الي زينب الفحل(دوما) أهديك طيف وأشياء اخري.............

لا يعلم الكثيرون ان من اتي بي هنا الي هذا الحوش,هي الصديقه الانسانه ,الُلطُف الذي يمشي علي قدمين
والانسانيه التي تتقاذف وعياً وحقيقه
صديقتي الفاضله,التي كان يهتف بها ابني حين كان مازال يحبو طفلا في هذه الحياه وهو يردد :(زينب فهل)
رجعت اليوم لاقول عنها بضع كلمات تتقاصر حروفي وتنزوي في ان تصفها
او تصف بعض حبي الجميل لها
امراة نخلاً وابنوس
بفره وقهوة
وصدقا ووعيا
اهديك في يوم المرأه بعض حروفي
وقليل من تقديري
(وطيف)
روايتي التي اهديتها لك
مع ابي وامي
وزوجتي وابني
تقرأ دالين ويقرأ عثمان حروفي لك
واني علي علم تام لدرجة اليقين
انهم بفخرون بك ,فخري بك وبهم , تماما او يزيد

ولكي خالص ودي وعميق تقديري

شكرا الأخ فاروق
ألتقيتها في سودان نت في العام 1999
لها التحية والتجلة
لا أظن أن أحدا سيوفيها حقها
ربما أكتب عنها يوما ما
ــــــــــــــــــــ
الحليلة

الأخ فاروق والاخ الحليلة

سلام وشكرا

بالله يا فاروق لو لقيت عنوان او رقم البت دى مررو لى.

وقد اهديتنا لحظات جميلة برفقتك قبل يومين في معرض الرياض الدولي للكتاب
لكل كل الود وللعزيزة دوما كل التحايا

سأرسل لك التلفون في الخاص يا ابو ريش
________
الحليلة

فاروق
لك التحية
زينب الفحل إمراة من نور ونار نفتقدها كثيرا

الف تحية للغالية زينب الفحل.

,

يا سلام عليك ياخ
زينب من اجمل وانقى ناس المنبر
افتقدتها كثيرا هنا
الغريب امس تذكرتها وكانت في بالي
شكرا يا حبيب وتحية وتقدير لاختي زينب

الفاضل فاروق

كل عام و زينب و كل نساء العالم بخير.

وشكرا لك علي هذه التحيه التي تستحتقها الفاضله دوما.

ويا دوما نفتقدك يا غاليه……

وسامحينا…..مقصرين و حاتك….مشتهين و نستك…..ونعرف انه احزان الوطن تمزقك….ولكن ليت بمقدرنا ان نزف لك خبر واحد جميل.


كوني بخير

وربنا يفرحك بنجاحات الصغار

وصدقني هذا المكان يفتقدك…….لديك الكثير لتكتبينه هنا لهذه الاجيال القادمه.

لللاحباء الذين مرو ا من هنا اجمل التحايا وخالص الشكر
وللاعزاء دلو وتمبو وفاروق خالص حبي
اعذروني ان جاءت كلماتي باهته حزينه
فنفسي يثقلها الحزن العميق علي هذه الارواح التي تقتل دون وجه حق
والدماء التي يسفكها اهل الانقاذ دون ان يرمش لهم طرف

ماما الف الف حمد لله علي وجودك تانى بيينا
وحشتنا حروفك سالنا منك كثير والله
سعيدة انك بخير

تحياتى يا ملكة

مرحب بيك ياخالة دوما ... وشوق كتير والله ... نتمنى ان لا تبتعدي عنا ... المنبر يحتاجك دون شك ...

