محجـــــــــــــــــــــــــــــــــــــــــــــــــوب ما مات

محجوب الفارس
فارس الكلمة
لسان الناس
في اليوم الزحمة
ضمير العامة
وتاج الأمة
محجوب الضو
الفجّ الضلمة
عذوبة لحنو
مداد الرحمة
محجوب العمرو
ما خان بلدو
ومهما الناس افترقت
في حب محجوب الناس اتحدوا
ولما الشعب ينادي ولادو
يكون محجوب
في قمة مددو
محجوب ما مات
محجوب لا اندسّ ولا فوّات
محجوب متحكّر
في قلوب الجنيات
تلقاهو يغرّد
في رزم الحارات
تلقاهو يلولي
اسى الجارات
محجوب الراسي
ضراع النجدة للمحروم
فارس عرضو
وديمة بهم الناس مهموم
ما دسّ حقيقة
لسان الناس الماهو كتوم
ينضم در
ليوم مابلغت الحلقوم
محجوب ما مات
محجوب موجود في قلب الشعب الرادو
محجوب أبونا
ونحن أولادو
نمشي طريقو
نسلّم رايتو لي أحفادو
ونكتب تاني
بروح أمجادو
محجوب ما مات