Post: #1
Title: استيت اويل الكندية تعود للسودان
Author: الشفيع وراق عبد الرحمن
Date: 03-12-2014, 06:55 PM
اكد لطف الرحمن خان رئيس شركة استيت أويل الكندية رغبة الشركة الجادة في العوده الي السودان والإستثمار في المربعات النفطية المتاحه
وقال ان الشركة سوف تعود بمنهج جديد يفضي الى شراكة حقيقية ويسهم في عمليات زيادة الانتاج النفطي .
الجدير بالذكر ان شركة استيت اويل الكندية تعد من أوائل الشركات التي عملت بالسودان في مجال النفط بعد خروج شركة شيفرون.
|
Post: #2
Title: Re: استيت اويل الكندية تعود للسودان
Author: باسط المكي
Date: 03-12-2014, 08:38 PM
Parent: #1
Quote: .اكد لطف الرحمن خان رئيس شركة استيت أويل الكندية رغبة الشركة الجادة في العوده الي السودان والإستثمار في المربعات النفطية المتاحه
وقال ان الشركة سوف تعود بمنهج جديد يفضي الى شراكة حقيقية ويسهم في عمليات زيادة الانتاج النفطي .
الجدير بالذكر ان شركة استيت اويل الكندية تعد من أوائل الشركات التي عملت بالسودان في مجال النفط بعد خروج شركة شيفرون. |
الشفيع سلامات
البترول الطلع وملاء الدنيا الشعب استفاد منو شمنووووووووو
لافي الصحة ولا في التعليم ولا في الزراعة ولا في الصناعة
يابلدنا اي شي فيها فقد طعمو لاثقة في اي مسؤل لانو مشكلتنا تكمن في الزول زاتووو
تربيتنا السودانية غلط في غلط خالية من التبيربية الوطنية الغدوة الحسنة
|
Post: #3
Title: Re: استيت اويل الكندية تعود للسودان
Author: فرح الطاهر ابو روضة
Date: 03-13-2014, 06:56 AM
Parent: #2
بوستات امس ما نجحت في تشتيت الكورة
الليلة جيت شايل براميل بترولك ووهمك وشركاك
انزع صورة الشهيد من برفايلك يا مجرم
|
Post: #4
Title: Re: استيت اويل الكندية تعود للسودان
Author: عبدالكريم الامين احمد
Date: 03-13-2014, 10:21 AM
Parent: #3
هلا يا الشفيع
واستيت الكندية دي الا تبركت وتحفر ليكم المربعات دي بالكندكات وتعيدكم الي مربعات ورجغة ترعتي كنانة والرهد الشهيرة..
في حاجة ياعمك اسمها العقوبات الامريكية وكندا وامريكا دوليتن خشمهم واحد وسروالهم برضو احتمال يكون واحد...
فبدل تقعدو تضيعو زمنكم مع استيت او اي كان اسمها دي
شيلو كندكات وكواريك و اردمو الفيافي حفر يحسدكم عليهو الارنب...وطلعو بترول طلعو بيهو روح الشعب الفضل ده تااااااااني
بالرصاص والفساد والورجغة الرسالية القاصدة
|
Post: #5
Title: Re: استيت اويل الكندية تعود للسودان
Author: Mohamed Suleiman
Date: 03-13-2014, 11:03 AM
Parent: #4
Quote:
في حاجة ياعمك اسمها العقوبات الامريكية وكندا وامريكا دوليتن خشمهم واحد وسروالهم برضو احتمال يكون واحد...
فبدل تقعدو تضيعو زمنكم مع استيت
|
يا كيكي ... الجماعة ديل ما بيتوبوا ...
الحقيقة هم دخلوا في مرحلة اليأس .. و ما خلّو بقرة ما فتشوا خشُما .
موش قبل أيام جا واحد من أمريكا و ضحك عليهم بإنّو سناتور و حيقنع أوباما يرفع عنهم العقوبات .. و الحكاية طلعت فضيحة كبيييرة !!
و واحد هندي كمان ضربم ملايين الدولارات في سكر كنانة ... و مدير المصنع إتبهدل ( و قالوا بكري حسن صالح قشطو كف).
أهو .. ده واحد هندي و لّا باكستاني و جاي من كندا .. لطف الرحمن ... يا لطيف ...
أي شركة كندية متوسطة بتكون في سوق البورصة الأمريكية (داو جونز) ...
هنا المحك حيث العقوبات.
|
Post: #6
Title: Re: استيت اويل الكندية تعود للسودان
Author: عبدالكريم الامين احمد
Date: 03-13-2014, 11:39 AM
Parent: #5
Quote: موش قبل أيام جا واحد من أمريكا و ضحك عليهم بإنّو سناتور و حيقنع أوباما يرفع عنهم العقوبات .. و الحكاية طلعت فضيحة كبيييرة !!
|
هلا يا محمد وحبابك
وخليني اديك من جووه الجك نواحي سنار...
