو وسقا الشمس ركت فوق عواميد "التقى" عض النهار جلبابو .. هرول فى دموع.. زحمة شوارع ولمة الشهدا وشرود الضل على ركن الزمن.. خطوات تزاحم فى رصيف.. وسؤال يدافر يسبقا... وينو التعامد ؟ والرحيل حلّق شمس والظلال الرامية بكرة ومن أمس دسّت خيال جر المساحات طبّقا محجوب .. ضمير الفرحة والحزن النبيل فارس مجرتق بالصهيل.. شال راية الريد والتراب فوق المجرات علقا.. محجوب شريف محجوب عفيف محجوب شفيف محجوب نضيف محجوب أليف محجوب حفيف جاوب سؤالات الوطن ما ختّ لي أمواجا قيف..ما زفّ فكرة وطلّقا.. ميدان عصافيرك فرش تغريدو ممشى واندياح... أرضا سلاح .. وتميمة العشق المباح.. عين الشمس شافت عرس نوّر عيونا وشلّقا.. وقدرت تشوف وطن الحبيبة المستباح والظلم والهم والجراح غلط المدينة البقّو صاح سرقة كحل من عين شمس سرقة نهار من يوم أمس محجوب سؤال محجوب جواب محجوب مجال محجوب كتاب محجوب حضور جوّه الغياب كل الحقيقة بيمرقا وردة ضفافك شالعة ضو فى الضفة والموج والبعيد إلفة كفوفك صابة شاي يسقي المواعيد والنشيد أبواب شراد ما بطرقا قول ماشي وين كداري حي السوق تشق العدني والملجه وتحيي السايق الكارو، تبين فى ضحكتو الفلجه تمازح فارش الخدره وسايق الرقشة والشيال وقلب يرسل المرسال يدق أبواب البيوت يسأل طيور الجنة عن الحال.. سامح وقتنا البطّال سامح لو ليالي الظلم فوقنا تقال سامح لو سكت جوانا صوت ما قال لي وطنو تعال سامح لو علانا ضجيج طواحين الهوا الكتّال بكرة الفوله تملا حماس .. ويرجعو للبلاد الناس .. ونقلع من مداخل عيد عيون الكاميرا والترباس.. سطورك يا حبيب الشعب تملا وطنا والكراس (محل الطلقة عصفورة) (محل السجن مستشفى) محلك إنت ما في محله.. ما فى البملا بيه وطن موجود إنت فى الإنسان جوه قلوبنا والوجدان دليل الشارع الفاتح علي قلبك غنا وعنوان

نعم يا له من رثاء

يا له من رثاء ساي يا أبو الروض!
تعرف نحن الشعر دا مهما يشيل مننا الناس العرفوا ليهو سرو
برضو بلقى عندنا غيرم قاعدييين، أها يشيل منو ويخلي منو

شوف المشهد قدام مستوصف "تقى"

الشمس ركت فوق عواميد "التقى"
عض النهار جلبابو ..
هرول فى دموع..
زحمة شوارع ولمة الشهدا
وشرود الضل على ركن الزمن..
خطوات تزاحم فى رصيف.. وسؤال يدافر يسبقا...
وينو التعامد ؟ والرحيل حلّق شمس
والظلال الرامية بكرة ومن أمس
دسّت خيال جر المساحات طبّقا

نعم المرثية
نعم الراثي
نعم المرثي

هو كذلك يا نصر
ثم وينك دمت بألف ألف خير

.. بنبكي نفوسنا ما بنبكيك
لأنك حارس الأشواق
ضرا الوطن المجسد فيك
...
وين ما تمشي نحن معاك
وخطوة بخطوة بنباريك
ونسمع في جهير الهمسة أنفاسك ووقع مشيك
...
حرفك في الصباح لواح
يضم الحلم والتفسير
ويصبح بالحلم مكتوب
علي الناس والشدر والطير
وفي الأنهار
وفي الغابات
وفي العتمور بشارة خير

المكاشفي محمد بخيت

.هكذا يا مكاشفي يكون البكاء على محجوب بمثل دفق شعره الجميل السيال الصادق .
لك ولقرائك التحية والعزاء في فقد جبلنا الأشم .أنت كما هو والقدال وأزهري و الراحل حميد
قادة حداة الركب من الشباب القادمين بقوة .

