تحذير، والكل يشهد عليه!

‎‎

تحياتي وسلامي، ياشباب، أنا أقول، مثلا، 5 + 3 = 7 ده رايي كده، العندو راي تاني يقولو بأسلوب حواري وجدلي طيب ، الماعندو يقرأ وهو ساكت، ألفاظ السب والشتم، خصوصا التي تبدأ ب"يا" النداء مثل غبي وبليد ومتخلف و مهووس ومتطرف وأهبل مافي داعي ليها! كلنا أمامنا ذات لوحة المفاتيح وذات الحروف والأرقام والرموز، وكل كلمة لها مرادفات ، الجميل منها والقبيح! عليه: من يبادر بالسب فلا يتوقع منا التصفيق أو الإعجاب بعباراته، ولا يلومن إلا نفسه وأنامله، وكلنا جميعنا هنا إلى أجل مسمى، والمنتديات والمنابر المنتشرة تكاد لاتحصى ولا تعد. عليه أكرر وأذكر: ألفاظ السب والشتم، خصوصا التي تبدأ ب"يا" النداء مثل غبي وبليد ومتخلف و مهووس ومتطرف وأهبل مافي داعي ليها! كلنا أمامنا ذات لوحة المفاتيح وذات الحروف والأرقام والرموز،

---

Post: #2 Title: Re: تحذير، والكل يشهد عليه! Author: Abureesh Date: 03-17-2014, 02:09 AM Parent: #1 Quote: أنا أقول، مثلا، 5 + 3 = 7 ده رايي كده، العندو راي تاني يقولو بأسلوب حواري وجدلي طيب ، مع إحترامى لرأيك، لكن فى رأيى 5 + 3 = 8

---

Post: #3 Title: Re: تحذير، والكل يشهد عليه! Author: Deng Date: 03-17-2014, 02:38 AM Parent: #2 أنت فاتح لك بوست عنوانه يدعو الى قتل الناس. فعن أي سب وشتم تتحدث ؟ أمرك غريب فعلا!

---

Post: #4 Title: Re: تحذير، والكل يشهد عليه! Author: ABDALLAH ABDALLAH Date: 03-17-2014, 03:10 AM Parent: #3 Quote: تحذير شخص له 18 يوم فقط * يحذر!!!!! *يحرض على القتل *يشتم ويسئ *ينصب نفسه واعظ دينى *ويقول:- أنا إبن جلا وطلاع الثنايا ...................................... الحقيقه اللوم ما عليك يا قصى

---

Post: #5 Title: Re: تحذير، والكل يشهد عليه! Author: Sulaiman Adam Date: 03-17-2014, 04:30 AM Parent: #4 Quote: شخص له 18 يوم فقط ده مامقياس!! ان شاء الله ليهو يوم واحد ده منبر حر من حقو يكتب ومن حقك ماتقرأ البكتبو دون ممارسة وصاية !

---

Post: #6 Title: Re: تحذير، والكل يشهد عليه! Author: صديق الموج Date: 03-17-2014, 04:52 AM Parent: #5 قصى والله انت زول وااااااااضح ودى احسن شى فيك.. اها انا اوضح منك وعافى منك من هنا ولى قدام وده تحذير والكل يشهد عليه برضو: لا تدخل بوستاتى لا ادخل بوستاتك وقشة ماتعتر ليك،،،

