Post: #1
Title: هل ممكن "تقطع رزق" زول/ة من العرس؟
Author: احمد سيد احمد
Date: 03-29-2014, 09:52 AM
Parent: #0
السلام عليكم
الموضوع دا ذكرني ليهو بوست الاخت داليا حافظ ولذلك استعرت عنوانو مع تعديل بسيط...بس هي كانت بتتكلم عن قطع الرزق من ناحية الوظيفة...وانا قبل افتح بوست الاخت داليا كنت فاكرها حتتكلم عن قطع ارزاق العرسان والعروسات.
ندخل في الموضوع:
اذا اتقدم لبت جيرانكم او بت اهلك او اي بت من معارفك ...اتقدم ليها عريس وادوهو موافقة مبدئية مثلا... وانت بتعرف كويس انو الزول دا فيهو ما لو عرفته البت او اهلها فما حيقبلو بيهو ابدا...اها في الحالة دي هل بتتبرع بالمعلومة للبت او اهلها بدون يسألوك من باب الحرص على مستقبل البت ولا بتقول ما نقطع نصيب الزول ما دام الجماعة قبلو انا مالي؟
وفي حال سألوك وطلبوا منك الشورى هل بتمرق النصيحة؟
نفس الشي اذا اتقدم احد معارفك لبت وانت كنت عارف انو البت دي ما كويسه هل بتكلمو بالحقيقة؟
طبعا اكيد الزول دا ما صديق مقرب ليك ولا من اهلك ومافي بينكم علاقة وطيدة بل مجرد معرفة بسيطه
|
Post: #2
Title: Re: هل ممكن andquot;تقطع رزقandquot; زول/ة من العرس؟
Author: مجاهد محمد الهادي
Date: 03-29-2014, 07:10 PM
Parent: #1
أفضل أن أنأى أيضاً عن هكذا موقف إلا إن كنت متأكداً - ومتأكداً هذه صعبة جداً لأن معناها أن أكون قد رأيت بعيني
أمور الشرف والمساس به ساهلة عند الكثيرين وهي ليست كذلك ..
سوف أترك من يعنيه الأمر بالبحث والتحرِّي بنفسه عن هدفه والأمر يعنيه أولاً ولن أنال شيئاً من الولوغ في أِشياء لا تعنيني ولن أكون متأكداً منها ..
تعجبني جداً الفتوى حول عدم السؤال عن ماضي الفتاة في ديننا الحنيف ... وهي تعكس روعة وجمال هذا الدين الرائع..
إذن : سوف أقول خيراً أو سأصمت ..
عندما أتيت لأتزوج في المرتين كنت أستخير الله بعد أسئلة على خفيف وعامة إن لزم الأمر ، وكنت أعتمد على بصيرة وفطرة أعتقد أنها تتوفر عندنا بشكل عام ..
وشكراً أخي ود سيد أحمد .. ليه موضوعك ما في زول جاك فيهو رغم أهميتو بمكان في اعتقادي!!
|
Post: #3
Title: Re: هل ممكن andquot;تقطع رزقandquot; زول/ة من العرس؟
Author: احمد سيد احمد
Date: 03-31-2014, 05:35 PM
Parent: #2
سلام عليكم اخونا مجاهد
ماشاء الله كلام بتاع خبرة والله...
عقلاني جدا ومتزن...فعلا الحاجات دي حساسة شديد ولو الواحد ما متاكد 100% ما يتكلم ساي
بشكرك كتير لانك اديتنا كلام نجيض
وبالنسبة لبورة البوست فبيجو الزباين ان شاء الله
وتحياتي واسف على تاخير الرد عليك كم يوم وذلك للشغل ابو دوامين الكهرنا التعوسية دا
|
Post: #4
Title: Re: هل ممكن andquot;تقطع رزقandquot; زول/ة من العرس؟
Author: Adil Isaac
Date: 03-31-2014, 06:18 PM
Parent: #3
Quote: اذا اتقدم لبت جيرانكم او بت اهلك او اي بت من معارفك ...اتقدم ليها عريس وادوهو موافقة مبدئية مثلا... وانت بتعرف كويس انو الزول دا فيهو ما لو عرفته البت او اهلها فما حيقبلو بيهو ابدا...اها في الحالة دي هل بتتبرع بالمعلومة للبت او اهلها بدون يسألوك من باب الحرص على مستقبل البت ولا بتقول ما نقطع نصيب الزول ما دام الجماعة قبلو انا مالي؟
وفي حال سألوك وطلبوا منك الشورى هل بتمرق النصيحة؟
نفس الشي اذا اتقدم احد معارفك لبت وانت كنت عارف انو البت دي ما كويسه هل بتكلمو بالحقيقة؟
طبعا اكيد الزول دا ما صديق مقرب ليك ولا من اهلك ومافي بينكم علاقة وطيدة بل مجرد معرفة بسيطه
(عدل بواسطة احمد سيد احمد on 29-03-2014, 09:56 AM |
هذخ نمازج جيدة من العادات السودانية الرديئة و هي الحشرية و إقحام الأنف فيما لا يعنينا
أضعف لذلك الأسئلة من شاكلة "ماهيتك كم"، " لسة ما بقيتو ثلاثة"…الخ مما يعرف بسلوك البني كجة
تحياتي
|
Post: #5
Title: Re: هل ممكن andquot;تقطع رزقandquot; زول/ة من العرس؟
Author: مجاهد محمد الهادي
Date: 03-31-2014, 07:43 PM
Parent: #3
شكراً ود سيد أحمد
انتا أحمد سيد أحمد قريبنا؟
ساكن وين في الكلاكلة القلعة هههه
|
|