Post: #1 Title: والله ياعثمان موسى قدر ماتلف وتدور مابتلقى زي دي Author: Elmosley Date: 03-26-2014, 05:30 PM
امبر هولي كومب وبالمناسبة انت عارف انا متابع وشايف وعارف المستويات لغاية كانديس العجيبة لكن لي سنوات عديدة ما شفت لي فنانة عندها نفس طويل زي ده وقدرة على أن تحول صوتها من كمنجة الى فيلا الى فلوت والى ساكس بالله اسمع ماي "فني فالنتين" لاحول ولاقوة الا بالله
شوف الانفعال الكامل للجنة كلها وشوف ميرايا عملت شنو في او تطريب في الاغنية
Post: #2 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-26-2014, 06:41 PM Parent: #1
اي بليف ان يو دي غايتو ما احسن منها الا ستها ويتني
Post: #3 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-27-2014, 01:44 PM Parent: #2
صاحبي عثمان زاغ مني
Post: #4 Title: Re: والله ياعثمان موسى قدر ماتلف وتدور مابتلقى زي دي Author: Osman Musa Date: 03-27-2014, 02:11 PM Parent: #3
عزيزنا الموسيقار الكبير الموصلي سلامات والله مع زحمة الشغل ومتابعة أبتهال بتنا شاكيرا للربيع بقينا ما جايبين خبر . فاتني البوست حق امبر وحديثك عنها وأنت الزول الموسيقار الشوأف . صدق حديثك , الليلة امبر رجلها علي درج المليون . وكاسحة حسب كلام العارفين . تحياتي ومعاك متابعين
Post: #5 Title: Re: والله ياعثمان موسى قدر ماتلف وتدور مابتلقى زي دي Author: الفاتح ميرغني Date: 03-27-2014, 02:25 PM Parent: #4
يا عثمان انا ما عارف.ولحدي هسع ما سمعت البت دي. لكن لو الموصلي قال البت دي نفسها طويل، فالمسألة ما محتاجة لشاهدين عدلين.
محبتي لكما.
Post: #6 Title: Re: والله ياعثمان موسى قدر ماتلف وتدور مابتلقى زي دي Author: خالد عبد الله محمود Date: 03-27-2014, 03:19 PM Parent: #5
سمعت خولة المجاهد دي بالله يا استاذ الموصلي ؟ رأيكـ شنو في الصوت ده بالله ... مكيفاني عديل كده البت دي
Post: #9 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-28-2014, 05:53 AM Parent: #6
Quote: سمعت خولة المجاهد دي بالله يا استاذ الموصلي ؟ رأيكـ شنو في الصوت ده بالله ... مكيفاني عديل كده البت دي
ازيك ياخالد ايوه سمعت خوله وشدتني اليها بقدراتها اللغوية والغنائية العاليه وظلموها ظلم الحسن والحسين ربما لان the voice العربي لا يريد اغنية غربية في النهاية واعتقد ان خوله عندها الفرصة الاكبر لو تقدمت لنفس البرنامج الاصلي في اميركا ولو لقت التدريب الاميركي فلن تكون اقل من امبر هذه والفرق بينهما هو قدرة التحكم غي النفس والتفاوت بين الشدة واللين في الاداء وهذا يتوقف على التدريب للوصول الى هذه الدايناميكية كل الود
Post: #8 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-27-2014, 09:30 PM Parent: #5
Quote: يا عثمان انا ما عارف.ولحدي هسع ما سمعت البت دي. لكن لو الموصلي قال البت دي نفسها طويل، فالمسألة ما محتاجة لشاهدين عدلين.
محبتي لكما.]