سلام يا احبتي
والله جئت لاشارككم التفاكر كما كان في ايا م خلت
لكين صدمت
ولذا ساعود من حيث اتيت.
ولكم جميعا حبي الذي لا املك غيره
وتحيه خاصه لاخي صديق الموج

مرحب وسامه بابكر شوق ليكم كتير تحياتي للعروسه

الحبييه وضاحه
واحشني انتوا كلكم والله بس مشاغل الحياه ومصائب الدهر بتمنعي عنكم

يا خرده يا خي راجع ايميلك

يا سلام يا فاروق
وعبرك التحايا للفاضلة دوما

التحية والإحترام لعزيزتنا وأختنا المحترمة دومة-
من الأقلام التي صنعت فرقا وأضافت وأغنت موائد الحوار بالموضوعية والنقاش الهادف , إنحازت لجماهير شعبها ولقضايا المراة و الإستنارة والديموقراطية والحريات العامة ,وقفت في وجه الظلم والظلام والإستبداد والظلم والموت والدمار , وفي عنفوان الصراع الفكري ظلت متمسكة بإنحيازها لإنسانيتها وضميرها وتجنبت الشخصنة و الصراعات الشخصية وظلت حريصة علي حيدتها وعلي المجاهرة بقول الحق " ظلمناها كثيرا بمحاولة جرجرتها لصراعتنا الشخصية المزمنة , وبما لها من وزن وتأثير حاولت إطراف صراعات عديدة كسبها لهذا الصف أو ذاك !
** نعم يادومة لم يعد المنبر كما كان فقد إختفت أقلام عديدة وقلل كثر من مشاركاتهم وإنحدر مستوي الحوار وضمر المثمر وطفح العقيم/ وتضخم السلبي - ولكن لازال بؤر الضوء تستطع ولازال بعضنا يشعل شموعه بدلا عن لعن الظلام, وجودك ضرورة وإضافة قوية نتمني أن تكون فاتحة لعودة أقلام أسست وبنت هذا الصرح ثم مضت بصمت...
...

تحياتي للاخ عبد الحفيظ محمداحمد
والقومه ليك يا اخ رحمه الله المصطفي ليتني اكون عند حسن ظنك بي

العزيز كمال عباس تحياتي
شكرا لهذا الاطراء ولو انني لم اقدم شئيا يذكر بل كنت وما زلت اتعلم منكم.

دوما ...من الاسماء التى طالما احترمتها لحب الناس احترامهم لها

ماما دوما عديل كده ؟
شنو المفاجأة الحلوة دي
لكـ كل التحايا و الإحترام يا أمي العزيزة

النور يتوجب عليه البقاء غير مقيدٍ
لينظفي هذا الظلام
...


كوني في الموعد أخيتي


ولكِ التحايا والاحترام


تشكرات أيها الفاروق
وعشمنا أن نحظى بالإطلاع على روايتك
فأنت أنت...

مرحبا بعودة الليدي دوما .

تحياتي دوما وأنا مدينة لك بإعتذار ..وإنشاء الله ما تكوني لسه زعلانة مني .
وتبا لحمى الأسافير ..:)

.....

وألف مبروك نشر الرواية يا فاروق .
وأتمنى لك مزيدا من الـتألق والإبداع .

بس ..أوعى من الغرور إنت كمان ..:)

سلام يا دومة
مرحب بيك الف
رجعت الى قواعدي سالمة اتمنى الاقيك مشتاقين

سلامات خالتي دومة. ليكي وحشة و الله.
ح اتصل عليك قريب، ان شاء الله.

اسمارتينا ما اظن عندك خبر اني رحلت من بكين
سارسله لك في الداخل واتمني اسمعك
حبي الاكيد يا لطيفه
اسمارتينا فشلت ارسل ليك مسج داخليه بالنمره بتاعتي

حمدا لله علي سلامه عودتك يا نجاه
ومرحب بيك في رابطه الحبوبات الفاتنات
تحياتي لجميع افراد الاسره
وللبنوته الحلوه حبي الاكيد

اهلا بيك يا امونه
يا حبيبه لم يصدر منك ما يستوجب الاعتذار
تخيلي ما حصل زعلت منك
نقاشاتنا عاديه جداواختلاف الاراء شئ طبيعي وصحي

التحية للاستاذة الفاضلة دوما.

خردة دومة
مشتاقون...

يا خرده من غير ورده ورد واين وعلبه برنجي اولاد ماما ما برضو منك

العزيززكريا جوزيف شاكره طلتك البهيه
قلبي مع اهل الجنوب فقد كابدوا الحروب وويلاتها زمنا طويلا
اتمني ان يتفق الساسه لاجلهم

بس ..أوعى من الغرور إنت كمان ..:)

غرور اكتر من كدي زول يفتح بوست ويعمل رايح

سلام زينب...

