الـعَـكْ المِصْري.. لـبـن لالـوب تــمــربــونــا

Quote: قال الدكتور أحمد دراج القيادى بالجمعية الوطنية للتغيير، أن زيارة الأمير تميم أمير قطر إلى السودان اليوم، هي زيارة مشبوهة يقوم بها أمير مشبوه إلى دولة مشبوهة، مشيرًا إلى أن الزيارة تأتى في إطار ما تقوم به قطر من دور كبير بدول المنطقة العربية مثل ليبيا وسوريا وتونس وغزة، من أجل تصدير المشكلات بها. وأضاف دراج في تصريح لـ "فيتو"، بأن زيارة اليوم قد تكون لاستكمال مخطط تقسيم السودان مرة جديدة بعدما انقسم عنه جنوب السودان. وتابع، بأنه من المتوقع أيضًا أن تكون الزيارة لها علاقة بقضية سد النهضة الأثيوبى في محاولة لدعم إثيوبيا والموقف السلبى للسودان تجاه مصر.

فعلا عك .......هى زيارة مشبوهة لنظام مشبوه نعم ...............لكن الأسباب المذكورة فى التحليل ساذجة جدا ....كيف يعنى لإستكمال مسلسل تقسيم السودان؟

ناس الإنقاذ ديل مرضوني بِسذاجتُم في التعامُل مع السِياسة..
(1) مِصر مُحْتلة حلايِب السودانِية ومصرت كُل شئ فيها
(2) إسرائيل عِنْدها سِفارة في مِصر + تعاون.
(3) إسرائيل عِنْدها سِفارة في أثيوبيا + تعاون.
(4) إسرائيل عِنْدها سِفارة في دَولة جنوب السودان + تعاون.
(5) الإنقاذ بتسعى بِإيديها وكِرْعينا لِلتطبيع مع أمريكا.
(6) أمريكا بِترضى لِلبِلولو طفلها المُدلل "إسرائيل".
(7) الإنقاذ أخلاقِيًا ما مفروض يِكون عِنْدها أي مانِع مِن التطبيع مع إسرائيل.
(8) كُل الدُول الدخلت في حروب مع إسرائيل اليَوم لديها علاقات مع إسرائيل (مِصر/الأردُن) وسوريا لو رجعت ليها الجولان بتطبِع مع إسرائيل، ولُبْنان لو رجعت ليها مزارع شبعا بتطبِع مع إسرائيل رغم أنف حِزب الشَيْطان (نصرالله).
(9) لو عاوِز نتكلم في الدين الإسلامي، ماف حاجة بتمنع السودان مِن التعامُل مع إسرائيل.

أها مِن السذاجة إنو الإنقاذ ما تطبِع مع إسرائيل.. للأتي:-
(1) نضمن إنو العنت ما حيجينا مِن جِهة دَولة جنوب السودان.
(2) نخلي مِصر خشُما مِلِح مِلِح.
(3) نرضي أمريكا.

الحل الوحيد يا عزام يا خوي
الناس ديل يتخارجوا
وتجينا حكومة محترمة تعرف تلعب لصالحنا
مافي أي مشكلة في التطبيع مع إسرائيل من وجهة نظري
وفي الحقيقة هي ما آذتنا أكثر مما آذونا بعض جيراننا المقربين
ومافي سبب واحد يخلينا نشيل وش القباحة معاها إرضاءاً لي ناس مطبعين معاها
وبيتعاونوا معاها في السر والعلن والأدهى والأمر إنهم ما شغالين بينا الشغلة
وما فارق معاهم نقاطع ولا نطبع
وما عارفين ذاتو نحن بنسوي في شنو

وتحياتي مثنى وثلاث ورباع

عزام فرح الرمز العنصرية ... تحية صافية ..

تصدق اول مرة تفتح شهيتي للتداخل معاك ..وحاة الرسول والغربية كل النقاط دسمة
وتفتح الشهية . بس النقطة رقم (9) شوية وقفت فيها اللهي دي .

(9) لو عاوِز نتكلم في الدين الإسلامي، ماف حاجة بتمنع السودان مِن التعامُل مع إسرائيل.

وانت اسه في داعي تربط حكومة القتل والدمار بالاسلام !!؟ عزام انا جاده والله الانقاذ دي ما عندها اي
علاقة بالله ليه ما دايرين تصلوا انتوا للقناعة دي ؟

اقتباس :
ناس الإنقاذ ديل مرضوني بِسذاجتُم في التعامُل مع السِياسة..
(1) مِصر مُحْتلة حلايِب السودانِية ومصرت كُل شئ فيها
(2) إسرائيل عِنْدها سِفارة في مِصر + تعاون.
(3) إسرائيل عِنْدها سِفارة في أثيوبيا + تعاون.
(4) إسرائيل عِنْدها سِفارة في دَولة جنوب السودان + تعاون.
(5) الإنقاذ بتسعى بِإيديها وكِرْعينا لِلتطبيع مع أمريكا.
(6) أمريكا بِترضى لِلبِلولو طفلها المُدلل "إسرائيل".
(7) الإنقاذ أخلاقِيًا ما مفروض يِكون عِنْدها أي مانِع مِن التطبيع مع إسرائيل.
(8) كُل الدُول الدخلت في حروب مع إسرائيل اليَوم لديها علاقات مع إسرائيل (مِصر/الأردُن) وسوريا لو رجعت ليها الجولان بتطبِع مع إسرائيل، ولُبْنان لو رجعت ليها مزارع شبعا بتطبِع مع إسرائيل رغم أنف حِزب الشَيْطان (نصرالله).
(9) لو عاوِز نتكلم في الدين الإسلامي، ماف حاجة بتمنع السودان مِن التعامُل مع إسرائيل.

