ابـيـخ أنـواع الـمِـلـحـات،،، مـطـبـخ سـودانـي بـحـت ...

ايّ زول ممكن يضيف الملآح المكجنو،
وأذواق الناس تختلف.
يعني الملآح المكجنو إنت ممكن يكون ملآحي
المفضل، وهكذا.

البوست نظرة في محتوى التكل السوداني...

زمان في ملآح إسمو ملآح الرز !!!.
الرز الواحد دا زمان بيعملوهو ملآح.
أها، أبيخ من ملآح الرز دا أنا من ربنا خلقني ما شفت.

ملآح بايخ وثقيل، بل أثقل من أمين حسن عمر زاتو. والله صحي.

بعد ملآح الرز طوالي بيجي ملآح القاورما.
ملآح القاورما دا أنا بيعمل لي دبرسة طوالي،
يعني يوم يكون غدانا بي قاورما أنا بتلقاني نفسياتي
في الحضيض.


بصل، البصل الواااااحد دا بيعملوهو ملآح، فتأمّل !!!...

والله يامعاوية ملحاتك ديل سمحات تب،،،ملاح الرز ده اليل ناس مهمين،،،علا مسؤل من الخير،،اكلت ام شعيفة،،ام كنين،،الويكاب،،ام رضمة،،الكول،،،خليهن يامعاوية الملحات،،والله لي الليلي دي احن واتمطق طعم الكسرة بي قرن شطه والعجب فوقا بنضورة،،،امنت بالله،،،ياخي اكل زمان كلو حلو....

صدقت ياود المدير وكانت معالجتى للملحات دى انى بعاملن معاملة الرشوشه
بعجنن بالكسره وبالليمون والشطه والملح مع خلط طبق السلطه معاهم عشان الطعم يبقى مبلوع

لك التحيه ياود المدير

ملاح السلج كيف معاك؟؟؟
ملاح الورق؟؟؟

يا ود المدير أخبارك وليك وحشة
أنا شخصيا كنت بكجن ملاح الأسود
أما سلطة الأسود فما عندي معاها مشكلة
وبوستك لذيذ يا مدير
لك ودي
سيف

القرع يا معاويه أنقرع منو إلا تسو كتلوج ملهم والأسود البراطيش داك
لا حول ياخ إنت جيت مكوفر والله حكايتك شنو زى مواليد سنة سته مزلوع
ياخ بسأل منك قريبك عماد عيدروس وهو معاك فى البلد كوسو أها غرقلنا
فى التمر الأزرق الغلاد وقوى أوعك تقول قلعو منى فى المطار ولك وللأهل السلام

ملاح البامبى

ابيخ وشي، واشنى وشي،
وشي الملآح. والله صحي...

ملاح الويكه اخخخ ...ياكي

ملاح الروب
بوست دمه خفيف
استراحه

.
معاوية الظريف وضيوفو الأظرف سلام

مره جايين من غرب الإستوائية ماشين جوبا ، يا زول ضربتنا مطره
معاها زيفه ، راكبين لاندروفر بمشمع لم يحمينا من البلل ، وقدام في
عايله مع السواق ، يا زول وصلنا حِته إسمها سلطان جامبو ، وعديل
على بيت السلطان ، باقي راجل كريم بلحيل ، يازول ونحن نرجف من
البرِد ، جابو لينا عصيده حااااااره ، ومعاها مُلاح طااااااعِم ، يا زول
واحِد من الأخوان أبا ياكُل ، يا زول مالك قال بطني واجعاني .. وصلنا
جوبا اليوم التاني قال لينا عارفين الملاح الأكلتو امبارح دا مُلاح شِنو؟
قُلنا ليهو كمان شرموط الصيد بيغبانا .... قال لينا علي اليمين الشي ملاح
قِرِد ، وأنا سألت ود السُلطان كلمني وإتغاتت عليكم .
حاولنا نطلِّع الأكلناهو امبارح لكن أصبح في مخرج تاني.

كامِل المحبه

ملاح الروب
------------------
تبالغي يا ماجدة
انا مشيت من سيدني لي بري عشان ملاح الروب!!

والله يا خالد العبيد بكره
زي العمى
االغريب انه بيتنا كلو بحبو

كرهتي في الدنيا دي ملاح { القرع }
مرة مشيت لأهلنا في اهل العوض
وهم اهل عوض بحق وحقيقة
كان الحلة فيها بكاء واحد من قرايبنا
يشهد الله الملحات كلها { قرع }
وكمان شنو الواحد يحلف عليك ويقول ليك حرم كان تضوق ملاحي
اها انا منذ ذللك اليوم اصبحت لدي فوبيا من القرع
لأنه يذكرني بالبكاء !!!

حاجة تانية اسمها { أم شعيفة }
ملاح فيهو ويكة بسيطة جدا وبدون لحمة وبدون بصل وبدون صلصة
برضو على قول أخوكم توفيق عيسى مكة مشينا لجماعة من اهلنا في الضهاري
اجمل ديوان نزلنا فيهو ماكان فيهو الا باب واحد 00 طين أخدر طبعا
عمك جاب ام شعيفة في صحن قدر يوم القيامة
والظاهر في ذلك اليوم كانوا قاشرين بالكسرة الرهيفة
الويكة حاتلة في نهاية الصحن
ومن فوق تشوف الموية
والمدهش صورة السقف كلها كانت جوة الصحن
عمك لمن شاف الويكة حاتلة
والمرق والحطب ظاهر بانعكاس غريب على الصحن
قام طوالي { بل } اصبعه في خشمه وسااااااااااااااااااااااااااااااااااط الويكة
بعد شوية قال اتفضلوا
عليك أمان الله اكلنا بعد عرقنا
ماعارفين ذاتوا نكون أكلنا لينا ويكة أم اكلنا سقف وحطب ؟؟؟


انا هنا بالسعودية اشتاق كثيرا للعصيدة مع خلطة الزبادي
يعني زبادي + دكوة + توم + طماطم + بهارات شطة وشمار وفلفل
تخلط المكونات دي مع بعض
ومن ثم تصبها على العصيدة
وتأكلها وهي ساخنة
زارنا ضيف قبل فترة من سكان العمارات الخرطوم
وللأسف كان هذا هو عشاؤنا
ولاتوجد اي طريقة اخرى لتغيير العشاء
اقسم بالله صاحبكم اكل بشراهة عجيبة جدا لدرجة انه شرب موية اكتر من خمس مرات
والشطة عملت فيهو عمايل
والعرق سايل يمين وشمال رغم التكييف
بعد شوية زولكم ملص القميص وقغد بالفنيلة 00 قال ضهاري قال
الراجل طلع مبسوط
وقال ياسلالالالالالالالالالالالالالالالالالالالام والله اول مرة آآآآآآآآآآكل ملاح زي دي
لكن دا اسمو ملاح شنو ؟؟؟
الجماعة كل واحد قاعد يعاين في التاني
اخيرا انقذت الموقف وقلت ليهو دا ملاح فاصوليا بالباشميلا ؟؟
قال العمارات قال !!!

ملاح الفاصوليا المفروكة

أبيخ حاجة فيه إنو لو تقلت فيه
بنفخك يخليك أنبوبة غاز
يعني لازم تأكل وتخلي التلتين التانيات فاضيات
تلت الشراب ذاتو تخليهو احتياطي


مرة في واحد من جيهاتنا ديك عندو سماية
قال الليلة أنا لازم أثبت للناس ديل إني مثقف وشغال أفندي في السكة حديد
قال لي النسوان السماية دي تسونها فيصوليا
بس كدي
ولم يحدد لهن: تبخ ولا فرك
اتوكلن على الله وفركنها
وهن أصلاً ما بعرفن غير الفرك
المهم زولك جاهن زعلان: الفيصوليا بفركوها ؟؟؟ الفيصوليا بسووها عيموطة، الله لا ثقفكن، الله لا علمكن
فجرت مثلاً


تحياتي

الكداد خخخخخخ

الوالد الله يديهو العافية بموت فيهو وبالزات في رمضان
فاتخيل انت قريب المغرب وجعان ويجيبو ليك صحن كبير بالقراصة او الكسرة
اليومداك بفطر بليلة وعصير ساي .

أكره ما أكره البامية المفروكة
شكلها بيلخط كياني والغريب البامية المطبوخة أتكيف ليها جدا لما تكون مسبكة كده وباللحم العجالي ياسلاااااااام

المصيبة التانية ملاح الشمار الأخضر ، ياخ ده زي البتاكل في بلاستيك حرقان

بوست لذيذ زي صاحبو ..
انا كان عندي مشكلة مع ملاح الرجلة كنتا ما بحبو وما بقرب منو ..
يوم المرحومة امي جابت صينية وختت الكسرة ورشت الملاح فوق الكسرة ..
وشوية كدة عجنت الكسرة والملاح ورشت شوية ملح وشطة ..
تصدق من اليوم داك بقيت من عشاق الرجلة ..

يا زول انا من اي طبيخ سوداني بعشو ..
مرتي بتقول لي انتا مرفعين "ما شاء الله " .. ههههههههه
الخروف دا انحنا يطلعو منو الجلد وكلمة بااااع بس ..
لكن ما بحب أكل المناسبات وخاصة لما يكون صواني ما كوكتيل ..
تلقى السلطة البيضاء البيعملوها بالعيش والدكوة ديك حاجة تطم البطن بس ..
والأكل كلو زيت حتى المكرونة مليانة زيت التقول الزيت مجاني ..


خارج النص شوية ..
مرة كنا في سماية بت عمتي في الكلاكلة ..
واخوك جاي مغترب من السعودية وقتها ولابس جلابية بيضا مكوية زي ما بيقولو ..
التوصية كانت علي خاصة وانو الجماعة خاتين عينهم على المغترب الشاقي الدرب دا ..
المهم جلسنا في الصينية انا واخوي الأصغر وعمي سمير "تمتام شوية" وشابين من شباب الحلة "ما بعرفهم" ..
واحد من الشباب كان قصادي قعد ينجم ليك في الضلعة لمن بقت صلعة وعمي ساااااكت يعاين ليهو ..
الجماعة زي ما قلتا ليك موصين علي قامو جابو لينا ضلعة تانية ..
صاحبك دا المرة دي انتقم من الضلعة زي التقول بينو وبينا تار ..
عمي بي تمتمتو ديك قال ليهو "اللللللكلس " قصدو الكلس ..
والله فقعناها ضحكة لمن الواحد قرب يشرق بالأكل ..

مشكور يا حبيب ..

ملاح الفاصوليا

الأخ معاوية وضيوفه الكرام
تحياتي

البصارة
الكمونية
البامية طبيخ
القرع
ملاح نسيت اسمو، يشبه الروب الأبيض مع مسحة خضراء ولزوجة وطعم في الفم لا يزول بسهولة
صينية السمك - تصنف كملاح طالما فيها دمعة
البامبي
اللوبا
اي ملاح يتوجب أكله مع اللقمة (العصيد)
أي ملاح آخر خلاف الملوخية والفاصوليا والنعيمية

ود المدير
سلام ااازول

أنا غايتو بتجوالي في الدنيا دي أي حاجة بدوسا شغال بنظرية أصغر منك دوسو ماعدا
الفراخ الله يقطع طارئها مابحب كلو كلو ولو أدوني ليهو مجان مابشيلو . لا مشوي
، لا مطبوخ .