رجعت لنا العافية...

العزيزه نور
تحياتي يا شقيقه الهم
تسلمي من كل شر

يا الله يا بله كم اوجعني وهزني ذاك النور الذي انطفأ باكرا
لك واسع الرحمه يا محمد زين الشفيع
ولك مني اطيب السلام في مستقرك حيث النور الابدي

ابني الجميل خالد يعلم الله افتقدكم اكثر
حبي للصغار وامهم

شكرا ملهم كردفاني
احترامي لك وحبي للاموره الفي بروفايلك
صدقني ليس لدي ما اقدمه للناس غير حبي الغير مشروط

الاخ العزيز خالد والله مشتاقين
تحياتي لرقيه والخواجات

دينق يا صديق شكرا لطلتك
قلبي يتمزق لماحدث ويحدث في الجنوب

شنو…..يا دوما…..فاتحه لينا ولا العتب علي النظر

يا شابه كتبنا لك مداخله طويله عريضه فوق و فاطنا؟!

استني لي هو فاروق لوحده العامل رايح؟!



مشتاقين ومنوره.

تراجي يا حبييه النظر من ناحيه تعبان تعبان وحاتك
انت ما الكل في الكل واتابعك من وقت لاخر يا صفيه النفس

بدر التمام تحياتي ليك ولنجمه وحاجه الحرم وكل افراد الاسره الكريمه

تومي العزيز والله شوق كتير
ليك ولكل الاسره
وتلفوني يصلك من غير تاخير

ابني الغالي زين العابدين شكرا ليك ويسعدني سماع صوتك طالما التلفون معاك
لا انسي انك اول من علمتني كيف اجد الحروف علي لوحتي الانجليزيه

وختاما تحايا عطره للاحباء عماد خليفه وشقدي
كونوا دوما كما انتم يا اهل سودانيز
فالبحب وحده يحيا الانسان

دستور بادب يا ولاد مامه

ايوه دا الكلام يا خرده
الباقي الرد واين اوعك تلونه بلو

ههها ليت الشباب يعود يوما هذه الصوره مرت عليها عشرون عام بالتمام والكمال

اشواق و الله. و ليك وحشة كبيرة، افتقدناك كتير عزيزتنا دوما بت الشمس. جيدن جيتي، ما تغيبي طويل كده الله يرضى عليك.

أنا رحبت بيكى فى الصحفـة الأولى..

يللا.. قولى لى وين الحى بيك ومشتاقين وعامل كيف..

هههها
وتيب تومي العزيز دا منو يا سمح يا زين ؟؟ والتلفون رسلتو ليك

Quote: وللاعزاء دلو وتمبو وفاروق خالص حبي اعذروني ان جاءت كلماتي باهته حزينه فنفسي يثقلها الحزن العميق علي هذه الارواح التي تقتل دون وجه حق والدماء التي يسفكها اهل الانقاذ دون ان يرمش لهم طرف

لكي التحية والتجلة
الأخت الفاضلة doma ومليون مراحب بعودتك يا ناصرة الغلابة والمظلومين.
شكرآ الأخ

فاروق عثمان

الانسان الجميل محمد نور ه عودو مرحب بيك
لكم تؤلمني سلبيتي وقله حيلتي في ان ادفع الظلم عن اهلنا الطيبين في كل ارجاء الوطن
فهذا النظام الوحشي ما زال يجثم فوق الصدور ويرقص علي الاشلاء

لووووووووووووووول والله لي زمن ماضحكت متل اللحظه دي
يا كرمبا

الابن الغالي ابوبكر صالح
يعلم الله ما غبتوا عن الخاطر
لكن مشاكل نظري تبعدني عن الكتابه
مبروكه البنوته وليكم حبي الاكيد

الأخت الأستاذه دومه ربنا يديك طولة العمر وفى الدنيا يوم ما يعذبك
ولك ولفاروق السلام

