اخوك الاكبر منك متعثر مادياً وساعدته عدة مرات لكنه فشل..ماذا تفعل؟

ساعدتو مرات كتيرة

مرة عملت ليهو اقامة في السعودية


ومرة فتحتليهو محل تجاري

ومرة عملت ليهو عربية في الخط

و....الخ

مساعي عديدة وكلها لم يفلح فيها


انت قد تكون مقتدر ماديا لكن الخسارات اصبحت في تزايد وانت في مرحلة تربية اولادك الذين مازالوا في مراحل التعليم الاولى


ماذا تفعل في هذه الحالة؟

الأخ أحمـد

هناك قواعـد ثابتة يشترك فى الإنسان مع الحيوان:

1- أى إنسان فى هـذا العالم طيب بطبيعتـه، ويحب ان يعمل وينتج ويكسب من عرق جبينـه.
2- لا يمكن اى يكون راضيا بالهبات والعطايا حتى لو من اقرب الناس اليه، ويتوق لليوم الذى يستقل بنفسـه (صدقنى حتى الحرامية كدا).
هـذه طبيعـة البشـر..

نأتى للحالة المذكورة:
ولا اريد ان اخوض فيما لا اعلم.. لكن إقتراح عام لاى حالة: ان تدرس إهتماماته وما يريد ان يعمله والعقبات التى تواجهه، ثم ذلل له تلك العقبات.. بدل محاولات فرض مشاريع
عليه.. لو هو سياسى مثلا ما داير يشتغل بيده. افتح ليه نادى يجمع فيه الناس ويكون الدخل افكار مبتكرة غير مباشرة من النادى... مجرد مثال.

اخونا احمد سيد احمد

موضوعك ده حساس ومهم وخطير جدا

انا ح اديك النجيضة
اعلم:
المال البتوهبه لي اخوك/خالك/عمك/صاحبك
ده يعتبر "مال صدقة"
افهمني كوييييس
المال ده اهلنا الشيوخ بقولوا انه هو "المطهر" لي باقي اموالك
عشان كده بكون "مال ######ان"
وبكون منزوعة منو "بركة النمو"
ولا يصلح لاي اعمال تجارة
وات ح تجرب وتجرب وح تصل للقناعة دي

وعندك خيارين:
اما انك تدي اخوك ده مصروف شهري ثابت
او
تخصص ليهو ايجار عقار محدد
يعني مثلا ممكن تشتري ليك بيت في الصالحة او الاحياء النائية

وتحياتي
وربنا يفرج عليكم

دا أناني انتهازي
يكون اخو مسلم يا ربي!
جني

والله يا محمد اخوي أهلنا بقولو الضفر ما بطلع من اللحم
اخوك ياهو اخوك
ما تتوقف عن مساعدتو وحاول شوف حلول أفضل
وربنا يوفقك

الاخ احمد ...
لك التحية وانت تنكأ جرحا يعاني منه جل المغتربيين والمهاجرين.
راي عن تجربة شخصية..اتركه من غير اي دعم مادي او افكار لمدة and#1633;and#1634;شهر لتري كيف يتصرف ...وان اتي بشئ فخير وإن اقترح اي مشروع لابد ان تدرسه انت اولا ثم تشترط عليه الدخول شريك بالنصف حتي تتابعه ..

لا تعطيه سمكة بل علمه كيف يصطاد السمك




____
وخصوصا راس المال جَبَان

يا جماعة الخير الرجل لا يتحدث عن شقيقه
ولكنه من الاريتيين
أرأيت لو أن اخيك.....
جني

السلام عليكم جميعا وشكرا جدا للماخلات الثرة التى فتحت افاق واسعة للنقاش

بس زي ما قال اخونا جني ..الموضوع من باب ارأيت ولكنو ما خيالي لدرجة اسئلة الارايتين المخرافية ديك..بل هو واقع معاش وشايفنو كل يوم قام عيونها ...الموضوع دا ما حاصل لي شخصيا والحمدلله...لكن شايفو كتير وزي برضو ما قال الاخ حافظ انو مغتربين كتار مكتويين بيهو وفعلا دا الحاصل وهو سبب فتح البوست

برجعليكم بالترتيب

وتحياتي للجميع

والعجب كان شاكلته هو يزعل وامك تزعل
وتمصمص
خشمها وتقول ليك
زيو زيو اخو مرتك القاعد تساعدو
عشان كدة تخليها في حنانك
جني

ألأمثل دراسة الحاله بتاعتو بى دقه ورؤية مايناسبه
ومن ثم تقديم مساعده اخيره
مع التأكيد بانها الاخيره ..
عسى ولعل ان دراسة الجدوى تكون ناجحه وتقوده الى شط الأمان

احترامى