أُمْــــك.. جورج أموم: لا نستبعد الوحدة مع السودان

Quote: توقع قيادي جنوبي أن تقود تداعيات الحرب بدولة الجنوب إلى خيار الوحدة مع السودان مجدداً

المصدر: http://www.ashorooq.net/index.php?option=com_contentandview=...-03-25andItemid=1163

إتْمنوا زي ما عاوزينو [لو الأماني بايدك كنت أهديتني عيونك وأسقيتني من وريدك] هههه

إتمنوا بس طبعًا حيكون التصويت لِلوحدة مِن حق السوداني بس.. زمان أكانت الحزازات بين الجنوبيين والجيش السوداني، هسِع الحزازات بِقت في كُل السودان، حزازات ضِد الجنوبي دَولة وشعب، بعد دعم دَولة جنوب السودان للجبهة الثَورِية -قال ايه- لِتحرير السودان، وإحتِلال هجليج و.. و... إلخ.

شوفو يا رعايا دَولة جنوب السودان، الوضع دَوْمًا حيكون كِده:
(1) عنكبه بيناتنا، بترولكُم ماااااا بِمُر بأراضينا.
(2) عنكبه في، ينقفِل البلِف وتاكلو نيم زي الما حصل حاجة.
(3) تتعنكبو مع بعض (دينكا × نوير) (نِوير × شُلُك) (شُلُك × باريا) (باريا × لاتوكا) (لاتوكا × مورلي) (مورلي × زاندى) (زاندى × فرتيت) المهزوم الشارِد منكُم لنواحينا بِبقى لاجئ وبِحقو، يعني المُنظمات الإنسانِية ما وفرت قُروش، ترجعو مِحِل ما جيتو وحُدودنا بنقفِلا.

نصيحة تخدِّرك يا عزّام يا وحدوي! كما كانت تقول حبوبتي للشخص البقول الكلام الما بقدروا ناس تانيين يقدروا يقولوه.
تحياتي

كبـّاشي الصـّـافي
(العوج راي والعديل راي) .

cantona_1

والله مُشْتاغوون ياخ.. الحي بيك

الغريبة مُناضِلي الكبتْشينو الإسْفيرِيين ما قالو بِغِم في شأن الجنوبيين الـ98% الصوتو للإنفِصال والرقصو وهللو ليهو الفرحت بِفرحتُم كُل النجوم اللا نام بريقا ولا إنْطفا.. غايتو يا كبّاشي يا خوي النِت ده عملا فينا، الكُل جدع لبستو وإسْتحم ومرق بِدرع ونصل وفي المرق ناجرلو أصل وفي المرق سارقلو فصل وفي وفي وفي.. بس الله في

تحية طيبة

العزيز / عزام فرح مساء الخير

تصريح جورج اموم لا يتعدى أن يكون من اجل الاستهلاك السياسي والامتعاض من مآل الحال هناك

مسألة أن يعود السودان موحداً هذه من سابع المستحيلات فليس كل الشعب الجنوبي مثل جورج اموم لو افترضنا انه مؤمن بما قال

اقصى ما يمكن أن نحلم به او نتمناه أن يكون بين الدولتين (حسب امنياتي) علاقات مثالية مبنية على المصالح المشتركة والحماية

ودعوة جورج اموم هي مثل دعوة الاتحاد مع مصر التي يطربنا به بعض السودانيين .


تحياتي

حأصوت للوحدة..

الجِنيد ود حمد
كيف حالك؟ علك طَيِب

Quote: اقصى ما يمكن أن نحلم به او نتمناه أن يكون بين الدولتين (حسب امنياتي) علاقات مثالية مبنية على المصالح المشتركة والحماية

حلم مشروع وود ناس.. بس تقول شنو يا خوي يا الجنيد

دولة جنوب السودان.. دولة تُعادي (جدًا) الشعب السوداني

A.Razek Althalib

Quote: حأصوت للوحدة..

