كِبِر والي دارفور يقع في كمين أثناء عودته من مليط للفاشر

Post: #1
Title: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-15-2014, 06:42 PM

من بعض المصادر ...

لازلنا في إنتظار التفاصيل

Post: #2
Title: Re: كِبِر والي دارفور يقع في كمين أثناء عودته من مليط للفاشر
Author: محمد إبراهيم علي
Date: 03-15-2014, 06:55 PM
Parent: #1

Quote: كبر كان في طريق عودته من مليط الهجوم ادى لتشتيت الحراسه ومصيره الان غير معروف ارسلت مروحيتان لمكان الحادث لانقاذه

مصادر اخرى تتكلم عن الحادث وقع داخل مقر محلية الكومة وان عدد من رجال حراسته اصيب في الحادث ولكن كبر نجا منه
الرجل طلبت من الحكومة ان يتسقيل وارسلت وزير العدل دوسة بديلا له ولكن كبر رفض بحجة انه منتخب
هل تكون هذه محاولة للتخلص من عبئه ورمي التهمة على خصومه الكثر في شمال دارفور ؟

Post: #3
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-15-2014, 07:17 PM
Parent: #2

شكرا يا باشمهندس محمد إبراهيم علي علي هذه المعلومات.

نعم ... لقد وصل كِبِر الي الفاشر الآن .. جاحظ العينين و ريقو ناشف ... و يلهث بشدّة و يهضرب: هه .. ديل أولاد الكـلاـب ديل .. هـ .. هـ إتلمو العرب و الزغاوة دايرين يكتلوني !!!

كتلوك و لا جوك .. جوك..

Post: #4
Title: Re: كِبِر والي دارفور يقع في كمين أثناء عودته من مليط للفاشر
Author: الشفيع وراق عبد الرحمن
Date: 03-15-2014, 07:25 PM
Parent: #3

كده خلينا من كمين كبر

هو مشى مليط كيف؟؟
اتو موش قلتو حررتوها
وقلتو للناس يعيشوا حياتهم عاااادي
الحصل شنو؟؟

لو داير ترخي ارخي بي هناك في الاول
وصحح المعلومة
كبر ملحوق

Post: #5
Title: Re: كِبِر والي دارفور يقع في كمين أثناء عودته من مليط للفاشر
Author: محمد إبراهيم علي
Date: 03-15-2014, 07:27 PM
Parent: #3

اخر تحديث من مصدر حكومي في الفاشر
Quote: مسئول في الفاشر يؤكد تعرض كبر لكمين ومقتل احد حراسه ويؤكد ان كبر نجا من محاولة الاغتيال وان اهالي الكومة رفضو دخوله لمنطقتهم كما انه لم يتمكن الا من زيارة الجزء الشرقي من مليط بسبب تعرضه للتهديد من الاهالي الثائرين ضده

Post: #6
Title: Re: كِبِر والي دارفور يقع في كمين أثناء عودته من مليط للفاشر
Author: محمد نور عودو
Date: 03-15-2014, 07:40 PM
Parent: #5

سلامات
الإخوة المهندسين
محمد سليمان
محمد إبراهيم علي
الشفيع وراق عبد الرحمن

إنتو عارفين عثمان كبر دا محظوظ جد
إعتقد دي المرة التانية ينجا من كمين
تحياتي

Post: #7
Title: Re: كِبِر والي دارفور يقع في كمين أثناء عودته من مليط للفاشر
Author: الغالى شقيفات
Date: 03-15-2014, 07:53 PM
Parent: #6

سلام محمد
كبر تعرض لهجوم بمحليه الكومه وقتل ثلاثه من الحرس الخاص به وجرح اربعه ونجا تاركا سيارته الدستوريه وهو اصلا غير مساره من مليط الفاشر الى مليط الكومه بعد ان تعرض للاهانه والسب بمليط

Post: #8
Title: Re: كِبِر والي دارفور يقع في كمين أثناء عودته من مليط للفاشر
Author: نافع الكوماوي
Date: 03-15-2014, 09:26 PM
Parent: #7

الكلام دا جوه الكومة..
الناس مارحبت بي كبر وتم إطلاق النار عليهو ..
قتل أحد حراسه..
وفي جرحى..
وصاحبكم قال يامسهل.

