فروا من السودان .. فروا كأنكم حمر مستنفرة فرت من قسورة

في الأيام القادمة ستهل الذكرى المجيدة العاشرة لفراري العظيم من السودان مهاجراً وراء لقمة العيش - نعم لقمة العيش ولا شئ غيرها !
الثلاث سنوات التي قضيتها شبه عاطل بعد التخرج في السودان؛ أتحسر عليها حتى الآن وحقيقة أعتبرها ثلاث سنوات ضاعة تماماً من عمري؛ كا الخمس ساعات التي اقضيها يومياً في النوم!
قرار الهجرة لم يكن سهلاً كما يبدو، ولكنه أخذ قرابة العام الكامل من التفكير رغم وجد أكثر من عرض، ونظراً لاحد عشر سنة سابقة في غربة عشتها طفلاً صغيراً مع والديه، تجربة عندما كان يخيرنا فيها الوالد بين السفر للسودان أو تقاسم قيمة التذاكر في الالعاب والترفيه وعدم السفر؛ كنا نختار السفر للسودان بدون تردد وبكل الحماس.
يتبع




-
الحديث للسا مأمل خير وما حرامي

عشان من نفر من السودان

الله يعدل طرقك وينور دربك

Quote: الله يعدل طرقك وينور دربك

آمين ياذو اليد

عزيزي الشاب العاطل عن العمل كل يوم يمر عليك عاطلاً محسوب من رصيد العمر، والأكيد ان اليوم الذي يذهب لا يعود أبداً
والذي يعمل براتب لا يستطيع التوفير منه بصورة جيدة فهو في حكم العاطل ما لم يكن العمل بهدف اكتساب الخبرة !
لاحظ أنه ستكون فرصتك جيدة في سوق العمل حتى سن الاربعين، بعدها سيكون ايجادك لفرصة عمل جيد صعبة جداً جداً ما لم تكن مميزاً جداً
في سوق العمل عامة ما لم تكن لك خبرة جيدة على الأقل في مجالك فمن الصعوبة جدا أن تجد فرصة عمل جيدة وانت قد تعديت الثلاثون عاماً
لا بد أنك قد سمعت بتعبير (عيش شبابك)، نعم الشباب يعاش، يعاش في حينه لأنه زائل ولا ينتظر، والشباب رصيد بتجر منو كل يوم

.
.
.
سلام يا أيمن

بعد غربه إستمرت ل قرابة ال 25 سنه
فررت للسودان

ولكن لم أجده ...... وطني ضاع وإختفي
كل شىء تبدل للأسوأ

عندما فررت قديما كنت صغيرا يافعا
والآن جاوزت ال 50 عام
وأصبح لي أطفال وأسره
فكيف الفرار ؟؟؟
كيف ؟؟؟؟؟؟؟؟؟؟؟؟؟؟؟؟؟؟؟؟

مع عاطر التحايا
..
.
.
.
.

بشير حسـن

Quote: والآن جاوزت ال 50 عام وأصبح لي أطفال وأسره فكيف الفرار ؟؟؟

جهز الأطفال للفرار لاحقاً ،،، هذه البلد فاشلة جداً ،،، فاشلة بى ناسها !
مكنة التنمية مابية تقسم كلو كلو وما أظنها تقسم قريب أبداً
صديقي م م ترجيته كثيراً عبر هذه العشر سنوات في الغربة ليطلع بدينه قبل دينه يطلع
الآن له قرابة الشهر محبوساً بسبب شيكات - دخل السجن ودينو طلع !

Quote: تجربة عندما كان يخيرنا فيها الوالد بين السفر للسودان أو تقاسم قيمة التذاكر في الالعاب والترفيه وعدم السفر؛ كنا نختار السفر للسودان بدون تردد وبكل الحماس.

ما اروعك ياولد
جمعت فيها كل ما يمكن ان تنظمه الحروف

سلام أيمن قرارا السفر والاغتراب في إعتقادي الشخصي اصعب من قرار الزواج انا شخصيا كنت لا استطيع النوم وانظر لجوازي كانه شئ خطير الله يكون في العون نحاول دائماً دائماً التسمك بالوطن قلبي عليك وقلبك علي حجر يا وطن

أمس كان معاي شباب فارين حديثاً من السودان ،،،
يتحدثون عن سندويتشات جديدة في العاصمة وضواحيها
سندويتش (ون قيقا)
سندويتش ( صبرك)
اكتسحن الساحة وخلن سندويتش (ساوند سيستم) ينزوي كانزواء النويكا أمام الجلكسي والأيفون

البلد أمرها عجيب في تعشيم بعض الناس بالبقاء ،،، مية الرئيس، قالو في زيادة رواتب اول السنة الجاية
العاقل من يتعظ بأشياء مثل بلوغ الدولار ما يقارب الـ 9000 جنيه !

يوسف محمود
في يوم من الأيام كان بالنسبة لي كزول محروم سنين من العيشة وسط البلد والناس، كان مجرد ركوب المواصلات العامة بهجة ما بعدها بهجة
يا أخي والله مرات الواحد كان بيركب المواصلات بدون وجهة محددة - بس يكون وسط الناس (وسط شعب تراجي مصطفى)

ربنا يصبرنا جميعا أخي أيمن

سوف أكمل ال 10 سنوات في أكتوبر القادم

ما يحيرني أكتر إنو حتة الشوق اندثرت

ربنا يصلح بلدنا وما يحوج ليهو زول يغترب منو

مشكلتنا كسودانيين لا نحسن التعامل مع الغربة ولسيت لدينا خطط واضحة وأهداف محددة تسهل علينا إختصار المشوار
ولذلك تجد المغترب السوداني يطيل أمد الغربة لعشرات السنين والمحصلة النهائية دائماً مخيبة للآمال .
بجيك راجع يا أيمن لبحث الأسباب
الموضوع حيوي ويمس شريحة كبيرة من السودانيين بالخارج والذين ينوون الفرار بجلدهم

Quote: مشكلتنا كسودانيين لا نحسن التعامل مع الغربة ولسيت لدينا خطط واضحة وأهداف محددة تسهل علينا إختصار المشوار

يقول ليك فرار تقول لينا اختصار المشوار...

نختصر المشوار ...يعني ننزل في ياتو محطة؟

ايمن ... ازيك
بوستك ينضح صدق ممكن الناس كلها تشارك فيهو
بحكي ليك قصة واقعية : تغني عن الف مقال
واحد من عندينا اتربى في مصر وتنقل لدى الملوك في الاردن والمملكة وبلغ من العمر عتياً والركب بقت
في التقاعد الناس قالو ليهو امشي شوف بلدك ولو لمرة قبل ما تمشي (ام الحمام) رفض رفض قاطع وبعد
ان تزايدت الضغوط رخى وقال خلاص بمشي
مشى السودان ... وجاء راجع بعد اقل من اسبوع ... الناس بقت تسأل فيهو ياعم (#######) مالك ما قعدتا
قال ليهم بلغة هجين بين النوبية والمصرية ( هوا الأأاعدين هناك أأأعدين ليه عشان انا أؤعد ...
السودان دا اربونا هلقو اشان ما يهليش تحت السما فادي)
الترجمة: (هو القاعدين هناك قاعدين ليه عشان انا كما امشي اقعد ...ربنا خلق السودان دا عشان ما يخلي تحت السماء فاضى)