في نسبة 2% من الجنوبيين صوتو للوحدة و98% صوتو للإنفِصال.. الوضع برضو في الشمال حيكون 98% لِـ"ما دايرين" مع الجنوبيين وحدة و2% دايرين وإنت منهم، ده زاتو بوري إنو التصويت ما مخجوج والشفافِية متوفِرة وكِده.. ياريت تورينا سببك شنو الحيخليك تصَوِت للوحدة

لماذا صوتو للانفصال؟

adil amin

Quote: لماذا صوتو للانفصال؟

قالوا نحنا مِن الإستقلال بنقول ليهُم يا عَبيد وظالمُنهُم.. أها البترول لامِن ظهر بِحُر مال الشِمال، قالو: [لا عاش من يجمعنا]، شالو تلت السودان و75% من البترول وبعد كمين شهر كبسيبتُمْ قامت برااااهُم سوا سوا.. وشي تمرُد.. وشي إحتلال أراضي السودان.. وشي إغتِيالات.. وشي دعم لإرهاب.. وشي يا زول وشِوَيات..

أها يا المُحلِل السِياسي (حسب الكاتبو إنت براااك في بروفايلك) إنت قولك شنو؟! مع مُلاحظة ماف أي فهم شِمالي إتغَير بِشأن الجنوبي ياهو ظااااطو الفهم الصَوت بيهو 98% منهم لِلإنفِصال

وبعدين نحنا بتكلم هِنا في أُمْنيات جنوبي مسؤول (جورج أموم) بالوحدة، ما تخرِم لينا، عاوِز تخرِم تسوي عمود عن [أسباب إنفِصال جنوب السودان] والله أحدِث ليك بكري

ــــــــــــــــــــــــــــــــــــــ
باقان أموم: إرتحنا مِن وَسَخ الخرطوم



أللهُم شماته..

قفلو فوق.. قفلو فوق.. قفلو فوق

Quote: قالوا نحنا مِن الإستقلال بنقول ليهُم يا عَبيد وظالمُنهُم

ونقول ليهم عبيد ليه؟؟

طيب اذا هم عبيد
نحن شنو؟؟!!

ترا الناس كلهم عبيد لرب العالمين يا عادل أمين وعزّام.
عليهم يسهل وعلينا يمهل.
باقان يشرِّط وأخوه يخيط ... خلوها كدا نحن مرتاحين في دولتنا وهم مرتاحين في دولتهم وليكن حسن الجوار والعلاقات الطيبة والفائدة المشتركة.
تحياتي

كبـّاشي الصـّـافي
(العوج راي والعديل راي) .

adil amin

ياخ إنت زول ما عِنْدك مَوْضوع وراسك فاضي وبتقرا بإضْنينك وأنا ما عندي ليك روح أشرح المشروح.. معليش ما حأقدر أواصِل معاك في الدويتو العاوِز تعملو معاي ده (سؤال جواب بعدو سؤال جواب بعدو سؤال جواب.. وليلك كلو سؤال)

تسأل نجاوِب.. نسألك تعمِل رايِح وتقوم -كمان- تسأل تاني هههههه إنت عَبيط ولا بِتِسْتعبط

cantona_1

Quote: ترا الناس كلهم عبيد لرب العالمين يا عادل أمين وعزّام.

بِالحيل..

Quote: قالوا نحنا مِن الإستقلال بنقول ليهُم يا عَبيد وظالمُنهُم

قالوا راجعا لِلجنوبيين

Quote: ترا الناس كلهم عبيد لرب العالمين يا عادل أمين وعزّام. عليهم يسهل وعلينا يمهل. باقان يشرِّط وأخوه يخيط ... خلوها كدا نحن مرتاحين في دولتنا وهم مرتاحين في دولتهم وليكن حسن الجوار والعلاقات الطيبة والفائدة المشتركة. تحياتي كبـّاشي الصـّـافي