الرز
الله يقطع الرز ملاح وكبسة

ملاح اللوبا


انت ما كان تقول البتحبوها عشان تقعد تتمطق

Quote: والله يامعاوية ملحاتك ديل سمحات تب،،،ملاح الرز ده اليل ناس مهمين،،، علا مسؤل من الخير،،اكلت ام شعيفة،،ام كنين،،الويكاب،،ام رضمة،،الكول،،، خليهن يامعاوية الملحات،،والله لي الليلي دي احن واتمطق طعم الكسرة بي قرن شطه والعجب فوقا بنضورة،،،امنت بالله،،،ياخي اكل زمان كلو حلو....

Quote: ام شعيفة،،ام كنين،،،،ام رضمة،

غايتو يا قريبي اللُمات ديل كولهن ما عرفتهن، لكن بيكونن داخلآت
في عيد الأُم. باقي كلآمك زي السوشي الياباني، لكن الكسرة بقرن
الشطة والبنضورة، الله اكبر عليها...

Quote: لك التحيه ياود المدير ملاح السلج كيف معاك؟؟؟ ملاح الورق؟؟؟

حياك الغمام يا ود كردفان.
عارف، مرّة في مشياتي السودان سويت لي سماية لولداتي بعد كبرو،
وناس الحِلة قالوا لي فضحتنا، قول كرامة ساكت. المهم، يا زول
ضربنا لحوم جد، قام جا صديق قريباً لينا زول جزيرة جايبلوا ملآح
ورق. قال لي يا معاوية تعال جاي الورق دا اللِيّل جزيرة. أنا قلت
اختِّر مع الزول ساكت، عليك امان الله يا ملهم أكلت لآمن قربّت
ادرشو بي نخري...

Quote: يا ود المدير أخبارك وليك وحشة أنا شخصيا كنت بكجن ملاح الأسود أما سلطة الأسود فما عندي معاها مشكلة وبوستك لذيذ يا مدير لك ودي سيف

السيف يا حبيب،
مشتاقين يا سمح يا زين.
يا اخي ملآح اللسود دا بطريقتو دي بيكتلوا
زول. والله صحي...

Quote: ملاح نسيت اسمو، يشبه الروب الأبيض مع مسحة خضراء ولزوجة وطعم في الفم لا يزول بسهولة

هههههههههههه يا زول ما فضل ليك الا ترسمه

اسمو الويكاااب ... الويكاب

Quote: أنا غايتو بتجوالي في الدنيا دي أي حاجة بدوسا شغال بنظرية أصغر منك دوسو ماعدا الفراخ الله يقطع طارئها مابحب كلو كلو ولو أدوني ليهو مجان مابشيلو . لا مشوي ، لا مطبوخ .

يا باهى
والبامية الطلبه ( دوسة ) مع سيف كلوش
إخخخخخخخخخخخ

Quote: القرع يا معاويه أنقرع منو إلا تسو كتلوج ملهم والأسود البراطيش داك لا حول ياخ إنت جيت مكوفر والله حكايتك شنو زى مواليد سنة سته مزلوع ياخ بسأل منك قريبك عماد عيدروس وهو معاك فى البلد كوسو أها غرقلنا فى التمر الأزرق الغلاد وقوى أوعك تقول قلعو منى فى المطار ولك وللأهل السلام

غايتو يا منصور أنا إتلومت معاكم لوم السِيّح والريح يا قول حبوبتي.
تصدق أنا وصلت من السودان وجيت قعدت لي تلآتة يوم في بلدكم،
لكن فرق الزمن لا خلآني أعرف صرفاً لا عدلاً.
يا المنصور ملآح القرع دا ما ينفع غير شطبنا، وشطبنا دي ملآح
القرع لآمن تعجن فيهو الكسرة وتديهو شطة وليمون وتقطع لك
فوقوا بصلآت وحبة بنضورة. ديني يا أنا يا اخ...

ود المدير سلام ...

انا كتبت في بوست مجاور اسمو

نشيـــــد لِجامِعَة الخُرطـــــــومْ ... إدريس محمد جمّاع
http://www.sudaneseonline.com/board/460/msg/1395725413.html

اتضح انو بوست ما وقتو ابداً ...

ولك الوعد اقرا تفاصيل البوست ( الشهي ) دي و ما اكتب الا في الكمونيه ..
_____________________________________________________

فقمت كاتب ما يلي ...

حقو الواحد يطلب من بكري حذف البوست ده

عشان ما نقلقل الجامعه اكتر مما هي مقلقله ...

الناس مشغوله بالعنصريه ... و القيل .. و القال ...

انا بقفل البوست و امشي لي صاحبي ود المدير اشوف اخبار ( الِملحات ) ...

فو الله بوسته خير من عشرات البوستات ( الفالصو ) اليومين ديل ...

Quote: ملاح البامبى

دم يدِموا.
بالله دا أنا نسيتو كيف !!!؟؟؟...

يا المنصور ملآح القرع دا ما ينفع غير شطبنا، وشطبنا دي ملآح
القرع لآمن تعجن فيهو الكسرة وتديهو شطة وليمون وتقطع لك
فوقوا بصلآت وحبة بنضورة. ديني يا أنا يا اخ...

تب جبته النجيضة
لمن اتكيف!!

Quote: ملاح الويكه اخخخ ...ياكي

مرحب بيكِ يا دكتورة.

الويكة يا تا فيهِن ؟؟؟،
الحمرا بالكسرة الرهيففففففة، واللآ أُم رقيقة ؟؟؟.

الحمرا بالكسرة الرهيفة دي، وحات الله
يصعب مقاومتها...

اول ما جات الانقاذ دى .. كانت كل محافظة بتعمل مؤتمرها وفى الختام بجى البشير بفتتح ليهو بعض المنشآت ولا البويه الجديده ولا الحاجات دى

اها .. جماعه من الاهل مشوا مناسبه ... الهلاليه

الغداء سفرة مليانه .. وصحن القرع الماهل متوسط الصينية
اها الشباب ياكلو بى جاى وبى جاى ما فى واحد داير يمد يدو على القرع

واحد قبل على التانى وقال ليهو ياخى ما تفتتح القرع ده

قال ليهو ياخوى ده البشير ان جابوه ما بفتتحو ......

Quote: يازول ونحن نرجف من البرِد ، جابو لينا عصيده حااااااره ، ومعاها مُلاح طااااااعِم ، يا زول واحِد من الأخوان أبا ياكُل ، يا زول مالك قال بطني واجعاني .. وصلنا جوبا اليوم التاني قال لينا عارفين الملاح الأكلتو امبارح دا مُلاح شِنو؟ قُلنا ليهو كمان شرموط الصيد بيغبانا .... قال لينا علي اليمين الشي ملاح قِرِد ، وأنا سألت ود السُلطان كلمني وإتغاتت عليكم . حاولنا نطلِّع الأكلناهو امبارح لكن أصبح في مخرج تاني.

ههههههههههههههههههه،

سلآمات يا محمد فضل الله.
يا اخي طاااااااعم دي بوظت أعصابي عديل كدا، قلت لي تبلعوا
سااااكت ما جايبين خبر آآ،آ ؟؟؟، الجوع ما كافر يا محمد.
غايتو ملآح شرموط القرد يضاف للقائمة (أ).
يا أخوي قلت عائلة!!!، نعال الشفع السغار ما دفسوا معاكم في
الشي دا ؟؟؟.

كامل مودتي...

ملاح الرزوقة

ود المدير والضيوف ازيكم


انا مستغرب في الناس الما بحبو الويكاب ديل


ياخ ممكن اقعد فيه لامن حلقي يوجعني حتين اقوم منو


لكن بالجد ملاح اللبن ما بدورو كلو كلو

تكون معزوم وما تلفي غير

ملاح الويكه بالضنب

ايوه ... ضنب !!! دهن بس عايم جوه الكوره

تقعد تأكل و يكون جنبك كيس ورق فاضي تأكل من هنا و تعزفوا من هنا Al

يا أبو حراز يا حاقدين .. عاوزين تسمموا ود الناس .. دا اسمه الحقد القاتل.. المرة الجاية بجيبوا ليكم البوليس لو عملتوا عملية زي دي.
تحياتي

كبـّاشي الصـّـافي
(العوج راي والعديل راي) .

يبدو أن كل المتداخلين ما فيهم زول من نواحينا.
هنالك ملاح اسمه أُم بُلُط.. ألمي والضّرّابة. لا زيت ولا بصل. بس موية وويكة وملح وشطة. وتاكلوا مع عصيدة فطيرة.
لكن أهلنا قالوا: (حلاة الأكل جيعان .. حلاة اللبس عريان .. حلاة النعال حفيان).
علي اليمين ملاح أُم بُلُط دا في المشروع شهر أغسطس في أم طرقاً عُراض ألذّ من ال KFC بس تكون ضارباك زيفة والسحاب شايل والهبوب هابة.
تحياتي

كبـّاشي الصـّـافي
(العوج راي والعديل راي) .

غايتو انا بكره ملاح المكرونة بالبشمل
وبكره كمان شوربة الكستر

ود المدير ازيك وكيف حالك.

سسلام معاوية وحمد لله على السلامة
انا غايتو مكجن البامية المفروكة

يا أبوحراز ياخ ملاح الرصاص والفلكاب الأكلتو دا إسمو الحواقه
كلما تنقصونه بلعا يجم ويملأ قدحو وأكان كمل الإبريق حداهو والدُقه


ياخ والله يوم تكتلك زول وألف سلام عليك

أخي منصور تحياتي 00 وشكرا على الاعجاب
طبعا لازال المعجبين بكتاباتنا المتواضعة كلهم من الرجال
وهذا شيء يحز في النفس كثيرا

Quote: يا أبوحراز ياخ ملاح الرصاص والفلكاب الأكلتو دا إسمو الحواقه كلما تنقصونه بلعا يجم ويملأ قدحو وأكان كمل الإبريق حداهو والدُقه ياخ والله يوم تكتلك زول وألف سلام عليك

أكثر شيء حيرني ان الرجل أدخل اصبعه في فمه
ومن ثم قام سااااااااااااااااااط الويكة
والمدهش أكلنا 00 والله ولا اي حاجة ما جاتنا
هسي تغسل يديك عشرة مرات و تاكل همبرقر وفي النهاية تمسك بطنك !!

