كيف تختار ألعاب الاطفال ؟ How to choose toys for children

كيف تختار ألعاب الاطفال؟

*اختر الالعاب التى تكون ممتعة قبل كل شي
بعض الخبراء يقترح ان تكون الالعاب ذات محتوى تربوي..لكن بعض علماء النفس يقول ان الطفل ما لم يستمتع باللعبة فلن يتعلم منهاي شيء.

*اشتر لالعاب التي تكون مناسبة لعمر الطفل ومقدراته
فالطفل بلا جدال ينتفع كثيرا من لعبة تتناسب ومراحل نموه.

*حاول انا تختار الالعاب بعيون الطفل
من الخطأ الشائع ان تشتري اللعبة التى تلفت نظر الوالدين لا الطفل.

*تجنب الالعاب التى تحاول لفت نظر الطفل
افضل لعبة هي التى تكون اكثر تنوعا. لذلك يفضل اهل التربية الالعاب مفتوحة النهايات كالمكعبات مثلا...حيث يفعل بها الطفل عشرات الاشكال.
اسوأ الالعاب تلك التى تكون ذات غرض واحد فقط...كالتي تمشي او تتكلم لان الطفل سيمل منها سريعا.
السؤال ليس هو ماذا تفعل اللعبة,بل ماذا يفعل الطفل باللعبة؟

*تاكد من متانة اللعبة وامانها بالنسبة للطفل
اشتري اللعبة ذات التصنيع الجيد ..لا التى تنكسر صباح يوم العيد.

*إلعب مع طفلك
______________
الموضوع طويل وجميل منقول من مجلة ريدرز دايجست عدد ديسمبر 1972

Quote: الموضوع طويل وجميل منقول من مجلة ريدرز دايجست عدد ديسمبر 1972

يا احمد هل بتفتكر انو الاراء سنة 1972 صالحة الا 2014؟
تحياتي

هلا ايمن
هل انت قريت الموضوع كلو وحددت النقاط الصالحة ل2014 او الما صالحة؟

يا أحمد والله كلام في السلك ، نحن مش بنختار لأبناءنا الألعاب وبس دا نحن بختار ليهم حتى العروس يعني ثمانون بالمائة يعيشون في جلباب السيد الوالد. زمان كان ميسوري الحال هم من يشتري لعبة لأطفالهم وكان ناس قريعتي راحت أمثالنا يصنعون ألعابهم بأيديهم وفي ذلك تنمية للمواهب والخيال والإبداع ، لكن لأنه ليس هناك تشجيع تموت الموهبة وينزوي الإبداع.
الزمان الجميل داك شتت وبعد الظروف الإقتصادية الطاحنة والتي جعلت الناس في بلدي طبقتين واحده فووووووق والتانيه كلكم عارفين !! المهم كتر خير ناس غوانزو الصينية بعملوا حاجت ممكن نشتريها من ميدان جاكسون أو سوق ليبيا أو قدام الكنيسة في بحري مثلاً أو في إشارات المرور وهي رخيصة ومقدور عليها ، بس ما بضمن ليك الجودة.
يا أخي بصراحة الموضوع مهم ويا ريت لو في ناس لهم دراسات أو أبحاث أو علاقة بهذا التخصص أن يفيدونا فالواحد فينا لابس كرفته فرنسية حمرا وقميص سويسري وسراول طويل ومركوب يعني نص مكنه عديل كده لا بقي هنا لا هناك.

سلام
احمد

ده نظريات ساي .....اي لعبة اشتريتها للاطفال ما نفعت معاهم .....ما في حل غير انو تشتري (ipad) او ما شابه ....و بعدها الامور بتظبط .....

Big like Ahmed,,,very intersting and informative issue,,,as usual,,thanks dear


Dr.Sulafa

Quote: يا أحمد والله كلام في السلك ، نحن مش بنختار لأبناءنا الألعاب وبس دا نحن بختار ليهم حتى العروس يعني ثمانون بالمائة يعيشون في جلباب السيد الوالد. زمان كان ميسوري الحال هم من يشتري لعبة لأطفالهم وكان ناس قريعتي راحت أمثالنا يصنعون ألعابهم بأيديهم وفي ذلك تنمية للمواهب والخيال والإبداع ، لكن لأنه ليس هناك تشجيع تموت الموهبة وينزوي الإبداع. الزمان الجميل داك شتت وبعد الظروف الإقتصادية الطاحنة والتي جعلت الناس في بلدي طبقتين واحده فووووووق والتانيه كلكم عارفين !! المهم كتر خير ناس غوانزو الصينية بعملوا حاجت ممكن نشتريها من ميدان جاكسون أو سوق ليبيا أو قدام الكنيسة في بحري مثلاً أو في إشارات المرور وهي رخيصة ومقدور عليها ، بس ما بضمن ليك الجودة. يا أخي بصراحة الموضوع مهم ويا ريت لو في ناس لهم دراسات أو أبحاث أو علاقة بهذا التخصص أن يفيدونا فالواحد فينا لابس كرفته فرنسية حمرا وقميص سويسري وسراول طويل ومركوب يعني نص مكنه عديل كده لا بقي هنا لا هناك.

