Post: #1
Title: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-19-2014, 05:25 PM
Parent: #0
معليش ده كلام من تجربة شخصية .. مارى بيها اليومين ديل
الولد بقرأ فى مدرسة .. تعليم اجنبي ..فى بلد عربي (السعودية)
جانى امس طلب يشترو ليهو هدايا يقدمها للاستاذة المشرفة عليهم ولوالدته لانو قالو ليهم فى يوم للاحتفال بالام
وتقديم هدايا ليها وكده ..
قلنا طيب كويس .. ما فى مشكلة ... اهو يتعلم قيمة المشاركة وواحترام الناس الحوالينو
جانى الليله .. بعد رجعنا من المدرسة .. قال لي ياخى احنا مسلمين ولا ما مسلمين
قلت ليهو مسلمين .. خير ليه بتسأل (لانو هو عارف انو احنا مسلمين)
قال لى استاذه الدين جاتهم اليوم وقالت ليهم حرام تدو هدايا للام او الاستاذة . لانو عندنا فى الاسلام حرام الكلام ده
الولد جانى راسو جايط ... وبقى يسال احنا مسلمين ولا ما مسلمين ؟؟!! اديهم هدايا ولا ما اديهم ...
وربك يكون فى العون
|
Post: #2
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: nour tawir
Date: 03-19-2014, 05:29 PM
Parent: #1
يديهم الهدايا...
والنبى ذاته قبل الهدية...
|
Post: #4
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-19-2014, 06:29 PM
Parent: #2
اكيد يا استاذه ..
لكن بعتبروها ما مقبوله هنا لانها تحت مسمى عيد الام ...
والمسمى ده عند بعض الناس هنا .. ما يجوز
شكرا
|
Post: #3
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: Mahjob Abdalla
Date: 03-19-2014, 05:30 PM
Parent: #1
سلام وضاح
غايتو في بلدان الخواجات الاسئلة اصعب من دي شوية.
قول الحمدلله علي سؤالو و قول ليهو اي نعم نحن مسلمين و ممكن نعطي هدايا للام و للاستاذة و لاي شخص تجمعنا بهم العلاقات الانسانية.
|
Post: #5
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-19-2014, 06:35 PM
Parent: #3
سلام محجوب
اكيد بتكون اصعب .. للانفتاح على كل الثقافات والديانات .. ووجود بعض الفروقات ...
لكن الموضوع فى انو .. مدرسة واحده .. وفصل واحد ... يحصل فيهو تشويش للاطفال
ويدخلوهم فى خلافات فقهييه .... وهم لسه ما ناقشين شي
احنا لمن قرينا وخلصنا الثانوى ما اظن دخلنا فى فتاوى متناقضة ... او خلافات فقهيه -
يعنى زى ده هسع .. لو قلت ليهو استاذة الدين كلامها ما صحيح !! الوضع حا يكون كيف ؟ ممكن يدخل فى ذهنو انو البتقولو ليه تانى بكون ما صحيح
ولو قلتو ليهو كلامها صحيح لكن احنا بنقدم الهدايا .. دى .. اها حا يقول ليك احنا مسلمين ولا ما مسلمين ههههههههههه
تحياتى
|
Post: #6
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: Mahjob Abdalla
Date: 03-19-2014, 06:52 PM
فعلا يا اخ وضاح
اسئلة الاطفال لازم تجاوب عليها بعد تفكير شديد لانو اي اجابة ممكن تكون سبب لـ عشرة اسئلة اخري.
|
Post: #7
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: abubakr salih
Date: 03-19-2014, 07:02 PM
Parent: #6
يا وضاح حاول استفيد منها فى جانبها الايجابي. خليهو يتعلم ان يحكم عقله، هل اذا اعطى هدية الى امه و معلمته هل دا شئ كعب؟ او ممكن يتعارض مع الدين فى شئ؟ اكيد هو متحمس لاعطاء الهدية فى الاول و حماسه فى الغالب مصدره انه على وعى انو الهدية سوف تقع موقع حسن عنده امه و معلمته. و بالتالى الهدية عنده شئ جيد و العمل الجيد لا يتعارض مع الدين باي حال. خليها تكون ليهو فرصة يتفتح فيها وعيه على انو ح يقابل مثل هذه البلاوى بالكوم فى حياته و الامر يتطلب ان يحكّم عقله و قلبه.