Post: #10
Title: Re: كِبِر والي دارفور يقع في كمين أثناء عودته من مليط للفاشر
Author: Elbagir Osman
Date: 03-15-2014, 09:42 PM
Parent: #8

كيزان بقوا في الجري

قول ليهم راجيكم جري كتير

بتجروا لي متين؟

الباقر موسى

Post: #9
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-15-2014, 09:37 PM
Parent: #7

يا الشفيع ... إنت راس السوط لحقك و لّا شنو؟

كلام أخونا محمد إبراهيم علي ده واااضح ... إنّو حكومتك ممثلة في كبر ... غير مرغوب فيها و فيه . لا في مليط و لا في الكومة و لا في دارفور و لا في السودان.

بعدين ... المقاومة الثورية هي تضرب اينما شاءت و وقتما شاءت ... و تغادر الأهداف بعد إتمام المهمة.
إنتو كتلو ليكم قائد الحامية و مجموعة ضباط و قادة مليشيات و أخذوا غنائم فيها صواريخ و راجمات و عتاد غال ... أكتر من كدة يعملوا ليكم شنو عشان تعرفوا إنكم فقدتم السيطرة تماماً علي دارفور ... و عند إتحاد قوي المقاومة بدارفور و تحريرها ... كردفان هي الهدف التالي .. و أهل كردفان هم الثورة ذاتها ....
و أهلنا في دارفور عندهم مثل: برش بتوتوو من ترفو (أي أن البرش يُطوَي من طرفه).

الاخ محمد نور عودو ... يمكن ان يكون كبر محظوظ هذه المرّة ... لكن أكيد وصل الفاشر و هو مبلبل هدومو تحت و فوق.

الاخ الغالي شقيفات ... شكراً للتفاصيل ...
كبر اليوم داخل الفاشر لن يشعر بالأمان.

Post: #11
Title: Re: كِبِر والي دارفور يقع في كمين أثناء عودته من مليط للفاشر
Author: الغالى شقيفات
Date: 03-16-2014, 00:31 AM
Parent: #9

يا هندسه الزول والى وسط الفاشر فقط
او كما قال مناوى والى فاشر
كير لم يقرا بيان امارة فرسان الاباله قبل عده اشهر الذى اعلن الكومه منطقه محرره من سلطات الوالى كبر

تخريمه
للاخ نافع بلدياتك الفريق لما كان رئيس لمجلس الولايات له محليتكم كبر ما عندو فيها حاجه احسن ترفعو يدكم منو والكلام ما عجبو ماذا بقولو بعد اليوم بيان بالعمل واذا افترضنا ما ضربوه حسب كلام الحكومه بس منعوه برضو يعنى الكثير واذا بس منع ليه ركب عربه عسكرى نفر ساكت
للاخ محمد سليمان رابح
منصب المعتمد الان اصيح منصب بلا قيمه تقدم باستقالتك واحفظ كرامتك

Post: #12
Title: Re: كِبِر والي دارفور يقع في كمين أثناء عودته من مليط للفاشر
Author: الشفيع وراق عبد الرحمن
Date: 03-16-2014, 04:49 AM
Parent: #11

Quote: اتو موش قلتو حررتوها
وقلتو للناس يعيشوا حياتهم عاااادي
الحصل شنو؟؟

Post: #24
Title: Re: كِبِر والي دارفور يقع في كمين أثناء عودته من مليط للفاشر
Author: الدومة ادريس حنظل
Date: 03-17-2014, 11:41 PM
Parent: #12

