الرد القاسى للمدعو أساسى

وهل أجرؤ للقسوة عليك يا أساسى ، فنعم الشباب أنت ونعم الأخ ونعم الصديق ، جمعتنا بكم المنتديات السودانية فتطورت العلاقة من حرب شرسة فى النقاش والحوار معكم حتى تقاربت وجهات النظر وتقاربت مسامات الروح وألهمتنا العلاقات لتطويرها لتصبح مثل علاقة ذوى القربى بل أشد فتطورت إلى علاقات أسرية بين أسرتينا أباهى بها الدنيا

يا أساسى لا أستطيع أن أقسو عليك فالطينة التى خلقت منها لا شك من طينة الجنة فروحك ونفسك الطيبة لا تتأتى لكل البشر

دم بسلام ، وعش بسلام ، ومت بسلام وليبعثك المولى عز وجل بسلام مخلداً أبداً فى دار السلام ، ولتسعد أنت وأسرتك وجميع أحبابك فى كلا الدارين ، فأنت بحول الله تعد منفعة للناس ، قال تعالى (وأما ما ينفع الناس فيمكث فى الأرض) بارك الله فيك وفى ذريتك يا أيها الرجل الأساسى لكل المجتمعات السودانية

أخوكم المحب لكم هشام شيخ الدين

Quote: فالطينة التى خلقت منها لا شك من طينة الجنة

غايتو انا بشك انها طينة من طين الجنة ..:)
لكن اساسي في العموم زول كويس جداً وطيب وجميل اخلاق ..
واجمل منه انت دا بكل حاجاتك السمحة..

Quote: بارك الله فيك وفى ذريتك

آمين وكل ابناء المسلمين

شفت غبيرة دي حنينة كيف ؟
صبحتك كلك حنية وكلك حركات
الحالة دا يوم واحد
انا ما قلت ليك ؟
كيف تمام يا هشام ؟
مع التحيات لاساسي

ود البوش

فعلاً دى من الهام غبيرة

ههههههههههه

الله قادر

حيدر الزين

أساسى زول كويس ، وانت كمان كويس

Quote: وهل أجرؤ للقسوة عليك يا أساسى ، فنعم الشباب أنت ونعم الأخ ونعم الصديق ، جمعتنا بكم المنتديات السودانية فتطورت العلاقة من حرب شرسة فى النقاش والحوار معكم حتى تقاربت وجهات النظر وتقاربت مسامات الروح وألهمتنا العلاقات لتطويرها لتصبح مثل علاقة ذوى القربى بل أشد فتطورت إلى علاقات أسرية بين أسرتينا أباهى بها الدنيا يا أساسى لا أستطيع أن أقسو عليك فالطينة التى خلقت منها لا شك من طينة الجنة فروحك ونفسك الطيبة لا تتأتى لكل البشر دم بسلام ، وعش بسلام ، ومت بسلام وليبعثك المولى عز وجل بسلام مخلداً أبداً فى دار السلام ، ولتسعد أنت وأسرتك وجميع أحبابك فى كلا الدارين ، فأنت بحول الله تعد منفعة للناس ، قال تعالى (وأما ما ينفع الناس فيمكث فى الأرض) بارك الله فيك وفى ذريتك يا أيها الرجل الأساسى لكل المجتمعات السودانية أخوكم المحب لكم هشام شيخ الدين

تحية طيبة لك أخي الكريم هشام

يا اخي كلامك ده انا فرحني وخلاني مبسوط
اتصور انبساطت الزول الأساسي الانت مخاطبو
حتكون قدر شنو ...
الكلام الحلو يترك في النفس اثر حلو

