Post: #1
Title: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-15-2014, 11:33 AM
Parent: #0
زمن كان الراديو عنده وضع فى بلدناو تسمع نفس الموجة فى اجهزة مختلفة
من الترزي و بتاع الدكان و العجلاتى و من شبابيك البيوت
من الاعمام تحت ضل الضحى
وردى و محمد الامين و العطبراوى وووو
لما اسمع عمق احساسك بحريتك حتى خطواتى تبقى ثابتة و ثقتى بنفسي تزداد فى لحظة
اغنيات تملأنى فخرأً بسودانيتى و ترسخ فى جواى معانى الوطنية
هل توافقونى الرأى انه الاغانى الوطنية كانت بديل التربية الوطنية فى المدارس؟
تعال و معك غنيتك الوطنية!! 
|
Post: #2
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: Elmosley
Date: 03-15-2014, 12:13 PM
Parent: #1
الى حد كبير
|
Post: #5
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-16-2014, 06:44 AM
Parent: #2
الف شكر على المشاركة استاذ الموصلى
اكيد نحن لا نقل وطنية عن بلاد كتيرة التربية الوطنية جزء اصيل من مقرراتها
|
Post: #3
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: نعمات عماد
Date: 03-15-2014, 05:42 PM
Parent: #1
سلام استاذنا الكبير الموصلي
سلام امان
شكرا علي بوست ح يستدعي ذكزيات حلوة.
صه يا كنار ....
حد يجيبها لو سمحتو شكرا
|
Post: #4
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: حسين عبد المجيد
Date: 03-15-2014, 05:45 PM
Parent: #3
|
Post: #7
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-16-2014, 06:53 AM
Parent: #4
حسين عبد المجيد شكراً كتير على المداخلة و شكراً اكتر على الفيديو
|
Post: #6
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-16-2014, 06:49 AM
Parent: #3
يا سلام عليك يا نعمات
صه يا كنار بالكم المشارك فيها من كبار الفنانين تخلي العبرة تقيف فى الحلق تحنان و شوق للوطن
و بلادى و ان جارت على عزيزة و اهلى و ان ضنو على كرام
|
Post: #8
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: khaleel
Date: 03-16-2014, 06:56 AM
Parent: #6
احب مكان وطني السودان
ونورتي يا امان
|
Post: #9
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-16-2014, 07:25 AM
Parent: #8
يا هندسة منور بيكم
كلمات: سيف الدين الدسوقي
ـ ألحان :برعي محمد دفع الله
ـ غناء إبراهيم عوض
أحب مكان وطني السودان
لأن حسانو أعف حسان
طيورو صوادح وروضو جنان
فيه النيل النيل الخالد…… فيه الخال والعم والوالد
فيه من طارق ونالد…… والخيرات أشكال والوان
أحب مكان وطني السودان
السودان إشراقة جديدة…… في إفريقيا وبسمة سعيدة
فيه عروبة وجوها جديدة…… من آداب وفنون وبيان
أحب مكان وطني السودان
لينا الغد الزاهي المظهر…… لي إفريقيا ونورها الأخضر
للسودان وشبابو الأسمر…… للأحرار في كل مكان
أحب مكان وطني السودان
لأن حسانو أعف حسان
طيورو صوادح وروضو جنان
http://www.youtube.com/watch?v=EjIy0TzFyHQ
|
Post: #10
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-16-2014, 07:34 AM
Parent: #9
اغنية وردى و الفيتورى لو لحظة من وسنى
كانت ولا زالت ترسم فى مخيلتى اوجه العمال و الزراع و يااااااااا وطنى بصوت وردى يتردد صداها فى اعماق الاعماق
الا رحمك الله وردى الوطن و امد فى عمرك استاذنا الفيتورى
لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني
أجمل من رائحة النضال لم أشم رائحة في صبحك الجليل ... و لو اكتفى بهذا المقطع لكفى !!
|
Post: #11
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: مني عمسيب
Date: 03-16-2014, 09:43 AM
الحبيبة القريبة \ امان ...
سلام يغشاك ويلقاك زي ما دايرة .
Quote: هل توافقونى الرأى انه الاغانى الوطنية كانت بديل التربية الوطنية فى المدارس؟
تعال و معك غنيتك الوطنية!! |
بدون شك ... الاغنية رسالة وواضحة جدآ .. وبعدين الموسيقي ليها دور في الانتباه للرسالة
واللحن والاداء برضو كلها عوامل تعليم متكاملة . الموضوع في قمة الروعة يا امان واختيار
موفق ومهم جدآ .
اغنيتي الوطنية المفضلة وبتهز كياني بهديها ليك ولضيوفك العظماء يا عظيمة انتي .
|
Post: #12
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: Emad Ahmed
Date: 03-25-2014, 08:51 AM
Parent: #11
سلام أمان سيد
واجب الاوطان داعينا للراحل إسماعيل عبد المعين عمل وطني عظيم
عندما أسمعه تسري في جسمي قشعريرة ..
كان من المفترض ان يكون هو النشيد الوطني للسوداني في رايي المتواضع
تقديري
|
Post: #13
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: Emad Ahmed
Date: 03-25-2014, 08:53 AM
Parent: #12
|
Post: #15
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-25-2014, 11:42 AM
Parent: #12
عماد ازيك كالعادة اضافة لكل مكان تحل فيه
Quote: واجب الاوطان داعينا للراحل إسماعيل عبد المعين عمل وطني عظيم
عندما أسمعه تسري في جسمي قشعريرة ..