---

Post: #7 Title: Re: تحذير، والكل يشهد عليه! Author: فرح الطاهر ابو روضة Date: 03-17-2014, 05:44 AM Parent: #6 اها شفت يا شيخ قصي من اول تلاتة بوستات يضيق صدرك انا ما عارف البوست الرابع حيكون حزام ناسف يدمر المنبر وبوستاته واعضائه وترث انت وشيعتك بكري والمنبر واعضائه ولا شنو شوف يا قصي ناهيك ان تقول 12 + 4 = صغر او ما ذهبت اليه من بوستات اقصاء وتصنيق الناس بدياناتهم واختزال كل قضية بالمنبر على اساس الدين والتكفير وضعف الايمان نفترض انك على حق والاخرين على باطل هنا يتجلى الفرق بينكم وبين قيم واخلاق صلوات الله عليه وسلم اين انتم من سلوك رسول الله صلوات الله عليه وسلم (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ) اين انت من قوله للصحابي الجليل واتبع السيئة الحسنة تمحوها وخالق الناس بخلق حسن ؟ ولسه لنفترض انك على حق بصرف النظر عن ما تدعو اليه من جدل عقيم يجلعك في مقام الجمل الذي لا يريد ان يرى عوجة رقبته فهل هذا سلوك من يحملون رسالات وحي السماء ؟؟؟ والمبشرين بنعيم الدينا والاخرة قلتها لك من قبل واقولها لك يا قصي انكم لا تشبهون الدين السمح القويم الذي نعرفه ولا تنتمون لرسالة السماء ودعوة رسولنا الكريم بل تمثلون اكبر معضلة وكارثة حقيقية تحسب عى الدين وتضعه ضمن افة من افات المجتمع للاسف الشديد وتظل حروفكم وسقطاتكم شاهدة عليكم بليد وغبي ومهؤس عبارات غير مرحب بها ولكن تجنب يا قصي ما يقود الاخرين لنعتك بهذه الصفات واوعك تجي ناطي لي وتقول لي الدعوة وانحنا مستهدفين من قبل الكفار والعلمانيين والحكايات الما عاضة دي وقع لييييييك وسلام يا بلد

---

Post: #8 Title: Re: تحذير، والكل يشهد عليه! Author: عبدالحفيظ ابوسن Date: 03-17-2014, 05:57 AM Parent: #7 قال تعالي ‏(‏ لا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم وما يلقاها إلا الذين صبروا وما يلقاها إلا ذو حظ عظيم ) صدق الله العظيم قيل ان يهوديا امسك بالرسول (ص) واغلظ له القول في دين , فرآه سيدنا عمر واسمع اليهود قولا غليظا وحاول ان يفتك به , فقال له (ص) كنا احوج منك لغير هذأ , تأمرني بحسن سداد الدين وتأمره بحسن الطلب فأرفق بنفسك يا قصي , وعدني من الناصحين

---

Post: #9 Title: Re: تحذير، والكل يشهد عليه! Author: حمزاوي Date: 03-17-2014, 06:35 AM Parent: #8 Quote: ياشباب، أنا أقول، مثلا، 5 + 3 = 7 ده رايي كده، يا شيخ قصي .. السلام عليكم هنا مافي رأي لان الاجابة او المعلومة غلط وطوالي حيقول ليك يا بليد غلط الافكار والطرح والرأي الشاذ المتطرف بتأتي بنعوت توضح شخصيتك لان ليس هناك رأي في الثوابت صلاة الصبح ركعتان واحد يجي يقول ليك انا صاحي من النوم ومرتاح واقدر اصلي اكتر ويصليها عشرة ركعات هل اقول ليه دا رأيك ولا واحد يقول لي انا عندي شهوة زيادة وعشان افضيها مشيت زنيت طوالي حنقول ليه انت فاسق ومبتدع عشان كدا يا شيخ قصي هناك ثوابت متفق عليه وهي العدالة والحرية والمساواة

---

Post: #10 Title: Re: تحذير، والكل يشهد عليه! Author: HAIDER ALZAIN Date: 03-17-2014, 06:42 AM Parent: #9 Quote: هنا مافي رأي لان الاجابة او المعلومة غلط وطوالي حيقول ليك يا بليد غلط الافكار والطرح والرأي الشاذ المتطرف بتأتي بنعوت توضح شخصيتك لان ليس هناك رأي في الثوابت حكمة والله يا قصي مفروض تضعها توقيــع لك بالمنبر حتى يقضي الله امراً مفعولاً .. اسمع كلام أعمامك هؤلاء الحكماء ودعك من تصفيق الشفع والجلافيــط ناس بُن بُن ومن شابههم ..