ويا بشرى عشمنا فيكم كلكم تسندوا بنيان الشعر الهايل الاتكى تكية شديدة خلاص
البركة فيكم وأشعاركم تحفظ الوطن من الانهيار العظيم
وباكر ضواي يا زول

منك وبيك حنتقدم
في وش الريح ونتقدم
وشايفنك هناك قدامنا في ساحات بتتبسم
وترسم في دفاتر روح
خرائط لي وطن أعظم
حمائم في سما الامكان
دروس وعبر
رغيفة وشاي دواء ومرسم
المكاشفي محمد بخيت
مواصلا رثاءه لشاعر الشعب

.
.

Quote: [Bمحلك إنت ما في محله.. ما فى البملا بيه وطن موجود إنت فى الإنسان جوه قلوبنا والوجدان دليل الشارع الفاتح علي قلبك غنا وعنوان

محجوب حضور جوّه الغياب
كل الحقيقة بيمرقا
وردة ضفافك شالعة ضو فى الضفة
والموج والبعيد
إلفة كفوفك صابة شاي يسقي المواعيد والنشيد

الله...الله عليك يا ماكاشفي.... والله عليك يا معاوية الزبير، فعلاً يا له من رثاء، جسد كل الأشياء المتعلقة بمحجوب شريف، بل استخدم مفردته وخياله الجامح وظرفه وحزنه وبعد نظره وتمثله للجمادات عندما تشعر بالحزن تسلم...معاوية الزبير، ويسلم يراعك المكاشفي محمد بخيت....

الأخ معاوية
صباح الـخيـر

تغـمّد الله مـحـجوب بواسع رحـمته وكريـم مغفرته
وجعله من أصحاب اليـميـن والفردوس

الأخ والصّديق الـموجوع الـمكاشفـي مـحـمّد بـخيـت صاحب قلـم معبـّر وشفّاف
رجل متّقد الذّهن ومرهف الإحساس وفيض غامـر من الإنسانيّة
بدّد الله أحزانه وهـمومه






له ولك الـتّحيّة

أيوه يا جنرال كلو ممكن الإحلال، إلا محل محجوب شريف لا يوجد ما يحل محله

(محل الطلقة عصفورة)
(محل السجن مستشفى)
محلك إنت ما في محله.. ما فى البملا بيه وطن

منتهى الروعة .. شكراً معاوية .. ويسلم يراع شاعرنا المجيد المكاشفي
ورحم الله فقيدنا الراحل المقيم ، شاعر الشعب والحرية محجوب شريف .

مودتي ،،،


( ليمو )

Quote: رجل متّقد الذّهن ومرهف الإحساس وفيض غامـر من الإنسانيّة

هو كذلك يا لوئ، ما من مرة تحدثت معه هذه الأيام إلا شعرت بأنه سيبكي في أي لحظة
حتى بت أتفادى مكالمته.
ليرحم الله محجوبا فهو فقد لكل وطني سوداني إنساني. والبركة فيكم وفينا
شكرا يا أستاذ

Quote: قبل التعامد، ويبقى ضل كل شىء متله ما في ضل غير الغرس زرعو وسقا

دي براها قصيدة
ولك وله خالص التحايا

عبد الحليم التلب، شكرا يا حبيب، مؤلم فقدان الشاعر لأخيه الشاعر
تعرف موت محجوب دا له ألف وجه ووجه من الحزن والفجيعة، من أي جهة نظرت إليه تبكي
من جهة قبيلته الشعراء، من جهة المبدعين عموما، من جهة المساكين الذين كان يرعاهم، من جهة الوطن المات قبل ما يشوف جديدو...
رحمه الله

Quote: Quote: قبل التعامد، ويبقى ضل كل شىء متله ما في ضل غير الغرس زرعو وسقا -------------- دي براها قصيدة ولك وله خالص التحايا

مش كدا بالله يا أستاذ
المكاشفي زول مرهف وأكثر كما وصفه صديقنا لوئ
وقد كتب القصيدة مباشرة بعد وفاة محجوب، فجاءت وصفا حارا لدراما تلك اللحظة

