يعني الريده اقوي من الحب؟

ونحن صغار يجلس كبرائنا القرفصاء ويطلبون منا الريدة في شكل سباق " الريدة ... الريدة .. الريدة .. الريدة"

غناها احمد عبد الرازق دويتو مع عائشة الفلاتية " الريدة .... الريدة .... الريدة ... تاتتاااا ترارا م"

والحب عند العرب اشكال وانواع منه الهوي والوجد والغرام والعشق والصبابة تعددت الاسماء والحب واحد

والريدة عندنا في السودان ظلت وحيدة ولكن صاحبها وصاحبتها يطلق عيلهما ريّاد وريّادة .. قلتها مرة لخليجية فجلست تفتش القواميس عبر قوقل عن الريدة قالت عنها كلمة تقطع انفاس القلب

اليمينيين عندهم مدينة في حضرموت تسمي مدينة الريدة

في القاموس

ريد:
- طلب ، رغبة
المعجم: الرائد

الرِّيدُ - رِيدُ:
الرِّيدُ : الأمرُ الذي تُريدُهُ وتُزَوِالُهُ .
المعجم: المعجم الوسيط

وبريدك يا حبيبي بريدك بريدك زي ما بتريدني بريدك

المرحوم احمد فرح كان يتسائل

البريدو مالوا اتأخر بريدو يا ناس؟ ده كان زمن البريد والبرق

وهسي وين مع مواقع التواصل الما بتديك الدرب من فيس وواتس وسكاي وفايبر وهلم جرا