سؤال فني للمختصين الله يساعدكم؟

المرّة دي السؤال المحيرني سؤال فني عن الكمبيوتر .. الناس الفاهمين يحاولوا يشرحوا لينا بالمبسّط عشان دخل الما بداوا.
في حاجة اسمها ال Pop UP دي عاملة لي منخوليا... أفتح المنبر تجيني ناطة دعاية تقول لي: Download adobe etc..
وتحلف ببل قيت ما تروح إلا أغلق الصفحة وأبدأ تاني من قولة تيت.
الحكاية دي بتتكرر كتير ومع دعايات كلها عن الDownload لحاجات وبرامج ما طلبتها وما عندي ليهو وقت ولا جو!
الله يرحمكم وروني أعمل شنو عشان الداونلودات دي ما تظهر لي؟
تحياتي

(العوج راي والعديل راي) .

أها لقيت زولي المتخصص عشان يساعدني الله يديه العافية
الإبن سامي عبد المطلب .. الله يديك العافية .. شوف سؤالي الفوق دا ووريني أعمل شنو؟
ال Pop Up دا ما عرفت ليهو صرفة أصرفه عني صرف الله عند المرض والمصائب.
تحياتي

(العوج راي والعديل راي) .

ول أبا كباشي سلام
بس شوف القصة دي واحد عند اولاد مابريدوا المراسيل اها قال يريحهم جاب ود اخته
وسكن معاه جاء مواعيد العشا جاب الصينية والجماعة أتعشوا ومرسال الصينية رجعها
خاله قال ليه ياولد شيل الصينية رجعها البيت قال ليه ياخال ادوها ضهوركم اها يا ول
أبا اعمل منها نائم ومر

سلام..

ممكن تستعمل حاجة اسمها بوب اب بلوكر
pop up blocker

دوس اللينك التحت دا وجرب وورينا النتيجة

Click Here

أحمد

الأخ أحمد محمد موسى بعد السلام
عملت كليك.. فتح وندو جديد .. قال لي أعمل داونلود.. لكن هنالك تحذير يقول:
1- It will access your data in all websites.
2- It will access your tabs and browsing activities.
أها النقطتين الفوق ديل ما الراي العوج ذاته!
أسوي شنو يا أحمد الله يبارك فيك؟
تحياتي

(العوج راي والعديل راي) .

ول أبا المسلمي بعد السلام
الحكاية مزعجة إزعاج خاصة لمن تكون مستعجل وعندك حاجة مهمة.
نشوف الشباب حيقولوا شنو؟
تحياتي

(العوج راي والعديل راي) .

Quote: الأخ أحمد محمد موسى بعد السلام عملت كليك.. فتح وندو جديد .. قال لي أعمل داونلود.. لكن هنالك تحذير يقول: 1- It will access your data in all websites. 2- It will access your tabs and browsing activities. أها النقطتين الفوق ديل ما الراي العوج ذاته! أسوي شنو يا أحمد الله يبارك فيك؟ تحياتي

سلامات يا أخ كانتونا

الموقع والابليكيشن مضمونيين عن تجربة شخصية ورأي فني

اتوكل وinstall

وعشان أنجض ليك الكلام أكتر

أعمل سيرش في قوقل بالجملة دي

adsblockeplus security risk

وشوف ال positive feedback

لو عايز رأيي دايما قبل ما تنزل أي برنامج ما بتعرفو شوف الريفيوز عنو في الانترنت ولو لقيتها كويسة: نزل معتمدا نظرية موت الجماعة عرس

ولو الreviews سيئة: كفى الله المؤمنين القتال

كباشي ازيك يا حبيب.........

جرب ال adblock

https://adblockplus.org/en/chrome

(( من المؤمنين رجال صدقوا ما عاهدوا الله عليه فمنهم من قضى نحبه و منهم من ينتظر و ما بدلوا تبديلاً ليجزي الله الصادقين بصدقهم و يعذب المنافقين إن شاء أو يتوب عليهم إن الله كان غفوراً رحيماً و ردّ الله الذين كفروا بغيظهم لم ينالوا خيراً و كفى الله المؤمنين القتال و كان الله قوياً عزيزاً و أنزل الله الذين ظاهروهم من أهل الكتاب من صياصيهم و قذف في قلوبهم الرعب فريقاً تقتلون و تأسرون فريقاً )) سورة الأحزاب آية 25

و كفى الله المؤمنين القتال

سلام ياكباشي واحمد

قلت أعمل بوب أب بلوكر لكلمة شر البتنط دايما في هذه الآية.

شكرا يا بلة وسيتم التعديل :)

استعمل متصفح موزيلا فايرفوكس بدلا عن الياهو..explorer وغيره ...عن تجربة
شخصية نظيف وسريع .....

الرابط :


http://browser-download.com/FireFox?creative_id=downloadands...P6vb0CFcqUfgodjLYAjg

تحياتي

عن حاجات ال update دي مابتقيق خالص ....اذا ظهرت ليك في الفايرفوكس
تقفلها عادي ومابتأثر خالص .................
لي مدة طويلة بستعمل الفايرفوكس كمتصفح وعن تجربة شخصية مالاقتني أي
مشاكل خالص ....

بالتوفيق .

شيخ كباشي
أستعمل جوجل كروم و نزل آد بلوكـ

والله ياكباشى أنا بعانى من نفس المشاكل دى كل شوية حاجة كده تجى ناطة ليك فى الشاشة .... لكن الله يلعنى كان أكون فهمت حاجة من كلام حبايبنا خبراء الكمبيوتر ديل . ياشباب براحة علينا وفهمونا الشغلانة بالسيسى يعنى حتة حتة وشكرا ليكم على صبركم معانا .

كل الأخوة الكرام بعد السلام
أها حأنزِّل ال Adblock ونشوف البسويها الله يا غرق يا جيت حازمها.
تحياتي

(العوج راي والعديل راي) .

Quote: كباشي ازيك يا حبيب......... جرب ال adblock https://adblockplus.org/en/chrome

أد بلوك دا جميل وما بتجيك عوجة أنا مع الشباب

بتذكر حبيبنا ملهم كردفان كان طرحو مرة هنا كحل لمشكلة إعلانات سودانيز الكتيرة والمعيقة الخ