وعي اللادولة الاخواني هو الذى يجعل البعض يتوهم الجنوبيين ديل ما سودانيين وعاجز عن تعريف نفسو كسوداني حتى الان
لمن الناس كلها عبيد الله
عوض دكام ليه قال ديل ما خلو حتى خادم الحرمين الشرفين ؟؟ وليه حروب الابادة التي قضت على 2 مليون سوداني مستمرة
والله يا كباشي
لا نحن مرتاحين في دولتنا
ولا هم مرتاحين في دولتم
الا اذا كنا بنتوهم ذلك
السودان ده بقى جحيم عديل
وصدق الدوش
لمن قال
لا صحينا عاجبنا الصباح..لا نمنا غتانا العشم
والناس لحدي هسة قا يلين مشكلة السودان كانت في الجنوب ؟؟؟
حتى بعد انفصال الجنوب
برضه ..مصرين ان مشكلة السودان في الجنوب

Quote: ترا الناس كلهم عبيد لرب العالمين يا عادل أمين وعزّام. عليهم يسهل وعلينا يمهل. باقان يشرِّط وأخوه يخيط ... خلوها كدا نحن مرتاحين في دولتنا وهم مرتاحين في دولتهم وليكن حسن الجوار والعلاقات الطيبة والفائدة المشتركة. تحياتي كبـّاشي الصـّـافي

وعي اللادولة الاخواني هو الذى يجعل البعض يتوهم الجنوبيين ديل ما سودانيين وعاجز عن تعريف نفسو كسوداني حتى الان
لمن الناس كلها عبيد الله
عوض دكام ليه قال ديل ما خلو حتى خادم الحرمين الشرفين ؟؟ وليه حروب الابادة التي قضت على 2 مليون سوداني مستمرة
والله يا كباشي
لا نحن مرتاحين في دولتنا
ولا هم مرتاحين في دولتم
الا اذا كنا بنتوهم ذلك
السودان ده بقى جحيم عديل
وصدق الدوش
لمن قال
لا صحينا عاجبنا الصباح..لا نمنا غتانا العشم
والناس لحدي هسة قا يلين مشكلة السودان كانت في الجنوب ؟؟؟
حتى بعد انفصال الجنوب
برضه ..مصرين ان مشكلة السودان في الجنوب

Quote: اللادولة الاخواني

ولد ده

بِالله دي كِتابة زول بيكتِب قِصة ورواية ومُحلِل سِياسي (الصِفات حسب ما جاء في ملفه)

إنت عارِف يا adil amin كُنت ناوي أفتِش عن قِصصك ورواياتك وتحليلك السِياسي، لأني بحِب أقرأ القِصص والروايات وكِده، لكِن قُلت يا ود يا عزام ما تمرِض روحك ساي.. يا adil amin خليك عادِل ياخ، وزِع تواجدك في أعمِدة الأعضاء بِالعدل ياخ، أنا إكْتفيت، ياخ ظُلم الجميع عدل.. أسمع في عمود لبدرالدين الأمير أمشي عليهو والله عمود زي العجب، أمشي طِل عليهو ومُر على هارون دِياب عندو عمود سُكر بس، يعني إتْوزع جاي وجاي ما تتصَلط علي براي ما تكون برايه ياخ هههههه راسك فاضي أعمِل ليك شنو يعني؟!