---

Post: #38 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:43 AM Parent: #9 Quote: صلاة الصبح ركعتان واحد يجي يقول ليك انا صاحي من النوم ومرتاح واقدر اصلي اكتر ويصليها عشرة ركعات هل اقول ليه دا رأيك حمزاوي سلام وتحية، فقط نوضح له الصحيح بأسلوب طيب وراقي، ومع أن الصحيح لا اتفاق على معاييره، ولكن الأسلوب الطيب معاييره عالمية! مقدر وشاكر مرورك ومداخلتك.

---

Post: #33 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:26 AM Parent: #7 Quote: انكم لا تشبهون الدين السمح القويم الذي نعرفه من أي المصادر عرفت الدين؟ وأي دين تقصد؟

---

Post: #16 Title: Re: تحذير، والكل يشهد عليه! Author: ABDALLAH ABDALLAH Date: 03-17-2014, 04:18 PM Parent: #5 Quote: ده مامقياس!! ان شاء الله ليهو يوم واحد ده منبر حر من حقو يكتب ومن حقك ماتقرأ البكتبو دون ممارسة وصاية ! الأخ سليمان أدم سودانيزأونلاين منبر حر لكنه يخضع للقوانين الأمريكيه مكان إصداره حيث نعيش نحن المسلمين مع المسيحيين واليهود والبوذيين والهندوس ومن لا دين له فى سلام. وأين الوصايه فيما كتبت لشخص أتى قادماً مُحذراً متوعداً ومحرضاً على القتل ثم شاتماً ومسيئاً لمستقبليه. مداخلتك توحى بمساندتك لتحذيره لنا .

---

Post: #23 Title: Re: تحذير، والكل يشهد عليه! Author: Sulaiman Adam Date: 03-18-2014, 04:30 AM Parent: #16 Quote: مداخلتك توحى بمساندتك لتحذيره لنا تحياتى استاذ عبد الله ده بس الفهمتو من مداخلتى وانتا العايش فى بلد الحريات !!

---

Post: #39 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:50 AM Parent: #5 Quote: ده مامقياس!! ان شاء الله ليهو يوم واحد ده منبر حر من حقو يكتب ومن حقك ماتقرأ البكتبو دون ممارسة وصاية ! Sulaiman Adam سلام وتحية وتقدير، كلام جميل وأريحي وأحمدي البساط، مقدر أسلوبك الجميل ومقدر رؤيتك الثاقبة للآراء الشخصية.

---

Post: #34 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:28 AM Parent: #4 Quote: *ويقول:- أنا إبن جلا وطلاع الثنايا ياخي أقول الداير أقولو!!!!!!!!!!! في حدود هنا للقول؟؟؟؟؟؟؟؟؟؟ كلام والله!!!!!!!!!!!!!!