|
Post: #8
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: ابو جهينة
Date: 03-19-2014, 08:22 PM
Parent: #7
وضاح سلام ماكن
موضوع حيوي
لي عودة غداً بحول الله لهذا المعترك الهام وهذا البحر المتلاطم من الخلط
|
Post: #9
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: Hafiz Bashir
Date: 03-20-2014, 05:57 AM
Parent: #8
سلام يا وضاح
كلام ابوبكر دا مهم و مفيد جداً
و مهم جداً برضو تشرح ليهو إنو كلام الأستاذة بمثل رأي بعض المسلمين و إنو في آراء تانية ممكن تكون مختلفة
و لازم تشرح ليهو اهمية إحترام الآراء المختلفة دي رغم وجود فسحة للإختلاف معها و العمل بغيرها
الشرح محتاج منك وقت طويل و تبسيط للفكرة لأنو الأطفال تفكيرهم و تجربتهم ما بتمكنهم من النظر للإشياء إلا من منظور واحد فقط لذلك بكونوا دايرين يصلوا لنتيجة واحدة في الحكم على الأشياء بإنها إما خطأ او صاح
|
Post: #10
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:56 AM
Parent: #9
Quote: يا وضاح حاول استفيد منها فى جانبها الايجابي. خليهو يتعلم ان يحكم عقله، هل اذا اعطى هدية الى امه و معلمته هل دا شئ كعب؟ او ممكن يتعارض مع الدين فى شئ؟ اكيد هو متحمس لاعطاء الهدية فى الاول و حماسه فى الغالب مصدره انه على وعى انو الهدية سوف تقع موقع حسن عنده امه و معلمته. و بالتالى الهدية عنده شئ جيد و العمل الجيد لا يتعارض مع الدين باي حال. خليها تكون ليهو فرصة يتفتح فيها وعيه على انو ح يقابل مثل هذه البلاوى بالكوم فى حياته و الامر يتطلب ان يحكّم عقله و قلبه.
|
سلام ابوبكر
ومشكور .. تقريبا ده الانا مهدت ليهو واتعاملت على اساسه
واتخيل انو الولد فى اولى ابتدائي ...
ونقاش الاحتفال بالمناسبات ده .. الكبار من رجال دين وناس عادييين زينا ... بسخن بيهم ... وما قادرين يصلو فيهو لى حاجه مقنعه
واتخيل بالله ... كمية التناقض العايشنها ..
اصل الموضوع .. انو فى رجال دين بقولوا احتفال المسلم فقط بعيد رمضان وعيد الضحية غيرهم ما فى اى حاجه بتجوز
وده رأى الكثير من علماء السلفية
والمشكلة وين .. التناقض فى فتاويهم .... وفى ممارستهم .... حيث يتم الاحتفال بيوم المرور .. واليوم الوطنى ويوم شنو ويوم شنو ويوم شنو
بصورة رسمية وعلنية .. وقدر ما الناس تقول انو اعياد المسلمين شئ ... والايام المخصصة من منظمات الامم المتحده .. لتسليط الضوء على حاجات مهمه فى حياتنا شئ تانى .. لكن برضو يحصل التناقض
شكرا
|
Post: #11
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: حمد عبد الغفار عمر
Date: 03-20-2014, 08:48 AM
Parent: #10
سلام يا وضاح
هسة انت ذنبك شنو يسألوك السؤال دا ؟
فعلا بحيروا جدا
أنا عكسك المدرسة قالت ليهم تجيبوا لي هدايا
قلت للبت مدرستكم دي مستهبلة تعال شوف ردها
قالت لي بزعل شديد يا بابا عيب تقول مدرستنا مستهبلة دي قاعدة تدرسنا
غايتو قربت تقول لي انت بتعمل لينا شنو ؟
سكت سكتة عجيبة لأنو أي كلمة مني تاني بتحيل الموضوع لتشويش في عقلها وعرفت نفسي اتسرعت وقلت ليها أنا بهظر ساي مدرستكم شاطرة وبتدرس كويس نودي ليها الهدية
ربك يستر الجيل متفوق علينا كتير بفهمو
|
Post: #12
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: محمد أبوالعزائم أبوالريش
Date: 03-20-2014, 09:27 AM
Parent: #11
سلام يا وضاح ورواد البوست ....
المسألة دي معاناة عامة .. وبتركيز في دول الخليج. أنا طوالي في كلام مع ولدي وأسئلته .... حرام وحلال .... مسلم وكافر ... إلخ.
بحاول أديهو جرعات، لكن مرات بيمشي أبعد من الجرعة ... بس بحاول زي ما قال ليك أبوبكر صالح أخضع ليهو الحاجات للمنطق.