كان من المفترض ان يكون هو النشيد الوطني للسوداني في رايي المتواضع
|
عارف يا عماد كل ما اسمع النشيد ده بتذكر التلفزيون زمان دائماً كان مرتبط باستعراض للجيش فى المناسبات الوطنية
فيه دعم معنوى ثري
|
Post: #14
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: أمان سيد
Date: 03-25-2014, 11:32 AM
Parent: #11
منى عمسيب البوست منور بيك يا حبيبة
Quote: بدون شك ... الاغنية رسالة وواضحة جدآ .. وبعدين الموسيقي ليها دور في الانتباه للرسالة
واللحن والاداء برضو كلها عوامل تعليم متكاملة . الموضوع في قمة الروعة يا امان واختيار
موفق ومهم جدآ .
|
احنا كشعب انتبهنا لقصة تأثير الغنية على الحركة الوطنية من بدرى ... حقيقة احنا شعب اسطى
غنية محمد الامين دى لو للان بنسمع اغانى وطنية كان يكون تأثيرها كالسحر
|
Post: #17
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: Emad Ahmed
Date: 04-02-2014, 10:36 AM
Parent: #16
الاغنيات الوطنية تنقسم الى نوعين ..
عامة وهي تتماشى مع كل الانظمة الحاكمة بمختلف توجهاتها الفكرية ولها صفة الاستمرارية والخلود
خاصة وتحدث نتيجة لثورة معينة مثل اكتوبر ومايو وابريل
في المساحة التالية رصد لأغنياتنا الوطنية وهو على سيبل المثال لا الحصر :
مرحلة مايسمى بغناء الحقيبة : عزة في هواك, الفؤاد ترعاه العناية, سوداني الجوة وجداني, عزة وصالك, جوهر صدر المحافل, الشرف الباذخ, قدمه المفارق, المدفع الرزام, عازة الفراق بي طال, رجال الحدودو الحارس مالنا ودمنا
حسن خليفة العطبراوي : انا سوداني , ياوطني العزيز, ياغريب يلا لبلدك, مرحبتين بلدنا حبابا, لن احيد ,لن يفلح المستعمرون, الشرع يشهد يوم مريت, سودان الود, وطني, الاستقلال صناعة رجال
إسماعيل عبد المعين : صه ياكناري, واجب الاوطان داعينا, السودان الجديد, الى العلا, نشيد اكتوبر, صرخة روت دمي
محمد وردي : اليوم نرفع راية استقلالنا, يابلدي ياحبوب, تحية للسودان, اكتوبر الاخضر, ثوار اكتوبر, اصبح الصبح, سامي المقام, بلى وانجلى, وطن الشموخ, البديل (حنبنيه البنحلم بيهو يوماتي), حدق العيون, يقظة شعب, تلفون العالم حول, سلم مفاتيح البلد, فتش في ترابك, عرس السودان, السودان الجديد, بلد رايح, ياشعا ياتسامى, عرس الفدا, ياشعبا لهبك ثوريتك, عيون وطني (لو لحظة من وسني), وطنا الباسمك كتبتنا ورطنا
ابراهيم عوض : كفاح شعب, طريق الثورة, جمال الثوار, احب مكان وطني السودان
أحمد المصطفى : لي غرام واماني, فتاة الوطن, نحن في السودان نهوى اوطانا
سيد خليفة : ياوطني يابلد احبابي, بنات بلدنا, طيور السلام
حسن عطية : سعاد
عبد العزيز محمد داؤود : بلادي ياسناء الفجر, الفينا مشهودة, الارض الطيبة
عثمان حسين : محراب النيل, ارضنا الطيبة
عبد الدافع عثمان : حبيبتي يابلدي
ابراهيم الكاشف : انا افريقي انا سوداني
عثمان الشفيع : وطن الجدود, جنود الوطن
العاقب محمد حسن : أرض اجدادي .. تغنى بها العاقب محمد حسن عند استقلال السودان وبعد ذلك تم تحويل اللحن لأغنية غني ياقمري
محمد الامين : قصة ثورة, اكتوبر واحد وعشرين, المبادئ, مساجينك, اكتوبر الممهور, الانطلاقة, السودان الوطن الواحد, جمرة اكتوبرنا حيه, المتاريس, درب النضال
عبد الكريم الكابلي : هبت الخرطوم, اسيا وافريقيا, نشيد التعاون
ابو عركي البخيت : اضحكي, اذن الاذان, اهلي الغبش, احذرو اللصوص
صلاح بن البادية : حب الاديم
رمضان حسن : الجمال والحب في بلادي, حب الوطن ايمان, محروس الحمى
ثنائي العاصمة : بلادي, الشعب المعلم
حمد الريح : الساقية, الرحيل
زيدان ابراهيم : مرحبا اكتوبر
علي ابراهيم اللحو : عشت ياسودان, سودان بلد القيم
صالح الضي : ثورة شعب
عثمان مصطفى : صوت الاحرار
زكي عبد الكريم : حلاة بلدي
خوجلي عثمان : بحبك ياسودان
مجذوب اونسة : عزيز انت ياوطني
يوسف الموصلي : سوداني, نبض الشارع, بلدنا نعلي شانا + طفل العالم الثالث مشترك مع محمد وردي ومصطفى سيد احمد
الجيلاني الواثق : بلادي, سوداني اعظم ناس
خلف الله حمد :السودان الفكرة
عبد القادر سالم : جنون الحرب
سيف الجامعة : طبل العز
حنان النيل : انا السودان
هنالك عدد كبير من الاغنيات (الرمزية) لمصطفى سيد احمد ولغيره من الفنانين تنطبق عليها مقولة, يغني المغني وكل على ليلاه.
|
Post: #18
Title: Re: هل الاغنية الوطنية قامت مقام التربية الوطنية فى تشكيل شخصياتنا ؟؟
Author: Emad Ahmed
Date: 04-02-2014, 10:51 AM
Parent: #17
|
|