تاني ..... حاجات تتور ضرس القلب

(قيل) أن الترابي (قال) بعد أن طرده تلاميذه

الناس الماتوا في الجنوب لا شهداء ولا حاجة

ومعلوم أن الترابي قد منحهم الشهادة حين كان في السلطة .

والان

الترابي على بعد خطوات من القصر فهل ترد الشهادة لمن ماتوا ...

.
.
.

حسين خوجلي فقد الكثير بسبب برنامجه التجميلي هذا

ولو واصل في مساديره وبرامج الادب والغناء لكان الافضل

وقطع شك هو ممن يجيدون استخدام اللغة ولكن في غير موضعها


(مجرد تنظير)



.....

الوالدة المثالية

تقريباً في مسابقة زي دي

يعني في والدة ما مثالية ....

ما كل زول بتعجبو امو ومابشوف زول زيها

طيب جبتوا امهاتنا ديل تلاتين اربعين خمسين وقعدتوهن في مسابقتكم دي

اديتو واحدة منهن لقب افضل ام

طيب مش في اثر نفسي بقع على الكم وخمسين التانيات ديل


قدر ما لاويت الفكرة دي تب ما وقعت لي لانها ما عندها معنى

والتحية لكل امهاتنا وربنا يعظم اجرهن .


....................................................................


الزول ده اشتغل شغل كبير واجتهد ونجضت شغلتو

واكتر زول ساهم في تثبيت الانقاذ وصناعتها

لكن بعد ده كلو الانقاذ ما ادتو حقو نهائي

بعيداً عن المضمون يعتبر ساحات الفداء من اقوى برامج التوجيه المعنوي او اي كان اسمه في عهد الانقاذ

فاللغة المستخدمة والتعابير ووووو الخ تتماشي مع الزول البسيط في الشارع

والحاجة البتزعل لسة مواصل في سكتو وبخدم في الانقاذ (بهمة وخيال واسع شديد )

احرد يا اسحاق لانك مهمش ياخ