الخطورة بتجي لما يقول ليك (الأستاذة قالت) ... هنا صعب تطلّع كلام الأستاذة غلط ... ومرات يقول ليك فلان داك (واحد من أصحابو) أمو أو أبوهو قال ليهو.
والمسائل دي بتطفح للسطح عند قدوم كل مناسبة ... (عيد الأم)، (كذبة أبريل)، (عيد الحب)، ... إلخ. وفي كل واحدة من المناسبات دي، تلاقي الشيوخ واقفين بالمرصاد ... ده عيد النصارى، ولا يجوز، إلخ.
ياخ أنا ساكن قريب من كنيسة .... مجرد وجود الكنيسة ده جاب ليهو زي مليون سؤال.
في حاجة واحدة أنا متأكد منها:
أهلنا أصلو ما تعبو في تربيتنا بالشكل الشايفينو ده.
|
Post: #13
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: ابو جهينة
Date: 03-20-2014, 10:11 AM
Parent: #12
سلام من تاني
بالأمس كنت أقرأ فتوى غريبة مفادها :
أفتى الشيخ / علي الربيعة بأنه إذا خلع الزوجين ملابسهما عند العلاقة الزوجية ، فإن عقد زواجهما باطل وتحرم عليه زوجته
***
يعني تخلي الترزي يعمل ليكم شبابيك في هدومكم ، وأي واحد ما متزوج وعندو الفتحات دي في هدومو ، يبقى زاني وهي زانية
***
إنا لله وإنا إليه راجعون
***
المشكلة يا وضاح أن بعض المتشعلقين بأمور الفتاوي ، جاطوا أمور الدين كلٌّ على حسب ما يراه دون الرجوع إلى المتون الصحيحة.
زمان الفتوى ما بتاخد مجراها دون الرجوع للنبي عليه أفضل السلام ودون الرجوع إلى علماء الأمة ، حسع بقت طلقيبي ساكت.
والخطورة فعلا في مدرسات ومرسين الأطفال ، المعلومة بترسخ في أذهانهم ومن الصعب تغييرها
نواصل
|
Post: #14
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: الشفيع وراق عبد الرحمن
Date: 03-20-2014, 05:46 PM
Parent: #13
| Quote: و العمل الجيد لا يتعارض مع الدين باي حال |
تمام يا بكري
جبت النجيضة
يديك العافية
ويا وضاح
بندعو ليك بس
يحلك الحل بله :)
|
Post: #15
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: smart_ana2001
Date: 03-20-2014, 05:54 PM
Parent: #14
Quote: في حاجة واحدة أنا متأكد منها:
أهلنا أصلو ما تعبو في تربيتنا بالشكل الشايفينو ده |
|
Post: #16
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:39 PM
Parent: #15
Quote: سلام يا وضاح
كلام ابوبكر دا مهم و مفيد جداً
و مهم جداً برضو تشرح ليهو إنو كلام الأستاذة بمثل رأي بعض المسلمين و إنو في آراء تانية ممكن تكون مختلفة
و لازم تشرح ليهو اهمية إحترام الآراء المختلفة دي رغم وجود فسحة للإختلاف معها و العمل بغيرها
الشرح محتاج منك وقت طويل و تبسيط للفكرة لأنو الأطفال تفكيرهم و تجربتهم ما بتمكنهم من النظر للإشياء إلا من منظور واحد فقط لذلك بكونوا دايرين يصلوا لنتيجة واحدة في الحكم على الأشياء بإنها إما خطأ او صاح |
مرحب حافظ
مشكور يا حبيب
والملاحظ انو فى المجتمعات الخليجية عموما .. بتكتر المشاكل دى .. لان فى المجتمع بتلقى اقصى اليمين واقصى اليسار
من يدعوا للانفتاح على الثقافات الاخرى بحرية كامله .. ومن يدعوا لمقاطعتها تماما
عشان كده فى المدارس كنموذج بتنشط الخلافات والاختلافات
وفى مدرسة واحده بتلقى زى النزاع ده
عكس ايام كنا طلاب فى السودان كانت كل الامور وسطيه
ما كنا فى المدارس عندنا اهتمام بموضوع المناسبات الفرعية دى .. زى الايام العالمية وكده
ولا كانت فى محاولات سيطرة دينية معينة
فكانت اجيالنا .. نوعا ما متوازنة فى فهمها وتقبلها للاشياء
تحياتي
|
Post: #17
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:45 PM
Parent: #16
سلام حمد
اها قصة الهدايا - الساااى - دى مرات بتزعل ههههههههه تشعر بيها استهبال سااااى
حقيقة انا اتفاجأت شديد من سؤالو والولد فى اولى ابتدائى ... ودى سن مبكرة عشان يدخل فى نزاعات نفسية بى سبب موقف الدين من حاجه معينة
ومبكر على انو يستوعب متناقضات الحاجات دى
تسلم
|
Post: #18
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:49 PM
Parent: #17
Quote: سلام يا وضاح ورواد البوست ....