Quote:
سلام محمد
كبر تعرض لهجوم بمحليه الكومه وقتل ثلاثه من الحرس الخاص به وجرح اربعه ونجا تاركا سيارته الدستوريه وهو اصلا غير مساره من مليط الفاشر الى مليط الكومه بعد ان تعرض للاهانه والسب بمليط

Post: #13
Title: Re: كِبِر والي دارفور يقع في كمين أثناء عودته من مليط للفاشر
Author: Tragie Mustafa
Date: 03-16-2014, 05:03 AM
Parent: #11

لاحظوا يا جماعه ما كتبه باختصار الغالي شقيفات

Quote:

الاخ محمد سليمان رابح
منصب المعتمد الان اصبح منصب بلا قيمه تقدم باستقالتك واحفظ كرامتك

هذا اولا لعنايه بريمه:

اظن محمد سليمان رابح هذا اخو الزميل سيلمان رابح بواشنكون او قريبه من ابناء الزياديه!!

ودي نفس الاسماء الزمان بريمه هارينا بيمهم لماذا تم استعباد ابناء القبائل العربيه!!

وهنا وبالثابته انه معمتد يمثل المؤتمر الوطني و (ابالي) لكن السيد الغير مهني و غير ثوري و غير امين الغالي شقيفات يخاطبه بادب

بان يتستقيل…. يا سلام…لماذا هذا عليه الاستقاله فقط و اهل كبر كلهم عايزين تمسحوهم من الخرطه لانه ابنهم بقي مؤتمر وطني؟!

هههههههههههههههههههههههههههههههههه

وبنفس المستوي

بعد شويه يجيك محمد سليمان بهناك ممكن يقول لدوسه استقيل بادب برضو….. و الادعاء انه الحكومه ما منهم وهم عصبها كما يبدو وسندها……

صحيح الاختشوا ماتوا….نحن بنوثق بس لثرويتكم الا مبدئيه و الانتقائيه البائسه ….قال ثوار قال !!

محي الدين ابكر ما غلطان عليكم لما بيسميكم تجمع القبلين الجهوين .

اللهم عليكم بهم ثوار الغفله هؤلاء

اللهم انصر اهل دارفور الغلابه بمن يحفظ ثورتهم فعلا و ينصف مظلومهم و يبعد منهم انتهازيه الحركات و صعاليكها القبلين الجهوين.

Post: #14
Title: Re: كِبِر والي دارفور يقع في كمين أثناء عودته من مليط للفاشر
Author: ود الباوقة
Date: 03-16-2014, 06:20 AM
Parent: #13

Quote: لازلنا في إنتظار التفاصيل

حمادة تش

جاوب على اخونا الشفيع دا

Post: #15
Title: Re: كِبِر والي دارفور يقع في كمين أثناء عودته من مليط للفاشر
Author: ود الباوقة
Date: 03-16-2014, 06:22 AM
Parent: #14

Quote: Quote: اتو موش قلتو حررتوها
وقلتو للناس يعيشوا حياتهم عاااادي
الحصل شنو؟؟

Post: #16
Title: Re: كِبِر والي دارفور يقع في كمين أثناء عودته من مليط للفاشر
Author: بدرالدين بابكر مصطفى
Date: 03-16-2014, 06:42 AM
Parent: #15

حرامية صغار ساكين ليهم حرامي كبير
إحنا مالنا
إن شاء الله كلكم ما يفضل فيكم نفاخ النار

Post: #18
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-16-2014, 09:56 AM
Parent: #16

بدرالدين بابكر مصطفي:
Quote:
حرامية صغار ساكين ليهم حرامي كبير
إحنا مالنا
إن شاء الله كلكم ما يفضل فيكم نفاخ النار

قلت لي : إحنا مالنا؟؟!!