شكراً ليك لأني ابتديت صباحي بكلامك الحلو ده

هشام شيخ الدين او المدعو ( يازول يازول )
تحية جداوية صباحية
الواحد طول جدا من بوستات الشكر وكسير التلج حتي بدأ يدب الشك الي نفسي ان الناس دي بقت ما بتعرف ولا شنو بتذكر اخر مخاشناتنا الشهيرة انتهت بوليمة ( ايسكريم ) معتبرة قدمها طيب السيرة الغائب شرير والبرتقالة قدس الله سره وامتعه الله بالصحة اينما كان , اسع شايف الطب اتطور والمخاشنات تنتهي بكم تلجة علي الهواء ..
ما اكذب عليك يا هشام فاجاني بوستك ذاك والذي اعتذرت عنه كما هو متوقع من شخص في حكمتك .. الرياض بها اخوة كرماء اكارم حللت بينهم دهرا وعدت اليهم مرارا وكل ما عدت وجدتهم اجمل من ما تركتهم عليه لذا المني ذاك البوست فثرت لالمهم .. استغرابي كان مبناه اني اعرفك جيدا واعرف كريم خصالك وحكمتك لذا لم يكن ذاك البوست يشبهك ابدا فانا في هذا المنبر خبرت جيدا تاريخك حينما قدمت من الجميع كاول رئيس لجنة لادارة هذا المنبر استمرت لفترة طويلة في بداياته قدت فيها هذا المنبر بحنكة ودراية .يحفظ لكم التاريخ ان تلك الفترة شهدت انتشار هذا المنبر وخروجه الي العلن كمنارة للفكر والتثاقف والادب والكتابة الرفيعة وتقديم اقلام رصينة .. حتي المماحكات والمخاشنات التي كانت تحدث تعاملتم معها بدراية وحنكة عليتم من قيمة الحوار والنقاش واشعتم الديموقراطية التي يفتقدها الواقع السوداني .. فاضحي المنبر منارة جذب واصبح الالتحاق به حلم يراود اصحاب الاقلام الكبيرة الذين عمروا المنبر دهرا .. كل ذلك يحفظه لكم تاريخكم المنبري لذا لم نتقبل منك ذلك البوست
ولكن تظل جدة هي جدة ارض الجمال والخير والطيبة والبحر والدفء جدة التي احتضنتنا سويا واجمعتنا بكم وباخوة اكارم يحتفون بالجمال وقتما حل بها .. فان اخذتك الرياض منا رياض الخير التي يعمرها رجال كود البوش واسماعيل عباس وابوجهينة والكاردينال وصاحب الابتسامة الشهيرة ود الصايم وعمران وصحبة كرام لا استطيع حصرهم في هذه العجالة يحتضنوكم بينهم بكريم خصالهم كما احتضنت جدة بالامس واحتفت بثلاثة من اشقائكم من ابناء شيخ الدين جبريل وطوقتهم بالحب وطوقنا بابداعهم فانا علي يقين ان روحك الجميلة كانت حضورا ولكاني ببيت الشعر حاسر الرأس عند كل جمال يستشف في كل شيء جمالا تلبسك وقتها فاضفت علي ملتقانا الجمال وفاض به ودونك هذه الصور التي التقطت في وقت متاخر من ليل الامس وجدة تزدان بمبدعي اسرتكم وتحتفي بهم ..
لذا لا عليك يا صديقي الاكبر

Quote: غايتو انا بشك انها طينة من طين الجنة ..:) لكن اساسي في العموم زول كويس جداً وطيب وجميل اخلاق .. واجمل منه انت دا بكل حاجاتك السمحة..

برز الثعلب

أنت يا حيدر سوادة النية الفيك دي شنو يازول معقول زول بشر سوي عدييييل كدا تمشي على كرعين

أنا كنت مفتكرك غيران من أساسي لكن لقيتك حاسدة على محبة الناس ليه

ياحيدر ياخ أعقل ووسع دماغك وكبره محبة الناس دي هبه من الله بديها بعض من عبادة زي أساسي دا البنحبه ساي ولا شفناه ولا قابلناه

تصدق أنت كان بطلت الجلبطة والثقالة البتسوي فيها تلقى زول يحبك في الله

بعدين بطل الســـخافة البتسوي فيها أساسي دا من بري الطيارة بتقوم من جنب بيتهم وأخونا هشام دا من أولاد أم درمان وأنا من كوبر أنت من ضهاري الدامر وأتبرا طريقة التفاهم البينا نحنا أولاد الخرطوم ما بتفمها أنت والتواصل بينا صعب تصدق يا حيدر أساسي دا بعاني شديد عشان يوصل ليك فكرة أو فهم وكتار مننا بعاني معاكم وبنتحمل فهمكم الخاطئ وموازينكم المختلة فياخ في حاجات كدا ومودة بين أولاد الخرطوم أنت ما معني بيها بي حاجة فياخ عليك الله امشي فتش ليك زول من اتبرا ولا من مدني كمل فهمك معاه