اخونا الملا عمر...سلامات
والله بقرا وبضحك...كلامك سمح تب والله وكلو واقعي وحاصل....الخواجات ديل ياخوي بحثوا اي شي واتخصصوا في اي حاجة وشوف هسي الكلام من ديسمبر 1972...ديل سابقننا بسنوات ضوئية عديل كدا
لكن هذا لا يمنع اتجاه البعض نحو هذا النوع من التخصص واثراء المكتبة العربية او السودانية خصوصا بهذه النوعية من الموضوعات

ناس الريدرز دايجست ديل قمة في الابداع واختياراتهم للموضوع وتلخيصو في نقاط واضحة ومختصرة تسهل عليك عملية قرايتو...غايتو بعد طرقهم على الموضوع ما اظن تحتاج لمصدر تاني فيهو...بيدوك الزيت

دا غير انهم بيتكلموا في موضوعات لا تخطر على بالنا نحنا شعوب العالم التالت وبيقدروا يصيغوا الكلام الداير جوانا وما قادرين نعبر عنو

من سنة 1922 ولغاية يوم الليلة ابداعهم مدور...لكن القديم اجمل في كل شي واعمق

لك تحياتي وودي

عليكم السلام يا مدثر
لكن الايباد هل بيصلح لاي عمر؟
ما معقول جهاز بقريب 5 مليون تجيبو لطفل عمرو سنة ولا اتنين وما يقدر يتعامل معاهو بحرص ويكسرو
لو في الامكانية والطفل وصل عمر يكون فيهو واعي شويه وبيقدر يحافظ على الجهاز فمافي مشكلة


دكتورة سلافة شكرا ليك انتي ومنك عرفت درب المجلات دي

من خلال تجربتي.. بقول بكل ثقة، ما تشتري ليهم لعب.... بقدر ما تقدر.. أسوأ حاجة ممكن تعملها لطفلك انك تشتري ليه لعبه... البحصل انه الطفل بشيليها، بقلبها شويه بعد فترة إما مل منها أو كسرها عشان يستمتع بيها بي اوجه تانية... قبل حوالي تلاتة شهور من الآن، وبعد ما زهجت من جوطة أولادي وعدم اهتمامهم بي لعبهم... جبته كرتونه كبيرة.. وقلت ليهم كل واحد يختار خمسة ألعاب... وجبته ليهم صندوقين بلاستيك.. واحد ازرق للولد وواحد زهري للبنت... وقلت ليهم كل واحد يمسك عليه لعبه الاختارها... وبعداك لميت كل اللعب الموجودة في الغرفة.. وقلت ليهم اني حأوديها للأيتام... وفعلا جزء كبير منها وديته... جزء اخر ختيته في المخزن... وبقيت كل فترة اتبادل معاهم.. يدوني لعبة، اديهم واحده بدلها... شويه شويه لاحظته انهم بقو يهتموا بي العندهم ديل أو على الاقل بقوا يلعبوا بيها.. زمان يملوا بيها الغرفة وما يلعبوا بيها خالص...بعداك شعرت انه كل ما قلت الأشياء عندهم كلما ما كان أحسن ليهم,.. وفّرت ألوان واوراق وسبورات في الغرفة كتب كتيرة ومجلات أطفال كل واحد فيهم عنده مكتبة بجددها كل فترة... لقيتهم بقوا يشيلوا صناديق المناديل الفاضية ويعملوا بيها حاجات يلعبوا بيها... محمود ممكن يمسك كتاب يقرا لأته قصة قبل ما ينوموا... او يتفرجوا سوا في مجلة... الألعاب الكانت مجننانا انا وابوهم زمان بقت مافي... وبقى لو في زول عايز لعبة لازم يتعب جداً عشان يجيبها... واصلا بحاول انه الهدايا ما تكون لعب... ممكن تكون فسح.. أو مرقات .. وقت قليل في الكومبيوتر او الipad..لا يتجاوز نص ساعة وبس... وبالجد، حاسة أولادي أكتر سعادة من زمان!

نصيحتي، ما تشترو لعب لأولادكم...

هلا اختنا مريم
دايما حاضرة بتجاربك العملية ماشاء الله وعندك الخبر اليقين

وواثقة من كلامك وحتقوقفي على ناس الالعاب ديل سوقهم

اوعي يسمعوك

هههههههه

لكن فعلا اغلب البيوت مليانة العاب تملا على الاقل كرتونة كبيرة

افكارك سمحة وتجاربك عملية ما عندنا فيها كلام اكيد

شكرا كتير على الافادة القيمة وربنا يخلي ليك اولادك