المخذولين ..وظاهرة فتح البوستات الفرار منها

في فرق كبير بين ونسة المسنجرات المخستكة والمستهلكة والشللية وبين الكتابة المسؤلة في المنابر الحرة في الشان العام المدججة بالحجج والوثائق
1-ظاهرة الواحد يقتح بوست ويشرد يخليه
تعزى لعدة اسباب
شخص جاهل ما قدر الموضوع الفتحو في المنبر
شخص بافلوفي ينتمي لقطيع وجات اليه تعليمات من الحوش بتاع انميال فارم بان يترك البوست يسقط
2- ظاهرة الفط والرد على الشلة والبورد ده انا قاعد فيه من 2001 ما حصل ساكت اجتمع الالاف المسجلين ديل في قضية مهما عظم شانها او اقل وهذه ازمة نفسية
هو بعتقد انه المداخلة موجهة له شخصيا ومافي زول بقراها ..وفي حقيقية الامر الجهل والاستكبار هو السبب ...
3- اذا اهتمينا لما يكتب وليس من يكتب
حتتغير الصفحة لاولى والبورد
واذا اتغيير البورد حيتغير السودان
4-المخذول الذى يتبني مشاريع ويعظم اشخاص هو عاجز تماما عن الدفاع عنهم او اقناع الاخرين بجدوى هذه المشاريع هو انسان بائس ومنفصم وسيظل يتضخم حتى ينفجر كالفقاعة يوما ما في هذا البورد دون ان يحدث اثرا في السودان......
وبينا الزمن
والتحية للبرالمة الجدد

المخذولين هم السوداني اب شريحتين حسب الاقدمية
1- الناصريين
2- البعثيين
3- السلفيين
4- الشيوعيين
5- الاخوان المسلمين
6- النسخة المضروية-للحركة الشعبيةشمال
7- العدل والمساواة
8- حزب الامة -نسخة الامام تقدس سره
9-..............................
10- العنصريين
11- النسناسين

adil amin

البفتح عمود وبِفِر منو -حسب وصفك- ممكِن يِكون الدايِر يِقولو قالو وماف زيادة، المُهاترات كِترت وقال يشْتري دِماغو، في أسباب كتيره ما فِرار.. ده تفسيرك إنت ده الما مُلزِم لِزول، ده أولاً، ثانِيًا حتى لو فرضنا إنو الزول فتح عمود وفر منو، ده بِكون أُفْحِم لَيس إلا، لكِن.. -خلي بالك وحياة أبوك مِن لكِن دي- الجُبْن الإنت فوقو ده والخلاك تغَتغِت الكلام وما تذكُر إسم مخذول واحد وفار ، ده الشين والعيب.. ده الخُذلان يا اللخو ههههه. طبعًا بعد مُداخلتي دي حتذكُر أسماء هههههه.. لا شُجاع

Quote: البفتح عمود وبِفِر منو -حسب وصفك- ممكِن يِكون الدايِر يِقولو قالو وماف زيادة، المُهاترات كِترت وقال يشْتري دِماغو، في أسباب كتيره ما فِرار.. ده تفسيرك إنت ده الما مُلزِم لِزول، ده أولاً، ثانِيًا حتى لو فرضنا إنو الزول فتح عمود وفر منو، ده بِكون أُفْحِم لَيس إلا، لكِن.. -خلي بالك وحياة أبوك مِن لكِن دي- الجُبْن الإنت فوقو ده والخلاك تغَتغِت الكلام وما تذكُر إسم مخذول واحد وفار ، ده الشين والعيب.. ده الخُذلان يا اللخو ههههه. طبعًا بعد مُداخلتي دي حتذكُر أسماء هههههه.. لا شُجاع

يا عزام
جمعة مباركة
انااستهدف وعي وليس اشخاص لانه التحرر في السودان من شنو وليس من منو
والقائمة دي تشكل وعي
والوعي الديني في السودان درجات ادناه التكفير والهجرة واعلاه االجمهوريين وبينهما امور متشابهات
والوعي السياسي درجات ادناه الناصرين واعلاه الحركة الشعبية وبينهما امورمتشابهات

والظاهرة البتكلم عنها دي تراكمية وبليدة جدا
...
وانت ما منهم انت تدافع عن رؤيتك ومنفرد لا تنتمي لي قطيع
وطردتني من بيتك خلاص ....ما تجي تفتشني