نرحب به وقد عاد بعد غيبة للكتابة في سودانيز أونلاين

شكرا موصلي ومزيد من الإبداع

هذه القصيدة الرثاء تفوق أمطار الدموع الطليقة
ما كنت متوقع تأتي قصيدة تبكيني بحزنها الطاغي وجرحها الدامي بعد رائعة القدال ( لو دموع الحسرة ما لاقت بكانا ..... نشيل ما شلنا من الهم )
إنهم الشعراء في بلادي ، كما قلت يا معاوية ، لا يفوتو لا يا موتو ، وحتى لو غابو يظل شعرهم يشجينا و يحمسنا ويبيكينا ويلهمنا

في التاريخ الإنساني لن تجد له
مثيلا
رصيفا

ندا
أو حتى
وصيفا
لم ارى أو اقرأ أو اسمع بمثله حبا لوطنه
وإيمانا بشعبه مثله
كلما افقدتني
العصبة الظالمة الثقة والأمل اهرع
الي شعره فاستعيد
ما فقدت وازيد
جني

Quote: محجوب حضور جوّه الغياب كل الحقيقة بيمرقا وردة ضفافك شالعة ضو فى الضفة والموج والبعيد إلفة كفوفك صابة شاي يسقي المواعيد والنشيد أبواب شراد ما بطرقا قول ماشي وين كداري حي السوق تشق العدني والملجه وتحيي السايق الكارو، تبين فى ضحكتو الفلجه تمازح فارش الخدره وسايق الرقشة والشيال وقلب يرسل المرسال يدق أبواب بيوت يسأل طيور الجنة عن الحال.. سامح وقتنا البطّال سامح لو ليالي الظلم فوقنا تقال سامح لو سكت جوانا صوت ما قال لي وطنو تعال سامح لو علانا ضجيج طواحين الهوا الكتّال

أول مرة أقرأ لهذا الشاعر الرائع
دي قيدومة خير يا سلااام رحل شاعر وعرفتُ شاعر
الرحمة والقبول للراحل محجوب شريف
شكرا أخي معاوية

عزيزى معاوية وكافة المتداخلين وأعضاء وعضوات وقراء هذا الموقع
التحية لكم جميعا..
الفقد عظيم ..والراحل محجوب موجود فى مشروعه الوطنى الثقافى الاجتماعى والانسانى العريض ومن واجبنا جميعا المحافظة على ارثه الباذخ وتاريخه المجيد فقصيدة محجوب تمشى بين الناس وتشرح يومياتهم العادية ..تفرح وتحزن ..تتصبب عرقا ومطرا وتقف صامدة شامخة صارخة فى وجه الظلم ..لا..لا..لا..ومحجوب كقصيدته تماما عمقا وملامحا ...وسلوكا..بمبدئية راسخة ..وايمان عميق بأن هذا الشعب وهذا الوطن هما ..الهم الخاص ..والهم الجمعى ..معا فى ..اتحاد البرق بالارض التى تمنح القبلة فى ليل التعب كما يقول شاعرنا محمد محى الدين..فليعش سوداننا حرا ديمفراطيا ..متساوى الاضلاع مترع بأناشيد الغد المحلقة ...رحمك الله شاعرنا النبيل ..

مكاشفى

Quote: الفقد عظيم ..والراحل محجوب موجود فى مشروعه الوطنى الثقافى الاجتماعى والانسانى العريض ومن واجبنا جميعا المحافظة على ارثه الباذخ وتاريخه المجيد

لك التحية
العزيز المكاشفي
محجوب شريف أمه




..............................................................
مع خالص الحايا لكل زوار البوست

أبكتني هذه المرثية ... وليست مستغربة ممن قال :
فرضو خصام جنوبنا بي سبب الديانة
والأديان سماحة وروح الدين أمانة
نحن عمرنا عايشين في السودان ضرانا
فينا لسانه عربي وفينا لسان رطانا
متباينين ثقافة ومختلفين ديانة
ومتفقين في حبك يا عالي المكانة

رحم الله محجوب شريف ولك التحيات شاعرنا المكاشفي محمد بخيت والشكر لك انت على أن أتحت لنا الاطلاع على هذه المرثية المعبرة.

أبو قصي