Post: #1
Title: عوقتنا يا البشير
Author: عباس الدسيس
Date: 03-11-2014, 02:05 PM
مدمن حبوب مخدره دخل صيديله
لقي في الكاونتر الصيدليه واقفه طلب منها تديهو الحبوب البتظبط ليهو المزاج
الصيلية رفضت وقالت ليهو بدون روشته مستحيل اديك ليها
الراجل حاول معاها بالتي هي احسن برضو هي رفضت بدون روشته لا يتم صرف هذا النوع من الدواء
الراجل لما خلاس قنع وعرف الموضوع مطرشق طلع من جيبو حقنه ملانه بنزين وركبها للصيديله في رقبتها...
الصيليه نطت الكاونتر وجرت علي الشارع تكورك ماسكه رقبتها ... والناس تعاين ليها بدون خجله مافي زول اتقدم لنجدتها حتي وصلت اخر شارع الظلط والناس تعاين فجأة وقفت !!!!
الناس استغربت وقالت ليها ... ليه وقفتي ؟؟؟؟
قالت ليهم البنزين خلص
الصيليه ..... الحكومه
والمدمن ..... احنا المغتربين
وشارع الظلط.... السودان
تصدقو صدر قرار للبنوك هنا بعدم تمويل السودانيين سألنا ليه السودانيين قالو تمويل السوداني يعتبر High Risk
كنا بعد كل سنتين او ثلاثة تشيل ليك تمويل علي الراتب 200 او 300 الف ريال تمشي تعمل بيهو حاجة في السودان لو الظروف رجعتك وطردوك من هنا اكون عندك ركازه بقينا مدمنيين سلف ...الحل تاني شنو ؟؟؟
رجعته الضرائب ندفع ليك من وين تاني ؟؟؟
قالو ليك مشاكل الخليج ما عندك بيها شغله خليك مع سد النهضة وابيي وحلائب والوثبه بتاعك الكبري الظاهر وثبتك نطط لينا بي هنا ... لكن ما كسرته كرعينا يا عمك
ياخ انت لايوق لياقه بقت عليك حكاية الزول داك ((لا تنشبك فيهو لا انشبك فيك)) طيب هنا ما قاعدين ادو جنسيه زي ناس اوربا وقدر ما نقول بعدنا منك تلحقنا بي جلافتك خاف الله فينا
غايتو خليتنا نتفرج بي هبالة علي البتسوي فينا زي البنشاهد لينا في فلم ولما اضربو فيهو واحد واموت
نخلي الفلم كلو نقعد نعاين ليهو بتنفس و ل برمش عيونو
ولو رمش عيونو و ل اتنفس نقول ... أه ه ده كضاب
يا عمك ما كسرته جنحينا ... أها المرة الجاية جديدك شنو !!!!!
|
Post: #2
Title: Re: عوقتنا يا البشير
Author: عبدالله ود البوش
Date: 03-11-2014, 02:18 PM
Parent: #1
Quote: كنا بعد كل سنتين او ثلاثة تشيل ليك تمويل علي الراتب 200 او 300 الف ريال تمشي تعمل بيهو حاجة في السودان
لو الظروف رجعتك وطردوك من هنا اكون عندك ركازه بقينا مدمنيين سلف ...الحل تاني شنو ؟؟؟ |
الا بعد وقفوها حتين وريتونا ليها
اسع نعمل بيها شنو؟
.
.
كنت مستغرب وين مختفي
خلاص اسع عرفت السبب ههههههههههههههههه
نتوقع بوستات مفلسة جدا
.
.
ياخي شوق شين
|
Post: #3
Title: Re: عوقتنا يا البشير
Author: السيد أحمد إبراهيم
Date: 03-11-2014, 02:25 PM
Parent: #2
ياود البوش ..