قبل فترة وصل لسنار زول قاشر قشرة تمام التمام و قدم نفسو كمستثمر والولاية كلها تتراجف الحرامي احمد عباس لحدي اصغر جربندي فيهم اتراجفو في الزول ده رجفة شديد ونزلو في بيت الضيافة وهاك يا اهتمام وهاك يا كسير ثلج و يا دهنسة وكل واحد فيهم يمني نفسه بالقبضة الثمينة من الزول المريش الجاهم من السماء ده ويمتصو دم الشعب ده عبر الصفقات الوعدها بيهم الزول ده .
هل تتخيل انو بعد اربعة او خمسة يوووم اهل الزول القاشر ده جووو من مدني كايسنو وقالو الزول ده مريض نفسي ومتعود يعمل جلكسات زي دي وشالو زولهم ورجعو بيهو مدني وخلو الحرامية خشمهم ملح ملح...
|
Post: #7
Title: Re: استيت اويل الكندية تعود للسودان
Author: Frankly
Date: 03-13-2014, 11:50 AM
Parent: #1
شكراً الشفيع وراق عبدالرحمن
في الحقيقة شكرة اويل ستيت كمباني خرجت من صناعة النفط في السودان نسبة لضغوط إعلامية ضخمة صورتها بأنّها تدعم الحرب في دارفور
والشركة أعربت عن نيتها العودة لصناعة النفط في السودان في أكثر من محفل
هذا بالإضافة للشركات الفرنسية والاسترالية وقريباً البريطانية في مجال النفط في السودان
Quote:
For example, a July 2012 auction put nine new blocks into play, attracting bids from over 72 companies. Companies based in Canada, China, Nigeria, Australia, Brazil, and France were awarded concessions, and the auction was hailed as a success by Sudanese government officials.
|
|
Post: #8
Title: Re: استيت اويل الكندية تعود للسودان
Author: الشفيع وراق عبد الرحمن
Date: 03-13-2014, 12:12 PM
Parent: #7
اشكرك فرانكلي
كيكي و ود سليمان
سمعنا نفس نبرات الاستهزاء في التسعينات لامن فكرت الانقاذ تستخرج البترول لاول مرة باطن الارض
المعارضة كتبت واستهزأت
وقال دي حقن بنج
بتتذكروا ولّ نذكركم؟؟؟
هسه تجوا تتجاعروا، وينها قروش البترول؟؟؟؟؟
الانقاذ عودتنا
اذا قالت فعلت
| Quote: و ما خلّو بقرة ما فتشوا خشُما |
ده كلام سليم
ما ح نيأس ولا ح ننستسلم
وح ننجح
والبترول ح يرجع يتدفق من تاني
وكمان من شركاتكم الامريكية ذات نفسها يا ود سليمان
وح تشوف
سمعنا تحت تحت انو د. علي الحاج شادي الرحال نواحي الخرطوم
|
Post: #9
Title: Re: استيت اويل الكندية تعود للسودان
Author: مني عمسيب
Date: 03-13-2014, 01:23 PM
Parent: #8
| Quote: انزع صورة الشهيد من برفايلك يا مجرم |
انزعها يا نافخ الكير ... يا منافق يا مرتزق !!!!!!!!!
قال الشفيع قال الله لا شفع ليك لا دنيا لا اخرة يا منافق يا دجال !!
|
Post: #10
Title: Re: استيت اويل الكندية تعود للسودان
Author: يحي قباني
Date: 03-13-2014, 02:30 PM
Parent: #9
أخونا الشفيع
الشركه الكنديه المعروفه التي عملت في مجال ( التنقيب ) عن النفط هي شركة ( Talisman Energy )
وهي شركة كنديه مقرها كالجري ... وهي التي خرجت من السودان تحت الضغوط العالميه ...
وهي شركة تنقيب فعلي و اكتشاف البترول ...
اما State Oil Company
فعملت فتره في السودان من ضمن مجموعة شركات . بعقد مع SUDAPET ( برئاسة عوض الجاز ) وقتها
وأنشأت بايب لاينز ... وهي متخصصه في ( توزيع البترول ) او تصفية آخر مرحله و اعدادها للتوزيع ...
هي شركة ( أمريكية ) في الاصل ... وتملك منافذ توزيع للبترول ... , ولها فرع في كندا يسيطر عليه مجموعة من الباكستان وهي شركه خاصه مدرجة ضمن اسماء شركات النفط الكنديه
هذه الشركة كانت من ضمن مجموعة شركات عملت ( سويا) A Consortium of international companies was formed with efforts of the management team to further develop it.