أما { الاسباقيتي دي } يشهد الله ككنت أتوقعها نوع من انواع السيارات الفرنسية
حتى عرفت مؤخرا انها مكرونة ايطالية

ياسلام على الابتدائي حينما كنا انقياء اتقياء 00 وكنا نتفاطر سويا
في الجزيرة توجد الكسرة بالموية
وحتى هذه لديها الكثير من الطرق
كسرة بي طماطم معجونة
وأخرى طماطم مقطعة بالسكين
وواحدة يعملوها ليك بي بصلة متفوفة في الفندك
وهذه الأخيرة لو فطرت بيها كثيرا لن تأتي نهائيا في { العشرة الأوائل }
يعني ترتيبك بيكون من الثلاثين وانت طالع
اقسم بالله حينما افطر بها لا افهم اي حصة بعد الفطور

مرات خمستنا يكون افطارنا كسرة بي موية
والمدهش مرات الواحد امه لاتلقى موية
ولاطماطم
ولاحتى بصلة متفوفة

عارف تقوم تعمل ليك شنو ؟؟؟ باقي شاي اللبن في { الحلة } علي بالطلاق بي تفلو الأسود تكشحو ليك في الكسرة
وتقول ليك تعال ياولد شيل فطورك
طبعا دي بتكون التحلية بتاعتنا
ويشهد الله ان هذا { التفل } نمضغه زي جوز الهند !!!!

ما أجمل ذلك الزمن الجميل

هجمة مرتدة
ولدي قبل فترة اتى بنتيجته الدراسية وهو متطأطيء الرأس وقال لي
يا ابوي الامتحانات كانت صعبة والمرة دي جيت التالت !!!
ما فضل لي الا اعضيه
قلت ليهو ليه ياحيوان ماكل ليك كسرة بي بصلة متفوفة ؟؟؟
قال التالت قال !!!

عندنا يا معاوية صاحب زمان جاب عمو زيارة لنيويورك
في مطعم من مطاعم الحي الصيني طلبلو FRIED CHICKEN قالو ده شنو يا ولدي .
قالو ده جداد .
قالو يا ولد أمرقني من هنا هسع تي .
والله يا معاوية الاكل الصيني أحسن منو ملاح التمليكة بدون بصل .
بس بيني وبينك ملاح الرز أحسن منو تيت جعان وأنت مقطوع في وأدي العوتيب .

Quote: والله يا خالد العبيد بكره زي العمى االغريب انه بيتنا كلو بحبو

يا دكتورة سلام
ياتو واحد انت قاصده
ملاح الروب و لا النعيمية
و الفرق واضح

تحياتي لصاحب البوست و ضيوفه

الملوحة

التختوخ يا معاويه هذا ملاح لا تشبع منه أبداً بس مداغاتك بفترن طب
والله ما تتردد تقولهم الباقى كبو لى فوق راسى دا وقطع شك بتكون فى
الباوقه أكلتو وعثمان موسى يوم التخوخ عندهم دا خريف أبو السعن وأبو حراز
الشرفان والله يضوقو أكان يبقى زى فضل الله الجدى أكل يوم الرحمتات
وشابك الناس عيدكم سبت عيدكم سبت لامن إنشقا العيد ما حضرو هذا الملاح من
تمرق من أمدرمان لى الدبه شمالا الناس بتسويهو وهو من التمليكه أو لسان الطير
وهو كما الخدره والثلج والورق لكن دا براهو بيعملو فيه الدكوه يا قادر ناس
كردفان ودارفور بيعرفوه برضو ختير وبعزمو ليهو الناس الكبار وذلك يوم التراث العالمى

عزيزنا منصور المفتاح
سلامات
عليك الله هسع التختوخ ده بعد 30 سنة الذكرك ليهو شنو ؟
قالوا يا منصور هادا الملاح المشكوت من أكتر الملحات الطاردة للكلسترول والدبس ونتحان القلب .
أي لقمتين منو بتعادل حبة ليبتور 80 MG .
ياخ التختوخ ناجع . و HEALTHY جد .

رباطابي زار اهلو وكت الغدا
قالوا ليه نعمل ليك الغدا شنو؟
قال ليهم أي شئ بس اختو الورق والدلاقين!

مرحب يا ودالمدير..

الساعة إتنين نصة نهار..

هجيرة وسموم..

الواطه صاااانه والضبان ينوني فوق رأسك..

يختو صينية الغدا..

تلقاهو صحن قرع وكسرة مره تلوي الأضان..

ومعاها كوز مويه تغلي من الزير..


سمعنا وسلمنا :)

Quote: Anas Mustafa عن أبي هريرة رضي الله عنه ، قال : " مَا عَابَ رَسُولُ اللَّهِ صَلَّى اللَّهُ عَلَيْهِ وَسَلَّمَ طَعَامًا قَطُّ ، إِنِ اشْتَهَاهُ أَكَلَهُ ، وَإِذَا كَرِهَهُ تَرَكَهُ " .

Quote: Ahmed Mohammed يا ود المدير يوستيك حلو وكلامك طاعم زي ملاحاتك ديل .. لكن ما اعاب رسول الله صل الله عليه وسلم طعاماً قط اذا اشتهاه اكله واذا كرهه تركه .. مالكم ع ملاح القرع .

الرسول عليه أفضل الصلآة وأتمّ التسليم.
أحبابنا من الفيس بوك أنس وأحمد،
لكم محبتي الأكيدة، وعظيم شكري علي تنويرنا.
الرسول صلي الله عليه وسلّم قُدم له الضب ولم يأكله، وقال في معنى الحديث،
أنّ نفسه عافته. لكن صيغة الحديث الذي أوردتموه تقول (ما عاب)، أي بمعني
أنّ الرسول صلي الله عليه وسلم عندما يقدم له الطعام لا يقول الطعام دا مسيخ
أو ملحو كتير أو ما فيهو طعم ... إلخ. وهذا من حُسن الأدب حتي لا تحرج
الشخص الذي قدم لك الطعام.
الرجاء مراجعة شرح الحديث ولكما مني عظيم الشكر.

قصدت من البوست الترويح ونقل الناس من خط النبذ والعنصرية التي
ينضح بهما المنبر في هذه الفترة، نسأل الله السلآمة.

لكما وللجميع مودتي...

نحن يا ود المدير بِنقُش اى حاجه الا الجمكسين….

Quote: انا مشيت من سيدني لي بري عشان ملاح الروب!!

سلآمات يا خالد.

إنتو برضو عندكم بري هناك ؟؟؟.

ملآح الروب سمح تاكلوا في القرية،
في البندر ما بيتاكل...

Quote: الجماعة كل واحد قاعد يعاين في التاني اخيرا انقذت الموقف وقلت ليهو دا ملاح فاصوليا بالباشميلا ؟؟ قال العمارات قال !!!

ههههههههههههههههههه،

ابو حراااااااز.
إزيك ياخ.

مالك علي اليقطين يا زول ؟؟؟...

Quote: ملاح الفاصوليا المفروكة أبيخ حاجة فيه إنو لو تقلت فيه بنفخك يخليك أنبوبة غاز يعني لازم تأكل وتخلي التلتين التانيات فاضيات تلت الشراب ذاتو تخليهو احتياطي

بدر الدين حبيبنا يا الفيك ريحة محلآتنا
تالآ اللتبراوي،
نعلّك طيّب.
يا اخوي الفاصوليا عيموطة، الوداكم تفركوها شنو ؟؟؟.
سويتولا حكاية الشعيرية لأهلنا ناس البطانة. قالوا اب سن
لقى النسوان يتُبخن فيها قال، بتتتت الكـلـب يا الشعيرية
الجابك البطانة شنو ؟؟؟.

حسبتك زعلآن مني يا عزيزي وقلت اجيك بالدرب،
لكن بركة الجيت وسعيد اليوم الجابك. أعفى لأخوك
يا عبد العزيز، فأنت للعفو أهل.

مودتي...

Quote: الكداد خخخخخخ الوالد الله يديهو العافية بموت فيهو وبالزات في رمضان فاتخيل انت قريب المغرب وجعان ويجيبو ليك صحن كبير بالقراصة او الكسرة اليومداك بفطر بليلة وعصير ساي .

سلآمات يا محمد جمعة.

الكداد شنو كمان ؟؟؟.
ممكن الريسبي لو سمحت ...

الكمونيه بلا منازع . و الشرموط الابيض و البامية المفروكه. ديل شكلهم ما سياحي خالص و بيشبهوا لي حاجات مقرفه. لمن كنت صغيره كنت بعترض على اي ملاح لايووق و بقول لماما ليه الاكل السوداني لازم يكون لايووق و فيه ويكه. شوفي صاحباتي اهلهم بساكلوا تبوله و مقلوبه يدينهم بيمونوا نضاف. لمن كبرت شويه اتقبلت بعض الملحات اللايوقه. قبل كم سنه و ماما سافرت السودان دادي بدون سبب كده طلب ملاح ويكاب. اتصلت بعمتي في الجزيره وصفته لي و بقيت اعمله ليه و عاجبه جدا و المصيبه اني بقرف من شكله و بقى يطلبه مني و قال اسمح من حث ماما يعني ورطه. اها بعمله ليه لكن ما بقعد معاهم في التربيزه.

نسيبة اخوي امريكيه ساقها معاه السودان جات من هناك بتاكل و بتعمل المراره. ماما ما بتمسك المراره بايدها يلا بقينا يوم عيد الضحيه الخواجيه بتمشي مع اخوي يجيبوا الخروف و هي بتظبط المراره و تاكلها مع دادي. قبل اسبوعين مشت معاي محل اللحم الحلال سالت الفلسطيني لو عنده كبدة ابل. قلت ليها كده كتير علي شديد.

Quote: أكره ما أكره البامية المفروكة شكلها بيلخط كياني والغريب البامية المطبوخة أتكيف ليها جدا لما تكون مسبكة كده وباللحم العجالي ياسلاااااااام المصيبة التانية ملاح الشمار الأخضر ، ياخ ده زي البتاكل في بلاستيك حرقان

يا الصادق عز الدين،
سلآم.

البامية المفروكة بالشمار اللخضر والقراصة، معاها صحن
بصل بالشطة والليمون، ما تديها الجنبك.
أنا عكسك المتبوخة دي مكجنا، خاسةً وشي الملآح لآمن تكون
طامحة زيت ويجيبوها ليك والحر يسلخ ساعت الغدا.
ملآح الشمار اللخدر دا الله لا ضوقني ياهو...