الدسيس ده ما تبراهو ( بعوقك )
القصة ما قصة قروش القصة قصة
الزول العوقنا وعولقنا
|
Post: #5
Title: Re: عوقتنا يا البشير
Author: السيد أحمد إبراهيم
Date: 03-11-2014, 02:28 PM
Parent: #4
Quote: التشكيل مهم جدا
عُوقَتْنَنا
مش قاصد كدا ؟ |
ما بحلك ههههههههههههههههههههه
|
Post: #8
Title: Re: عوقتنا يا البشير
Author: عبدالله ود البوش
Date: 03-11-2014, 02:41 PM
Parent: #5
| Quote: ما بحلك ههههههههههههههههههههه |
ولا شغال بي الشغلة يا ابوالسيد
بقى سياسي كبير ونسى قصص الجكس والزير
|
Post: #6
Title: Re: عوقتنا يا البشير
Author: عباس الدسيس
Date: 03-11-2014, 02:31 PM
Parent: #1
الصراحــــــــــــــــــــــه
لو زول اتسبب في ضررك اول مرة ابقي حقير وما عندو زمة
لول تاني مرة برضو كررها ابقي أحقر وما عندو انسانية
او لو عملها ثالث مرة
تبقي انت ملطشة !!!!
الما شالوهو الصالح العام بتاع الانقاذ فرص العيش بقت ضيقه عليهو
والاغترب وشرد من البلد ما ريحتوهو من ادفع ادفع حتي القناة الفضائية الما فيها حاجة لسع الناس بتدفع ما باقي ليكم الي تدفعونا لي قناة قوون
البنوك اوقفو التحويلات قلنا كويس .... تاري الموضوع ماشي عندو توابع لما وصلنا السلف ... وانت عامل اضان الحامل طرشا تشيل وتصرح وتنبذ ..... كرهتنا ... بي طريقتك دي لو مشينا زحل تحصلنا.
|
Post: #7
Title: Re: عوقتنا يا البشير
Author: عباس الدسيس
Date: 03-11-2014, 02:40 PM
Parent: #6
Quote: الا بعد وقفوها حتين وريتونا ليها
اسع نعمل بيها شنو؟
.
.
كنت مستغرب وين مختفي
خلاص اسع عرفت السبب ههههههههههههههههه
نتوقع بوستات مفلسة جدا
.
.
ياخي شوق شين |
ود البوش يا حبيبنا سلام وتحية
والله شوقنا مطر ،،،،
مختفي في الكوارث البتجيك وانت نايم تقوم تلاقاها مع الصباح
السلفية القديمة بتاعتي قربت تكمل قلته اشوف ايو بنك ممكن شروطو احسن والفوائد اقل لقيتا مقفله القرار طلع امس
كمان في قرار جديد ايو زول شايل عربية بالاقساط ممنوع انزل بيها السودان
وعمك المشوطن لو ما وقف في حدو الغريق لي قدام ... شوفو لينا بصاراه مع الزول ده
يا خوي شايفك رحلت حي العمل جمبي ورينا بي وين عشان نكابسك
تحياتي وتقديري
|
Post: #9
Title: Re: عوقتنا يا البشير
Author: عبدالله ود البوش
Date: 03-11-2014, 02:53 PM
Parent: #7
| Quote: السلفية القديمة بتاعتي قربت تكمل قلته اشوف ايو بنك ممكن شروطو احسن والفوائد اقل لقيتا مقفله القرار طلع امس |
البنك ما مضمون امكن اجيبلوا سجون والفاك بالقانون
.
.
اسمع نصيحتي واختا البنوك دي
واتا بنكرجي وانا بنكرجي وبنعرف رطانة بعض
.
.
| Quote: يا خوي شايفك رحلت حي العمل جمبي |
كل يوم اكتشف بوردابي في حي العمل اصلوا دا حي ول ويب سايت
سوي لي تغريدة جنب ايقونة بافقيه اجيك ترسي
|
Post: #12
Title: Re: عوقتنا يا البشير
Author: Asim Fageary
Date: 03-11-2014, 03:02 PM
Parent: #9
بكلامك دا يا عبس معناها الفيزا والماستر (الكرديت كارد) برضو حيوقفوها مننا ؟
|
Post: #11
Title: Re: عوقتنا يا البشير
Author: عباس الدسيس
Date: 03-11-2014, 02:57 PM
Parent: #6
Quote: ياود البوش ..