مُداخلة بِهامِش العمود -أدناه-

كتب Abdelaziz Bior

Quote: الاخ العزيز حسن فرح ليمكن للعاقل ان يتصور ان النتيجه الحقيقيه لانفصال الجنوب كان 98 في المايه لانه لو اخذت عدد الجنوبين الذين لم يصوتوا اصلا لنقصت هذه النسبه الي 70 في الميه ولكن لا تنسي كميه الجنوبين الكانوا في الغابه اثناء وقد يفوق هذا العدد ال 20 في الميه كل هذا غير الذين كانوا في الاحراش ولا يمكن ان يصلوا الي اماكن الاختراع فالاستفتاء كان مزور من قبل راس الحيه فاقان واخوه جورج هذا لكي يتاثروا بحكم الدوله الجديدة وينهبوا لمنفعة اسرهم ومعارفهم وعندما اختلفوا في القسمة سعوا الي تدميرها كما يفعلها الان الانفصالي الاكبر رياك مشار بحجه عدم اعطاءه فرصه لحكم هذه الدوله المستحدث فقضي علي الاخضر واليابس من الممتلكات والبشر الابرياء ناسيا انه كان في الحكم فعليا لمده ثمانيه سنوات عجاف حصل فيها فساد لا مثيل له في اي دوله حديثه انفصلت بحجه التظلم من الشمال السوداني اشهد الله ان ما فعله السياسين الجنوبين في اهلنا الجنوبين في فترة سنتين فقط يفوق الف مره مم يزعمون حصل بفعل الشمال كل هذا ليس لشئ بل للاتيثار بكراسي السلطة والعيش الناعم في هذه الدنيا الفانيه

ـــــــــــــــــــــــــــــــــــــــــــــ
Abdelaziz Bior
كيف حالك؟ علك طَيِب..

كلامك فوقو منطِق والواحِد ما بقدر يِكابِر ويِغالط فوقو.. المنطِق ده ياخ ما سمِح وود ناس.. بس السمعتو إنو مركز كارتر وصل حتى للجنوبيين الكانو منتشرين في الغابات.. بس كلامك برضو حقو الواحِد يِفكِر فيهو كويس، أنا أول مره أسمع زي كلامك ده، كلام مرتب ومنطقي.. بس الأحداث الحصلت بعد الإنفِصال (فرحه الخلق الكانت موجودة في خِطاب سلفاكير بعد الإنفِصال) والبتحصل هسع دي مِن دعم وإيواء حركات غرب السودان المُسلحة البتسْتنزف السودان، وإصرار الحزب الحاكم لدولة جنوب السودان على تهديد السودان عبر مُسماه [الحركة الشعبِية لِتحرير السودان] ده بخليني أعتمِد النسبة المئوية الصَوتت للإنفِصال أو خلينا نقول الـ70% الإنت قلت بيها، ودي برضو ما نسبة هينه أبدًا..

إحْتِراماتي

تحياتى اخى عزام
افة هذا المليون ميل مربع هو المؤتمر الوطنى والحركة الشعبية متى ماراحت هذه الافة ستعود لهذا الوطن عافيتة وسماحتة ..

Quote: ولد ده بِالله دي كِتابة زول بيكتِب قِصة ورواية ومُحلِل سِياسي (الصِفات حسب ما جاء في ملفه) إنت عارِف يا adil amin كُنت ناوي أفتِش عن قِصصك ورواياتك وتحليلك السِياسي، لأني بحِب أقرأ القِصص والروايات وكِده، لكِن قُلت يا ود يا عزام ما تمرِض روحك ساي.. يا adil amin خليك عادِل ياخ، وزِع تواجدك في أعمِدة الأعضاء بِالعدل ياخ، أنا إكْتفيت، ياخ ظُلم الجميع عدل.. أسمع في عمود لبدرالدين الأمير أمشي عليهو والله عمود زي العجب، أمشي طِل عليهو ومُر على هارون دِياب عندو عمود سُكر بس، يعني إتْوزع جاي وجاي ما تتصَلط علي براي ما تكون برايه ياخ هههههه راسك فاضي أعمِل ليك شنو يعني؟!

انت حر وعندك طايوق ... لكل بضاعة شراي وسوق
بالله ما تنسى تسلم عليهم
وعلى عبدالاله
ولو كنت بتقرا ...فعلا
ده ما كان وعيك....
السودان في مخيلة...عزام حسن فرح
والله نموذج حي للازمة السودانية

Quote: ونقول ليهم عبيد ليه؟؟ طيب اذا هم عبيد نحن شنو؟؟!!

