يا زوــلـــــــــنـــــا يـــا مــحــجـــــوب

ابونا يا محجوب
يا فارس الكلمة
كانت تزغرد بيك
اليوم تقول حي ووب
يا والدة يا مريم
ولدك ده روح فات
فتشنا للكلمات
حلق الغنا انسد
وكتف اللحون مسلوب
محجوبنا
يا رصاص
مرق الشعر والقول
خليتنا زي رصاص
اتفرق صبح مغلوب
كان الكلام الحر
زي العصافير فوق
حرية ما بتنحد
صبح الكلام
في شارع الانقاذ
بالكلمة كيف محسوب
متر المقال بي كم
والزول بح كالجيب
وانت يا محجوب
ود البلد تريان
ناضح معزة وراي
يازولنا يا مسافر
خلتنا نتلفح هذا الحزن زي توب
باكر نبنيه
بارادة المولى
وأرادة الشعب
يا زولنا يا محبوب
ورينا كيف القول
وكل الحروف نايحة
ياورة يا كلمة
ويا لحن زي شلال
ملك الفؤاد وقلوب

رحمه الله رحمة واسعة

لا حول و لا قوة الا بالله
له الرحمة والمغفرة
خالص التعازي لاسرته الكريمة
إنا لله وإنا إليه راجعون

لا حول ولا قوة إلا بالله

Quote: Quote: يرحل الشرفاء ويستوطن القبح في وطنى الى جنات الخلد محجوب شريف

إن القلب حزين
والعين تدمع
والعقل مغيب
وإنا لفراقك لمحزونون يا حبيب الشعب

تاني قام واحد جميل في بلدنا مات
لا حول ولا قوة الا بالله العظيم
إنا لله وإنا اليه راجعون
عليه رحمة الله ورعايته
ونسأل الله
ان يبدله دارا خير من داره
وان يتقبله قبولا طيبا
مع الصديقين والشهداء والأبرار
خالدا في جنات النعيم

نبكيك كيف
ما النيل مرق
خلاهو قيف

حنبنيهو البنحلم بيهو يوماتى
وطن شامخ وطن عاتي
وطن خير ديمقراطي
وطن مالك زمام أمروا
ومتوهج لهب جمروا
وطن غالي
نجومو تلالى في العالي
إرادة سيادة حرية
مكان الفرد تتقدم قيادتنا الجماعية
مكان السجن مستشفي
مكان المنفي كلية
مكان الاسري وردية
مكان الحسرة أغنية
مكان الطلقة عصفورة
تحلق حول نافورة
تمازح شفع الروضة
حنبنيهو البنحلم بيهو يوماتي
وطن للسلم أجنحتو
ضد الحرب أسلحتو
عدد ما فوقو ما تحتو
مدد للارضو محتلة
سند للإيدوا ملوية
حنبنيهو البنحلم بيهو يوماتي
وطن حدادي مدادي
ما بنبنيه فرادي
ولا بالضجة في الرادى
ولا الخطب الحماسية
حنبنيهو البنحلم بيهو يوماتي
وطن بالفيهو نتساوى
نحلم نقرا نتداوى
مساكن كهربا ومويه
تحتنا الظلمة تتهاوى
نخت الفجر طاقيه
وتطلع شمس مقهورة
بخط الشعب ممهورة
تخلي الدنيا مبهورة
إرادة وحدة شعبية

الرحمة والمغفرة لشاعر الشعب الإنسان الإنسان محجوب الشريف

فقد جلل ومصاب أليم

(إنا لله وإنا اليه راجعون)

الي جنات الخلد شاعر الشعب محجوب شريف



حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه

Quote: ابونا يا محجوب يا فارس الكلمة كانت تزغرد بيك اليوم تقول حي ووب يا والدة يا مريم ولدك ده روح فات فتشنا للكلمات حلق الغنا انسد وكتف اللحون مسلوب محجوبنا يا رصاص مرق الشعر والقول خليتنا زي رصاص اتفرق صبح مغلوب كان الكلام الحر زي العصافير فوق حرية ما بتنحد صبح الكلام في شارع الانقاذ بالكلمة كيف محسوب متر المقال بي كم والزول بح كالجيب وانت يا محجوب ود البلد تريان ناضح معزة وراي يازولنا يا مسافر خلتنا نتلفح هذا الحزن زي توب باكر نبنيه بارادة المولى وأرادة الشعب يا زولنا يا محبوب ورينا كيف القول وكل الحروف نايحة ياورة يا كلمة ويا لحن زي شلال ملك الفؤاد وقلوب رحمه الله رحمة واسعة

إنا لله وإنا إليه راجعون

شرد الكلام مني
واتلزم الاحزان
قنديلنا يا ضواي
كيف بس تسيبو بكان
خليتنا للعسكر
ناس الدقون الغش
والغش صبح في الدين
ارحمنا يا ديان
محبوبنا يا محجوب
شتل الغنا الناضر
جفت عروقو يباس
مين تاني يسقيه
مين البغني حنان
بيناتنا صار برزخ
وبلدنا منكوبة
بالحاكم السعران
ماك الوليد العاق
ما خنت ما سراق
ماشلت حق مكسين
ما شلت حق انسنان
يا زول مرقت بعيد
وجوانا لسة نشيد
كان داير الفنان
فنان اضحى شليل
والنسا تخاف بالليل
ولعبة الشفع
الكان زمان بشليل
راح الشليل
لمن فقدنا امان
محبوبنا يا محجوب
خليتها مريم ليه
بلدا سلامو فصيح
بلدا غناه رطانه
وبلدا وليده صبي
اجمل ملامح انسان
اللهم ارحمه
اللهم اغسله بالماء والثلج والبرد
اللهم بقدر خفقات قلوب محبيه ارحمه وتجاوز عن سيئاته ان كان مسيئا
وصلى الله وسلم على رسول الانسانية
والرحمة