الدسيس ده ما تبراهو ( بعوقك )
القصة ما قصة قروش القصة قصة
الزول العوقنا وعولقنا |
ابو مناهل يا وجيه سلام وتحية
اخبارك والاسرة الكريمة
ياخ ده عوقنا ساكت شغال معانا بي نظرية المدرب البقول للاعبين اي زول حريف كسروهو وجيبوهو لي بي هنا بره معاي في كنبة الاحتياطي
قالو حلف ارجع الناس تاني عشان اتلذذ بي عذابهم ((عذبني وتفنن في عذابي))
اخر الاخبار قالو الناس بقت تموت في السودان كثير وكل ما امشو احفرو قبر في محل فاضية اكون فيهو قبر قديم
اقترحو لي والي الخرطوم اعمل مقابر جديدة عشان الوفيات بقت كثيرة
الوالي قال ليهم انتو كذابين واحنا محتاجين للاراضي والحي ابقي من الميت واخر مرة انا مشيت فيها المقابر كانت مع البشير ((طبعا البشير مجامل في حكاية الموت كل ما مات واحد من المشاهير تلقي خاتف عمتو))
اها قال ليهم لما كان معانا البشير الجماعه حفرو لقينا الواطه فاضية وكمان في ناس جو معاهم ميت اول محل حفرو فيها ودفنو لا زحمه لا يحزنون
الجماعه قالو ليهو بالغته يا والي الخرطوم الميتين من اعرفو البشير جاي بضايرو وكمان في ناس شردو
|
Post: #10
Title: Re: عوقتنا يا البشير
Author: cantona_1
Date: 03-11-2014, 02:56 PM
Parent: #1
يا عباس القروض القديمة سددتوها؟
كان ما سددتوها قول للبنك يا يعطيك قرض تكميلي أو تعلن تفليسة وتدفع ليهم بالقيراط.
إنتو لسع شفتوا حاجة... الغريق قدّام.
حيمنعوا الطيارات تطير للخرتوم .. ويمنعوا البواخر تمخر عباب بحر القلزم لبورتسودان.. يعني لازم تسافر كداري وتقطع البحر عوم... طبعاً لو بقيت من ناس الغرب متلي كي .. بتخاف من الفولة ما عندك طريقة إلا تموت في المملكة أو الخليج.
الله يهوِّن عليكم.
تحياتي
كبـّاشي الصـّـافي
.
|
Post: #13
Title: Re: عوقتنا يا البشير
Author: عباس الدسيس
Date: 03-11-2014, 03:04 PM
Parent: #10
Quote: ولا شغال بي الشغلة يا ابوالسيد
بقى سياسي كبير ونسى قصص الجكس والزير |
ود البوش الموضوع دخل اللحم الحي وبقي في المعايش تاني فضل فيها جكس
غايتو احنا احسن حالا ناس ود الباوقه لي قدام الي نجيرو ونسندو مع الشغل الحاصل والشوت الضفاري من بشة
|
Post: #14
Title: Re: عوقتنا يا البشير
Author: عباس الدسيس
Date: 03-11-2014, 03:06 PM
Parent: #10
مكرر
|
Post: #15
Title: Re: عوقتنا يا البشير
Author: عباس الدسيس
Date: 03-11-2014, 03:09 PM
Parent: #10
مكرر
|
Post: #16
Title: Re: عوقتنا يا البشير
Author: Mohammed Ahmed Saeed
Date: 03-11-2014, 03:17 PM
Parent: #15
عباس
تحياتى
كلامكم دا ماعارف جبتو من وين لانو اليوم فقط معانا زملاء سودانيين اخدوا سلف بمبالغ تتراوح من ال50 الى ال 200 الف ريال من احد البنوك وبى تكلفة 1.75%
وافتكر مافى اى مخاطر لكل الناس المعمرة فى بعض الشركات وخصوصا الضمانات التى يعتمد عليها البنك هى نهاية الخدمة ومعظم الناس معمرة فى الشركات وحقوقها ضعف المبالغ دى . وانصح كل الاخوة بان ياخدوا هذة السلفيات لانو لو حصل اى شئ على الاقل يكونوا اخدو جزء من نهاية خدمتهم بدل تضيع عليهم ( حلال حرام دى ) يشاوروا نفسهم فيها.