المسألة دي معاناة عامة .. وبتركيز في دول الخليج. أنا طوالي في كلام مع ولدي وأسئلته .... حرام وحلال .... مسلم وكافر ... إلخ.
بحاول أديهو جرعات، لكن مرات بيمشي أبعد من الجرعة ... بس بحاول زي ما قال ليك أبوبكر صالح أخضع ليهو الحاجات للمنطق.
الخطورة بتجي لما يقول ليك (الأستاذة قالت) ... هنا صعب تطلّع كلام الأستاذة غلط ... ومرات يقول ليك فلان داك (واحد من أصحابو) أمو أو أبوهو قال ليهو.
والمسائل دي بتطفح للسطح عند قدوم كل مناسبة ... (عيد الأم)، (كذبة أبريل)، (عيد الحب)، ... إلخ. وفي كل واحدة من المناسبات دي، تلاقي الشيوخ واقفين بالمرصاد ... ده عيد النصارى، ولا يجوز، إلخ.
ياخ أنا ساكن قريب من كنيسة .... مجرد وجود الكنيسة ده جاب ليهو زي مليون سؤال.
في حاجة واحدة أنا متأكد منها:
أهلنا أصلو ما تعبو في تربيتنا بالشكل الشايفينو ده. |
سلام محمد
فعلا .. مسائل حساسه وبتكتر فى الخليج عموما .. لانها مجتمعات فيها حراك كبير جدا جدا
انفتاح على الثقافات الاخرى .. بسرعه شديده .. ومحاولة سيطرة من رجال الدين .. لتصويب الامور حسب فهمهم
وهنا بتجى الفتاوى .. الصحيح منها والمحير منها والغريب منها وووووووو
ودايما فى نقاشى مع اصحابنا بقول ليهم نفس جملتك الاخيرة دى ... تربية الابناء وتعليمهم هنا فى الخليج بحتاج جهد مضاعف مئات المرات
عن الجهد الممكن يبذلوا الزول فى السودان
تحياتى
|
Post: #19
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:53 PM
Parent: #18
Quote: سلام من تاني
بالأمس كنت أقرأ فتوى غريبة مفادها :
أفتى الشيخ / علي الربيعة بأنه إذا خلع الزوجين ملابسهما عند العلاقة الزوجية ، فإن عقد زواجهما باطل وتحرم عليه زوجته
***
يعني تخلي الترزي يعمل ليكم شبابيك في هدومكم ، وأي واحد ما متزوج وعندو الفتحات دي في هدومو ، يبقى زاني وهي زانية
***
إنا لله وإنا إليه راجعون
***
المشكلة يا وضاح أن بعض المتشعلقين بأمور الفتاوي ، جاطوا أمور الدين كلٌّ على حسب ما يراه دون الرجوع إلى المتون الصحيحة.
زمان الفتوى ما بتاخد مجراها دون الرجوع للنبي عليه أفضل السلام ودون الرجوع إلى علماء الأمة ، حسع بقت طلقيبي ساكت.
والخطورة فعلا في مدرسات ومرسين الأطفال ، المعلومة بترسخ في أذهانهم ومن الصعب تغييرها
نواصل |
سلام يا ريس
مسأله الفتاوى دى بقت مشكلة حقيقية فى الدول الاسلامية
ما بين الاستغلال السياسي ... والمذهبي .. والطامة الكبرى هوس الفضائيات ووسائل الاعلام عموما بالفناوى واستدراج الشيوخ ...
تحياتي
|
Post: #20
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:57 PM
Parent: #19
Quote: ويا وضاح
بندعو ليك بس
يحلك الحل بله :) |
يا شفيع .. ربنا يقبل هههههههههههه
|
Post: #21
Title: Re: أهاااا.. دى يحلوها كيف ؟ احنا مسلمين ولا ما مسلمين ؟
Author: وضاح عبدالرحمن جابر
Date: 03-20-2014, 06:58 PM
Parent: #20
شكرا اسمارت
|
|