Post: #1
Title: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: أشرف الرحال
Date: 03-22-2014, 11:47 AM
Parent: #0
طارق يا سلام
كنت كريما ليلة امس
تستضيف الكل في بيت الشهد
فكان شرابنا شهدا
اسكرتني يا اخ
مرة واحدة كدا
فايت مروح وين
...................................................................................
فايت مروح وين سايبني رايح وين
لسه الزمن بدري ما لسه الوقت بدري
خليك شويه عشان جنبك بطول عمري
دار الفرح والريد تلقاني من أهله
ومين اللي ما بريد طيبة شباب كسلا
بين الضفاير بان وجهو القمر طله
وكيف قلبي يتقل صبرني يا الله
باقي الجميل تمو أصلو العمر مر
أنا كم وقفت معاك في الحلوه والمره
أطرح جبينك لي خليهو ينفر
وأنا لو بدور ضرك في روحي بنضره
يا أجمل الحلوين يا أحلي ياسمينه
ما لينا غيرك أهل انت الأهل لينا
لمتين مراكبنا ترسي وترسينا
علي نسمتك يا قاش للريد تعدينا
يلاك بعيد نرحل لدنيا حنيه
نعيش لوحدينا وسيرتنا منسيه
أوسدك قلبي وأرعاك بعيني
وأسقيك مياه توتيل علشان تعود لي
فايت مروح وين سايبني رايح وين
لسه الزمن بدري ما لسه الوقت بدري
خليك شويه عشان جنبك بطول عمري
وأجبر بخاطري أنا وريح تعب عمري
عارف الولف كتال وأنا قلت ليك عذري
.....................................................................................................
مدخل :-
شكرا طاف خيالي بذكرى الايام الخوالي
كسلا الطيبة والنقاء والالفة
كسلا الفراش وهبة القاش
الميلاد ومراتع الصبا وانبثاق الشباب
يا اخ شهدك مطر هاطل
الحزن النبيل يا طارق معقولة بس
ايه كل الكرم ده
ربط كسلا بمحطات خارج جغرافيتها محفورة في الذاكرة
سياحة في جلب الفرح مغلفة بحزن نبيل .. محطة تحول كبيرة يا طارق
..........................................................................................
الحزن النبيل
وبقيت أغنى عليك ..
غناوى الحسرة والأسف الطويل
وعشان أجيب ليك الفرح
راضية مشيت للمستحيل
ومعاك فى آخر المدى
فتنى يا هجعة مواعيدى القبيل
بعتنى لى حضن الأسى
وسبتنى لى الحزن النبيل
***************
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفت غيرك .. أصادفا
وقدر هواك يجيبنى ليك
جمـّع قلوبنا .. وولـّفا
وقتين بقيت معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
***************
ندمانة أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أشاكى يا جرح الألم
وكان خوفى منك
جايى من لهفة خطاك على المواعيد .. الوهم
ندمانة أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم
..........................................................................................
عكســــة :- فايت مروح بهذا الخزن النبيل ... 2 في ليلة واحدة يا صانع الشهد
مودتي
الرحــــال
|
Post: #2
Title: Re: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: الرفاعي عبدالعاطي حجر
Date: 03-22-2014, 07:59 PM
Parent: #1
التحية لطارق طالما عطر ليلة من اروع الليالي
وشكراً للبورداب نعتذر للتأخير وللجميع المودة
شكراً رحال وسعادتكم تنعكس علينا.
..............................................حجر.
|
Post: #3
Title: Re: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: أشرف الرحال
Date: 03-23-2014, 08:19 AM
Parent: #2
| Quote: التحية لطارق طالما عطر ليلة من اروع الليالي |
ليلة شهد بكل معاني العسل
تنظيم .. قاعة .. حضور والاروع الاطفال رغم اسقاط فقرتهم من البرنامج ولكن كانوا في قمة النشوة ببراءة الاطفال لعبا وجريا ونطيط
وكان العريس انيقا فنا وطربا ومظهرا ..
| Quote: وشكراً للبورداب نعتذر للتأخير وللجميع المودة |
التأخير كان له بلسم ولم يتسلل الملل الينا ونحن ننظر للاقمار من بورداب جدة وفوق دا فرحة الاطفال لم تعطينا احساس ان الزمن البرنامج تأخر
| Quote: شكراً رحال وسعادتكم تنعكس علينا. |
الشكرا لكم على هذا الجهد الكبير المقدر يا حجر وفريق العمل في هذه اللجنة لقد كنتم سرب من النحل بحق وحقيقة نشاط من قبل اشراقة شمس صباح الجمعة حتى تباشير فجر السبت
ارتوينا من منتوجكم شهدا
مودتي
الرحـــال
|
Post: #4
Title: Re: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: Sidig Rahama Elnour
Date: 03-23-2014, 07:02 PM
Parent: #3
دار الفرح والريد يا شروفي جمعتنا داخل الدارة بشوية جبجبة كدة و بحضور عيالي وعيالك وكانت فعلاً دار فرح وريد وكانت كسلا حضور كعادتها في إي محفل
وتحياتي للبت الودودة صديقتي المفضلة زينب أشرف
شكراً طارق وشكراً اللجنة المنظمة وشكراً يا أشرف
|
Post: #5
Title: Re: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: Sidig Rahama Elnour
Date: 03-23-2014, 07:04 PM
Parent: #3
دار الفرح والريد يا شروفي جمعتنا داخل الدارة بشوية جبجبة كدة و بحضور عيالي وعيالك وكانت فعلاً دار فرح وريد وكانت كسلا حضور كعادتها في إي محفل
وتحياتي للبت الودودة صديقتي المفضلة زينب أشرف
شكراً طارق وشكراً اللجنة المنظمة وشكراً يا أشرف
|
Post: #6
Title: Re: معقولة مرة واحدة كدا يا طارق ابو عبيدة .. فايت مروح وين بحزنك النبيل دا
Author: أشرف الرحال
Date: 03-24-2014, 01:00 PM
Parent: #5
| Quote: دار الفرح والريد يا شروفي جمعتنا داخل الدارة بشوية جبجبة كدة و بحضور عيالي وعيالك وكانت فعلاً دار فرح وريد وكانت كسلا حضور كعادتها في إي محفل |
يا سلام يا صديق رحمة لا تتصور لحظة حضور كسلا في اغنيات المبدع طارق وكمل جميلو معانا بالحزن النبيل مصطفى سيد يا الله
| Quote: وتحياتي للبت الودودة صديقتي المفضلة زينب أشرف |
والله العظيم يا صديق البت الحديقة زينب ما نمشي اي لمة في جدة والا تقول لي عمو صديق رحمة في هناك يا زول والله زينب دي في لسانها دائما انت وحتى لمة الجمعة قالت لي عمو صديق رحمة وشهاب هناك في وكمان كملت محبتها ليك وجاتني في الحفلة قالت لي يا بابا سلمت على عمو صديق
شكرا | Quote: شكراً طارق وشكراً اللجنة المنظمة وشكراً يا أشرف |
شكرا كتييييير للرجل الشهد طارق وللجنة ولك ايضا يا وريف
مودتي
الرحـــال
|
|