تحذير : تذاكر طيران تصدر من ماليزليا وأستراليا تباع لسودانى بريطانيا وأوربا !

التذاكر التى تصدر من ماليزيا وأستراليا وتباع لسودانى بريطانيا و أوربا تحتاج إلى مراجعة طريقة الدفع.

يا ريت لو توضح اكثر اخونا نزار ,,,,, عشان الفائد تعم

الأخ ماهر معذرة للتأخير ، حتى أعود بكل التفاصيل على الناس رفض شراء أى تذاكر غير
صادرة من بريطانيا أو السودان. ففى العادة يتم شراء التذاكر الصادرة من ماليزيا وأستراليا
بإستعمال كروت أشخاص أو شركات من غير علمها والتذاكر تباع بأسعار معقولة والميزة الوحيدة
ضمان حجز للعودة فى موسم الإجازات واللحاق بالمدارس ... تفاصيل أكثر لا حقا .

هناك شاب سودانى( م. ا ) غادر ماليزيا إلى أستراليا أحد الضالعين مع فلسطينى يقوم بطلب إرسال التحويل إلى غزة !

كلام ما واضح وبصراحة ما فهمنا حاجة.
تحياتي

كبـّاشي الصـّـافي
(العوج راي والعديل راي) .

Quote: كلام ما واضح وبصراحة ما فهمنا حاجة.

***

ألأخ/نزار السلام عليكم.

قوانين شركات الطيران لا تلزمك من أين أصدرت تذكرتك..كل ما يلزم هو أن يكون الدفع بالطرق المعروفة نقداً أو أى بطاقة إئيتمانية لضمان السداد...

وشركات الطيران ألأن لا تقوم بتحصيل أموالها إلا عن طريق BSP

ويقوم الحجز عن أنظمة الحجز العالميةGDS

الذى يتيح لك الحجز من أى مكان أو عبر موقع شركات الطيران.

لكن لا يمنع أن نرى ماذا تقصد حتى نستفيد من موضوعك المطروح...تقديرى وإحترامى للجميع.

تحياتى أخ إسماعيل
شكرا على توضيح طرق الدفع وما نحذر
منه يندرج تحت طريقة الدفع بالكروت و
التى يتم فيها إستخدام كروت أفراد أو شركات
دون علمها " سرقة " ويطالب السارق بالدفع نقدا .

تحياتي يا أبو النَّ....
يا ولدنا ما تخش في الموضوع دوغري عديل كده..... وتوضح لينا المسعلة كلها.... ينوبك ثواب
أنا غايتو عارف واحد أخونا كده... إنضرب مقلب جامد في النوع ده من التذاكر....

Dear All, Sorry I was away . I will get back to you all in details .

الأخ نزار يوسف محمد

أنا في واحد قال لي إنتا صحفي ..

طيب يا أخي ما تكتب زي الصحفيين

أول ثلاثة سطور خطوط عريضة حمراء مثيرة ومشوقة ..

باقي السطور .. تفاصيل النشرة ..

عرفنا أول الخطوط العريضة ..

وين التفاصيل ؟

كلام الاخ نزار سليم

في عصابات الكترونية بتسرق الكريدت كارد وتدفع بيهو التذكرة
يعني بالعربي بتكون راكب الطيارة بقروش مسروقة والمسالة دي ممكن تورطك

القصة ما هنا بس، انا مثلا عندي خدمة رسائل، بعد ثانية واحدة من اي عملية للكردت كارد بتاعي بتجيني
رسالة في جوالي، ولو فعلا عملية ما انا عملتها، ممكن اضرب للبنك وفي دقائق ممكن العملية تتلغي
وصاحبك يمشي المطار ويكتسف انو تذكرته ملغية وطبعا القروش البكون دفعها ما بقدر يرجعها تاني
هي دي ما القصة، لانها في الغالب بتكون بسطية، الخوف انو البنك ممكن يفتح بلاغ عند الشرطة
ويعتبرك انت صاحب التذكرة من قام بعملية القرصنة الالكترونية وتبقي في حيص بيص.