---

Post: #11 Title: Re: تحذير، والكل يشهد عليه! Author: معتصم سليمان Date: 03-17-2014, 07:06 AM Parent: #1 الأخ الكريم قصي تحية طيبة وتقديراً كل الاخوة الكرام ...أطيب تحية وتقدير لكم تعرف يا أخ قصي الانسان فينا بيمر بمواقف حقيقي مرات تخليهو يفكر بأن الدنيا دي أضيق من ثقب الإبرة البعض منا يتعامل مع المواقف دي بحكمة وهوادة والبعض الآخر يتعامل معاها بعصبية وانفعال وبالتالي تأتي النتائج والتبعات والانعكاسات التابعة ليها تأتي بصورة ماحلوة في أغلب الأحيان ... داير أصل لشنو أنا ؟؟؟ أكيد انت مريت ببعض المواقف والتي أدت بك لأن تضرب مثلاً للرأي الفردي أو الشخصي وأعني المعادلة الحسابية أعلاه والتي لايمكن لأي شخص أن يتفق معك فيها او أن يصحح رأيك في ذلك والعاااااااااقل في الناس بيقول ليك رأيك ده غلط . يبقى المطلوب شنو يا أخي قصي ؟؟؟ المطلوب أن نتناول الأشياء بوسطية دائماً وأن نتراجع حين يكون التراجع يشكل مردود إيجابي وأنا يشهد الله أني لست بناصح ولا خبير ولكني رجل عركته التجارب وسنوات الحياة والمواقف علمتني الكثير ةلا أبتغي من وراء كلامي هذا جزاء ولا شكوراً من أحد فقط أبتغيه من الله سبحانه وتعالى .. كلنا أخي لكريم يحتاج بعضنا لبعض فلنستمع دوماً لصوت العقل وأنا على يقين بأنك ماكنت تكتب ماكتبت إلا لأن موقفاً ما قد مر بك ,اثار إنفعالاتك عشان كده حاول أخوي ان تراجع نفسك فيما قلت وتعامل مع المواقف بهوااااادة ومهاااااادنة حتكون مرتاح شديد إن شاء الله لك مودتي وتقديري والمحبة

---

Post: #12 Title: Re: تحذير، والكل يشهد عليه! Author: Abureesh Date: 03-17-2014, 07:14 AM Parent: #11 ما قريت انو الزول دا يدعو للقتل.. اشوف المنبر مرة تانية

---

Post: #13 Title: Re: تحذير، والكل يشهد عليه! Author: Mohamed Yassin Khalifa Date: 03-17-2014, 07:38 AM Parent: #12 أوجزت يا موج وأحسنت! وفعلاً يا عظيم، مثله لم ولن يأت لحوار... الزول ده مجاهد تكفيري إسفيري والتعامل معاهو حيكون صعيب علينا ونحنا ما مؤهلين لتقويمة أو لكبح جماحه فنحن مجرد فسقة وكفرة بمفهومه الضيق أخير نعتقه في سبيل الله!

---

Post: #15 Title: Re: تحذير، والكل يشهد عليه! Author: Gafar Bashir Date: 03-17-2014, 08:09 AM Parent: #13 رغم انو مواضيعك كلها علي بعضها ما مفيدة الا كونها نموذج لما عليه حال الفكر الاسلامي اليوم من ضلال الا اني اتفق معك فيما قلته حول احترام الاخرين واراءهم واختلف معك في الرد بالمثل .. والا فما المعني والرسالة التي تود ارسالها ... ساخوض مع الخائضين طالما انك جاي من منطلق دينني مفروض رسالته تكون مختلفة عشان يغير الواقع ... واقع البذاءة والشتم والسب الي افضل من جهة اخري اي كتابات تحريضية مفروض ان مكانها المحكمة ... في اي دولة كنت او مدينة تحياتي وطول بالك

---

Post: #24 Title: Re: تحذير، والكل يشهد عليه! Author: قصي محمد عبدالله Date: 03-18-2014, 04:40 AM Parent: #13 Quote: فنحن مجرد فسقة وكفرة بمفهومه الضيق والله يا إنت تعتبر نفسك فاسق، ولا كافر دي شئ يرجع ليك ولنفسياتك ومخك وعقلك، بس لاتفتري وتتقول علينا، من وين جبت المعلومة دي؟؟؟؟؟؟؟؟؟؟؟؟؟؟؟؟؟؟؟؟؟؟ شيئين مستحيل تجدهما في كتاباتي ومشاركاتي في جميع الاسافير: التكفير واللعن،وليس من حق أي مسلم أن ينعت بهما!

---

Post: #35 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:33 AM Parent: #11 Quote: في ذلك والعاااااااااقل في الناس بيقول ليك رأيك ده غلط . الأخ معتصم سليمان سلام وتحية وشكرا على المداخلة الطيبة، نحنا جايين هنا للنقاش ولنشر الأفكار الخاصة، لا للسب والشتم، وهذا باب لابد وأن يغلق في بداياته. شكرا مرة أخرى على الكلام والاسلوب الجميل.