بالله لو هم عبيد ...

نحن شنو ؟؟

عزّام أخوي سلام
عليك الله كان عارف فهمني معاك..
المحيرني نحن مشاكلنا متلتلة وما عارفين راسنا من رجلينا.. نحلها في جبال النوبة تتعقد في النيل الأزرق .. نخيطها في الشرق تنشرط في دار فور.
إستفتاء الجنوبين سووه براهم ومعاهم كارتر وهلم جرا .. يطلع مزوّر .. مطبوخ .. مفبرك .. مخجوج نحن دخلنا شنو؟
ولا أظن بقت علينا حكاية المثل البقول: (غلبها بني بيتها قعدت تطارد الك لا ب) دا من البيئة. ويعادله عندكم: (غلبها راجل مشت تأدِّب حماها).
تحياتي

كبـّاشي الصـّـافي
(العوج راي والعديل راي) .

Sulaiman Adam
كيف حالك؟ علك طَيِب

Quote: افة هذا المليون ميل مربع هو المؤتمر الوطنى والحركة الشعبية متى ماراحت هذه الافة ستعود لهذا الوطن عافيتة وسماحتة

ده نفس الكلام القالوهو جُدودنا وأبْواتنا في زمن الإمام المهدي وزمن التعايشي وزمن عبود وزمن نميري وزمن الأحزاب وهسع إنت بتقولو.. الوطن البِقت فوقو ما بتمرُق منو ياخوي ليوم يبعثون، علشان كِده أنا بقول -ومعاي كُتار- بِإن دارفور دي -على الأقل- تنفصِل (نيفاشا2) وأي شعب أصيل* يِقرِر مصيرو (وحدة/إنْفِصال)





ــــــــــــــــــــــــ
* أصيل = موجود في الـ2000 سنة الفاتِن، غير كِده معناهو يا وافِد يا نازِح يا جابو العشا. وورد تعريف للسُكان الأصليين في العقد الدولي وفي إتفاقِية نيفاشا

لهم وطنهم
ولنا وطننا
بيننا حدود مشتركة مثلهم مثل أي دولة أخرى مجاورة (مصر، تشاد، أفريقيا الوسطى وخلافه)
التعامل يكون حسب الأصول والممارسات المتعارف عليها دولياً
الحدود عليها نقاط مراقبة وتفتيش وجمارك....الخ
الدخول بتأشيرات محددة وبموجب الجوازات (وليس البطاقات)
السودانيون أجانب في جنوب السودان والجنوب سودانيين أجانب عندنا
وإذا فتحنا باب خصوصية العلاقات فيجب أيضاً أن تنطبق هذه الخصوصية على المصريين والتشاديين والأرتريين والليبيين وغيرهم
المسألة مسألة مصالح مشتركة فقط
انتهى الماضي بما انتهى إليه
تبقى الوحدة مجرد أضغاث أحلام
وكل إناءِ بما فيه ينضح
وشكراً

إسماعيل ببو

Quote: لهم وطنهم ولنا وطننا بيننا حدود مشتركة مثلهم مثل أي دولة أخرى مجاورة (مصر، تشاد، أفريقيا الوسطى وخلافه) التعامل يكون حسب الأصول والممارسات المتعارف عليها دولياً الحدود عليها نقاط مراقبة وتفتيش وجمارك....الخ الدخول بتأشيرات محددة وبموجب الجوازات (وليس البطاقات) السودانيون أجانب في جنوب السودان والجنوب سودانيين أجانب عندنا وإذا فتحنا باب خصوصية العلاقات فيجب أيضاً أن تنطبق هذه الخصوصية على المصريين والتشاديين والأرتريين والليبيين وغيرهم المسألة مسألة مصالح مشتركة فقط انتهى الماضي بما انتهى إليه تبقى الوحدة مجرد أضغاث أحلام وكل إناءِ بما فيه ينضح وشكراً

لا أكْتر ولا أقل