العصابات دي قايدنها نيجيريين في جنوب شرق اسيا.

تحياتي

تسلم يا أحمد ابن عوف ... التذاكر التى تصدر من ماليزيا وأستراليا وتباع لسودانى بريطانيا و أوربا تحتاج إلى مراجعة طريقة الدفع. وهى تعتبر سرقة و للأسف هناك سودانيين وفلسطنسسن متورطين والأدهى والأمر رفضت شركة طيران الإتحاد - فرع لندن التحقيق بعد
أن عرض البعض التعاون من أن إالقاء القبض على هذه العصابات ولكن بحمد الله تم القبض على عصابة مشابهة فى إستراليا والدائرة تضيق
على هؤلاء حيث تقدم البعض بشكاوى تحت طائلة قانونى مكافحة الإرهاب وغسيل الأموال . محاربة هذه الجريمة تبدأ بالتعامل من الوكالات المسجلة فقط أو مع خطوط الطيران مباشرة ونحذر ناس بيرمنجهام- بريطانياخاصة وبقية أوربا عامة من التعامل مع مروجى هذه التذاكر .

معليش يا نزار مرة أخرى

إنتا قاصد إنو في واحد بيكون شايلو تذكرة جاهزة في إيدو .. ويقول ليك التذكرة دي لندن الخرطوم مع العودة بسعر 200 جنيه إسترليني فقط .. والدفع كاش ..

أهو كده؟

لأنو الشئ المعروف في بريطانيا وتقريباً في كل الدول الأوربية إنك بتدفع لوكالة السفر بالكريديت كارد بتاعك .. أو أحياناً عن طريق حسابك بالبنك أو الكاش ..

الأخ على
أول علامات النصب زى ماتفضلت الإصرار على الكاش
ومن ثم طلب التحويل عبر West Union أو التحويل
إلى السودان ، عزة ، ماليزيا ... وكل المواسير .
ليست بالضرورة أن تكون التذكرة رخيصة فهى قد تكون
بسعر السوق مع إمكانية توفير حجر حسب رغبة العميل .
وصيتى أن لا تثق فى أحد وتعامل مع الوكالات المسجلة .

أبو الزهور سلامات خميسية
معليش كنت بعيد لظروف الشغل الجديد ،
والحكاية فيها ناس بلدياتنا غشوهم لكن
المشكلة عشان تقطع دابر الحرامية فى ناس
بريحو تحت الكرعيين وتحاول تشرح البعد القانونى
ببساطة مع شربكة " العرف السودانى " باركوها يا جماعة .
والقصة زى ماعارف تذاكر مسروقة الناس بتشتريها ثقة فى من
تعرفه على مر السنين وفى النهاية يطلع الموضوع ماســــــورة .

الأخ على محمد على بشير
معذرة لغيابى لأكثر من إسبوعين
أتمنى أن أكون قد أوضحت فى ردى أمس.

سلامات يا كباشى
خلاصة الموضوع كما أوضحت أدناه
هناك من يبيع تذاكر مسروقة من
كروت أفراد أو شركات وعينا محاربتهم .

Quote: ..Haider Hassan · · Zagazig University ما عندك موضوع .. الظاهر عاوز تصفي خلاف مع نفر بتعرفه بيعمل في الشغلانة دي لانك حتى الان ما قدرت تدخل في التفاصيل بشكل واضح يناسب عنوانك الكبير ده

الخلاصة تحذير من الوقوع فى شرك هذه العصابات وهناك من تم توقيفه فى فرانكفورت والخليج
وتم التحقيق معهم عن كيفية الدفع ، وأولا وأخيرا الخيار للناس لتجنب مثل هذه الشبكات .

مع إقتراب عطلة الصيف نشطت مجموعة شرطها الأول الدفع نقدا
أو تحويل قيمة التذاكر عبر الوست يونين برمنجهام . أفضل
طريقة لضمان الحقوق إستلام إيصال دفع من وكالة مسجلة .