ود المديـر
شــفت ملحاتك الكعبة دي جوعتنا بيها في الغربة وبقى اي ملاح بناباهو زمان نفتش عليهو الآن


اي ملاح بالكسـرة وشـوية مويه و شـطة وملح و يار يت لو عليهو شــوية روب
او ســلطة


زمان كانت الوالدة عليها الرحمة لما تكون عاملة ملاح ما بندورو بتزيد عواســة الكســرة
لأنها كلها معجونة بتتأكل و ترجع الصينية فاضية

بعض الملحات كان ليها اسـماء

البامبي....... و ســخ كرعي
الاســود ........ ملاح البراطيش

غايتو كان علينا جنس افترا و قلة ادب



عارف عما لينا كان لما ياكل الويكاب بالسـمن البلدي باقي اليوم ما بغســل يدو

Quote: الرسول عليه أفضل الصلآة وأتمّ التسليم. أحبابنا من الفيس بوك أنس وأحمد، لكم محبتي الأكيدة، وعظيم شكري علي تنويرنا. الرسول صلي الله عليه وسلّم قُدم له الضب ولم يأكله، وقال في معنى الحديث، أنّ نفسه عافته. لكن صيغة الحديث الذي أوردتموه تقول (ما عاب)، أي بمعني أنّ الرسول صلي الله عليه وسلم عندما يقدم له الطعام لا يقول الطعام دا مسيخ أو ملحو كتير أو ما فيهو طعم ... إلخ. وهذا من حُسن الأدب حتي لا تحرج الشخص الذي قدم لك الطعام. الرجاء مراجعة شرح الحديث ولكما مني عظيم الشكر. قصدت من البوست الترويح ونقل الناس من خط النبذ والعنصرية التي ينضح بهما المنبر في هذه الفترة، نسأل الله السلآمة. لكما وللجميع مودتي...

يآخي شكراً يا ود المدير على هذا الشرح البسيط .. تصدق انا كنت اول متعقد من قصة اقول الشئ دا مابدورو الا كلامك مريح..

عندنا عم لينا غشى جماعة لينا في الخرطوم وست البيت بتعمل في الغداء.. قامت بظرافة سألتو لو في تبيــخ ما بياكلو عشان ما تعملوا او تجيبو في الغداء..

قالها إلا القش ..بس ختيني القش وتاني جيبي البتجيبيهو..


دحين أنا واحد من الناس إلا القش .. ولحمة الراس :)

فـتـة الـفـول ،
بـزيـت السمسم ،
ومـوية الجـبـنـة ،
والشطة بالليمون ،
وتكون قاعـد ،
فوق أمشاط رجليك ،
،،،

...








عزالدين عباس الفحل
ابوظبي
...

.
آآآآآ ود المدير ..... إتو ملاح الكجيك نِسيتو ولا شنو ؟

السمك الناشِف آآ جماعه .... يعني الجماعه لمن يصيدوا السمك في
مناطق الناصر وشمال ملكال .. وبعدين يقولو كِده يشُروهو عشان ينشف ،
علي اليمين ضُبان الجنوب كُلُّو يكون نزل فيهو ،أكل الفيها النصيب وخلاّ الباقي.

لكين علي اليمين كان معاي غفير في المشروع لمن كنت زارع في سمسم ، لو
ظبط ليك تقلية كجيك ، تقطع صوابعك وراها ... ياخ أنا خليت الزراعة لي عشرين
سنه لاكين لي هسع بتَّرع كجيك.

Quote: حسبتك زعلآن مني يا عزيزي وقلت اجيك بالدرب، لكن بركة الجيت وسعيد اليوم الجابك. أعفى لأخوك يا عبد العزيز، فأنت للعفو أهل.

أنا غايتو ما زعلان منك
شوف عبدالعزيز يمكن هو الزعلان
ههههههههههه

صباحاتك عافية وبركة

Quote: يا باهى والبامية الطلبه ( دوسة ) مع سيف كلوش إخخخخخخخخخخخ

يا حسن مكاوي البامية ماعندي معاها مشكلة بس أنا مشكلتي مع الفراخ البيحبو
سيف كلوش

عندنا صاحبنا كدة ونحن مجموعة عزابا في مدينة واحدة زول كسلان خلاص مشتري ليهو فرخة من السوبرماركت
مثلجة ووضعها في الفريزر وكل مايزورو شخص يقوم يطلع ليك الفرخة ويقول للضيف يأخ أنتظر لمن الفرخة يفك منها
الثلج ونعمل لينا حله زابطه وأصلا الجوء مثلج والفرخة طالعا من الفريزر الضيف لو أنتظر سنة كاملة الثلج ما بيفك منها
يقوم الضيف يقول ليهو مستعجل والله ويغادر يشيل الفرخة يرجعا الفريزر ويكرر نفس السيناريو مع ضيف آخر ففي يوم كدة
طلع الفرخة لي واحد كدة سليط لسان وقال ليهو بس خلي الثلج يفك من الفرخة ونزبط الحله ، الضيف السليط قال ليهو يا فلان
يأخ ما عذبت الفرخة دي عذاب والله الفرخة دي قبل ما يزبحوها وهي عايشة ما دخلت ومرقت من القفص زي ما دخلت وخرجت
من الفريزر بتاعك دا

كيف حالك عمنا كانتونا

Quote: يا أبو حراز يا حاقدين .. عاوزين تسمموا ود الناس .. دا اسمه الحقد القاتل.. المرة الجاية بجيبوا ليكم البوليس لو عملتوا عملية زي دي. تحياتي كبـّاشي الصـّـافي

يمكن الحاجة الوحيدة العملناهو فيه ختينا ليهو جردل بلاستيك مليان موية بااااااااااااردة
لمن صحينا الصباح ولاقطرة ما فيها
ماعارف استحم بيها وللا شربها ؟؟؟

لكن كان مبسوط من الأكل وباعترافه قال اليوم غيرنا من الهمبرقر بأجمل وألذ

عندي قريبي من أهل العوض كان ياكل كل شيء يمشي على اربعة الا التربيزة والعنقريب
الراجل رحل مع ابوه للخرطوم
يعني مرات فعلا الواحد يكون من الضهاري لمن يمشي العاصمة المور تتغير كلها
زارنا بعد ثلاثة شهور
يعني لسه اسمه مكتوب في العاصمة بقلم الرصاص
ختينا الغداء 00 كان ملاح ويكة
زولك طوالي نفض يديه
وقال ماقاعد ياكل ملاح الخشب !!!!
البيسمع خشب يقول امهاتنا شغالات نجارة !!!

يا ود المدير أنا في السودان غير الرز واللوبا كنت بكره اللسود والقرع والفول المصري (طبعا بأكلهم مع الكراهة)

صدق أنا من اتخرجت من الجامعة تاني ما حصل مشيت لي في مطعم طلبت فول أو لقيت لي فول في صينية معاه حاجات تانية أكلتو

الغريبة اليومين جاتني مرضة قرع وفول بقيت أحبهم حب شديد

Quote: انا كان عندي مشكلة مع ملاح الرجلة كنتا ما بحبو وما بقرب منو .. يوم المرحومة امي جابت صينية وختت الكسرة ورشت الملاح فوق الكسرة .. وشوية كدة عجنت الكسرة والملاح ورشت شوية ملح وشطة .. تصدق من اليوم داك بقيت من عشاق الرجلة .. يا زول انا من اي طبيخ سوداني بعشو .. مرتي بتقول لي انتا مرفعين "ما شاء الله " .. ههههههههه الخروف دا انحنا يطلعو منو الجلد وكلمة بااااع بس ..

ههههههههههههه،

يا هشام يا اخي الرجلة دي اكتر ملآح دمو خفيف.
عندنا عمنا الله يرحمو كان مرفعين زيّك كدا، وكان الجزارين البيضبحو
يوم الجمعة قدآم الدكان. أها، يضبح الخروف والناس يجيبو مواعينُن
ويجو، وهو يبدأ يبيع، وكت الخروف يصل النص يشيلوا ويمشي
بيتو بعد يقول للناس، الفضل دا مُو لحم بيع...

Quote: ملاح الفاصوليا

نعم يا سفيان،
بس في الصدقات بيكون مبااااالغة،
ما عارف ليه !!!.



ألف مرحب بيك في سودانيز
يا حبيب...

Quote: البصارة الكمونية

سلآمات يا حسن بشير.

البصارة دايرالآ بصارة،
أما الكمونية أنا ما عارف بقت أكلة سودانية كيف !!!؟؟؟،
الكمونية لا تتناسب مع حر السودان ابداً.
حدي معاها لقمتين بس، كان كتلوني ما بزيدن...

.
.

تحياتي يامعاوية

المطبخ السوداني فيه أكلات جميلة و كمان فيه اكلات الله لا تاجر الاخترعها :)

الأكلات السمحة محتاجة شوية تنظيم لأنو طريقة أكلها بشكل جماعي غير صحية ومنفرة .

على سبيل المثال الناس كلها تاكل من صحن واحد (عصيدة ،كسرة) بي ملاعق أو باليدين .

المفترض كل زول يشيل في صحنه الخاص ، وأعتقد إنو ممكن تقدم كمان لغير السودانيين بهذه الطريقة الصحية.

أما أسوأ ما أنتجه المطبخ السوداني حسب وجهة نظري فهي مايلي على التتالي .

1/ الكمونية
2/المرارة
3/الملوحة
4/الويكاب
5/البامبي
6/القرع
7/الفاصوليا بنوعيها البيضاء والخدراء
8/البامية المفروكة
9/في ملاحات تانية سمعت بيها ما شفتها لكن أتوقع نفس العينة زي حاجة كده إسمها ملاح الكول /المرس وغيره من الأكلات الغريبة

أما أفضل ما أنتجه المطبخ السوداني حسب وجهة نظري :

1/ملاح النعيمية
2/ملاح الروب الأبيض
3/طبيخ الملوخية
4/طبيخ البامية
5/ ملاح الشرموط بالعصيدة أو الكسرة أو القراصة .

.
.