---

Post: #36 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:33 AM Parent: #11 Quote: في ذلك والعاااااااااقل في الناس بيقول ليك رأيك ده غلط . الأخ معتصم سليمان سلام وتحية وشكرا على المداخلة الطيبة، نحنا جايين هنا للنقاش ولنشر الأفكار الخاصة، لا للسب والشتم، وهذا باب لابد وأن يغلق في بداياته. شكرا مرة أخرى على الكلام والاسلوب الجميل.

---

Post: #14 Title: Re: تحذير، والكل يشهد عليه! Author: فتح العليم محمد أبوالقاسم Date: 03-17-2014, 07:52 AM Parent: #1 عنوان البوست مخيف وكان على كاتب البوست وهو يحبو في المنتدي ان يحاول كسب احترام عدد كبير من الاعضاء مع حرية معتقداته . كون صاحب البوست جديد عهد على المنبر كلام لامعنى له ، فربما يأتى عضو جديد بروئ وافكار تنافس ما يسمون بإعمدة المنبر ،، ونفس العضو اعتقد كان بوسعه التسجيل قبل ثلاثة عشر عاما ان اراد . نحترم اتجاهات الناس وارائهم ولكن من غير محاولة استعمال لغة التهديد والوعيد . البوست وضع صاحبه في حلقة ضيقة حيث تكاثر عليه المنتقدين وان منهم لما لمسته من غلظة في العبارات لاترقي . ورغم ذلك احترامي لصاحبى البوست

---

Post: #17 Title: Re: تحذير، والكل يشهد عليه! Author: امجد الجميعابى Date: 03-17-2014, 05:20 PM Parent: #14 Quote: قصى والله انت زول وااااااااضح ودى احسن شى فيك.. اها انا اوضح منك وعافى منك من هنا ولى قدام وده تحذير والكل يشهد عليه برضو: لا تدخل بوستاتى لا ادخل بوستاتك وقشة ماتعتر ليك،،،

---

Post: #18 Title: Re: تحذير، والكل يشهد عليه! Author: محمد أبوالعزائم أبوالريش Date: 03-17-2014, 05:37 PM Parent: #17 الزول ده أنا من ما عرفت إنو سجل هنا بعد ما إتفصل من منبر الراكوبة لسوء السلوك، قنعت من خيراً يجي منه.

---

Post: #32 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:23 AM Parent: #18 Quote: الزول ده أنا من ما عرفت إنو سجل هنا بعد ما إتفصل من منبر الراكوبة لسوء السلوك، قنعت من خيراً يجي منه. محمد أبوالعزائم أبوالريش، أنا موجود ب 8 منتديات سودانية، بذات الأسلوب والمبادئ ، وكدي جرب اطلع من الخط!

---

Post: #40 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:55 AM Parent: #14 Quote: عنوان البوست مخيف وكان على كاتب البوست وهو يحبو في المنتدي ان يحاول كسب احترام عدد كبير من الاعضاء مع حرية معتقداته . كون صاحب البوست جديد عهد على المنبر كلام لامعنى له ، فربما يأتى عضو جديد بروئ وافكار تنافس ما يسمون بإعمدة المنبر ،، ونفس العضو اعتقد كان بوسعه التسجيل قبل ثلاثة عشر عاما ان اراد . نحترم اتجاهات الناس وارائهم ولكن من غير محاولة استعمال لغة التهديد والوعيد . البوست وضع صاحبه في حلقة ضيقة حيث تكاثر عليه المنتقدين وان منهم لما لمسته من غلظة في العبارات لاترقي . ورغم ذلك احترامي لصاحبى البوست بطل عويل، كيف عنوان مخيف؟ وكيف أكسب احترام الأشخاص مع حرية المعتقد؟ هذا البوست سيخلع الباب عن مصراعيه، ولكن عليك أن تكون عادلا في الحكم على من بدأ بالغلظة في العبارة.