أها مِن السذاجة إنو الإنقاذ ما تطبِع مع إسرائيل.. للأتي:-
(1) نضمن إنو العنت ما حيجينا مِن جِهة دَولة جنوب السودان.
(2) نخلي مِصر خشُما مِلِح مِلِح.
(3) نرضي أمريكا.

Quote: عزام فرح الرمز العنصرية ... تحية صافية ..

يا بت عمسيب
تحية صافية وناقعة
حرام عليك ، عزام ما عنصري
عزام زول واضح وشجاع، ويتعرض لمحاولات قمع وتهديد واغتيال شخصية
نفس الناس البهاجموا عزام ديل لو جبنا اقتباسات ليهم مقابل اتهاماتهم لي عزام
بتلقي عزام بالنسبة ليهم نبي مرسل
عزام بالتأكيد ما ملاك، ليه عيوبو ، وليه أخطاءه
زي مسألة الانفصالات البنادي بيها دي وهي الجابت ليه الهوا
يعني كونو يقول دارفور تنفصل، أو الحمد لله الجنوب انفصل
ودي بالتأكيد آراء لا يمكن أن نصفها بأنها عنصرية

مع أكيد الاحترام

منى عمسيب (العاقة لأهلِها)

Quote: بس النقطة رقم (9) شوية وقفت فيها اللهي دي . (9) لو عاوِز نتكلم في الدين الإسلامي، ماف حاجة بتمنع السودان مِن التعامُل مع إسرائيل. وانت اسه في داعي تربط حكومة القتل والدمار بالاسلام !!؟ عزام انا جاده والله الانقاذ دي ما عندها اي علاقة بالله ليه ما دايرين تصلوا انتوا للقناعة دي ؟

أنا بفرِق بين "السودان" وبين "الإنقاذ"، يعني لامِن أقول "السودان" بكون قاصِد مِن أيام البقط لغاية يَوم يبعثون.
ومنو القال ليكِ إني بعتبِر الإنقاذ عندها دخل بِالدين الإسلامي أو عِنْدها دين أصلو؟!
إنتِ لأنك مِن رجرجة المنبر ودهماءه فهمتي كِده، أنا الإنقاذ دي في لحظةٍ ما بِقت بِتْوافِق أجِنْدتي السِياسِية، بقيت لو ما شجعتها ما بذِمها، الإسلام أنا مارِق منو 90% مِن المُتصَوِفة البِطيرو والبيمشو فوق الموية والبِيحيو النِجازة (الجِنازة) ومارِق مِنو أغلب ملوك العهد الأموي والعباسي، وكُل الحكومات البتحكُم بإسم رب العالمين، أقوم أدخِل عمايِل الإنقاذ فيهو وأأسْلِما؟! مُش قُلت ليكِ قُبال كَدي إنتِ إتداخلي في الأعمِدة البتعرِفي ليها.. ليه بتْسوي في روحِك كِده.. إنتِ روحِك دي مُحرِقاكِ ولا شنو يا وهم!

بدرالدين ود عم بابِكر ود مُصْطفى
كيف حالك؟ علك طَيِب

Quote: الحل الوحيد يا عزام يا خوي الناس ديل يتخارجوا وتجينا حكومة محترمة تعرف تلعب لصالحنا

ده كلام سِمِح بِالحيل، بس لو إسْتعصى علينا حقو نطَيِع المُمْكِن والمبذول، يعني إنقاذ السجم دي ليها فوق رقبتنا ورقبة الخلفونا 24 سنة مِما نعِد، أخير بدل ما نقنِب نشتِر فيها بِأزرار الكيبورد ومِن على البُعد -كمان- أخير، نشوف المُمْكِن شنو، هسِع عليك الله إنقاذ 2014م هي نفسها إنقاذ سنة 1998م أيامأكانت بتْجوعِر الصباح الصباح بـ [أمريكا روسيا قد دنا عذابهما]، يا زول حمادة بِت بِقى بغني في الحفلات عااااادي وبدفع لِلولاية/المحلِية الرسوم العليهو وبحْرِسو كمان البوليس مِن تكالُب الجمهور ههههه.

الما بِتقدر ليهو يا إما تصاحبو ولا تفوت ليهو الفِجه، جعْجه مُناضِلي الكبتْشينو -زي ناس منى بِت عمسيب دي- وهم ساي، حرّم ما تقِلْ نازِح أو غلبان، مُش ياهو نِضالُمْ جِنِس [أن أخرجوا أيها الشعب السوداني البطل] [إن الصُبح لآتٍ آت] [الإنقاذ بِت الكَلِب] [يخسي عليكُم يا ناس الأمن] [نُطالِب بِالإفراج عن المُعتقلين] يِكْتِب ديل ويقفِل جِهازو ويمشي بِالصلاة على النبي يتجدع لينا في حديقة ذات أغصان، ويُشعُر إنو عمل حاجة لِلوطن هههههه