Quote: . . and#202;and#205;and#237;and#199;and#202;and#237; and#237;and#199;and#227;and#218;and#199;and#230;and#237;and#201; and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#221;and#237;and#229; and#195;and#223;and#225;and#199;and#202; and#204;and#227;and#237;and#225;and#201; and#230; and#223;and#227;and#199;and#228; and#221;and#237;and#229; and#199;and#223;and#225;and#199;and#202; and#199;and#225;and#225;and#229; and#225;and#199; and#202;and#199;and#204;and#209; and#199;and#225;and#199;and#206;and#202;and#209;and#218;and#229;and#199; :) and#199;and#225;and#195;and#223;and#225;and#199;and#202; and#199;and#225;and#211;and#227;and#205;and#201; and#227;and#205;and#202;and#199;and#204;and#201; and#212;and#230;and#237;and#201; and#202;and#228;and#217;and#237;and#227; and#225;and#195;and#228;and#230; and#216;and#209;and#237;and#222;and#201; and#195;and#223;and#225;and#229;and#199; and#200;and#212;and#223;and#225; and#204;and#227;and#199;and#218;and#237; and#219;and#237;and#209; and#213;and#205;and#237;and#201; and#230;and#227;and#228;and#221;and#209;and#201; . and#218;and#225;and#236; and#211;and#200;and#237;and#225; and#199;and#225;and#227;and#203;and#199;and#225; and#199;and#225;and#228;and#199;and#211; and#223;and#225;and#229;and#199; and#202;and#199;and#223;and#225; and#227;and#228; and#213;and#205;and#228; and#230;and#199;and#205;and#207; (and#218;and#213;and#237;and#207;and#201; and#161;and#223;and#211;and#209;and#201;) and#200;and#237; and#227;and#225;and#199;and#218;and#222; and#195;and#230; and#200;and#199;and#225;and#237;and#207;and#237;and#228; . and#199;and#225;and#227;and#221;and#202;and#209;and#214; and#223;and#225; and#210;and#230;and#225; and#237;and#212;and#237;and#225; and#221;and#237; and#213;and#205;and#228;and#229; and#199;and#225;and#206;and#199;and#213; and#161; and#230;and#195;and#218;and#202;and#222;and#207; and#197;and#228;and#230; and#227;and#227;and#223;and#228; and#202;and#222;and#207;and#227; and#223;and#227;and#199;and#228; and#225;and#219;and#237;and#209; and#199;and#225;and#211;and#230;and#207;and#199;and#228;and#237;and#237;and#228; and#200;and#229;and#208;and#229; and#199;and#225;and#216;and#209;and#237;and#222;and#201; and#199;and#225;and#213;and#205;and#237;and#201;. and#195;and#227;and#199; and#195;and#211;and#230;and#195; and#227;and#199; and#195;and#228;and#202;and#204;and#229; and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#205;and#211;and#200; and#230;and#204;and#229;and#201; and#228;and#217;and#209;and#237; and#221;and#229;and#237; and#227;and#199;and#237;and#225;and#237; and#218;and#225;and#236; and#199;and#225;and#202;and#202;and#199;and#225;and#237; . 1/ and#199;and#225;and#223;and#227;and#230;and#228;and#237;and#201; 2/and#199;and#225;and#227;and#209;and#199;and#209;and#201; 3/and#199;and#225;and#227;and#225;and#230;and#205;and#201; 4/and#199;and#225;and#230;and#237;and#223;and#199;and#200; 5/and#199;and#225;and#200;and#199;and#227;and#200;and#237; 6/and#199;and#225;and#222;and#209;and#218; 7/and#199;and#225;and#221;and#199;and#213;and#230;and#225;and#237;and#199; and#200;and#228;and#230;and#218;and#237;and#229;and#199; and#199;and#225;and#200;and#237;and#214;and#199;and#193; and#230;and#199;and#225;and#206;and#207;and#209;and#199;and#193; 8/and#199;and#225;and#200;and#199;and#227;and#237;and#201; and#199;and#225;and#227;and#221;and#209;and#230;and#223;and#201; 9/and#221;and#237; and#227;and#225;and#199;and#205;and#199;and#202; and#202;and#199;and#228;and#237;and#201; and#211;and#227;and#218;and#202; and#200;and#237;and#229;and#199; and#227;and#199; and#212;and#221;and#202;and#229;and#199; and#225;and#223;and#228; and#195;and#202;and#230;and#222;and#218; and#228;and#221;and#211; and#199;and#225;and#218;and#237;and#228;and#201; and#210;and#237; and#205;and#199;and#204;and#201; and#223;and#207;and#229; and#197;and#211;and#227;and#229;and#199; and#227;and#225;and#199;and#205; and#199;and#225;and#223;and#230;and#225; /and#199;and#225;and#227;and#209;and#211; and#230;and#219;and#237;and#209;and#229; and#227;and#228; and#199;and#225;and#195;and#223;and#225;and#199;and#202; and#199;and#225;and#219;and#209;and#237;and#200;and#201; and#195;and#227;and#199; and#195;and#221;and#214;and#225; and#227;and#199; and#195;and#228;and#202;and#204;and#229; and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#205;and#211;and#200; and#230;and#204;and#229;and#201; and#228;and#217;and#209;and#237; : 1/and#227;and#225;and#199;and#205; and#199;and#225;and#228;and#218;and#237;and#227;and#237;and#201; 2/and#227;and#225;and#199;and#205; and#199;and#225;and#209;and#230;and#200; and#199;and#225;and#195;and#200;and#237;and#214; 3/and#216;and#200;and#237;and#206; and#199;and#225;and#227;and#225;and#230;and#206;and#237;and#201; 4/and#216;and#200;and#237;and#206; and#199;and#225;and#200;and#199;and#227;and#237;and#201; 5/ and#227;and#225;and#199;and#205; and#199;and#225;and#212;and#209;and#227;and#230;and#216; and#200;and#199;and#225;and#218;and#213;and#237;and#207;and#201; and#195;and#230; and#199;and#225;and#223;and#211;and#209;and#201; and#195;and#230; and#199;and#225;and#222;and#209;and#199;and#213;and#201; . . .

ما تنسى ملاح الويكة الحمرة ، يعني بالصلصة وشرطة الويكة تكون دراشة يعني ما مسحونة بالقراصة
يالطيييييييييف مش ما تدي الجنبك ما بتعاين ليهو زاتو ولا تحس بإنو في زول جنبك

سلام ود المدير

الملاحات دي ما حبيتها سماعي ساكت

ود اختا لي شاب فضولي سافر لقري

بعيدة جوة السودان ....كان بياكل حتي بعدين

يسال عن اسم الملاح اللذيذ...

قالو ليهو ..ده ملاح ابو القدح
وده ملاح لحمة القرد
وده ملاح ابو القنفذ العندو الشوك داك
وده ملح سواسيو صغار متفوفات في الفندك
ولمن وصل لهنا في الشرح استاذنت منه باني
عندي حلة ح تحرق
اعتذر لاصحاب المعدات الخفيفة......ودمتم

Quote: Galal E Omar · Scottsdale, Arizona غايتو يا ود المدير كرهتي في الدنيا ملاح الجمكسين عدا ذلك لهط تقيل و بي محبة

هههههههههههههههههههه،

جلال يا صديق،
يا اخوي ملآح الجمكسين دا شنو كمان ؟؟؟،
عليك الله توقعوا لي...

Quote: ود المدير سلام ااازول أنا غايتو بتجوالي في الدنيا دي أي حاجة بدوسا شغال بنظرية أصغر منك دوسو ماعدا الفراخ الله يقطع طارئها مابحب كلو كلو ولو أدوني ليهو مجان مابشيلو . لا مشوي ، لا مطبوخ .

تسلم آآآ ود الباهي أخوي.

يا زول الجداد المحمر دا علي اليمين اقرمشو ليك
زي الصبرة، بس، ختني دمعتو. القبحة فوقا...

Quote: الرز الله يقطع الرز ملاح وكبسة ملاح اللوبا انت ما كان تقول البتحبوها عشان تقعد تتمطق

اظنك يا حمد كايسلك تِمِطق لرويحتك دي.
يا اخي الرز المفلفل البيعملوهو في المناسبات داك، ويعملوا فيهو
الهبهان مزعج لأبعد الحدود، ولمان يكبوا فوقو الكستر يصير
أكثر إزعاجاً من ذي قبل.
أخونا النصري أمين قاعد يقولنا الرز دا أكل الفقراء،
طبعاً هو شايف نفسو غندولي...

Quote: ود المدير سلام ... انا كتبت في بوست مجاور اسمو نشيـــــد لِجامِعَة الخُرطـــــــومْ ... إدريس محمد جمّاع http://www.sudaneseonline.com/board/460/msg/1395725413.html اتضح انو بوست ما وقتو ابداً ... ولك الوعد اقرا تفاصيل البوست ( الشهي ) دي و ما اكتب الا في الكمونيه .. _____________________________________________________ فقمت كاتب ما يلي ... حقو الواحد يطلب من بكري حذف البوست ده عشان ما نقلقل الجامعه اكتر مما هي مقلقله ... الناس مشغوله بالعنصريه ... و القيل .. و القال ... انا بقفل البوست و امشي لي صاحبي ود المدير اشوف اخبار ( الِملحات ) ... فو الله بوسته خير من عشرات البوستات ( الفالصو ) اليومين ديل ...

تسلم أخي قباني من كل شر وبلاء،
والسلآم يغشاك.
جامعة الخرطوم يا صديق كانت قمة الهرم، والهرم
اليوم أصبح صعيداً زلقا. مافي صرح في البلد إلا وإنهار، وموائد البورد تطفح
بالعنصرية، والشتم وساقط القول. صدقني يا قباني الحل لن يأتي من هنا، فأبحثوا
عن مكانٍ آخر.
قلت ألفت نظر الناس لمكان آخر حتي لا يخوضو مع الخائضين، حتي لو كان
المكان غير ذات قيمة.

مودتي...

ود المدير ياخ دة موضوع لذيذ
أصلا المطبخ السوداني فقير وليس به آكلات سودانية أصيلة غير الويكة والشرموط واللايوق اما كل الطبايخ الأخري زي البامية والملوخية فهي آكلات دخيلة من بقايا الحكم العثماني والتأثير الثقافي المصري

اما بالنسبة لي ما بأكل اي ملاح مطبوخ بلحمة فيها عظام ، لو لاقاني عظم صغير في الأكل تاني يومين نفسي بتتسد ، مرتي الله يباركها بتصفي الشوربة اول حاجة حتي بعد كدة تضيف ليها البامية ولا الويكة ولا الملوخية حتي أكلها

تصحيح بسيط لبعض الاخوان ، الكول ليس ملاحا قائما بذاته وإنما يضاف للأكل كفاتح للشهية زي الشطة او الكاتشب مع إغلاق الأنف عند أكله لانه ريحته براحة ممكن ترمي الصقر من الجو

الله يجازي محنك يا ودالمدير.. حمدالله على السلامه، وقالو المسكين دقل..

دى كلها ملاحات ما سمعتا بيها قبل بوستك ده:
ملآح الرز
ملآح القاورما
ام شعيفة
ام كنين
ام رضمة
ملاح قِرِد
ملاح فاصوليا بالباشميلا
ملاح الفاصوليا المفروكة
ملاح الرزوقة
أُم بُلُط..
ألمي
الضّرّابة
الحواقه
ملاح التمليكة
التختوخ
الكداد
ملآح الشمار اللخدر
ملاح الكجيك
ملاح ابو القدح
ملاح لحمة القرد
ملاح ابو القنفذ العندو الشوك داك
ملح سواسيو صغار متفوفات في الفندك


و دى ملاحات ما حصل شفتها:
الويكاب
الكول
البصارة
ملاح اللوبا
الملوحة
المرس
الرشوشه

ودى ملاحات ما حصل اكلتها:
ملاح البامبى
ملاح القرع

Quote: الأكلات السمحة محتاجة شوية تنظيم لأنو طريقة أكلها بشكل جماعي غير صحية ومنفرة . على سبيل المثال الناس كلها تاكل من صحن واحد (عصيدة ،كسرة) بي ملاعق أو باليدين . المفترض كل زول يشيل في صحنه الخاص ، وأعتقد إنو ممكن تقدم كمان لغير السودانيين بهذه الطريقة الصحية

عشان كده انا ما بعرف اكل فى عرس او بكا.
بكون معزومة غدا فى عرس. بتغداااا سمح فى البيت بعدين امشي.