---

Post: #19 Title: Re: تحذير، والكل يشهد عليه! Author: Salah Habib Date: 03-17-2014, 05:49 PM Parent: #1 اخى قصى تحية طيبة وبعد المنبر دا يمثل دنيا كاملة وناس من مختلف المشارب والاراء والمعتقدات فيه من كل الملل والاعراق وكمان متلقى الحجج و والمستفز والمنتظر منك هفوة او غلطة عشان يشب فى حلقك . عزيزى اذا كان من البداية نفسك قصير كدا فدى فرصة ذهبية للكثيرين لنرفزتك واخراجك عن طورك .وتلاقى نفسك تحارب طواحين الهوا

---

Post: #20 Title: Re: تحذير، والكل يشهد عليه! Author: محمد أبوالعزائم أبوالريش Date: 03-17-2014, 05:59 PM Parent: #19 Quote: المنبر دا يمثل دنيا كاملة وناس من مختلف المشارب والاراء والمعتقدات فيه من كل الملل والاعراق وكمان متلقى الحجج و والمستفز والمنتظر منك هفوة او غلطة عشان يشب فى حلقك . عزيزى اذا كان من البداية نفسك قصير كدا فدى فرصة ذهبية للكثيرين لنرفزتك واخراجك عن طورك .وتلاقى نفسك تحارب طواحين الهوا ما محتاج يا صلاح حبيب .... والله ما محتاج زولك ده تنتظر منه هفوة أو غلطة. ده جاي جاهز ويشتم في الناس شمال ويمين وكمان بيحذّرهم ما يشتموه. أغلب الظن إنو مقتنع البيعمل فيهو ده جهاد ... وجاي يجاهد فينا.

---

Post: #21 Title: Re: تحذير، والكل يشهد عليه! Author: Deng Date: 03-18-2014, 03:53 AM Parent: #20 لا للإرهاب.

---

Post: #22 Title: Re: تحذير، والكل يشهد عليه! Author: قصي محمد عبدالله Date: 03-18-2014, 04:06 AM Parent: #21 Quote: لا للإرهاب. مافي شك، أتفق معك في هذه النقطة بنسبة 100 %، ولكن قلوب الآخرين ليست في ايدينا حتى نعرف ما ترتاح له وما تخاف منه و ما يرهبها! ولكن في ذات الوقت لا لدس الحقائق المثبة بالأدلة والبراهين الشرعية!!

---

Post: #25 Title: Re: تحذير، والكل يشهد عليه! Author: Mohamed Yassin Khalifa Date: 03-18-2014, 05:16 AM Parent: #22 Quote: شيئين مستحيل تجدهما في كتاباتي ومشاركاتي في جميع الاسافير: التكفير واللعن،وليس من حق أي مسلم أن ينعت بهما! يعني إنتا ما مكفراتي ولا لعان.. طيب بتدعو لقتل اليهود مالك؟ ----------------------- بي. إس. نحمد ربنا الأنعم علينا بنعمة الإسلام.. وهدانا السبيل!

---

Post: #26 Title: Re: تحذير، والكل يشهد عليه! Author: Deng Date: 03-18-2014, 05:19 AM Parent: #25 قصي محمد عبدالله أنت تدعوا الى الإرهاب في هذا المنبر. يجب بترك منه فورا.

---

Post: #27 Title: Re: تحذير، والكل يشهد عليه! Author: قصي محمد عبدالله Date: 03-18-2014, 12:06 PM Parent: #25 Quote: يعني إنتا ما مكفراتي ولا لعان.. طيب بتدعو لقتل اليهود مالك؟ من وين جبت الدعوى دي؟ أخليك مع نافذه أخرى للحديث : http://www.sudaneseonline.com/board/460/msg/1394949657.html

---

Post: #28 Title: Re: تحذير، والكل يشهد عليه! Author: محمد المسلمي Date: 03-18-2014, 01:13 PM Parent: #27 Quote: لا للإرهاب والتجسس علي الزملاء وإرهابهم ------- دينق اختشي

---

Post: #29 Title: Re: تحذير، والكل يشهد عليه! Author: قصي محمد عبدالله Date: 03-18-2014, 01:51 PM Parent: #28 Quote: والتجسس علي الزملاء وإرهابهم ود المسلمي تحياتي وتقديري، الراجل شكلو متعود على النسنسة!

