Post: #1
Title: اه يا وطن !!
Author: عواطف علي
Date: 03-19-2014, 09:12 PM
اه يا وطن !!
مالك علي ؟ حظي السجم ,,!
انا ما قدر زي دة ,, وكفاي !!
يكفيني اني بقيت براي ,, وحاضنه سنين الغربة ,, ووجعي البكرة جاي ,,
ومكويه من نار اللظي ,,
القضيتا في الغربة وبراي ,,
من ياتو باب ادخل علي فرحي الشقي ؟
وأقشقش دميعاتي وأجي ؟
والحق عميري الاتمحق من جاي وجاي
ااااه يا وطن !!
هل يا نديداتي اتكتبلي أعيش كدي ؟؟؟
هل بكرة جاي ؟
ليه يا وطن ؟
خلق الله كلها سابتك وجرت بعييد وهاجرت متلي وكدي ؟
ليه ابتلاك ربي ورضيت تتغابا العرفي في شعبك المسكين كدي ؟
وأنا وبي رضاي ,, اخترت دنيا الاغتراب ,,
لمن لقيت وطني العزيز لافظني لي عالم غريب ,,عالم غريب ومع جناي
غصبا علي ,, وتبا علي الزمن العبوس ,, خلاني اصارع في الزمن انا بس براي !!
بفضل اصارع ومابكل ,,
برجاك يا غيمة السحاب ,, لو يوم تحني علي جناي
أنا اصلي ما حظي اتعرف !!
يوم جابو لي حفنة دقيق نثروها في الشوك ليا ضر ,,
في يوم هبوب ,, ودخل الضلام ,,
وقالو لي لمي الدقيق ,, وأنا بي حفاي !! لميتو في الكيس لي شقاي ,,
برجاك يا وطني العزيز ,, لو يوم تحن ,, وأرجع واعيش أنا في هناي
ماعندي غير صبري ويقيني ولوعة الوجع المخزنة في حشاي
بت علي
|
Post: #2
Title: Re: اه يا وطن !!
Author: nour tawir
Date: 03-19-2014, 09:45 PM
Parent: #1
أأأأأأأأأأأأأأأأأأأخ...
أنا لله وأنا اليه رآجعون..
...
كوله كوم...
والغربة فى بلاد الجليد..
والعواصف الجليدية..
والمطر الجليدى..
ودرجة الحرارة تحت ال40...
كوم تانى..
|
Post: #3
Title: Re: اه يا وطن !!
Author: عواطف علي
Date: 03-19-2014, 09:56 PM
Parent: #2
تسلم اخي ( نور )
اسمع اخوي نور .. الغربة هي الغربة ,, سواء في بلد الجليد او بلد الخليج ههههههههه
بهواك انا وطني العزيز الكنت شايلني وتشابي ,, وكنته في جواك دوام !!
لكين غرورك وعزتي ,, كانن بدايات الصراع !!
اااااااااه يا وطن !!
تحياتي واحترامي
|
Post: #4
Title: Re: اه يا وطن !!
Author: الامين محمد علي
Date: 03-19-2014, 11:23 PM
Parent: #2
قال احدهم،، السودان موت
والغربة انتحار بطيء
والغربة مرة ومولمة،،،والغربة في الوطن اشد
شعرك جميل ي ا ستاذه،،
ملحوظه،،،،،ا نور انثي بالمناسبه،،،ليست كما اعتقدتي
تحياتي
|
Post: #5
Title: Re: اه يا وطن !!
Author: عواطف علي
Date: 03-20-2014, 00:01 AM
Parent: #4
مشكووور اخي الامين محمد علي
اولا اشكرك جزيل الشكر للتوضيح ( نور )
مرورك عطر صفحتي ,, تسلم ,, تسل ,,
لك التحايا والاحترام ’’
|
Post: #6
Title: Re: اه يا وطن !!
Author: عواطف علي
Date: 03-20-2014, 00:07 AM
Parent: #2
تسلمي اختي ( نور )
لك العتبي حتي ترضي ’’
لقد اختلط علي الامر ,, اعزريني لاني نسيت تاء التأنيث ,,
|
|