شـراع الريد

جينا نمد شــراع الريد .. لعلنا نحظى ببعض المحبه
المدفونة جوه في الدواخل ... والله صحي ()
..
..



__
بوست متزمزغ

الفيسبوك والتويتر وكل وسائل التواصل الاجتماعي كتلت المحبه
وارهقت الانبوكس بكثرة الاشعارات
فلانه ديك اشارت اليك
علان الليلة عيد ميلادو
فلتكان داك نكزك .. ليه ما عارف؟
وليه تنكزني ياخ؟
أنا عملت ليك شنو عليك الله

كنا دوماً نقول أن الكيبورد موصل غير جيد للمشاعر
ولكنني بخبرة هذه السنين اقول أن وسائل التواصل الاجتماعي شمشاره شديد
وهادمه لكل المشاعر وموصلة غير جيده لها
لا بد لنا من بعض الخصوصية .. فكل حركاتنا مرصودة
واشعاراتنا معلومة بالضرورة لمن من نسميهم اصدقاء

اها الليلة جينا نمد شراع الريد في سوق الله اكبر دا

قال لها : انت لوحة نادرة
فقالت له : وانت لوح نادر ولكنني رغم ذلك احبك

قال لها: احبك اكثر من نفسي ..
فقالت له: النصيحة الكضب حرام ..احبك نعم ... ولكن!
...
...



















_
ليس أكثر من نفسي ..فالنفس أولى من الصاحب ()
لنا جارة في الحي الله يرحمها توفي زوجها وترك لها اربعة بنات
سعت لتربيتهم وكافحت الى ان فاجأها الموت وارتحلت وتركت بناتها وحيدات
وعندما هم الناس باخراج الجنازة لكي تدفن ..
البنات الاربعة خرجن وهن يبكين امهن التي رحلت وتركتهن لمواجهة الحياة وحيدات
وصرن يصرخن :

الليلة وووووب يا امي خليتنا وماشه وين
يا امي سوقينا معاك
يا امي خليتنا لمنو؟
فعالجتهن إمرأة عجوز بحكمة السنين قائلة:
هوووووي يا بنات ادخلن لا جوااااا هسي لو قالت ليكن تعالن معاي ما بترضن
وبالتالي لا يمكن ان تحب انسان أكثر من نفسك مهما كان .. والله صحي :)

ود البشاري شايفك منتشي صباحاً
وربنا يزيدك كمان وكمان

Quote: ود البشاري شايفك منتشي صباحاً وربنا يزيدك كمان وكمان

ابو روضة يا وهيييييييييييييييييييط

بعمل تسته للكيبورد وايدي قاعدة تأكلني من الصباح