حمار الوحش او ال Zebra لونو الاصلي شنو؟؟ نرحب بالبياطرة وناس ال Zoology

هل هو أبيض ؟؟ اسود ؟ ام خاتف لونين.
الخطوط البيضاء هل هي الاصل ؟ أم الخطوط السوداء؟

الموضوع ده جادي ( لكن بفهم )

Quote: Zoologists have yet to unravel all of the genetic mysteries that lie behind the zebra's signature striped suit. The alternating color pattern works well with its native environment, deflecting up to 70 percent of the heat that hits its body [source: The International Museum of the Horse]. The arrangement of the stripes adds another intriguing dimension to the animal's biology since each zebra has a completely unique design. In particular, the stripes on its shoulders, or withers, contain the most individualized markings [source: The International Museum of the Horse].

اسود وابيض

وهنالك لون رمادي غامض في بعض الحمير السهلية مع اللونيين الابيض والاسود

Quote: اسود وابيض وهنالك لون رمادي غامض في بعض الحمير السهلية مع اللونيين الابيض والاسود

شكرا يا حسين على جبر الخاطر لكن الاصلي ياتو ؟؟؟ يعني ابيض مخطط اسود ولا اسود مخطط ابيض ونفس الامر مع الرمادي ( الغامق) ده.

مودتي

غايتو يا أبيض يا أسود !!

انثى حمار الوحش الابيض فيها هو الاكثر

اذن اللون الابيض هو الاصل

خالد ازييك

Quote: غايتو يا أبيض يا أسود !!

موش كدة ؟؟؟
شكرا على العبور الرشيق

Quote: حمار الوحش او ال Zebra لونو الاصلي شنو؟؟

غايتو سؤالك ده بذكّرني سؤال سالني ليهو ولدي السغير عبدالرحمن.
سمعني بتكلّم عن الشيطان قال لي يابوي انت الشيطان اسمه منو؟
(what is Alshaytan's name? )
على التعترني قلت ليهو اسمه ابليس قايل الموضوع بنتهى لاحد هنا
فورا اردفه بسؤال: (Is this his last name? ) وعييييك الحكاية جرّت.
اها انت ياخوي ده اخر سؤال ولا نصم خشمنا؟

استاذنا الفاضلابي
تحية طيبة وبعد

Quote: غايتو سؤالك ده بذكّرني سؤال سالني ليهو ولدي السغير عبدالرحمن. سمعني بتكلّم عن الشيطان قال لي يابوي انت الشيطان اسمه منو؟ (what is Alshaytan's name? ) على التعترني قلت ليهو اسمه ابليس قايل الموضوع بنتهى لاحد هنا فورا اردفه بسؤال: (Is this his last name? ) وعييييك الحكاية جرّت. اها انت ياخوي ده اخر سؤال ولا نصم خشمنا؟

والله ولدك ده تربية امريكي لازم يصل لي قعر الرميل دخلك في ( بستلة ) - طبعا بستلة دي اجمل كلمة سودانية في نظري ) . اما نحنا تربية انجليز ( نعقد العقدة ونشوف الناس بتفكها كيف ) .
اما عني انا المسيكين ده والله ده اخر سؤال لكن بعدو في ( تشبيه بليغ) .
شكرا على المرور الانيق.
مودتي
ملحظة : بتنا عملت شنو بعد الفلم ؟

مرحبتين الحبيب اسامة

Quote: في ( بستلة ) - طبعا بستلة دي اجمل كلمة

هههههههه - البستلة والجردل والشرغرغ والكنش والكانون حضارات سادت ثم ..... لا اريد ان اكملها.

Quote: ده اخر سؤال لكن بعدو في ( تشبيه بليغ) .

اها بمناسبة تشبيه بليغ دي مراح حميرك الفوق ده : الترقيط ال فوق وجوهن ده زي السكسك.

البنية الحمد لله داعكة في الكلية وتشكر علي الاهتمام.

الأخ / Osama Mohammed

خالص تحياتى

ياخوى سؤالك وجيه تب

والعبد لله شغال بطري (ولله الحمد)

ارمي بياضك في الاول

حتى نقول ليك


....

دكتور حاتم

انت ورلاينا وانا بدفع تكلفة الاستشارة ، او بجيب ليك زبائن ،،،،، اها كيف كدة ؟

Quote: دكتور حاتم انت ورلاينا وانا بدفع تكلفة الاستشارة ، او بجيب ليك زبائن ،،،،، اها كيف كدة ؟

موافق لكن في الاول اكتب لي كمبيالات

عشان الواحد يضمن حقو.


...

خلاص اتفقنا تلقا الكمبيالة في المسنجر .

البياطرة ( منكم جفلة ) .... غايتو يا حاتم بالغت مع زملاء مهنتك .
اها النجيضة لقيناها بعد تفتيش:-

احد العلماء جوناثان بارد في عام 1977 استخم علم ال Teratology ( الطفرات الجسدية ) او التشوهات الخلقية - الجسدية لكي يعرف حقيقة اللون الاصلي للحمار الوحشي بعد ان تم تصوير احد ( الحمير ) انظر الصورة ادناه



خلاصة ما وصل اليه جوناثان ان النقط بيضاء على لون اسود مما حدا به الى ان يزعم ان اللون الاصلي لحمار الوحش ( اسود) .

القصة كلها هنا في هذا الرابط

الصور التي انزلتها يا حسين لطفرة جينية زي ( قرد الطلح ) يعني حمار وحش طلح ( حمار طلح ) .
شكرا للجميع