الي جميع من مر هنا
شاكر لكم جدا
فائق تقديري
وعميق مودتي
_____________________

دومه اها جبناك تاني
بس لقينا جماهرتك ألف
هههههههههههه
شقدي الصور دي صورتني ليها متين انت
يا امنه مختار مشتاقين ياخ
ياخ غرور شنو بس مكابسين في الدنيا ام قدود دي
انت كيفك
عمده يا حبيب كيفك ومشتاقين

رحمة الله المصطفى
الكبرياء والشموخ ، النقاء ، الأدب الهدوء ، الرقي ، الصرامة ، السودان ، النيل ، الضيفان ، اللمه ، سلام الحسبان والأهل ال بمحنه ، كل المفردات دي بتجي في راسي لما تجئ سيرة زينب فحل (دومه )
الاخ الكريم رحمه الله المصطفي كل هذه المعاني الجميله تحدث عن اي الرجال انت لله درك يا اخي
و حبابك الف يا زين ولك مني سلام المحنه
يحرقني الشوق للضيفان وسلام الاهل والحبان ال بمحنه في هذه البلاد التي لا يطرق بابي فيها الا ساعي البريد علي عجل
السودان اواه من حبي له اواه
و يا وجع قلبي وحزني علي اهله الطيبين
ليته كان بيدي ليته
لما روع بهم
لما تشردوا
لما قتلوا
لما سلبت حقوقهم نهارا جهارا ..
لهم الله لهم الله .

العزيز منصور المفتاح طلتك علينا تسعد الروح
طوله العمر وحاتك ما بدورها
كفاني منها ام بنايا قش
بدور كمان امش للدايمه
وعشمانه في كرمه الما محدود
اعفوا مني كلكم يا الحبان ما معروف متين المنادي ينادي ما امش بخاطر زول
واظن اخوي ود الموج زعلان مني
النبي عليكم تحدثوه واساله العفو عني لوجه الله تعالي
يشهد الله ما كان هو سبب تركي للبورد ولا حصل زول غلط علي
الا عيوني كعبات ضغطهن مرتفع شديد
وعيني اليمين عصبها البصري اتاثر
عشان كدي فارقت الكتابه والقرايه

Quote: واظن اخوي ود الموج زعلان مني النبي عليكم تحدثوه واساله العفو عني لوجه الله تعالي يشهد الله ما كان هو سبب تركي للبورد ولا حصل زول غلط علي الا عيوني كعبات ضغطهن مرتفع شديد وعيني اليمين عصبها البصري اتاثر عشان كدي فارقت الكتابه والقرايه

زناب زناب زناب يا الله فوقها الزينه سلام بطول النيل والشوق من هنا لا عندك..
بت الفحل والذى جمعنا مصادفة هنا لم اكن ادرى بعودتك الميمونة الى هنا
و الله انا الذى اتشرف بلعق حذائك العالى فانت انسانة لم ارى منك الا الخير و
تعلمين مودتى التى اكن لك ، واشهد لك ان اختلفنا فبشرف ولطف وان اتفقنا
فذلك الفضل من الله، ولابد ان اشكر الاخ محمد على شقدى ان لفت نظرى
فى متاهات الزمن الكركى الضار هذا الى مداخلتك والسؤال عنى، فيا بت القبائل
انا الذى يتسول ويتوسل عفوك ورضاءك متمنياً ان تعفو منى لله والرسول ..
وطالبك بالقطاعه ما تبخلى علينا بجزء من باقى النظر، ومادام المخرف كوستاوى
طمنا عليك و جاب لينا صورتك ماكلة و (شاربه) والخندريس حافيك لوووووول
معناها بخير ودام الود،،،

ود الموج يا خي دي فنجره ما ليها مثيل
خجلتني بسماح نفسك وعفوك عني
حاشا وكلا ان تلعق حذائي
فقدرك عندي كبير ومقامك عالي
انت لا تتسول ولا تتوسل عفوي
بل انا التي تلثم هامتك لتعفووتصفح عني
تسلم يا مقنع قفاي وتوب غتاي من كل اذى
وربنا يديم المحبه والاخاء والمعروف بيننا
عميق شكري لللابن العزيز شقدي لتبليغك وصيتي
هههههها شفت الخندريس الجابو الخرده
وحاتك ما تذوقته لكين يعجبني اللون القرمزي

تحية لصديقتي الجميلة دوما ،
هي زولة ، كما قال شيخنا ازهري شرشاب:
( نخلة تبقى ،
بالداخل لا تصدأ)..
حكاوي صغيرة ، تعبرنا يا صديقة ، و نحن نبحث عن من نحكي له.. الحكي السمح ، و الونسة..و تقاسم الإنسانية الفارهة..