زمان كنتا بكره الشكار الاخضر جدا. و لو امى عملته فى مفروكة بامية او كفته او حتى الطعمية, بحرد ليها الاكل.
و كنتا ما باكل رجلة او مسقعة اسود. او الاسود فى اى طبيخ.
وما كنت باكل فول نهايئ. بعد فترة فترة بقيت اكله فى صحن و حار بس.
انت باكل اى شيء باليمون او الجبنة البيضاء. طبيخ البطاطس بخت فيه جبنة بيضاء.
الان:
باكل اى شيء....باى طريقة. ما عدا ملاح البامبى و ملاح القرع. ديل غلبونى كلو كلو.
اما الشمار الاخضر فزرعته فى البيت عديل كده. بقى لى جميل فى اى شيء.
امى قالت انى كنتا بدلع عليها بس

الربرابة

ملاح البربور يا معاويه
ذلك فى الأدب الشعبى كقولهم

البارح جيت مفلق
لقيت عشاى بى ملاح بربور من الليدين إتزلق

وأظنه كما يقولرالدكتور عبدالله الطيب ملاح اللبن الطاعم داك بصله
بيضه واللبن والويكه لكن السكر دا شنو ما عارفو!!

Quote: عشان كده انا ما بعرف اكل فى عرس او بكا.

زمان يا سمارت كنا معزومين غدا ...

و اصحاب العزومه عندهم خالهم متزوج مصرية ... و كانو عايشين في مصر ...

جو زياره لي عمتهم في السودان ... و قاعدين معانا الولد و اختو في السفره ...

و العمة ديك عندها ملاح نعيميه امو بت عم ابوهو ...

و عصيدتها كاااربه ...

المهم عمك قباني قنّعها ليك كده و قال ليهم مدو يدينكم ...

الولد و البت اكلوا شويه كده ... و زاغوا ...

اها مع الحلو قامت عمتهم سألتهم كيف الملاح؟

قمت انا شرحت ليها انو الملاح ده هو الحاجه القلتليهم اكلوها ديك ..

البت طوالي نطت ... قال ليها و الله يا ( عَـمِتُو )

( الصُوصْ ) طعمو حلو ... بس ( الجَلِي ) ماسِخ شويه ...
______________________________________
اها انتي بقيتي لينا كده بس الليله ..

.
.
المِرِس ياااااا سمارت المِرِس

طبعاً المِرِس دا عباره عن مُصران شحمان جِداً ، غير كِده
ما بيدي نتيجه جيده ، والمصران دا بيتم دفنو في بُرمه في
الأرض بعدين.. بعدين .. بعدين يااااااااا زوووووووول !

بس ملاح المِرِس عايز ليهو ( ميرم ) عشان تظبُطو!

السلام عليكم جميعا

موضوع جميل يا اخونا معاوية المدير

Quote: اول ما جات الانقاذ دى .. كانت كل محافظة بتعمل مؤتمرها وفى الختام بجى البشير بفتتح ليهو بعض المنشآت ولا البويه الجديده ولا الحاجات دى اها .. جماعه من الاهل مشوا مناسبه ... الهلاليه الغداء سفرة مليانه .. وصحن القرع الماهل متوسط الصينية اها الشباب ياكلو بى جاى وبى جاى ما فى واحد داير يمد يدو على القرع واحد قبل على التانى وقال ليهو ياخى ما تفتتح القرع ده قال ليهو ياخوى ده البشير ان جابوه ما بفتتحو ......

هههههههههههههههههه،
مبالغة يا وضاح.

لكن عمّك دا قالوا بيلهط لهِط !!!،
بوستينا دا كان لمّ فيهو يبلعوا جب...

Quote: ملاح الرزوقة

دا شنو دا كمان يا هبيب !!!؟؟؟.

الرسبي لو سمحت...

Quote: ود المدير والضيوف ازيكم انا مستغرب في الناس الما بحبو الويكاب ديل ياخ ممكن اقعد فيه لامن حلقي يوجعني حتين اقوم منو لكن بالجد ملاح اللبن ما بدورو كلو كلو

حباب عباس.

يا اخي ما عندك وصفة ؟؟؟،
الويكاب دا أنا سمعانبو سمع ساكت...

Quote: تكون معزوم وما تلفي غير ملاح الويكه بالضنب ايوه ... ضنب !!! دهن بس عايم جوه الكوره تقعد تأكل و يكون جنبك كيس ورق فاضي تأكل من هنا و تعزفوا من هنا Al

قباني يا صديق،

يا أخي اضرب ساااااكت من غير تعزف،
آخر بحوث قالوا أثبتت إنو الشحوم الحيوانية ما ليها
أيّ تأثير جانبي. غايتو أنا أخدت بنتيجة البحث دا،
وماخد راحتي بالكااااامل...

Quote: يبدو أن كل المتداخلين ما فيهم زول من نواحينا. هنالك ملاح اسمه أُم بُلُط.. ألمي والضّرّابة. لا زيت ولا بصل. بس موية وويكة وملح وشطة. وتاكلوا مع عصيدة فطيرة. لكن أهلنا قالوا: (حلاة الأكل جيعان .. حلاة اللبس عريان .. حلاة النعال حفيان). علي اليمين ملاح أُم بُلُط دا في المشروع شهر أغسطس في أم طرقاً عُراض ألذّ من ال KFC بس تكون ضارباك زيفة والسحاب شايل والهبوب هابة. تحياتي

حياك الغمام يا خال.
علي اليمين أُم بُلُط اللتك دي لو تبقى أُم بِعبِر مع ضرب
الزيفة والسحاب الشايل دا أعدما ليك نفاخة النار...

Quote: غايتو انا بكره ملاح المكرونة بالبشمل وبكره كمان شوربة الكستر ود المدير ازيك وكيف حالك.

أهلين بله الحاضر.

يا اخوي ما تدخل إيدك في أُم بُلُط دي،
قبل تفرتك. خسمتك...

!!!

Quote: نحن يا ود المدير بِنقُش اى حاجه الا الجمكسين….

ههههههههههههههههههههه،

يا دكتور إنت والعربي دا في سرج وآحد.

سأل رجل اعرابي، ماذا تأكلون في البادية ؟
قال، نأكل كل شئ إلا أُم حبينٍ.
قال الرجل، فلتهنأ لأُم حبينٍ العافية.

إذاً فلتهنأ للجمكسين العافية...

Quote: الويكاب دا أنا سمعانبو سمع ساكت...

ود المديــر

الويكاب دا مادتو الأسـاسية قصـب محروق و مقطـر


التعديل لاضافة
القصب المحروق دا ببلو بالموية و يختو لغاية ما مويتو تقطر كلها وينشف , ببقى حجر شـبية لحجر العطرون
بس لونو ابيض ,,,,,,,,,,,, حتة صغيرة منو تضاف للمرس و تديهو طعم مبالغة او يعملو منو ويكاب لبن


ود المدير لو داير شـرح اضافي نجيب ليك عينة معاها سـمن بلدي و كســرة

Quote: سسلام معاوية وحمد لله على السلامة انا غايتو مكجن البامية المفروكة

سلآمات يا ديقول.

ياخ بالغت والله.
يا زول البامية المفروكة دي بالقرآصة، ومعاها
بصل أبيض بالشطة والليمون، اخخخخخخ يا أنا...

ملاح بت علوبة الفركتو وابتو
ملاح ام ساجمي كلما تضوقو تزيدي مي
ملاح ام شعيفة الكتل المرة الضيفة
والتفاصيل لاحقا
.
.
من كعوبتا صارت مضرب مثل
.
.
كما لايفوتني ان اكتب على باب هذا التكل
المرة السريعة يدها طاعمة
.
.
تحياتي يا ود المدير وضيوفك وضيفاتك لهم نفس التحية وزيادة

ود المدير اب ملاحن كعب

اشواقات كتااااار وحمد لله على السلامة
مالك راجع من السودان بطنك طامة كده هههههه

والله انا اى ملاح ما بحبوا بس بحب البامية الخدرة فقط ومعها شوية كسرة
باكلها مرة مرة كده
ولما يعملوا الملاحات ام دهن ديك بحرد الاكل عديييييل
مرات بقعد مطرفة من الصفرة واكل سلطة بزيت الزيتون وبقول ليهم اعملوا لى مشاوى
بحب المشاوى والاكل الفرن صحى وببعدك من الشحوم والحوم الزايدة




----------------------------------------------------------------
تخريمة كيف لقيت السودان والجكس ابو نجمة ههههههههههه

وين يا ام ملاحا ساقط

عندي صاحبي الله يطراهو بالخير
كان بموت في ملاح القرع
من طرايفو مرة قال لي ( تعرف لما يكون عندنا ملاح قرع بالكسرة والشطة ،،، بدخُل بالصحن الأوضة وبقفل الباب ومن شدة معزتي ليها بملص ليها عريان ملط )

Quote: وين يا ام ملاحا ساقط

مشتاااااااااااقيين والله
ههههههههه

يا منصور المفتاح
لا ياخ .
ملاح البربور هو سيد ملحات الافراح والاتراح في الزمن السمح .
ملاح البربور بعد ما تحرق البصلة تكب عليه الفاصوليا المدروشة + شوية صلصة ناشفة
وهاك يا فرك في الحله الكبيرة و بي كراع العنقريب .
أنا يا المنصور حاضر مناسبة زوأج في المحمية بي الشرق أهل العرس قاموا بي كفاية قطار كامل
مليان ناس بربور بس وشاي .

Quote: عندنا يا معاوية صاحب زمان جاب عمو زيارة لنيويورك في مطعم من مطاعم الحي الصيني طلبلو FRIED CHICKEN قالو ده شنو يا ولدي . قالو ده جداد . قالو يا ولد أمرقني من هنا هسع تي . والله يا معاوية الاكل الصيني أحسن منو ملاح التمليكة بدون بصل . بس بيني وبينك ملاح الرز أحسن منو تيت جعان وأنت مقطوع في وأدي العوتيب .

يا عثمان يا اخي الصينيين ديل ايّ حاجة ترفع راسا
من الوآطة بقشوها.
تصدق لقيتُن مجدعين في مطعم الوآحة، والله قربت
أكتِحُن بالوآطة. غايتو الحيكومة دخلتلها آفة في البلد.
والله صحي...

Quote: الملوحة

ما جربتها ليوم الليلة يا بكري،
تصدق...

Quote: تحياتي لصاحب البوست و ضيوفه

حياك الغمام يا أمجد،
ولك مِنا عاطر التحايا...

Quote: Shams Eldin Khalifa · يعمل لدى ‏المجلس الأعلى للصحة - Supreme Council of Health‏ يا جماعة شنو الحكاية البوست ده بتكلم عن ماذا تكره من انواع الاكل السوداني البيسوه ناس بيتكم مش الاكل بتاع الناس التانيين. مزح بين احباء ودالمدير واصدقائه " طوالي جريتو لبستوه عباية الدين!!!!!!!!!!!!!!!!!!!!!!!!!!!!!!!!!!!!!!!!!!!

شمس الدين يديك العافية يا اخ،
واعمل حسابك من ملآح الجمكسين،
باقي إنت مع جلآل في التِحتانية...

