Post: #1
Title: أصبحته كيف ؟
Author: عواطف علي
Date: 03-09-2014, 05:41 PM
بتسأل أنته اصبحتي كيف ؟!
أصبحتي كيف ؟ !!
اصبحته بي عافيه الصباح !!
وشايلي الحليلي علي المراح
شن باقي لينا من الحلال ؟ ما كلو راح !!
***
اصبح تمام يا سر سعاتي والامان
أصبح قريت الفاتحي والاخلاص كمان
يا ضحكة الطفل البريء ,,
يا بسمة الزول الوفي ومليان حنان
***
قول ليا انته ,, اصبحته كيف ؟
يا أحلي من عسل النحل وكتين يكون عاطننو بي عجوة خلاص
يا الجووه جووه .. وجوه داخل أعماقي غاص
***
اصبحته كيف ؟! واصبحته كيفن يا ملاك ؟
فديتك انته فديت شذاك
وحتي لو ختاك جوووه ,, وجووه نن العين ,,
وغطاك بي رموشي أنا .. ما كفاني وما كفاك !
اصبحته كيفن يا ملاك ؟
بت علي
|
Post: #2
Title: Re: أصبحته كيف ؟
Author: بشرى محمد حامد الفكي
Date: 03-09-2014, 10:53 PM
Parent: #1
تاني أصبحتي كيف
أيوه تاني
بعد الغنا من حلاة أصبحته كيف إنشرق بأحلى المعاني
خلاني أرجع لي عيونك
أغني ليها وليها تاني
أغني لي تحنان وريده
لي زماناً ما زماني
وأنظم الآلام قصيدة
أترجم الآهات أغاني
ومن عصب شوقي البيسافر
لي عيونك ومن كماني
بشدد الوتر أبني بيهو
زمناً ربيعاً أقحواني
ولغاية ما وردة من زمانك
تبدأ تطلع في زماني
ترتِّب الزمن المشاتر
تنظِّم إيقاع الثواني
وتبقي أملاً بحيا بيهو
وتحيي في جواي أماني
ولسه تاني وبرضو تاني
أصبحتي كيف أيوه تاني
Try to make something different
thanks
|
Post: #3
Title: Re: أصبحته كيف ؟
Author: بشرى محمد حامد الفكي
Date: 03-09-2014, 10:54 PM
Parent: #1
تاني أصبحتي كيف
أيوه تاني
بعد الغنا من حلاة أصبحته كيف إنشرق بأحلى المعاني
خلاني أرجع لي عيونك
أغني ليها وليها تاني
أغني لي تحنان وريده
لي زماناً ما زماني
وأنظم الآلام قصيدة
أترجم الآهات أغاني
ومن عصب شوقي البيسافر
لي عيونك ومن كماني
بشدد الوتر أبني بيهو
زمناً ربيعاً أقحواني
ولغاية ما وردة من زمانك
تبدأ تطلع في زماني
ترتِّب الزمن المشاتر
تنظِّم إيقاع الثواني
وتبقي أملاً بحيا بيهو
وتحيي في جواي أماني
ولسه تاني وبرضو تاني
أصبحتي كيف أيوه تاني
|
|