اضف الي ذلك ان لديها ( كيس ) مشهرو ضد المدعو بركات خان وصل الي المحكمه العليا
... ( هل لديه صله بلطف الرحمن خان ) الذي ذكرته اعلي ؟ خاصة اسم خان مكرر باكثر من شخص في ادارتها
حيث كان المذكور ( وكيلا) لها ... وقام بعمليات تلاعب باللأسعار في 1997 ... في مدينة شيكاغو ...
http://en.wikipedia.org/wiki/State_Oil_Company_v._Khan
شركة ستيت اويل تعمل الان في تشاد ( فقط ) ...
__________________________________________________________________________
شركات النفط الكنديه المعروفه :
http://en.wikipedia.org/wiki/Canadian_petroleum_companies
ستجد اسم شركة تاليسمان من ضمنها
ولا وجود لاستيت اويل كومباني
_____________________________________________________________________
تخصص شركة ستيت اويل ( الكنديه )
هو
State Oil Company Canada Ltd. (“State”)
is a Canadian oil and gas company
with a focus on international late stage exploration/early stage development and secondary recovery projects.
Management has a proven record of responsibly delivering complex international projects to the market.
http://stateoilcanada.com/index.html
____________________________________________________________________
باختصار ... شغل اشتم فيه رائحة الاحتيال و النصب ... ( وهو ديدن العمل في السودان الان )
|
Post: #11
Title: Re: استيت اويل الكندية تعود للسودان
Author: شمس الدين ساتى
Date: 03-13-2014, 02:47 PM
Parent: #10
| Quote: باختصار ... شغل اشتم فيه رائحة الاحتيال و النصب ... ( وهو ديدن العمل في السودان الان |
أهو يا الشفيع ..قبانى جاب ليك النجيضة
|
Post: #12
Title: Re: استيت اويل الكندية تعود للسودان
Author: Deng
Date: 03-13-2014, 03:08 PM
Parent: #11
يا جماعة.
ما تتغشو بي قصة شركة كندية وبطيخ فارغ.
دي شركة من شركات تنظيم الأخوان المسلمين العالمي.
|
Post: #13
Title: Re: استيت اويل الكندية تعود للسودان
Author: Mahjob Abdalla
Date: 03-13-2014, 03:43 PM
Parent: #12
| Quote: هل تتخيل انو بعد اربعة او خمسة يوووم اهل الزول القاشر ده جووو من مدني كايسنو وقالو الزول ده مريض نفسي ومتعود يعمل جلكسات زي دي وشالو زولهم ورجعو بيهو مدني وخلو الحرامية خشمهم ملح ملح... |
يا كيكي
الحركة دي عملها واحد مجنون (لربما هو ذاتو) قبل عشرين سنة في تكاسي مسكين.
بعد ما لبس كويس و طلع من البيت في الثورة بالنص و اول تكاسي جاء ماري وقفو و قاليهو الكلاكلة رأس. وصلو الكلاكلة قال للتكاسي انتظرني باخد حاجة من البيت و نرجع. طلع بعد دقيقتين قال للتكاسي يالله الحاج لانو الزول البفتش عليهو قالو بايت في الحاج. و في الحاج يوسف كرر نفس المكنة و جاء طالع بعد دقيقتين و قال للتكاسي الزول قالو ما موجود هنا. اراح وديني الثورة تاني.
اول ما وصل الثورة الشفع قعدو يكوركو "المجنون جاء المجنون جاء"
|
Post: #15
Title: Re: استيت اويل الكندية تعود للسودان
Author: Mahjob Abdalla
Date: 03-13-2014, 03:45 PM
Parent: #13
زول الشركة معروف و مربع 14 في الحدود مع ليبيا معروف
|
Post: #14
Title: Re: استيت اويل الكندية تعود للسودان
Author: عمر نملة
Date: 03-13-2014, 03:44 PM
Parent: #12
| Quote: قال الشفيع قال الله لا شفع ليك لا دنيا لا اخرة يا منافق يا دجال !! |
يامجيب آميين
|
Post: #16
Title: Re: استيت اويل الكندية تعود للسودان
Author: Elbagir Osman
Date: 03-14-2014, 00:39 AM
Parent: #14
ربما تكون كل ذلك معا
شركة كندية
ونصب واحتيال
وواجهة من واجهات الإمبراطورية المالية للتنظيم العالمي للأخوان
فقد حدث ذلك مسبقا من شركات كندية أصحابها إسلاميين كانت أول من كسر العزلة المضروبة على صناعة النفط
السودانية وواجهت حملة مقاطعة كبيرة في كندا للفظائع التي شاركت فيها بما في ذلك تطهير مناطق البترول
في ولاية الوحدة من السكان واستخدام مطاراتها لأغراض عسكرية
ومثل هذه أمور بالغة الجدية
الباقر موسى
و
|
|