---

Post: #30 Title: Re: تحذير، والكل يشهد عليه! Author: عمر عبد الله فضل المولى Date: 04-03-2014, 11:11 PM Parent: #29 بوست بائس من شخص بائس

---

Post: #31 Title: Re: تحذير، والكل يشهد عليه! Author: قصي محمد عبدالله Date: 04-03-2014, 11:40 PM Parent: #30 Quote: بوست بائس من شخص بائس ود محلية الماطوري: الرخا، التريسات/البالطاب والزيادية وأم سنيطة، المنشور جاب أكله والفائض بوزعو نكات! ههههههههههههه خلي بالك من سيدك، تحياتي لعموم ناس خدر الراقيين، قصي محمد - خدر الثانوية المزدوجة 2000 - 2001 م

---

Post: #37 Title: Re: تحذير، والكل يشهد عليه! Author: قصي محمد عبدالله Date: 04-04-2014, 00:36 AM Parent: #19 Quote: اخى قصى تحية طيبة وبعد المنبر دا يمثل دنيا كاملة وناس من مختلف المشارب والاراء والمعتقدات فيه من كل الملل والاعراق وكمان متلقى الحجج و والمستفز والمنتظر منك هفوة او غلطة عشان يشب فى حلقك . عزيزى اذا كان من البداية نفسك قصير كدا فدى فرصة ذهبية للكثيرين لنرفزتك واخراجك عن طورك .وتلاقى نفسك تحارب طواحين الهوا الأخSalah Habib، شكرا على الكلام الراقي الواضح، طولة البال قد تقود للأسوأ، لابد وأن يقتلع السيئ من جذوره قبل أن يستشري مع الأيام! أشكرك ياراقي.

---

Post: #41 Title: Re: تحذير، والكل يشهد عليه! Author: معاوية الزبير Date: 04-04-2014, 02:22 AM Parent: #37 Quote: طولة البال قد تقود للأسوأ، لابد وأن يقتلع السيئ من جذوره قبل أن يستشري مع الأيام! دينااااك! يا أخوان، الزول دا كلامو واضح، ومتسق مع عنوان بوستيهو فخلو بالكم على جذوركم أنا غايتو شايفك طولت بالك، زدت فوق الشهر ياخ، راجي شنو، السيء دا استشرى مع الأيام، والجذور عمقت وقلعها بعد دا صعب. عليك بهم.. يا راقي

---

Post: #42 Title: Re: تحذير، والكل يشهد عليه! Author: قصي محمد عبدالله Date: 04-04-2014, 04:01 AM Parent: #41 Quote: دينااااك! يا أخوان، الزول دا كلامو واضح، ومتسق مع عنوان بوستيهو فخلو بالكم على جذوركم أنا غايتو شايفك طولت بالك، زدت فوق الشهر ياخ، راجي شنو، السيء دا استشرى مع الأيام، والجذور عمقت وقلعها بعد دا صعب. عليك بهم.. يا راقي الأخ معاوية الطيب تحياتي وشكرا على المداخلة، كما ذكرت سابقا، هنالك تداخلا وعدم اتفاق على معايير الصاح والخطأ ، من كل النواحي الثقافية والإجتماعية والسياسية والإقتصادية، طبعا ده بعيدا عن الحدود الفقهية، ولكن لا اختلاف حول معالم وتأويلات الكلمة السمحة أو الكلمة السيئة. شكرا على المرور.