هذه صورة قد لا تعني للجميع هنا حاجة..و لكن اتمنى ان تعجبك يا دوما..
الآنسة شروق.. أي و الله يا دوما شروق ..في زيارة لمدينة الدلنج..و استاذنا و شيخنا و صديقنا النبيل عبد الرحمن بليا يقلدها اكليل الورد استقبالا و فرحا بهذه الكائنة الأيقونة..لحظة تمنيت ان تكوني فيها.. فانت اول من وضع اكليل الفرح و البشارة على جيدها و هي تخطو خطوة الحضور الآول في هذا الوجود..!!
دمتي طيبة ..و حنينة..و انيقة الدهشة و الإنسانية..
كبر

كتب ود الموج

Quote: ود الموج يا خي دي فنجره ما ليها مثيل خجلتني بسماح نفسك وعفوك عني حاشا وكلا ان تلعق حذائي فقدرك عندي كبير ومقامك عالي انت لا تتسول ولا تتوسل عفوي بل انا التي تلثم هامتك لتعفووتصفح عني تسلم يا مقنع قفاي وتوب غتاي من كل اذى وربنا يديم المحبه والاخاء والمعروف بيننا عميق شكري لللابن العزيز شقدي لتبليغك وصيتي هههههها شفت الخندريس الجابو الخرده وحاتك ما تذوقته لكين يعجبني اللون القرمزي

وردت عليه دوما

Quote: ود الموج يا خي دي فنجره ما ليها مثيل خجلتني بسماح نفسك وعفوك عني حاشا وكلا ان تلعق حذائي فقدرك عندي كبير ومقامك عالي انت لا تتسول ولا تتوسل عفوي بل انا التي تلثم هامتك لتعفووتصفح عني تسلم يا مقنع قفاي وتوب غتاي من كل اذى وربنا يديم المحبه والاخاء والمعروف بيننا عميق شكري لللابن العزيز شقدي لتبليغك وصيتي هههههها شفت الخندريس الجابو الخرده وحاتك ما تذوقته لكين يعجبني اللون القرمزي

والله اروع ما رائت من ون وتو فى هذا البورد الملتهب بالمكائد والخلافات الحادة
كلام حنين يذكرك بالخالات والعمات وناس الحلة والجيران
ياخ انتو الاتنين مفروض تكونوا مشلخين عشان الواحد يشوف فيكم صورة اعمامه وخيلانه وخالاته
وشوفتك بالبورد ما ساهلة يا دوما وبالتاكيد عودتك بشارة كبيرة خصوصا للناس الجدد الما شافو للبورد غير اللبع والشتم
تحياتى وسلامة الشوف والصحة عموما

ديشاااااااااااااااااااااااااااااااااااااااااااااااااااااكـ ..
ماما دوما .. حمد لله ع السلامة ياخ ..
والله دكتور فاروق ما هين .. جاب النجيضة عديل!!

كل التحايا لزينب الفحل دوما وربنا يديها الصحة والعافية

بالله ما تشكرولنا الراكوبه فى الخريف

دومة حتة واحدة؟

حمد الله على السلامة

وبعدين ما تاكلينا بقصة النظر والشوف خليك مع الزمن

تحياتي د فاروق

ود الصائم يا حبيب
لقيتني كيف
خطير موش الجبت ليكم الزوله دي

حمد عبد الغفار تسلم يا حبيب

الاخت العزيزة زينب فرحت بشوفتك ياخ
مشتاقين وسأله منك والله
سلامة عيونك يمة

سلامي واشواقى لكل الناس الحاضرة والغايبة