ألعب يا هلال وأملأ الساحات

ألعب يا هلال وأملأ الساحات
ألعب وقدم أجمل تابلوهات
كاريكا وبكري بين خد وهات
وأحرز يا مهند بأقوى الشوتات

خلي المريخاب بين الآهات
على ما فات ومع الحسرات
كوليبالي لف وأعمل كسرات
يمين وشمال وهز الشبكات

ألعب يا هلال وأملأ الساحات
مساوي وأتير وبويا الشوات
جمعة جينارو صد البلنتات
عمر بخيت ح يرفع الكاسات

خمسة وخميسة وكمان ستات
عليك يا نزار سادي الخانات
سليمانو أجري زيد الخطوات
وأرمي للشغيل أجمل باصات

ألعب يا هلال وأملأ الساحات
أجري يا بشة أقطع مسافات
شوت .. وهدف بالرأسيات
أحلى الأهداف من العكسيات

ألعب يا هلال وأملأ الساحات
ألعب وقدم أجمل التابلوهات
حلق بعيد فوق بالمجموعات
قدم أحلى وأجمل المباريات

طبعا الهلال الآن ينافس على بطولة الأندية الكبار أولا
ثم تمثيل أفريقيا في بطولة العالم للأندية
وشتان ما بين المحلية من جهة
والأفريقية من جهة أخرى
والعالمية الحقيقية من جهة أخرى

أتحفني صديقي أمير خضر بالمشاركة التالية

نحنا لعبنا نغنة بي مزيكا
هندسة.. كورة بي تكتيكا
ومتعة مع الحريف كاريكا
خليك من ده ......
أسمع الجاييكا
نحنا هلالنا ياهو سيد البلد
كان ما سمعت ....
هاك أسمع ياولد
البي نمشيلو
بنعكر صفوه ونقلبو نكد
والبجينا
في المقبرة جاهز وداللحد

نحنا الدوري بنشيل كاسو
وبلدنا دايما بنرفع راسو
نحنا التيم البيابو دواسو
الخصم...
بنغلبو ونزيد أمغاصو

أسياد بلد كان ترضو كان تابو
لو ما الفهم كان الدلاقين تابو
نحنا الفريق ...
الأفريقيا بتهابو
بقيادة المعلم ....
وكاريكا وأصحابو

نحنا البنلقاهو قيهو نتفشه
ومن أقدام كاريكا شباكه تترشه
لو ما صابو راس الولد بشة
من صاروخ مهند أكيد ح يتعشى

أسياد كورة والبلد نحنا أسيادها
نحن الساس ونحنا الراس والساده
نحنا علم تكتيك معاهو شهادة
وكان درتو لسه عندي زيادة

شكرا أمير خضر

ألعب يا هلالنا وأملأ الساحات
بالفن ألعب وبأجمل الحركات
سجل أهدااااف .....
مثلثات .....
بلنتات .....
أو من فاولات
هاجم ودافع بكل الخطط
أربعات ...
وإثنينات ....
وفوز بالكاسات
وأملأ البترينات
بالدروع والكاسات
وأسعد جماهيرك
بالفوز والإنتصارات
ألعب يا هلالنا وأملأ الساحات
بالفن ألعب وبأجمل الحركات

الأخبار

وتأهل الهلال السوداني (سيد البلد) لمجموعة الأندية الأفريقية الكبار لينافس على ما يلي:
- بطولة الأندية الأفريقية
- ممثل أفريقيا في بطولة أندية العالم

وترك رفيق دربه المريخ ليقاتل في الدوري المحلي وفي رواية أخرى مكانه الطبيعي على أن يستعد للمشاركة في العام القادم للمشاركة بالتمهيدي.
وننوه أن الكابتن هيثم مصطفى لاعب المريخ لم يشارك المريخ في ماراتيه بالتمهيدي لأنه غير متعود على هذه المرحلة أبان زمنه بالهلال (سيد البلد)

تصدر فريق الهلال تصنيف الفيفا للانديه افريقيا وعربيا

وحل بالمركز 74 عالميا

وحل فريق الترجي التونسي تانيا عربيا وافريقيا

وال76 عالميا


فيما جاء المريخ في المركز 94 عالميا

والتالت عربيا وافريقيا

وجاء فريق جوليبا المالي الرابع افريقيا

وال112 عالميا

والاهلي المصري الخامس افريقيا والسادس عريا

وال128 عالميا


(منقووووووووووووول)

فووووووووووق