|
ايه قصة الصورة الرمزية دي وده منو ومالو والمناسبة شنو ؟؟
|
لاحظت كم عضو واضع الصورة الرمزية دي
الزول دا منو ؟
والمناسبة شنو
كنت اعتقد انو ده محامي بلاش ابو حسين لاكين اسي جهجهوني
غايتو لو ابو حسين اكيد ده معناهو انو تم تصفيده وديل مناصرين ليهو
لو فعلا تم تصفيده والله لاضع صورته على البروفايل بتاعي عشان يعرف انو مهما كان الخلاف لا يصل بي لمرحلة العداء والمساسكة والمطاردة خلاف هنا وينتهي وبره نتقالد ونقعد زي الاخوان
|
|
|
|
|
|
|
|
Re: ايه قصة الصورة الرمزية دي وده منو ومالو والمناسبة شنو ؟؟ (Re: usama Babiker)
|
http://www.sudaneseonline.com/board/460/msg/1396220268.html
والله العظيم اول مرة اعرف الحادثة الفظيعة البشعة دي من الرابط الفوق ده لمداخلة اسامة لدرجة اني الان اتعذب ضميريا وفي حالة تأنيب ضمير في فتح هذا البوست والله وقت كتبت البوست ده ما عندي اي فكرة عن هذا الخلاف والحادث الارهابي من ود البوش بس شفت كم صورة رمزية للاعضاء ترمز لابي حسين المعروف عندي بمحامي بلاش ، وحقيقة فقدت الرجل في المنبر ووبدأت اشك في صورته التي اعرفها انها له ولاكين وقت لاحظت اساسي وغيره من الاعضاء واضعين صورته فقلت دي صورة ابو حسين البعرفها بيهو ول طلعت صورة زول سوداني تاني من قادة المعارضة او الحكومة او من مشاهير السودان مات ول مسجون لكن ما متخيل انو في بشاعة زي دي حصلت من ناس يقال عنهم سودانيين عيييييييييييييييييب والله عييييييييييييب ودي ما رجالة يا ود البوش وصدقني المشهد ده عمره ما بتمسح حتى لو اعتذرت كيف تمحو الاثر النفسي الجوانا نحنا خليك من اقرب الاقربين اليه من زوجه وابنائه والرجالة الجد كان تضرب مواعيد مع ابو حسين براكم من غير بشر وناس وتجمع يا راجل والله لو فيك ذر رجولة كان تحترم زوجته واطفالة قبل زملاء المنبر ناس الاجاويد يمتنعوا ويا ابو حسين تصرف زي ده ما فيهو سماحة وخصال السودانيين ده كلام زي بتقال لا سماحة ولا اخلاق وود البوش ده مثال لذلك يا زول يا ابو حسين لو في محلك والله اخليها قضية يترحل بسببها الزول الجاالب العار للسودانيين الحصل ده ما محتاج للكلام الني ده محتاج لامسك واقطع يا ابو حسين وفي دي ما بقول ليك جيب معاك سوط عنج ول سكين او سيف لا لا امشي اتخذ اجراءاتك القانونية والله ما متخيل حجم الضرر النفسي الذي لحق بزوجتك والابناء خليك من الحضور من بورداب الرياض او ضيوف الحفل قلت يازول قال ليك صوت العنج جزء لتكملة الزي القومي تف على زي التراثي ملبوس من زول لا يراعي قيم واصالة هذا الشعب وتراثه
ابو حسين لك العتبى حتى ترضى بما فعله الساقطون من اهل السودان ولاسرتك الكريمة اطنان من الاعتذار ان كان الاعتذر يجبر الشرخ والكسر النفسي
ويا بكري ابو بكر اقل شي مطلوب منك الغاء عضوية ود البوش من المنبر ده صوتي انا وامثل نفسي فقط اطالب بطرد ود البوش من المنبر حتى لو سامحه ابو حسين ، وكفاية تميع للامور الضرب بيد من حديد لهؤلاء الارهابيين ا
| |
|
|
|
|
|
|
Re: ايه قصة الصورة الرمزية دي وده منو ومالو والمناسبة شنو ؟؟ (Re: حسين عبد المجيد)
|
Quote: لو فعلا تم تصفيده والله لاضع صورته على البروفايل بتاعي عشان يعرف انو مهما كان الخلاف لا يصل بي لمرحلة العداء والمساسكة والمطاردة خلاف هنا وينتهي وبره نتقالد ونقعد زي الاخوان |
الصورة للأخ ابوحسين لانه تم ضربه من احد الأعضاء امام أسرته وفي مناسبة عامة ------------- والمهم الكلام المقتبس حقك ده كلام زول ودبلد اصيل
| |
|
|
|
|
|
|
Re: ايه قصة الصورة الرمزية دي وده منو ومالو والمناسبة شنو ؟؟ (Re: محمد المسلمي)
|
Quote: لو فعلا تم تصفيده والله لاضع صورته على البروفايل بتاعي عشان يعرف انو مهما كان الخلاف لا يصل بي لمرحلة العداء والمساسكة والمطاردة خلاف هنا وينتهي وبره نتقالد ونقعد زي الاخوان |
الحق ما بيزعل يا عبد المجيد .. كان لزومو شنو المساككة من الأول .. أبو حسين رجل حقاني واشهد انه لم يتواني لحظة في قول الحق ان كان له او عليه ..
على كل حال مشكور يا عبد المجيد على كلامك البيوضح اصالة مدنك يا حبيب ..
| |
|
|
|
|
|
|
Re: ايه قصة الصورة الرمزية دي وده منو ومالو والمناسبة شنو ؟؟ (Re: عوض محمد احمد)
|
Quote: الصورة للأخ ابوحسين لانه تم ضربه من احد الأعضاء امام أسرته وفي مناسبة عامة ------------- والمهم الكلام المقتبس حقك ده كلام زول ودبلد اصيل |
تعرف كلامي دا بقولو اي زول سوي ولد بادية وولد السودان الجدودنا ربونا فيهو على الرجالة وكيف تكون راجل وتحمل اوصاف الرجال ولو ود البوش ود بادية بالجد يعرف الخصال دي كويس وكان يعرف بشاكل وين وبتين وكيف كمان حاجة مؤسفة الحصل ده والمزعلني اكثر انو ود البوش بقول دي ضربة خفيفة بالسوط بيعرفها اهل البادية يا راجل اتا البادية وتربيتها واخلاقها كمان اتغيرت ول شنو ؟؟ مع ناس الانقاذ
| |
|
|
|
|
|
|
|