يا أخي الشعوعي الإسمو ( معاوية الصايم) ده تأكل وتقش في طرفو يا بقة

اول مرة أشوفو في الحفل البهيج الذي نظمه بورداب جدة ترحيبا بمقدم الفنان الرائع طارق أبوعبيدة مجمِلا مساءات العروس وعيد الأم بالطرب الحنون

كنت الرابح الأكبر وجمعت بين البهجتين الاولى لقاء أحبة احتفوا بحضوري في معية زميل المهنة ورفيق الدرب كمال أدريس

وثانيا تشنيف أذني بالموسقة حد الدهشة من سعادة المستشار طارق ابوعبيدة

بورداب جدة لكم الشكر جميعكم ، حجر وأبوقصي و قيقراوي والبشير ودهب وبقية العقد الفريد

أي واحد منهم يسلم عليك يقولك كلمة طاعمة طعم حب الام "يا أخونا العفو والعافية"

ومابين لحظات انتظار طارق و ذكريات معارك الكيبورد والإنقلاب الرقمي ووثبات السودان القادمة وحسيان المؤتمر الوطني وذوبان الشيخ المعتق من جديد في قفاطين الطائفية اللذيذة

اقتحم القاعة الأنيقة الفتى الأسمر معاوية عبيد الصائم " مباشر " فأوحى له أحد الظرفاء بأن المدعو السيدح في حمانا وضيافتا فإذا بابن الاربعين ربيعا يأمرني بالسلام عناقا إنت السيدح سبحان الله حسبتك شيخا يتوكأ

طرمباش بضم الطاءالمهملة وهى عصاة محنوفة يحملها اهلنا البجا . عانقت الزول الظريف المكتسى بثوب سماحة السودانيين وعفويتهم المطلقة وأيضا قال لي الكليمة الطاعمة "العفو والعافية"

لحظتها تمنيت لو كان باوقيشن معنا حتى نهز الأرض جلجلة وصخبا وضحكا .

ليلة ممتعة بطارق وبالأمهات وبكم يا أعز الناس .

الأخ العزيز ابن الحوش عبد اللطيف السيدح

وأنا أودع الأخ معاوية عبيد ببشاشتة المعهودة سألني إن كنت قد قابلت عبد اللطيف السيدح ومحمد حسن العمدة فقد جاءوا من مكة والطائف تلبية لدعوة زملاء الحوش ..
بالفعل كانت لمة حاشدة لأبناء الحوش وليت الأخوة المنظمين للحفل استغلوا تأخير البرنامج وملأوه بفقرة تعارف ولكن نقول الجايات أكثر من الرايحات إذا مد الله في الآجال ..
الشكر مجددا لكل الأخوة الذين خططوا وجهزوا ونفذوا هذه الليلة الرائعة ..

ابن الغبش أبان مسوحن ما
ويا ابن كدباس النوبة والتكية والتقابة

المبروك ود المليك هذه أولى الخسائر إن كنت موجودا ولم أشرف بلقياك

وناس كتار جدا جلسوا الى جوارنا لكن عامل السن وحاجات تانية أنستنا أسماءهم

لك العتبى أما ود العمدة فأشاروا الى الأحباب بأن ود العمدة على المسرح فوجدت الرجل في ريعان شبابه "وحاتيهو لمن الحت ذاتو آمن " مع ظرفاء جدة ومبروك عليه الليلة الماتعة كنت أود لقاء الرجل لكن نوم

البذورة كما يقول ناس الجزيرة العربية عجَل بوداعنا وحتما نلتقى .

يا السيدح لك تحيية ولكل شباب جدة الرائعيين
وهنياً لكم بالسهرة الممتعة
ومعاوية عبيد لمن يتعرف عليه
يدرك بانه كما يقول اهلنا
فلان ده زي
(( عيد الضحية البفتحولو الباب))
فله التحية من هنا ولاسرته الكريمة

بورداب جدة لكم الشكر جميعكم ، حجر وأبوقصي و قيقراوي والبشير ودهب وبقية العقد الفريد
------______________________
الاقتباس علي طريقة المجاهد ودالباوقة
السيدح سلام

ما جبته حاجة جديدة .. معاوية زول كلس
رغم الحرب الشعواء التي يواجه بها وفي جهات معينة
عايز تنال من معاوية بأي طريقة حتى لو بالكذب والتلفيق

شكراً يا السيد ح لانصافك الرجل ..