Quote: تمرق من أمدرمان لى الدبه شمالا الناس بتسويهو وهو من التمليكه أو لسان الطير

صدق يا المنصور،
علي اليمين ملآح لسان الطير دا نفر
حلآتو عِلآ فيهو.

Quote: عزيزنا منصور المفتاح سلامات عليك الله هسع التختوخ ده بعد 30 سنة الذكرك ليهو شنو ؟ قالوا يا منصور هادا الملاح المشكوت من أكتر الملحات الطاردة للكلسترول والدبس ونتحان القلب . أي لقمتين منو بتعادل حبة ليبتور 80 MG . ياخ التختوخ ناجع . و HEALTHY جد .

عاين كمان ود موسى سواهوعلاج.
نان يا ود موسى وكت عارف كدي ما تقوم تصدروا
للخواجات بتاعين اللعشاب الماليين بلدكم ديل، وحات
الله دا بزنيس مقنطر عدييييل كدي...

Quote: رباطابي زار اهلو وكت الغدا قالوا ليه نعمل ليك الغدا شنو؟ قال ليهم أي شئ بس اختو الورق والدلاقين!

هههههههههههههههههه،

عفيت مِنو...

Quote: مرحب يا ودالمدير.. الساعة إتنين نصة نهار.. هجيرة وسموم.. الواطه صاااانه والضبان ينوني فوق رأسك.. يختو صينية الغدا.. تلقاهو صحن قرع وكسرة مره تلوي الأضان.. ومعاها كوز مويه تغلي من الزير.. سمعنا وسلمنا :)

مرحبتين حباب حاتم.
وحات الله لآمن اضاني صنّت،
لكن طريتني البلد والله...

Quote: . قبل اسبوعين مشت معاي محل اللحم الحلال سالت الفلسطيني لو عنده كبدة ابل. قلت ليها كده كتير علي شديد.

هههههههههههههههههه،

الخواجية بالغت. والله صحي.
يا دانية أووووعك تخبريها بالجمكسين، وأُم تكشو
والكول، وأُم فِت فِت، علي اليمين ترجعك السودان
باكر القريبة دي...

Quote: ود المديـر شــفت ملحاتك الكعبة دي جوعتنا بيها في الغربة وبقى اي ملاح بناباهو زمان نفتش عليهو الآن اي ملاح بالكسـرة وشـوية مويه و شـطة وملح و يار يت لو عليهو شــوية روب او ســلطة زمان كانت الوالدة عليها الرحمة لما تكون عاملة ملاح ما بندورو بتزيد عواســة الكســرة لأنها كلها معجونة بتتأكل و ترجع الصينية فاضية بعض الملحات كان ليها اسـماء البامبي....... و ســخ كرعي الاســود ........ ملاح البراطيش غايتو كان علينا جنس افترا و قلة ادب عارف عما لينا كان لما ياكل الويكاب بالسـمن البلدي باقي اليوم ما بغســل يدو

يا عبد الله أخوي إنت كاتلآك قريفة غربة ساكت،
هسّع عليك الله ملآح اللسود والبامبي ديل بيتقابلن ؟؟؟.

بعدين عمك دا خباروا بيخلي إيدو بلا غسيل ؟؟؟...

Quote: عندنا عم لينا غشى جماعة لينا في الخرطوم وست البيت بتعمل في الغداء.. قامت بظرافة سألتو لو في تبيــخ ما بياكلو عشان ما تعملوا او تجيبو في الغداء.. قالها إلا القش ..بس ختيني القش وتاني جيبي البتجيبيهو.. دحين أنا واحد من الناس إلا القش .. ولحمة الراس :)

ههههههههههههههههه،

يا ود الزين يا اخي لحمة الباسم دي تجعل إبتسامتك
ناصعة البياض طول اليوم.
عمك دا عواف وبس، هسّع الصينيين في السودان
بدوسوا البرسيم زي الترتيب...

Quote: فـتـة الـفـول ، بـزيـت السمسم ، ومـوية الجـبـنـة ، والشطة بالليمون ، وتكون قاعـد ، فوق أمشاط رجليك ، ،،،

يا ود الفحل عليك الله فتة الفول
دي في زول ما بيريدا ؟؟؟...

Quote: لكين علي اليمين كان معاي غفير في المشروع لمن كنت زارع في سمسم ، لو ظبط ليك تقلية كجيك ، تقطع صوابعك وراها ... ياخ أنا خليت الزراعة لي عشرين سنه لاكين لي هسع بتَّرع كجيك.

هههههههههههههههه،

عووووووووووع،
يا ود المكي طممت بطني...

Quote: م . ك . ض .. يموت في الطعام ، يحب الأكل ، وينسى .. يستمرى ... ويستمر ... صامتا .....توصيلة ... اللقمة ، وراء اللقمة ... لا يتحدث ابدا اثناء الاكل ، شفت التهذيب دا كيف... شهرين تلاتة الحلة مافيها كرامة ، ولا سماية ، تسأل الرجل وهو يتمطق ... ياجماعة مافي فتة بي قرب ... وجاءت سماية ... صافته ذات صينية ، وبدات المعركة ، سرعان ماجفت الصحون ، وبدات مراسيل الزيادة... ياولد دمعة ياخ ، بسرعة شباب كسلانين ، طه بالله فول ، وكتر الزيت.. طه طه جيب معاك رغيفات ، يا بتاع ام رقيقة كبلنا ؛ يا انت بتملح في شنو ؟ الكسرة وينا ؟ حسن اكسرنا يازول ...كسرة يا ابو علي شبعت .. سمعت زول جاءته صدمة سكري ، مشينا سريع بالبوكسي وصلناهو اهلو .. سريع سريع قزازتين بيبسي فاق صاحبنا ، رجعنا مكان السماية لسع ما شربنا الشاي ، وكمان امكن فيها كوتشينة ، المهم لقينا صاحبنا مازال يواصل الالتهام.... عيني باردة ؛ شربنا الشاي .. لعبنا كوتشينة ....العصر عدل على التمرين... المغرب النادي ، تاني الساعة عشرة مشيت البيت خليتو في النادي ، قابلني بكرة الصباح ... قال لي : تصدق اللكيلة بتاعت امس ديك ، لا هسع ما ذتها.... الرجل لطيف المعشر ، وحبوب وظريف ، ومن الناس المطلوبة في محيطنا ... يدخن بشراهة ... ويحب الكوتشينة ... امنيته في الحياة ، كما قال : لي ذات مرة ، الاكل متوفر ، والسجائر بالعلب ، واربعة حرفاء في الوست.... دنيا ............. اغترب صاحبنا ... واصبح اكله الدجاج الميت دا ، كما يسميه ، اكترش ، وانبرش ... والشوف ذاتو بقى ما زي زمان .. والكوتشينة بقى يسارقا مسارقة .. والكبسة كرهتنا ذاتو ! لديه كوم عيال .. وغربة حال .. ومازال سرا يتمنى ، جلسة طعام وسط احبابه وناسه ، ( والسفسفة دي اكان ما قدرنا عليها .... ان شاء الله نعاين فيها بس ) هكذا ختم لي اخر مكالمة قبل اعداد هذه المداخلة بلحظات ، افتقده الرهط في الحلة ، اخذته الغربة والمسؤوليات .. وان مازالت ذكرياته حاضرة بينهم ... يطول عمره .. الشهم النهم ... كما كنا نسميه .......

ودالمدير وضيوفه النوستالجيا سلام،
تصدق البوست ما شفتا علا الليلة،
اها شوف الزول بتاع السفسفة دا، وبالمناسبة الاقتباس من بوست لي بعنوان ( على الدرب ... ناس ... بوست تحليلي)
اها قلت تقزقزوا بالزول الاكيل دا لحدت ما اجيك صاد،
فالموضوع ذو شجون،

Quote: الغريبة اليومين جاتني مرضة قرع وفول بقيت أحبهم حب شديد

دابك كدا بقيت حمد اللِيّلنا، ورجعت لأصلك.
يا حمد أخوي الفول دا كمان في زول بياباهو ؟؟؟...

Quote: أما أسوأ ما أنتجه المطبخ السوداني حسب وجهة نظري فهي مايلي على التتالي . 1/ الكمونية 2/المرارة 3/الملوحة 4/الويكاب 5/البامبي 6/القرع 7/الفاصوليا بنوعيها البيضاء والخدراء 8/البامية المفروكة 9/في ملاحات تانية سمعت بيها ما شفتها لكن أتوقع نفس العينة زي حاجة كده إسمها ملاح الكول /المرس وغيره من الأكلات الغريبة أما أفضل ما أنتجه المطبخ السوداني حسب وجهة نظري : 1/ملاح النعيمية 2/ملاح الروب الأبيض 3/طبيخ الملوخية 4/طبيخ البامية 5/ ملاح الشرموط بالعصيدة أو الكسرة أو القراصة .

سلآمات يا ازهري.
من القائمة بتاعتك دي أمرق لي البامية المفروكة من خانة الأعداء،
والباقي إتفق معاك عليه بشقيه.
المطبخ السوداني بخيرو وبشرو تب ما قصّر انتج منظومة فريدة
في نوعها وأجمل ما فيها التنوع.

إنت يا اللزهري،
الحلو مُر دا اللخترعو منو ؟؟؟...

Quote: ما تنسى ملاح الويكة الحمرة ، يعني بالصلصة وشرطة الويكة تكون دراشة يعني ما مسحونة بالقراصة يالطيييييييييف مش ما تدي الجنبك ما بتعاين ليهو زاتو ولا تحس بإنو في زول جنبك

يا الصادق المقتبس الجلبتو ما ظهر،
أما ملآحك دا، أريتني كان لقيتو هسسسسسع...

Quote: قالو ليهو ..ده ملاح ابو القدح وده ملاح لحمة القرد وده ملاح ابو القنفذ العندو الشوك داك وده ملح سواسيو صغار متفوفات في الفندك ولمن وصل لهنا في الشرح استاذنت منه باني عندي حلة ح تحرق اعتذر لاصحاب المعدات الخفيفة......ودمتم

سلآمت يا نعمات،
ومرحبتين حبابك في سودانيز.

غايتو مِلحاتك ديل أنا ما وقعن في عيني،
لكن لحم ابو القدح محمر يسعلني الله احلى من لحم الضأن.
أكلتو مرّة وآحدة في حياتي، وأكلت معاهو لحم تمساح
وهو عكسو تماماً. لحم التمساح عبارة عن لحم فطيسة...

Quote: اما بالنسبة لي ما بأكل اي ملاح مطبوخ بلحمة فيها عظام ، لو لاقاني عظم صغير في الأكل تاني يومين نفسي بتتسد ، مرتي الله يباركها بتصفي الشوربة اول حاجة حتي بعد كدة تضيف ليها البامية ولا الويكة ولا الملوخية حتي أكلها تصحيح بسيط لبعض الاخوان ، الكول ليس ملاحا قائما بذاته وإنما يضاف للأكل كفاتح للشهية زي الشطة او الكاتشب مع إغلاق الأنف عند أكله لانه ريحته براحة ممكن ترمي الصقر من الجو

أحمد التجاني،
سلآمات.