كيف يا بدرالدين بابكر مصطفي ... بتعرف واحد إسمو اللواء الركن عباس عبدالعزيز؟؟!!
أقرأ عنه هنا:
http://www.sudaneseonline.com/news-action-show-id-140748.htm

ديل إنتو .. يا ناس إحنا مالنا ...
مصايبنا دي كلّها جاية منكم ...
أمورنا نحن إن شاءالله بنساويها بيناتنا .... و بعد داك حنقبّل للسبب الرئيس في مآسينا ... عينة قريبك اللواء الركن عباس عبدالعزيز و مهمته القذرة الفتنة بيننا.

Post: #17
Title: Re: كِبِر والي دارفور يقع في كمين أثناء عودته من مليط للفاشر
Author: A.Razek Althalib
Date: 03-16-2014, 07:02 AM
Parent: #15

التحية لكل المتحداخلين..
السؤال المطروح لنا كأبناء دار فور هو لماذا يحتفظ المؤتمر الوطني بسعادة الوالي كبر في حين أقال العديدين من ولاة الولايات وعلى رأسهم د. عبدالحميد موسى كاشا والي جنوب دار فور المنتخب..

لقد أصبح سعادة الوالي كبر هو البوابة التي يؤتي من خلالها أهل الإقليم وأولهم أهله البرتي ضحايا سياسات المؤتمر الوطني...
والإحتفاظ به هو تسييح وأراقة المزيد من دماء أهل الإقليم..

المشكلة الآن هي تعلقت في شخص كبر بقدر ما هو منفذ لسياسة المؤتمر الوطني غير الهادفة للاستقرار والتي يطبقها للتفريق بين المكون الإجتماعي للإقليم..

فتحو عيونكم (عربكم لزغاواكم لبرتيكم)..

وخليكم مصححين..

شدرة كان هوززت ولا براهو يا أبلاي يا هبوباي..

Post: #19
Title: Re: كِبِر والي دارفور يقع في كمين أثناء عودته من مليط للفاشر
Author: محمد نور عودو
Date: 03-16-2014, 11:59 AM
Parent: #17

يا الشفيع
الحادث في محلية الكومة ما في مليط
طيب مليط دي وقت ما حرروها الثوار عثمان كبر بتاعكم ما مشي ليه ومشي الكومة
كدا خلي المسساكة وورينا عثمان كبر لحقتو بكم هليكوبتر عشان تنقذو

Post: #20
Title: Re: كِبِر والي دارفور يقع في كمين أثناء عودته من مليط للفاشر
Author: Ahmed Mohamedain
Date: 03-16-2014, 05:49 PM
Parent: #1

Quote: الاخ محمد نور عودو ... يمكن ان يكون كبر محظوظ هذه المرّة ... لكن أكيد وصل الفاشر و هو مبلبل هدومو تحت و فوق.

يعني بال في سروالو

Post: #21
Title: Re: كِبِر والي دارفور يقع في كمين أثناء عودته من مليط للفاشر
Author: بدرالدين بابكر مصطفى
Date: 03-17-2014, 06:26 AM
Parent: #20

Quote: بتعرف واحد إسمو اللواء الركن عباس عبدالعزيز؟؟!!
أقرأ عنه هنا:
http://www.sudaneseonline.com/news-action-show-id-140748.htm

ديل إنتو .. يا ناس إحنا مالنا ...
مصايبنا دي كلّها جاية منكم ...
أمورنا نحن إن شاءالله بنساويها بيناتنا .... و بعد داك حنقبّل للسبب الرئيس في مآسينا ... عينة قريبك اللواء الركن عباس عبدالعزيز و مهمته القذرة الفتنة بيننا.

