شكرا يا باشمهندس بكرى على الباسوورد .. الواحد سعيد بالتواجد معاكم

اولا التحية لكل الاخوة الاعضاء والزوار الكرام

تانيا شكرا يا اخ بكرى على الثقة المنحتها لينا بالتواجد مع الكوكبة المميزة دى من السودانيين .. بمختلف توجهاتهم واهتماماتهم ..
ويا رب كده نقدر نكون اعضاء نشطين فى المنبر

ولاء الدين. الدين لله والوطن للجميع ..بس محتار فى هندسة بكرى دى ..ثم مرحب

معاوية عبيد الصايم
صحى والله .. الدين حق الله .. والوطن حقنا كلنا .. والولاء المفروض يكون للانسانية .. لكن نقول شنو غايتو مع اهلنا السمونا على كيفهم ديل :)

تسلم كتير على المرور والترحيب

اهليييييين ولاء الدين

نورت المنبر وأكيد تستاهل الباسوورد

أهلآ ومرحب بيك في دارك وبين أهلك
ونتمني ليك إقامة طيبة

محمد نور عودو

شكرا للترحيب ياخى


سعيد بمرورك انت بالذات

نعمات عماد

شاكر ليكى مرورك وترحيبك الحار

تسلمى كتير يا (دفعة) 0_*

مرحب بيك أخ ولاء

وبكل الشباب اللاحقين بركب سودانيز المجتمع الكبير الجميل المتشاكل الاتجاهات والألوان والأفكار

جمعة مباركة ليك ولكل الحضور

تم التعديل ههههه رغم اني مشيت البروفايل ما انتبهت وما شكيت لحظة بأمانة

مجاهد محمد الهادى .

سويتنى (أخت) عديل كده يا مجاهد هههه .. فبلناها غايتو على مضض عشان ناس الجندر ما يزعلو مننا وكده


على العموم نزلنا الصورة عشان نتفادى الكلام الزى ده .. حالتنا صعبة نحن ناس الاسماء المشتركة ديل :)

ههههههههههههههه

يعلم الله طبعا ما انتبهت وما تبادر لذهني إنك منكن تكون ولد وآسف يا رجل


مرحب بيك أخ ولاء



* من المواقف إنو في زميل سعودي إسمو وعد مر بي وكان أحد المدراء وزول جميل من ناس جدة وحبوب ههههه

هههههه
عادى جدا يا مجاهد .. بتحصل فى ارقى المجتمعات .. واخوك غايتو عندو فى الحتة دى مواقف لا حولا ولا قوة

وبالذات طبعا من اخوانا الشوام لمن يلقو الاسم فى الاسكايب .. عييييييييك .. يا زول كشح مشاعر من امو ههههههه



جمعة مباركة وسعيد بمعرفتك ياخى

مرحب بيك أخ ولاء

وشكرا ليك ياخي

منور ياولاء
ابقى خاشي برحلك اليمين وعشق نمرة خمسه وخش المعمعة طوالي

حبابك يا " وليّ"
يبتاع " السكايب "
طبعا ده بلاويه عجيبة جدا وعندي حكاية معاه امس القريبة دي كان ربنا هون بنحكيها كاملة

حباب لواء الين نتمناك اضافة حقيقية بالمنبر
نزلت اهلاً وحللت سهلاً..
بالجنبة:
انا عاجبنى لواء الدين انت بطريقتك تسمى زى ماعايز،،،

كل الترحاب ولاء...
ود..
و امنيات.

أرقد عافية

ابوبكر احمد عبدالرحمن
شكرا يا غالى على الترحيب

ذكرتنى والله بواحد صاحبى من اولاد الجنينة برضو اسمو ابوبكر احمد عبدالرحمن
فى البداية كنت قايلك هو.. تخيل لغاية داير اتلابط فيك يا فردة ويا دفعة وما عارف ليك شنو .. لكن الصورة حسمت الموضوع :)

تحياتى يا صديقى

صديق الموج حبابك وتسلم كتير على الترحيب

والاسم ده عندك التصريح انو تشكلو على كيفك .. لولو زى ما داير يا صديقى

الف مرحب بيك ياخي
ونورت المنبر يا ولاء


خالص الود
برلوم قديم لنج

مرحب بيك ولاء الدين ..
وان شاء الله تكون اضافة حقيقة للمنبر
الدار وأهلها بيرحبو بيك وفي انتظار قلمك يا حبيب ..

هشام كمال عبادى

تسلم كتير وربنا يقدرنا عشان نعافر معاكم .. تحياتى

تسلم كتير يا بيناوى يا (سنيرى)

الواحد متابع المنبر من سنوات طويلة .. لدرجة انو فى ناس هنا ومن خلال كتاباتهم بقينا بنعرفهم كما نعرف ظهر ايدينا .

من ضمنهم انت يا صديقى .. تحياتى ..

ناصر حسين .. حبابك انت برضو

وفى انتظار حكاويك السكايبية دى يا حبيب ..
خلينا نشوف الشوت الضفارى ده عندنا نحن بس ولا الشغلة دى ظاهرة عامة :)

يا ابو عمير ما تستعجل علينا
خلى العربية تقسم بس شوية كده .. وبعد ما ندور المكنة انا خايف انت زاتك تبقى لى فى ( لا تسرع فالموت اسرع و هدئ السرعة اطفالك فى انتظارك )

هههههههه

حللت أهلآ ونزلت

مرحب بيك "ولاء".

الشيخ سيد أحمد
والاخ مزمل خيرى

تسلمو كتير ي شباب