نُص عُمرك ضايع، يا اخي كدكدة عضام المِلحات دي أحلى حاجة،
خاسةً مُلآح الملوخية.
معقولة حاجة ريحتا ترمي الصقر تكون فاتحة شهية !!! اريتا ما اتفتحت.

مشكور علي التصحيح، بس ابعد البتاع
دا من الشطة والكاتشب...

Quote: الله يجازي محنك يا ودالمدير.. حمدالله على السلامه، وقالو المسكين دقل..

الله يسلمك يا خالد،
ثمّ والله مشتاقين بالحيل.
اخبارك والأُسرة الكريمة.

شيليك معاك شوية مِلحات لبثينة بدل 5 قايز بيرقر آند فرايز...

سلام ،
هاناس هوى نضميكن دا نضمى زولا بدين
واهلنا قالوا الشبع بعمل بعبعة
لكن كان طقتكن شعفوفة قبَل امات هشيمة واللورى اتوحل بيكن بتعرفوا حاجة ههههه

Quote: Hamid Sakin · مدرسة النهود الثانوية سلام يا معاوية ارجو أن تقبلوا مداخلتي والجابني ليكم ريحة الكشنة الطاقة في المنبر من منطقة من نواحينا هناك ملاح البديبب أو ( الأبديب) وهو زي أم رقيقة ولكن بدل الويكة الناشفة البديب وهو ورق شجيرات عندما تختلط بالماء تحولوا ألى سلسيون ولذلك يراعي وضعه بكميات بسيطة جدا وملاح القصير وهو ساق الثور يوضع في راس القطية حتى يحول عليه الحول ثم يكسر ويعمل بزيته ملاح العصيدة وهو من فصيلة ملاح المرس وأم سعيفة والمعنى واضح

مرحبتين حبابك يا حامد،
نقبل مداخلتك علي الرحب والسعة،
وإنت فوق العين والراس.

كدي الكُشنة دي بنجيها كان الله هوّن.
شكراً للشرح الوافي، بس المعني ما واضح بالنسبة
لأُم سعيفة. يعني أُم سعيفة دي دايرالآ شرح منفرد،
علي وزن عزف منفرد.

ذكرتني نكتة بمناسبة ملآح القصير.
قالوا، في زمن مجاعة سنة ستة، الراجل ومرتو قاعدين والشافع
يا زول داير ينفقع من البكا. الراجل قال لمرتو، يا ولية،
العضم المغزوز في الراكوبة من عمن اول اديتيهو للجنا دا مصا ؟؟؟.
قالت لو، ايِّ. قال لها، أكان كدي بكاهو دا قلة ادب ساااكت...

Quote: دى كلها ملاحات ما سمعتا بيها قبل بوستك ده: ملآح الرز ملآح القاورما ام شعيفة ام كنين ام رضمة ملاح قِرِد ملاح فاصوليا بالباشميلا ملاح الفاصوليا المفروكة ملاح الرزوقة أُم بُلُط.. ألمي الضّرّابة الحواقه ملاح التمليكة التختوخ الكداد ملآح الشمار اللخدر ملاح الكجيك ملاح ابو القدح ملاح لحمة القرد ملاح ابو القنفذ العندو الشوك داك ملح سواسيو صغار متفوفات في الفندك و دى ملاحات ما حصل شفتها: الويكاب الكول البصارة ملاح اللوبا الملوحة المرس الرشوشه ودى ملاحات ما حصل اكلتها: ملاح البامبى ملاح القرع

سلآمات يا سمارت.

جزء كبير من الملحات اعلآه أنا زيّك ما سمعت بيها إلا في
بوستي دا، لكن الإبداع يا سمارت في التنوع الذي يعكس
صورة وآضحة لبلد متعدد الثقافات لو وجدت من يوظفها
ممكن تكون مصدر سياحي هام. يعني ممكن يكون عندنا
مهرجان سنوي للوجبات السودانية. التعدد يعني إننا شعب
خلآق ومبدع ليس في مجال الأكل فحسب، بل في مجالآت
عديدة. هسّع شوفي ناس امريكا الشمالية ديل، ما بيعرفوا
حاجة غير الإستيك والفرنش فرايز، لكن المهاجرين
جلبوا لهم كم هائل من الوجبات.

Quote: وما كنت باكل فول نهايئ.

الزول لآمن يقول، ما باكل فول كلآمو اصلوا
ما بيقع لي. والله صحي...

Quote: الربرابة

هههههههههه،

ساعدونا بالشرح يا امجد،
الله يرضى عليك...

Quote: السلام عليكم جميعا موضوع جميل يا اخونا معاوية المدير

،،،
وعليكم السلآم أخونا أحمد سيد أحمد.

جمّل الله أيامك بالصحة والعافية.

كامل مودتي...

Quote: ملاح البربور يا معاويه ذلك فى الأدب الشعبى كقولهم البارح جيت مفلق لقيت عشاى بى ملاح بربور من الليدين إتزلق وأظنه كما يقولرالدكتور عبدالله الطيب ملاح اللبن الطاعم داك بصله بيضه واللبن والويكه لكن السكر دا شنو ما عارفو!!

مشكور يا منصور علي الإضافة القيمة...

Quote: ود المدير لو داير شـرح اضافي نجيب ليك عينة معاها سـمن بلدي و كســرة

بسراعك يا عبد الله اخوي،
اليومين ديل عندنا قِرّة تقطع القلب...

Quote: ملاح بت علوبة الفركتو وابتو ملاح ام ساجمي كلما تضوقو تزيدي مي ملاح ام شعيفة الكتل المرة الضيفة والتفاصيل لاحق من كعوبتا صارت مضرب مثل كما لايفوتني ان اكتب على باب هذا التكل المرة السريعة يدها طاعمة تحياتي يا ود المدير وضيوفك وضيفاتك لهم نفس التحية وزيادة

حباب الزول السمح ود البوش.

بت علوبة دي بعد تعبت فيهو وفركتو، ما بياهو مالا ؟؟؟.
بعدينك أُم سجامي دي يخربا كان بتعرف تتبُخ.
المرا الضيفة دي كتلتا شرفة يا ود البوش.
في إنظار التفاصيل.

المرا السريعة تجيب الكُج يا اخ...

.
إنتو ناس بورسودان ديل نايمين ولا شنو؟
عندهم أكله وااااااااحده ( الصياديه )

والتحليه مُخبازه

Quote: ود المدير اب ملاحن كعب اشواقات كتااااار وحمد لله على السلامة مالك راجع من السودان بطنك طامة كده هههههه والله انا اى ملاح ما بحبوا بس بحب البامية الخدرة فقط ومعها شوية كسرة باكلها مرة مرة كده ولما يعملوا الملاحات ام دهن ديك بحرد الاكل عديييييل مرات بقعد مطرفة من الصفرة واكل سلطة بزيت الزيتون وبقول ليهم اعملوا لى مشاوى بحب المشاوى والاكل الفرن صحى وببعدك من الشحوم والحوم الزايدة ---------------------------------------------------------------- تخريمة كيف لقيت السودان والجكس ابو نجمة ههههههههههه

وضاحة المطموسة،
والله مشتاقين.
الله يسلمك، والسودان الله يكون في عونو.
غايتو حالتاً ما بتسر البال.
هسّع اكان إنفجخت فوق بنبر في تُكُل والدوكة قدامك، والخمارة بيمينك،
والقرقريبة في علبة لبن مبلولة عن شمالك وردمتيلك طبق كسرة، ما كان
بتقولي كلآمك دا، عان ها المِلحات ما بحبها، مشاوي في عينك.

جكس بتاع ايه ؟؟؟، والله الناس كولها بطونا طامة ودايرين يتخارجوا
بما فيهم الجكس زاتو...

Quote: عندي صاحبي الله يطراهو بالخير كان بموت في ملاح القرع من طرايفو مرة قال لي ( تعرف لما يكون عندنا ملاح قرع بالكسرة والشطة ،،، بدخُل بالصحن الأوضة وبقفل الباب ومن شدة معزتي ليها بملص ليها عريان ملط )

سلآمات يا سيف الدين.

عندي اخوي وود خالتي بيريدوا اللحمة شديد.
أها، ود خالتنا دا مرّة مشى اكل لحمة في الدآمر، والدآمر
مشهورة بأنها فيها أجود وأطعم لحمة، قام جا قال لأخوي،
والله يا سيف الدين الدآمر فيها لحمة !!!، تدسها من جناك.

مودتي...

معاوية المدير

...


السودان جميل والله ،
كفاية لمة الأهل ،
والأكل الفرش ،
تـسـلـم الـغـالـي ،
،،،،

...








عزالدين عباس الفحل
ابوظبي
...

Quote: أبو أحمد أبو أحمد جماعة بتاعين مزاج مشو مع صاحبهم سماية في نجوع الجزيرة، جابوا ليهم الأكل، ستة صحانة، إلا ما بتعرف في الصحن شنو، الواعي فيهم رفع أيدي جلابيتو، ومسك ليك الصحانة واحد واحد وبدا يدخل يدو بقوة في الصحن لما الطبيخ يتطاير من الصحن ويرجع قواعده - صحنه - سالم، وشابكهم ليك: دينك يمين بامية، والتاني : دينك يمين قرع، دينك يمين فاصوليا..

ههههههههههههههههههه،

سلآمات يا ابو أحمد،
من الحِلة التِحِت.

لمان تكون جيعان احسن حاجة تدوس ساااااكت،
ما شفت جماعة القرد !!!؟؟؟...

Quote: اها شوف الزول بتاع السفسفة دا، وبالمناسبة الاقتباس من بوست لي بعنوان ( على الدرب ... ناس ... بوست تحليلي) اها قلت تقزقزوا بالزول الاكيل دا لحدت ما اجيك صاد، فالموضوع ذو شجون،

سلآمات عبد المنعم.

زولك شديد ولضيض، وبيلعب صح.
شخصية لا يخلو منها ربوع سودانا.

في إنتظارك ...

Quote: سلام ، هاناس هوى نضميكن دا نضمى زولا بدين واهلنا قالوا الشبع بعمل بعبعة لكن كان طقتكن شعفوفة قبَل امات هشيمة واللورى اتوحل بيكن بتعرفوا حاجة ههههه

سلآمات يا يوسف.

آ زول نضميك دا كُتُر تب.
والله صحي...

Quote: إنتو ناس بورسودان ديل نايمين ولا شنو؟ عندهم أكله وااااااااحده ( الصياديه ) والتحليه مُخبازه

يا محمد فضل الله الصيادية دي وحات الله
ما سمعتها إلا عندك، أما المخبازة حظي
منها لقمتين اخدتهن في عام 85 ليومك
دا ما عقبتهن. يا اخي دي خلطة ما انزل
الله بها من سلطان. والله صحي...