|
Post: #17
Title: Re: عوقتنا يا البشير
Author: عباس الدسيس
Date: 03-11-2014, 03:18 PM
Parent: #10
Quote: يا عباس القروض القديمة سددتوها؟
كان ما سددتوها قول للبنك يا يعطيك قرض تكميلي أو تعلن تفليسة وتدفع ليهم بالقيراط.
إنتو لسع شفتوا حاجة... الغريق قدّام.
حيمنعوا الطيارات تطير للخرتوم .. ويمنعوا البواخر تمخر عباب بحر القلزم لبورتسودان.. يعني لازم تسافر كداري وتقطع البحر عوم... طبعاً لو بقيت من ناس الغرب متلي كي .. بتخاف من الفولة ما عندك طريقة إلا تموت في المملكة أو الخليج.
الله يهوِّن عليكم.
تحياتي
كبـّاشي الصـّـافي |
كباشي يا حبيبنا اخبارك
مشتاقين والله
أحسن لينا نموت هنا نرجع هناك تبقي علينا حكاية العدو امامكم والبحر خلفكم
وما دام الموت جاي احسن الموت المجيه والشبر هنا بدونا ليهو بدون اقامة ورسوم مقابر
علي الاقل لو بعدين قومتو للحساب ما تلقي الكيزان ديل ناس بتاعين سلبطه عشان تتفك منهم الشمس تحرق راسك بعيد بعيد منهم
تحياتي وتقدير
|
Post: #18
Title: Re: عوقتنا يا البشير
Author: عباس الدسيس
Date: 03-11-2014, 03:24 PM
Parent: #17
| Quote: بكلامك دا يا عبس معناها الفيزا والماستر (الكرديت كارد) برضو حيوقفوها مننا ؟ |
سلام عاصم فقير يا وجيه اخبارك
الامور لي قدام ماشة لمفاجأت تانية
غايتو لو وقفو الفيزا واطاتنا اصبحت
تحياتي وتقديري
|
Post: #19
Title: Re: عوقتنا يا البشير
Author: عباس الدسيس
Date: 03-11-2014, 03:29 PM
Parent: #17
Quote: عباس
تحياتى
كلامكم دا ماعارف جبتو من وين لانو اليوم فقط معانا زملاء سودانيين اخدوا سلف بمبالغ تتراوح من ال50 الى ال 200 الف ريال من احد البنوك وبى تكلفة 1.75%
وافتكر مافى اى مخاطر لكل الناس المعمرة فى بعض الشركات وخصوصا الضمانات التى يعتمد عليها البنك هى نهاية الخدمة ومعظم الناس معمرة فى الشركات وحقوقها ضعف المبالغ دى . وانصح كل الاخوة بان ياخدوا هذة السلفيات لانو لو حصل اى شئ على الاقل يكونوا اخدو جزء من نهاية خدمتهم بدل تضيع عليهم ( حلال حرام دى ) يشاوروا نفسهم فيها. |
محمد احمد سلام
كلامي جبتو من جوه البنوك واول بنوك طبقت القرار العندها شراكه مع بنوك اجنبيه كالبريطاني وغيرو
احتمال ناسك ديل اجراءاتهم كانت منذ فترة وتم التصديق علي السلف قبل القرار
لو ما خايف اللوم كان ختيت ليك صورة من القرار
واسال بتلقي الاجابة
تحياتي وتقديري
|
|