Post: #1
Title: يابا مع السلامة يا سكة سلامة في الحزن المطير
Author: abdelrahim abayazid
Date: 04-02-2014, 01:45 PM
Parent: #0
يابا مع السلامة
يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
ترحل يا حبيبي من باب الحياة لباب المنون
روحك كالحمامة بترفرف هناك
كم سيرة وسريرا من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشد تلاوي
ما بتحب تفرق من جيبك تداوي
الحلم الجماعي والعدل اجتماعي والروح السماوي
والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وغافي
وين عمي البطرق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير
|
Post: #2
Title: Re: يابا مع السلامة يا سكة سلامة في الحزن المطير
Author: احمد حمودى
Date: 04-02-2014, 01:49 PM
Parent: #1
Quote: Quote:
يرحل الشرفاء ويستوطن القبح في وطنى
الى جنات الخلد محجوب شريف |
|
|
Post: #3
Title: Re: يابا مع السلامة يا سكة سلامة في الحزن المطير
Author: abdelrahim abayazid
Date: 04-02-2014, 01:55 PM
وداعا
|
Post: #4
Title: Re: يابا مع السلامة يا سكة سلامة في الحزن المطير
Author: شهاب الفاتح عثمان
Date: 04-02-2014, 01:58 PM
Parent: #3
رحلت يا شريف ولم نحقق امنيتك ببناء وطن حدادي مدادي ,
وامنيتك نعلقها امانة لجيل نظيف قادم
حنبنيهو
البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده سياده حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه
مكان الحسره أغنيّه
مكان الطلقه عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرضو محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم نقرا نتداوى
مساكن كهربا ومويه
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده وحده شعبيّه
|
Post: #5
Title: Re: يابا مع السلامة يا سكة سلامة في الحزن المطير
Author: abdelrahim abayazid
Date: 04-02-2014, 03:07 PM
Parent: #4
العزاء
لاسرة محجوب الصغيرة
والعزاء للشعب الطيب الذي انجب محجوب شريف
|
Post: #6
Title: Re: يابا مع السلامة يا سكة سلامة في الحزن المطير
Author: محمد فضل الله المكى
Date: 04-02-2014, 03:10 PM
Parent: #5
اللهم ارحم محجوب شريف واغفر له
وامطِر قبره سحائب الرحمة
واجعل الجنة مثواه
وانزلهُ منزلة الصديقين والشهداء وحسُن أولئك رفيقا
اللهم اجعله من أصحاب اليمين ( في سِدرٍ مخضود * وطلحٍ منضود *
وظِلٍ ممدود * وماٍ مسكوب * وفاكِهةٍ كثيرةٍ * لا مقطوعة ولا ممنوعة *
وفُرُشٍ مرفوعة * )
العزاء لأسرة شاعرنا المناضل محجوب شريف
العزاء لك أبا يزيد ولنا ولكل من أحب هذا الرجل السوداني
إنا لله وإنا إليه راجعون
|
Post: #7
Title: Re: يابا مع السلامة يا سكة سلامة في الحزن المطير
Author: mekki
Date: 04-02-2014, 04:49 PM
Parent: #6
وداعا الشفيف العفيف محجوب شريف
تتبعثر الكلمات،،،ماذا اقول في فقد الرجل الوطن
العزاء موصول لاسرته الصغيرة
لزملاء الحزب
لكل الشعب الابي
وانا لله وانا اليه لراجعون
مكي الاحمدي
|
Post: #11
Title: Re: يابا مع السلامة يا سكة سلامة في الحزن المطير
Author: محمد علي عثمان
Date: 04-02-2014, 07:17 PM
الي جنات الخلد شاعر الشعب محجوب شريف
حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
|
Post: #8
Title: Re: يابا مع السلامة يا سكة سلامة في الحزن المطير
Author: عاطف عمر
Date: 04-02-2014, 05:25 PM
Parent: #1
إنا لله وإنا إليه راجعون
رحم الله الشاعر السياسي الأستاذ الإنسان محجوب شريف رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم
العزاء للشعب السوداني
|
Post: #9
Title: Re: يابا مع السلامة يا سكة سلامة في الحزن المطير
Author: Balla Musa
Date: 04-02-2014, 05:33 PM
Parent: #8
إنا لله وإنا إليه راجعون
رحم الله الشاعر السياسي الأستاذ الإنسان محجوب شريف رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم
العزاء للشعب السوداني
|
Post: #10
Title: Re: يابا مع السلامة يا سكة سلامة في الحزن المطير
Author: Abu Baker Ahmed Abdel Rahman
Date: 04-02-2014, 06:19 PM
Parent: #9
إنا لله وإنا إليه راجعون
|
Post: #12
Title: Re: يابا مع السلامة يا سكة سلامة في الحزن المطير
Author: abdelrahim abayazid
Date: 04-02-2014, 11:32 PM
Parent: #10
شكرا محجوب شريف
|
Post: #13
Title: Re: يابا مع السلامة يا سكة سلامة في الحزن المطير
Author: أسامة العوض
Date: 04-04-2014, 05:34 AM
Parent: #12
Quote: Misbah Ali · Corona, California
بلد كلها فواجع وهزائم وحرائق وألم و أحزان وحسرات وموت .. موت موت موت.. ياإلهي ياإلهي ياإلهي
رد · أعجبني · متابعة المنشور · 2 أبريل، الساعة 04:09 مساءً
Misbah Ali · Corona, California
كان بدري عليك ولسة بدري عليك تودعنا ياالشريف والوطن محتاج ليك
رد · أعجبني · متابعة المنشور · 2 أبريل، الساعة 05:42 مساءً
Misbah Ali · Corona, California
ليتها كانت كذبة من كذبات أول أبريل.. ليتها كانت
رد · أعجبني · متابعة المنشور · 2 أبريل، الساعة 05:09 مساءً |
|
Post: #14
Title: Re: يابا مع السلامة يا سكة سلامة في الحزن المطير
Author: أسامة العوض
Date: 04-04-2014, 05:35 AM
Parent: #13
وداعاً شاعر الشعب
ماك الوليد العاق ...لا خنت لا سراق
إلى جنات الخلد
|
|