يا ود إنت عبيط ؟؟؟

لا ما بعرف زول إسمو اللواء الركن عبدالعزيز
طيب في حالة إني ما بعرفو
أكون طلعت من مصايبكم براءة ؟؟؟

ياخ إنت مستهبل ومقرف بطريقة مثيرة للاشمئزاز

Post: #22
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-17-2014, 08:50 AM
Parent: #21

الوالي ينكر أن هناك محاولة لإغتياله ... و يصدر بياناً يقول أن كل ما في الأمر أن هناك محاولة سرقة عربة بعيدة عن مكان إجتماعه و كان الأمر كله مصادفة فقط:
Quote:

(بيان من حكومة ولاية شمال دارفور)
قال تعالى: «يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين» صدق الله العظيم
تؤكد حكومة الولاية بأن كل ما روجته بعض الصحف والوسائط الإعلامية والإشاعات عن محاولة إغتيال الوالي والإعتداء على ركبه مناف للصحة ومجاف للحقيقة.. وأن ما حدث محاولة لإختطاف سيارة وتم التصدي للمتعدين بداخل سوق الكومة بعيداً عن موقع الوالي ومرافقيه.
وتؤكد حكومة الولاية بأن زيارة السيد/ الوالي لكل من محلية مليط والكومة كانت ناجحة تبرز للعيان جدية الحكومة في سرعة التحرك حفاظاً على الأرواح وممتلكات المواطنين والوقوف معهم في الشدة وفي المحنة يتجاوز كل الآثار السالبة التي خلفها التمرد.
والغرض من كل ما حدث هو محاولة يائسة لسحب البساط من إنتصار قواتنا على التمرد ودحره في وقت وجيز وإنحسار موجه التصعيد والتفلتات والإعتداءات ونجاح الزيارة.
ونؤكد بأن الحكومة قادرة وحريصة على بسط الأمن وحماية المواطنين وممتلكاتهم وإعادة الحياة الأمنية والإدارية والسياسية لطبيعتها.
والمجد والخلود للشهداء ولا نامت أعين الجبناء.
«ويمكرون ويمكر الله والله خير الماكرين»
2014/3/16م

Post: #23
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-17-2014, 09:22 AM
Parent: #22

يا نافع الكوماوي ... بالله وضّح لينا الحصل شنو ... زيما إنت شايف إنّو الوالي نكر حكاية محاولة الإغتيال بالمرّة ..
يا أخونا أحمد محمدين ... كلامك ده هو البيخلي كبر يصدر بيانات نكران.
و لكن .. في حين ينكر الوالي كبر محاولة الإغتيال ... تأتي الإنتباهة لتحرجه و بالبنط العريض تكتب: تفاصيل جديدة حول محاولة اغتيال كبر

و طبعاً الإنتباهة لابد أن تضيف شمارات و توم لأخبارها ... و خاصة ما يوجع النظام هو مسألة إقتحام و إجتياح الثوّار لحامية مليط .. في عملية عسكرية فائقة البراعة و الذكاء .... حيث تم قتل قائد الحامية و معه ضباط و جنود كانوا وراء سواتر متينة و آخرون في خنادق محصّنة .. لكن و بحسب رواية المواطنين الذين كانوا يشاهدون الإقتحام بكل وضوح أنهم كأنهم أمام فلم سينمائي من حيث المناورة و أساليب القتال التي أجبرت المتخندقون يقفزون من خنادقهم كالفئران المذعورة .. فكانت الحصيلة 97 من جيش البغي في الحامية...

Quote:

تفاصيل جديدة حول محاولة اغتيال كبر

التفاصيل
نشر بتاريخ الإثنين, 17 آذار/مارس 2014 08:43

أمدرمان:معتز محجوب
كشف البرلمان عن وجود ترتيبات أمنية وعسكرية لطرد المتمردين من محليتي الطويشة واللعيت بشمال دارفور خلال ساعات ،وأخرى لطرده في أكثر من موقع بدارفور. بينما أعلن أن حجم قوات مناوي الهاربة من مليط والتي تطاردها القوات المسلحة الآن وهي متجهة لوادي هور أقصى شمال دارفور تبلغ «28» عربة فقط ،في وقت كشف فيه رئيس لجنة الأمن والدفاع بالبرلمان مالك عبدالله حسين التفاصيل الكاملة لمحاولة اغتيال والي شمال دارفور كبر .
وقال مالك للصحفيين إن القوة التي استهدفت والي شمال دارفور وسعت لاغتياله لم تكن قوة كبيرة من المتمردين بل قوة قليلة قوامها «3» متمردين تسللوا لاجتماع الوالي بمحلية الكوة واشتبكوا مع قوة التأمين ومن ثم فروا . وفي ذات الاتجاه قطع مالك بقدرة الجيش والقوات النظامية الأخرى على دحر التمرد وبسط الأمن والاستقرار بكل البلاد ،ووصف هجمات المتمردين الأخيرة على مناطق في دارفور بـ«فرفرة مذبوح» .