يعني بالواضح يا حيدر عليك الله ما تتحشر بين أولاد الخرطوم في محبتهم وتواصلهم مع بعض أنت يعني أنسب ناس يتفاهمو معاك هنا في البورد هو أخونا بريمة محمد أدم وأبوروضة والطوربيد شاتم أمه معاوية عبيد وخضر الطيب ديل بتقدر تتواصل معاهم بصورة مريحة وتفهمهم ويفهموك نطيطك ودورانك خارج مدارك بخلي غيرك يعاني ويتعذب فياخ الناس هسع زهجانة وخلقها ضايق فياخ أرحمهم وارحم نفسك

هسع دخولك هنا في البوست الجميل دا بخلي المنظر ما حلو زي الكول في الايس كريم كيك حاجة شتراء وبتخرب أي حاجة

فدع الجمال ينمو وخلي الناس تتعلم المحبة والمودة بين الناس الراقية وأقعد أتفرج وصالح نفسك الحقودة دي


يا أساسي والله أحبك في الله حب لا نهاية له وحب شديد وكتير زيادة كيتا في حيدر الزين دا

والله يديمك ويلمني بيك في أسعد اللحظات وتدوم مودتنا ويخلي كبري القوات المسلحة وتحية لشارع الظلط

والله يا هشام فاتك حلات عشاء وحلات تحلية وخبايز وفواكه .... يا سلااااام ...







... المهم ...

اوووه عبد العزيز حسين
سلام من ناس ضهاري اتبرا زاتها

افترضتك لون اساسى ازيك
شفت الزول الجنب جمال السنوسى كوم وجده كوم تانى
نوارة عيال شخ الدين ابو الجراح، الراجل الضباح
الزول الما نباح، قبلة الحجاج والسياح، ملك الاندياح
زهرة الافراح، مرق بيوت الاتراح، سيد الكسرة والملاح،
التحيات الطيبات تصل الزول ده هيمسلف بالله يا اساسى،،،

صديق الموج

ابوالجراح كلامو كُتُر

شكراً ليك ياخ

قديما قالوا اخو اخوك اخوك

محمد الشيخ

شكرا للمرور

Quote: أدم وأبوروضة و

غايتو نمسح
ولكل مقام مقال
عذراً صاحب البوست ومن بعده اساسي
وكل من خط حرف طيب هنا
احرامي

Quote: فاتك حلات عشاء وحلات تحلية وخبايز وفواكه .... يا سلااااام ...

أيوه يا ناس جده كترو لى تبارك من الحاجات دى باين البرد مصمص عضمو ..

التحايا من قبل لكم إن آند آوت جده.

محمد على طه الملك

تبارك بحب السفسفة

وكمان بحب الفلسفة

ههههههههههههه

فرح الطاهر ابو روضة

ياخ والله أشكرك كتير خصوصاً بعد التعديل

هذا يدل على عقل كبير

ربنا يديك العافية

Quote: والله يا هشام فاتك حلات عشاء وحلات تحلية وخبايز وفواكه .... يا سلااااام ...

هههههههههههههههه
الذ زول
ذكرتني حسن ود الطرشا بنادي في تومو حسين
حسييييييييييين اخوي شعيرية شعيرية اجر جاي
.
.
.
قال متعشي بوش قال

تبارك

ههههههههههههههههه

قلت لى العضة كانت سمحة

ياخ بالهنا ان شاء الله

عبدالعزيز حسين

شكراً للإضافة رغم أنك زعلت ناس تانيين

إرضاء الناس غاية لا تدرك

أساسى انت زول ما ساهل ياخى

الله يديك العافية

معتصم سليمان

وأنا كمان مشاركتك هنا فرحتنى شديد والله

تسلم ياخ

تحياتي يا هشام؛؛؛

فاتتك ليلة جميلة في جدة ..ابدع فيها آل شيخ الدين..المحتفي بهم

الوافر شيخ الدين له التحية..

تسلم أخوى بشير

ما فاتتنى ما دام انت حضور