لا لا لا حبيبنا الفاتح وانت من دهاقنة التذوق ان لم تسمع هذه البنت في هاتين الاغنيتين بزعل وحاة الخوه غايتو نمسك الخشب ماتجها حاجة من عيني ذات الاضان المسحورة كل الود
Post: #7 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-27-2014, 09:20 PM Parent: #4
Quote: عزيزنا الموسيقار الكبير الموصلي سلامات والله مع زحمة الشغل ومتابعة أبتهال بتنا شاكيرا للربيع بقينا ما جايبين خبر . فاتني البوست حق امبر وحديثك عنها وأنت الزول الموسيقار الشوأف . صدق حديثك , الليلة امبر رجلها علي درج المليون . وكاسحة حسب كلام العارفين . تحياتي ومعاك متابعين
عارفك مشغول بي شاكيرا وبت سانفرانسسكو صحابة الصوت الغربشرقي والتي اتوقع لها ان تلمع مثل شاكيرا لكن الاخبار ماعندك ياخي قدر ما افتش ما بلقى الا خبر امبر حامل ههههه تسلم ياحبوب
Post: #10 Title: Re: والله ياعثمان موسى قدر ماتلف وتدور مابتلقى زي دي Author: Osman Musa Date: 03-28-2014, 01:43 PM Parent: #7
وهسع الشافعة جينا حتنبل ليكم وحتحير العالمين .
Post: #11 Title: Re: والله ياعثمان موسى قدر ماتلف وتدور مابتلقى زي دي Author: Mahjob Abdalla Date: 03-28-2014, 01:50 PM Parent: #10
سلام الموصلي و عثمان موسي الزولة دي مش كانت في امريكان ايدول قبل سنة او سنتين؟ اتذكر كانت طلعت في المرتبة الرابعة تقريبا. هسي بتعمل شنو جديد؟
Post: #12 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-29-2014, 00:27 AM Parent: #11
العزيز محجوب كلامج صاح ولكن يقال انها تحتل المرتبة الاولى الان مابين تلك الدفعه وهي تقريبا من احسن المجموعات في اميركان ايدول
Post: #13 Title: Re: والله ياعثمان موسى قدر ماتلف وتدور مابتلقى زي دي Author: الفاتح ميرغني Date: 03-29-2014, 10:31 AM Parent: #12
Quote: لا لا لا حبيبنا الفاتح وانت من دهاقنة التذوق ان لم تسمع هذه البنت في هاتين الاغنيتين بزعل وحاة الخوه غايتو نمسك الخشب ماتجها حاجة من عيني ذات الاضان المسحورة كل الود
يا موصلي بالجد مبالغة. غايتو الـ Grammy دي مني انا ده ليها وللتعبير بتاعك العجيب: " عيني ذات الأضان المسحورة"!!
محبتي
Post: #14 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-29-2014, 12:51 PM Parent: #13
حبيبنا الفاتح هديتك من فنان وذواق عشان كده داير اهديك الفيديو ده لامبر على شرط سمع وشوف وشوف اللجنه اتجننت كيف ياخي والله حص\ عديل لكل المغنيين يااااااه
Post: #15 Title: Re: والله ياعثمان موسى قدر ماتلف وتدور مابتلقى زي دي Author: Osman Musa Date: 03-29-2014, 02:11 PM Parent: #14
والله يا أستاذ الموصلي لو ما يد السودان المسكين ملوية . الزيك يا أستاذ مفروض يكون في لجنة التحكيم زي ناس رأندي ديل . بس شن تقول . البت فنانة والنفض عندو سببو . بس حتي بعد الطلوع من المنافسة بتخيل يا أستاذ البت أمبر لو ما طلعت مسرح التايم أسكوير المفتوح وغنت للمساكين الزينا ما حتظهر الظهور الشامل
Post: #16 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-29-2014, 07:38 PM Parent: #15
Quote: والله يا أستاذ الموصلي لو ما يد السودان المسكين ملوية . الزيك يا أستاذ مفروض يكون في لجنة التحكيم زي ناس رأندي ديل . بس شن تقول . البت فنانة والنفض عندو سببو . بس حتي بعد الطلوع من المنافسة بتخيل يا أستاذ البت أمبر لو ما طلعت مسرح التايم أسكوير المفتوح وغنت للمساكين الزينا ما حتظهر الظهور الشامل
ياعثمان ياخي اميركا دي ما بتفتر من انجاب المغنيين الفطاحل امنا من قبيل عمال اسمع في Tessanne Chin and Celine Dion: ومشيت بعدها لي كانديس العجيبه ورجعت لصاحبتنا القديمه بيا وختمت بي جنيفر هدسون مع امبر والله ربنا بحب اميركا وشكرا على الثقة ياحبيب
Post: #17 Title: Re: والله ياعثمان موسى قدر ماتلف وتدور مابتلقى زي دي Author: Elmosley Date: 03-30-2014, 10:57 AM Parent: #1