Post: #26
Title: Re: كِبِر والي دارفور يقع في كمين أثناء عودته من مليط للفاشر
Author: نافع الكوماوي
Date: 03-18-2014, 10:23 AM
Parent: #23

دي مجرد أكاذيب يارجل..
تم إطلاق النار في داخل الكومة وقدام مبنى المحلية ..بأسلحة خفيفة وبعدها دوشكا..
وكمان حراسات كبر جروا وخلوا وراهم رشاش و آر بي جي
لو ملاحظين في تضارب أقوال بين ماقاله كبر وماقاله محمد سليمان
وكلها أكاذيب كالعادة
وتعتيم على الحقيقة
وتضليل للرأي العام

Post: #27
Title: Re: كِبِر والي دارفور يقع في كمين أثناء عودته من مليط للفاشر
Author: Mohamed Suleiman
Date: 03-18-2014, 10:39 AM
Parent: #26

Quote:

دي مجرد أكاذيب يارجل..
تم إطلاق النار في داخل الكومة وقدام مبنى المحلية ..بأسلحة خفيفة وبعدها دوشكا..
وكمان حراسات كبر جروا وخلوا وراهم رشاش و آر بي جي

شكراً يا نافع الكوماي علي التفاصيل.

كبر قد حكم علي نفسه بنفسه علي أن يكون منبوذاً من اهل دارفور ... عدا المنتفعين به.

Post: #29
Title: Re: كِبِر والي دارفور يقع في كمين أثناء عودته من مليط للفاشر
Author: HAIDER ALZAIN
Date: 04-22-2014, 07:39 AM
Parent: #27

Quote: كبر قد حكم علي نفسه بنفسه علي أن يكون منبوذاً من اهل دارفور ...عدا المنتفعين به.

والمنتفعين ديل زي منو كدة يا التاجــر ..

Post: #25
Title: Re: كِبِر والي دارفور يقع في كمين أثناء عودته من مليط للفاشر
Author: حسن حماد محمد
Date: 03-18-2014, 02:22 AM
Parent: #1

اهل البيت سلام

Quote: بعد شويه يجيك محمد سليمان بهناك ممكن يقول لدوسه استقيل بادب برضو….. و الادعاء انه الحكومه ما منهم وهم عصبها كما يبدو وسندها……

صحيح الاختشوا ماتوا….نحن بنوثق بس لثرويتكم الا مبدئيه و الانتقائيه البائسه ….قال ثوار قال !!

ام حازم شكراً على الضربة الركنية

يعنى الجماعة ديل بى تحت تحت أهل الجلد والراس

يعنى حكومة داخلنها ومعارضة داخلنها - دا وحاتك ياهو اللعب الصاح

Post: #28
Title: Re: كِبِر والي دارفور يقع في كمين أثناء عودته من مليط للفاشر
Author: الشفيع وراق عبد الرحمن
Date: 03-19-2014, 04:29 AM
Parent: #25

Quote: طيب مليط دي وقت ما حرروها الثوار عثمان كبر بتاعكم ما مشي ليه ومشي الكومة

محمد عودو سلام ياخي
كدي اقرا عنوان البوست وتعال للي راجع

Quote: كِبِر والي دارفور يقع في كمين أثناء عودته من مليط للفاشر