تقوم يا المسلط الاسمك ادريس علم الهدى تضيفني في مجموعة في الفيس بوك اسمها الظرفاء وتقول كدي يا ود البوش تعمل فيها ظريف ودمك خفيف وتوووووووووشك تقوم سداري لاحسيب لارغيب قايل الحكاية فوضى . . . وعينك ما تشوف الا العصار والكتحابة ساتر شنو ودرقة شنو علي الليمان والرحمن لمت في واحدة بس ما فضل لي الا اضرب الراراي واقول عوووووووك يا بورداب الرياض زولكم مات . . ياخي ديل ناس حلوين حلا والظرافة تنسب اليهم ولا ينسبون اليها ياخي ديل فيهم واحد قال داير احتفل بعيد الطفولة بال في السرير هههههههههه تلاتة يوم اضحك نايم واضحك قائم وحلمان اضحك الله ايديكم العافية يا مجموعة الظرفاء بالفيس بوك وادعو الجميع للانضمام لهذه المجموعة وديل خطيرين ولو قدروا عملوا منبر حرم منبر بكري دا الا اسويهو برج حمام وبرجك يا حمام
Post: #2 Title: Re: الهَقْلَل ثم الكَتَحابَل وشكرا لمصارين كرعي المرقني جري Author: محمد عمر الفكي Date: 03-18-2014, 06:29 AM Parent: #1
يا بوش سلام عليكم
Quote: الهَقْلَل ثم الكَتَحابَل
ممكن الترجمة لغير الناطقين بها، اختصاراً لزمن ناس كتار حيجو ويسالو قطع شك انت حضرت حفر البحر
حبابك يا عايدة بت عبدالسيد في بيتنا دا ومنور بيك وخليتي نورو ابق بققان لكن بيتكم ابقا منو عليك الله سلمي على ست النفر بت خالي البلولة ود شاع الدين ان شا ء الله طيبين وجرهن ملان عجين
Post: #8 Title: Re: الهَقْلَل ثم الكَتَحابَل وشكرا لمصارين كرعي المرقني جري Author: اسعد صلاح البدري Date: 03-18-2014, 08:08 AM Parent: #7
ود البوووش
سلااامااااااااااات اجنا
يا تمسك الابريق يا تربط التكه هههههههههههههههههههههههههههههههه
Post: #9 Title: Re: الهَقْلَل ثم الكَتَحابَل وشكرا لمصارين كرعي المرقني جري Author: محمد عمر الفكي Date: 03-18-2014, 08:14 AM Parent: #8
يا بوش اللمت فيك دي كنت تشتغل معاها بنظرية المأذون دا
يا محمد عمر شكرا على الفيديو لكن اسع الدنيا كفيل مضلمة ما بنشاف لبعدين بعد الوطا تفلل سمح . . لكن للضمان كدي اخير لي التهجة بت خالي البلولة ود شاع الدين عشان كونها بتعرف تصر وتحلب وتعوس وهي احلى عروس
أها الحكومة جاتني اسع اعمل شنو في الحالة دي ؟ . . اهلا وسهلا يا حكومة وكنت بضحك ساهي ولا عملت أئ حاجة بس ست النفر بت خالي البلولة دي بريدا ساهي من صغير وكنا بنعلب الكار ببعر البعير وكنا بنحلب العنز الربشا سوا ونسوي القاشييييييييييت وحادات وحادات وجادات ذاتو عارف كدا ما تزعلي سمح ؟ انا زول مهبب ساهي هههههههههههههه
واشيل الفاتحة بشنو والحاجات دي تعتر لي سيد اللبن ما زي انا خليني ساهي يا اسعد شقي ومجنون على اخر عمري . . شكرا يا اسعد وانا الاسعد بمعرفتك هناك لكن تاني ما تلبد تخليني احجز ياخي احجز
تقلب في الطوب ،واصبعك في الجحار،،يوم الا تقرص. انقر ما مشيت حلتكم،،تتجازا اتا،،البيت السمح ده هبرتا ليهو من وين... جنس شيطنة،،،ساكن قصر في حلتكم يامفتري.
Quote: انقر ما مشيت حلتكم،،تتجازا اتا،،البيت السمح ده هبرتا ليهو من وين... جنس شيطنة،،،ساكن قصر في حلتكم يامفتري.
العزيز عبدالعزيز عثمان رئيس الشواطين والجان . . كيف وجدت الجن السوداني وقضيت معهم اجازة كحبا بَوْ ؟ عاد اتا يا يابا الوفد الجني المرافقك دي بخليك تنوم في بيت مرقوا متكول بشعبة ؟ ما لازم اجهز ليك قصر جميل تنوم فيهو وبكرة اخموا مع العصار واباروك بيهو في حلك وترحالك يا ملك الجن الاعظم ويصبح بيت امي خادم الله زي ماهو مرقوا متكول بالشعبة وفي كل ركن جدادة راكضة وكــلبتــا جابنو في العتبة تتحكحك وتتلفت وتعاين وترد السلام على الداخل والمارق بعد ان تفسح له المجال وتتبتب ضنبا ترحابا . . قال قصر قال يا زول بركة الجيت تحياتي واشتياقي